رباعيات هشام ....((الجزء الخاااااااااامس ))

[هشام الجنيدى]

عيّل صغير قابلنى بص لى بانبهار

وقاللى نفسى اكون يا عمو زى الكبار

قلت فى نفسى اتلهى انا كنت يوم زيك...

وندمت لما هدرت طفولتى فى الانتظار..!!

نصحنى والدى وقال يوم ما فحياتى وعيت

اعمل لمستقبلك واياك تقول ملّيت

كسّل هتخسر وتندم والحياه فرصه...

مصباح علاء الدين مكانه فى الحواديت..!!

فى لسه فاضل شلن مالأجره يا اخينا

مفيش خلاص تنزل وقفاك تورينا

والله وصدقتى يا حاجه وجبتى مالآخر...

بكره هيجى الزمن نآكل فى بعضينا..!!!

طبيب سنان يا بشر والطب كله دروس

ياما ضروس شلتها وياما علجت ضروس

معجبش يوم من مريض سنانه متسوسه...

واعجب لناس قبلها اكل عقولها السوس..!!!

سبحانه اللى خلقنا وحطّنا فى اختبار

ننجح نروح جنته نسقط نروح النار

يا نفس ليه تيأسى قبل الفوات فوقى...

وجاوبى صح ولسه عندك الاختيار..!!!

كتبت بيك يا قلم لمّا اتملى الكشكول

وجبت غيره وكتبت كلام كسيف مسلول

سكت ليه يا قلم ولا خلص حبرك...

قال لسه حبر لكنه ملوش لزوم القول ..!!!

اتمنى ان تحوز اعجاب الجميع ............

وشكرااااااااااااااااااا :)

[shahd]

عيّل صغير قابلنى بص لى بانبهار

وقاللى نفسى اكون يا عمو زى الكبار

قلت فى نفسى اتلهى انا كنت يوم زيك...

وندمت لما هدرت طفولتى فى الانتظار..!!

يعني لازم تفكرونا بالذي مضى :)

ده لو كان في طفولة اصلا!!!!!!

بجد يا هشام ليك اسلوب رائع

سلمت اناملك

[shawshank]

جميلة أفكارك و أسلوبك يا هشام .

حاسس إنك متأثر أوي بصلاح جاهين ...

لما قلت :

معجبش يوم من مريض سنانه متسوسه...

واعجب لناس قبلها اكل عقولها السوس..!!!

<{POST_SNAPBACK}>

فكرتني بـ :

ما أعجبش م اللي يطيق بجسمه العذاب

و اعجب من اللي يطيق يعذب أخوه

و لما قلت:

ياما ضروس شلتها وياما علجت ضروس

<{POST_SNAPBACK}>

فكرتني بـ :

ياما صادفت صحاب و ما صاحبتهمش

[khedr]

جميله.. ولذيذه...... يا استاذ هشام

لكن..............................

مفيش خلاص تنزل وقفاك تورينا

مش كفايه عليه...

تعــــــــــــــــــــــــــــــــــــــــــــــــــــــــــــــــــــــــــــــ

ــــــــــــــــــــــــــــــب

[مهيب]

هشام ... الرائع كعهدى بك ... لقد وصلت موهبتك هنا الى قمتها .. وصلت الى أماكن لم تصل اليها من قبل من التمكن فى نظرى .. روعة من النوع الرهيب .. الطاغى ... المسيطر ... ما أن أبدأ فى قراءة رباعياتك حتى تعتلى شفتاى تلك الابتسامة اللاارادية و أنا أحسد نفسى بين الحين و الآخر على أنى أعرف هذا الفنان ...

اعذرنى لن استطيع أن أقتبس شيئا هذه المرة و أعلق عليه .. لماذا؟؟ لأننى و ببساطة كنت مصدوما من هذا المستوى و ذاك التمكن ... لم أستطع أن أخرج بساخفة نقدى كالمعتاد لأن ما قرأته لك جاء متكاملا .. سهلا .. منسابا .. متماسكا لأبعد الحدود ...

حقا لكم تبلغ دهشتى مبلغها و أنا أسائل نفسى من أين تأتى بالأفكار ... و بالصياغة .. و بذلك الصدق و الكلام الذى يشبه السهام يخترق العقول و القلوب على حد سواء

و أصدقك القول .. لو كانت رباعياتك مطبوعة ... لوضعتها على رف مكتبتى بجوار رباعيات جاهين

سلمت لنا ... و لا تحرمنا من ابداعك أبدا

مهيب

تم تعديل 26 ديسمبر 2005 بواسطة مهيب

[الطيار المصرى]

انا الذي انظر اليك بانبهار........

كلماتك ....تعبيرتك.....احساسك الساحر الذي لا يوصف........لا توجد

كلمات اوصف بها رباعياتك العظيمة........

ياخوانا..حد يقولي...حد يقولي ..ماحدش قاللي........امتي هاشوف ديوان هشام...

نفسي اشوف ديوان ليك قبل ما اموت........

يا رب حققلي الامنية دي.......

الطيار المصري........ثانوية عامة ( الله يحرقها ) mfb:

[هشام الجنيدى]

الاخت شهد :

شكرا على مرورك الكريم وبقولك هو حد يقدر ينسى طفولته لو كانت سعيده او حتى كانت بؤس نحن ننسى كل شىء الا الطفوله ...........لانها لا تنسانا...

الاخ شواشنك:

اشكرك على مرورك الكريم اما بالنسبه لتأثرى الواضح بالرائع صلاح جاهين فهذا شىء لا انكره فهو استاذ الرباعيات ولا شىء يضاهى اسلوبه المميز ولا اخفى عليك الرباعيتين اللى اشرت اليهم فعلا لما كتبتهم حسيت بانهم مش بعيد عن عن الرباعيتين بتوع صلاح جاهين بس مقدرتش اكتبهم الا كده وملقتش ليهم حل الا الشكل ده ...........

ميديو خضر :

ارحب بك زائرا جديدا على صفحتى المتواضعه اما بخصوص القفا فلسه ياما هيشوف وربنا يستر...........

الاخ العزيز الصديق مهيب :

اخجلتم تواضعنا انا فعلا اللى بحسد نفسى على كلامك الحلو ده ورفعك لمعنوياتى وبجد وحشنى نقدك وقلمك اللماح الذى لا يترك خرم ابره الا وينقدها ويجيب خباياها ......... سعدت جدا بمرورك بعد طول غياب عن صفحتى المتواضعه واتمنى ان تظل افكارى واعمالى تثير دهشتك لانى وقتها احس بالفرق .......

الطيار المصرى :

شكرا على وصفك رباعياتى بالعظيمه انها لشهاده اعتز بها حقا خصوصا من من هو فى مثل سنك يعنى من الجيل اللى انا اعتقد انه جيل مظلوم كل الظلم فى ثقافته وزحمة الحياه بكل ما فيها من اسفاف وخزعبلات ومؤامرات على اخماد حضارتنا العربيه والفنيه الجميله واخيرا اتمنى انا ايضا من الله ان ارى ديوان لى قبل

ما موت .......... وربنا يدينا طولة العمر ويوفقك فى الثانويه العامه او يحرقها زى مانتا بتتمنى ...... :)

وشكرااااااااااااااااا :)

[السيد عباس]

كتبت بيك يا قلم لمّا اتملى الكشكول

وجبت غيره وكتبت كلام كسيف مسلول

سكت ليه يا قلم ولا خلص حبرك...

قال لسه حبر لكنه ملوش لزوم القول ..!!!

الله عليك يا عم هشام

والله هوده حالنا كلنا يسلم قلمك

[رعد الاسكندرانى]

ايه يا عم اتش الكلام المتين ده بجد بجد انت انت انت مش عارف اعبر اللى انت عملته ده فىّ فعلا من احلى الحاجات اللىاقتهالك كل مرة بتكتب احسن من اللى قبلها ربنا يوفقك يا ابو اتش

بالمناسبة عجبنى الربط اللى عملته بين دكتور الأسنان وبين فكرتك فى الموضوعحقيقى رغم ممارستى للمهنة لكن عمرى ماخطرلى الرابط ده

شكرا بجد على لفت النظر على الرابط ده

وبالتوفيق يا دكتور اتش

[ام البنات]

استاذ هشام

ماشاء الله كلمات جميله تصل الى القلب

ماشاء الله

اخجلتنى من مدحك وانا لاشئ

وانت صاحب قلم يستحق كل التقدير

جزاك الله خيرا يا استاذ هشام على رباعياتك

تم تعديل 30 ديسمبر 2005 بواسطة ام البنات

[سيزيف]

عزيزى هشام

انت جميل كعادتك

ارجو لك التوفيق

وفى انتظار المزيد

[guitar sound]

بصراحة لو اتحطت وسط شغل جاهين

حقا وبجد مش هتبان

تمام ياباشا

[شاعرالرومانسية]

كتبت بيك يا قلم لمّا اتملى الكشكول

وجبت غيره وكتبت كلام كسيف مسلول

سكت ليه يا قلم ولا خلص حبرك...

قال لسه حبر لكنه ملوش لزوم القول ..!!!

<{POST_SNAPBACK}>

اخى هشام

كلماتك الرشيقة ... واسلوبك السلس ، هما طريق وصولك الى القلوب

اعجبتنى تلك الرباعية الاخير جدا ، حيث انها خير خاتمة لكل ما سبقها

فهى تلخص ما قيل ... وما لم يقال ..

لك منى خالص امتنانى .. ولقلمك الرشيق كل التقدير :D