نعرف بعض أكثر

[akram el halawany]

اهلا بك  ومرحبا اخي العزيز اكرم

شرفتنا ...آنستنا..اهلا بوجودك عندنا :D

نسعد بوجودك معنا وبيننا ونرجو ان  نكون قد اسعدناك  :D

اما بالنسبه لتنويه حضرتك بخصوص البعض الذي يحرص علي الكتابه باللغةالانجليزية فده مش قرننه ولا إستعراض لغات لاننا الحمد لله هنا كلنا يحرص علي لغته ووطنيته بالرغم من كل المؤثرات الخارجية... لكن فعلا البعض بيكون واخد علي الكتابة باللغه الانجليزية فبياخد وقت أكتر في الكتابة باللغة العربية ...مثلا انا مش بعرف اكتب انجليزي  اوي بنفس السرعة اللي بكتب بيها عربي :) 

وعلي العكس تماما كمان اخويا بياخد وقت علشان يركز في الكتابةبالعربي زي حال الدكتور  محمدخالد...دكاتره زي بعض بقي ;) . يعني كل واحد علي حسب ما أخد :D كمان ممكن يكون في الخارج وماعندوش لوحة مفاتيح معربه(لي صديقه كانت كده وكانت بتعلني في الكتابه بالانجليزي المعرب او العربي الانجليزي بمعني اصح) :D

وبسسسس

وأهلا بك مره أخري

وعايزين شوية مشاركات تلوح و ورينا بقي :D

ومع تحياتي لك وللاسرة الكريمة

<{POST_SNAPBACK}>

[الرافعي]

قشطه يا حسام

مرحبتين بك سواء في مصر أو عند الأعداء اللي ما يتسموش ..

يبقى أحنا كده قربنا نكمل عدد منتخب السلاح ... عندنا سنايبر ( ربنا يرد غيبته من البلاد البعيده ... إدعوا له )  أستاذ في الرمي بالندقية والطبنجة .. وأدي كمان حسام تخصص شيش ... ومن الأول س س تخصص نبلة .. يبقى كده ما فضلش حاجة غير القوس والسهم ...

قولي بقى .. سِلم ولا دكه ؟  :)

يعني طياري وماشي على طول ولا لازق وقاعد معانا ؟

<{POST_SNAPBACK}>

حلوة أوي سلم ولا دكة دي يا س

يا ترى فيه عندك أورمة (للجزارين) ؟؟

[Sherief AbdelWahab]

للرفع :ph34r:

خلص الكلام

[fayrouz]

فيروز

20 سنة من القاهرة

لسنس ألسن قسم لغة انجليزية ......وشغالة دلوقتي في امتحانات الترم ( يا رب وفقني )

انا حاسة ان انا اصغر واحدة هنا :ph34r: :wub:

كلكم ما شاء الله متزوجين وفية بعضكم ولادهم اصغر مني بحاجة بسيطة

لكن انا بحب ادخل في مجتمعات متنوعه فيها كل الاعمار عشان بلاقي دي حاجة مفيدة جدا

يا تري تقبلوني معاكم :D

[se_ Elsyed]

فيروز

20 سنة من القاهرة

لسنس ألسن قسم لغة انجليزية ......وشغالة دلوقتي في امتحانات الترم ( يا رب وفقني )

انا حاسة ان انا اصغر واحدة هنا  :happy:  :)

كلكم ما شاء الله متزوجين وفية بعضكم ولادهم اصغر مني بحاجة بسيطة

لكن انا بحب ادخل في مجتمعات متنوعه فيها كل الاعمار عشان بلاقي دي حاجة مفيدة جدا

يا تري تقبلوني معاكم  :D

<{POST_SNAPBACK}>

إيه يا فيروز ؟

والله عيب كده ..

يا ماما إنتي بقيتي تخصص صالونات ترحيب ولا إيه ؟

مش إنتي فيروز بتاعت أنا عايزة صقفة للنبي دل ما أخد في وشي وأسيب لكم المنتدى ؟

[Eng_Willo]

وائل

ماشى فى ال23 سنة. و من القاهرة كمان.

طالب فى هندسة القاهرة electrical power engineering ,بجد انا مش عايز اقولكوا القسم دة هايل قد ايه....مشكلته الوحيدة فى امتحاناته و تصحيحها و طبعا بعض الدكاترة من العينة اللى انتوا عارفينها.

بجد حلمى اننى اتخرج من الكلية و ابعد عن التعليم و الشغل السىء اللى هنا و اسافر اى دولة بتهتم بالتكنولوجيا . زى ماليزيا او المانيا(اكتر دولتين نفسى اشتغل فيهم) .

نفسى اعمل دكتوراة و ارجع مصر و احاول اصلح من اللى بيحصل فى الجامعات هنا ,, نفسى الاقى جيل من الشباب المصرى عندة الفرصة و الامكانيات عشان يبدع.

نفسى..............................

حاجات كتير و يارب تتحقق. ادعولى

[fayrouz]

إيه يا فيروز ؟

والله عيب كده ..

يا ماما إنتي بقيتي تخصص صالونات ترحيب ولا إيه ؟

مش إنتي فيروز بتاعت أنا عايزة صقفة للنبي دل ما أخد في وشي وأسيب لكم المنتدى ؟

:wub: :D

الموضوع دة غير التاني

هنا كتبت انا عندي كام سنة وبعمل اية في الحياة :happy:

ولا اخد في وشي وامشي ؟؟ :) :D

[geny]

:sad:

اسمى محمد ...لسه مكمل 19 سنة من 9 ايام بالظبط :lol:

كلية حقوق القاهرة الصف الفرقه التانية ..اينعم كان المفرووض التالته ..بس لازم نجرب برضه السنوات كلها تانى :wub:

عجبنى المكان هنا وانا بقى اللى ااعتقد انى اصغر واحد بينكم لانى اتخضيت حبة من الاعمار اللى شفتها هنا :D

بس شايف او فى رايى الشخصى ان العمر مش بالسن والارقام

العمر الحقيقى بطريقة التفكير وبالراى فى الموضوعات المختلفه

هيا اللى بتحدد عمرك كام

بس مش هتقل عليكم يعنى

اسيبكم بقى وااروح امتحن :wub:

[Eng_Willo]

:wub: 

اسمى محمد ...لسه مكمل 19 سنة من 9 ايام بالظبط  :lol: 

كلية حقوق القاهرة الصف الفرقه التانية ..اينعم كان المفرووض التالته ..بس لازم نجرب برضه السنوات كلها تانى  :D 

<{POST_SNAPBACK}>

يا محمد بلاش موضوع كان مفرووض دة عشان احنا لو فتحنا فيه يبقى مش هنخلص :sad:

و الله انا بفكر اعمل موضوع جديد فى باب التعليم عشان الحكاية دى ايه رأيك؟؟؟

[مصرية الهوى]

يا فيروز يا حبيبتي متخفيش أنا جنبك اهوه ..

أيتها حاجه تعوزيها قوليلي وانا اجيبهالك على طول ..

بس انتي غنيلنا غنيّة

:D

ايه الموضوع الجميل المختفي ده :D

طب اعرفكم على نفسي :wub:

(يابنتي منتي بقالك يجي سنة قرفانا .. عارفينك وعارفين اللي خلفوكي كمان )

انا جيجي بس اهلي بيدلعوني ويقولولي يا وجدان :D

عندي 22 سنة .. هأتخرج ان شاء الله على اواخر يوليو الجاي

من كلية التربية - حاسب الي ..

سعودية حتى النخاع وبعشق بلدي .. بس اصلي القديم من الاردن ومن مدينة معان بالتحديد ..

و قاعده هنا في المحاورات بين اهلي وحبايبي :D

عندي تلات اخوان صبيان اصغر مني .. كلهم تالته .. ثالثه كلية - ثالثه ثانوي - ثالثه اعدادي :D ..

واخت اكبر مني متجوزة وعندها بنووووتة بموووووت فيها mfb: اسمها "رزان" بس محدش الله يخليكم يقول

سميتوها على اللي متتسمى رزان مغربي .. عشان انا فعلا اتعقدت :D

احب التصوير جدااااا .. ونفسي ادرسه دراسة اكاديمية

واحب اقرا روايات وخاصة يوسف السباعي ومحمد عبد الحليم عبد الله..

واحب اقعد على الكمبيوتر بالساعات ..

احب اسمع محمد منير واليسا ونانسي وسامي يوسف B)

بس خلاص ..

:)

تم تعديل 23 يناير 2006 بواسطة مصرية الهوى

[geny]

:) 

اسمى محمد ...لسه مكمل 19 سنة من 9 ايام بالظبط  :wub: 

كلية حقوق القاهرة الصف الفرقه التانية ..اينعم كان المفرووض التالته ..بس لازم نجرب برضه السنوات كلها تانى  :D 

<{POST_SNAPBACK}>

يا محمد بلاش موضوع كان مفرووض دة عشان احنا لو فتحنا فيه يبقى مش هنخلص :D

و الله انا بفكر اعمل موضوع جديد فى باب التعليم عشان الحكاية دى ايه رأيك؟؟؟

<{POST_SNAPBACK}>

:D

على رايك

الف شكر على ردك الجميل :ninja:

[ahmedbd]

السلام عليكم

احمد

26 سنه

مهندس ميكانيكا

اعمل فى تصميم منتجات اضاءه باحدى الشركات المصريه

متزوج و ربنا يسهل

[MZohairy]

محمد زهيري

مدير مالي بالرياض وبقالي 13 سنه في السعوديه وهنهاجر كندا السنه دي انشاءالله

وأنا من القاهرة من حي الزمالك

بعشق الموسيقى ومحمد عبد الوهاب وخصوصا اغانيه الجديده ما بعد 1940 :D

اجيد العزف على العود بامتياز وطولي 193 سم :P

ابني لؤي 9 سنين

وبنتي لجين 7 سنين

والاتنين بمدرسة السفارة الفرنسية بالرياض

وأمهم تونسية (شريكة حياتي)

انا عمري 22 سنه يعني مواليد 84 او 86 حاجه كده :)

أي خدمه :angry:

[الأفوكاتو]

عزيزى الأخ محمد زهيرى,

دعنى أعيد كتابة بعض ما ورد فى تعريفك بنفسك:

انا عمري 22 سنه يعني مواليد 84 او 86 حاجه كده

هل يعنى ذلك أنك لست متأكدا من تاريخ ميلادك؟

ثم :

ابني لؤي 9 سنين

أى أنك رزقت به و عمرك 13 سنة؟

ثم:

وطولي 193 سم

و أعتقد أن هذه واسعة قليلا( أو كثيرا), إلا إذا كنت من سلالة الفراعنة مباشرة.

ثم:

مدير مالي بالرياض وبقالي 13 سنه في السعوديه

كنت فى السعودية عندما كان سنك 8 سنوات؟ و أصبحت مدير مالى فى سن 22 سنة؟

و تسكن فى الزمالك و السعودية فى نفس الوقت؟

طبعا أنا متأكد أنك بتهزر,

تقبل تحياتى

[MZohairy]

أخي أفوكاتو

خليني أشرحلك

أنا طبعا عمري أكبر من كده بس مبحبش اتكلم في الأعمار لأن الأعمار بيد الله :D

ثانيا والله العظيم 193 سم :)

ثالثا أنا مقيم بالرياض من 13 سنه :angry: وبلدي مصر وأكيد كنت ساكن في حته قبل ماجي الرياض صح ؟

الحته دي بقى هي الزمالك في القاهره :P

باقي المعلومات أكيدة وموثقه 100%

وأي خدمه

[الأفوكاتو]

أخى محمد زهيرى:

براءة هذه المرة.

ربنا يهنيك بأولادك

تحياتى.

[MZohairy]

شكرك يا أفوكاتو باشا

انتهز الفرصه وأسأل

مفيش حد مصري غيري في الرياض طوله 193 ومن هواة التعارف عشان نتعرف على بعض ؟

[geny]

:angry2: ينفع شاب مصرى طالب لسه

وطوله 190 ؟؟؟؟

[se_ Elsyed]

الواجب يُحتم علي أن أضيف نقطة في بطاقة تعارف أخي محمد زُهيري

- محسوبكم أيضاً مُقيم بالرياض من عقد من الزمن .. وكان لنا صديق مشترك ( بين زُهيري والعبد لله .. وهو أخونا محمد جرمون لإنهما كانا يعملان في نفس المؤسسة ) المهم ذات مرة بندردش أنا وجرمون على التليفون فسألته وقلت له إن في شاب مصري صغير في السن ولسه بيبدأ حياته وبيدور على عمل كمحاسب .. ألاقيش عندكم وظيفه له ؟ مع إني ماعرفش الشاب ده شخصياً لكن واحد صديق كلمني عنه ... فقال لي جرمون خد معاك واحد محاوراتي أهو إنت ما تعرفوش إسمه زهيري .. وبالفعل تحدثت معاه تليفونياً فقط وكان أول طلب طلبته منه وظيفة لهذا الشاب .. والحمد لله أستطاع زهيري ومعه جرمون إنه يدبروا له وظيفة محترمة براتب محترم أيضاً والراجل كان فرحان جداً لدرجة إنه من فرحته نسي يتصل بي بالتليفون لحد دلوقت :angry2:

فتحية للأخ الكريم Mzaohairy وجزاه الله خيراً ... فمن لم يشكر الناس .. فلم يشكر الله ...

ما عندكش بقى يا زهيري وظيفه لي بالمرة قبل ما تتكند وتسافر كندا :blink:

على فكره أخوك سين سين بيلعب في الـ 173 سم مربع ... أنفع ولا كده أبقى قزم ؟

[MZohairy]

يا أخي بقولك 193

193

غريبه بلاش تماحيك بقى :angry2: