نعرف بعض أكثر

[واحد تاني]

نورتنا يا واحد تانى :wub: .. ايه الاسم الغريب ده ليه عايز تبقى واحد تانى ما انت كده كويس

الله ينور مقدارك يا Yacho هانم منور بصحابة ,,, ما غريب الا الشيطان يا ستى بس انا اتعكبلت فى مداخلة "فلان ابن علان" المنضنضنضم حديثا زى حالاتى واللى اعلن ان الكل هنا متراقبين فا قلت اخدها من قصيرها على اساس لوحصل فى الامور امور يقبضوا على "واحد تاني"

اهلا بيك يا واحد تاني ...

اهلين روح الشرق

:

بس احب اكون ضمن لجنة استقبال الطلاب الجدد قصدي الاعضاء الجدد..... mfb:

منوريييين.....دحنا هنريحووووووووكي..... :wub:

باسم كل الطلاب الجدد وباسم اتحاد الطلبة واتحاد نقابات عمال مصر والاتحاد السكندري اتقدم بالشكر للباشمهندزة على الترحيب بالدفعة الجديدة

ربنا يريحك بس من غير ما ننزلوا البادروووم

الى كل فتوات القاهرة المحروسه

توجد هجمه اسكندرانيه شرسه على الموقع

كل واحد يجهز سنجته و مطوته و كلبه السان بيرنار

ويجي على الموقع قبل حدوث الاحتلال

اوبـ - ـــبازز... الحق يا اوستاز ياسو يا عمدة محرم بيه الفنان بيلم علينا فتوات الزمالك لا لا لا مفيناش من كده دانا لسه اول حصة ليا النهاردة

ملوش لزوم يا فنان خللى الباش فتوات مرتاحين (احسن ما يحصل مالايحمد عقباه وعقباه دى غير ميت عقباه) الاسكندرانية ناس طيبين وفى حالهم (بس ساعة الغلط بنطرطش ايه يا باشا ؟؟؟ ) عموما احنا جايين نهدى النفوس

[واحد تاني]

مرحبا بك يا واحد تاني بين إخوانك وأخواتك

ها قد أشعلت شموع الترحيب وأضئيت مصابيح التهليل

يا لغاليغووووووووووووووووووووووووووووووووو

مازا اقولو وايو شايئن يقالو بعد كل ما قاد قيلو ...... ياخبر ابيض ياجدعان اييييييه ايه الحلااااااوة دي (دا بمناسبة لغاليغو يعنى وكده)

الشكر كل الشكر ل (مصرية يعنى مغربية)هانم على كل هذا الكم من اللطافة والبلالين وربنا يجعلنا عند حسن ظنكم ونقدر نرد ولو جزء صغير من بلالينكم دى فى اقرب توبيك.

[yasovinas]

واضح قوي ان مصريه يعني مصريه تعاقدت مع نجاتي اللي كان بينفخ البلالين مع الجدع الطخييين بتاع الكاميرا الخفية

نداء الى كل اهل قاهرة المعز الفتوات والصيع وكل من ينادي ويقول (شيلوه من عليه لاقطعوا) وكل من صرخ باعلى صوته وقال (طاوعني هحبسك انت ما تعرفش انا مين) والى كل شاب هيبس من الزمالك والدقي والسبع عماير والى كل واد روش من المنيل والمهندسين ومصر الجديده

والى كل رجال مصر عتيقة والسيده والحسين ارجوا ان لا تلبوا نداء المعلم اللواء الدكتور زهيري فنحن قد اتينا ؛؛؛؛ لا نعلم من اينا ؛؛؛؛ ولكنا اتينا ؛؛؛؛ بكل الحب لاهل مصر الكرام

واسمع سلام باحترام جاي على رفرف بيجو سبعه راكب طالع من موقف القللي من غير كارته وبيقول

سوسو اهرشلي في ضهري

سوسو طرقعلي صوابعي

[وليد صفوت]

سوسو اهرشلي في ضهري

سوسو طرقعلي صوابعي

يخرب بيت اللى يزعلك يا ياسو :blush: :o :wub:

[نورية]

سوسو!!!!!!!!!!!! :o

هى وصلت لحد سوسو؟؟؟ بلاها سوسو و خد نادية يا ياسوفيناس ( الا بالمناسبة يعنى ايه) :blush:

طيب حيث اننا بقالنا تلاتلاف تمنمية ستة و خمسين مشاركة من غير سؤال فانا راح اتطوع و اجى على نفسى و احط سؤال

و سؤال بجد المرة دى مش هزار

لاحظت ان فيه زيجات بيكون فيها الزوجة اكبر من الزوج بسنة او سنتين.....و لاحظت بردو انه بيجمعهم حب و مودة غير عادية.... طيب ليه مجتمعنا بيرفض فكرة انه تكون الزوجة اكبر من زوجها ؟

يعنى مثلا اهل البنت يقفوا قدامها و يقولولها (دة اصغر منكككككككككك و عيل ) .. مع ان الفرق ممكن يكون حتى شهور

و اهل الولد يعارضوا بشدة و يقولوله( يابنى بكرة تكبروا انتوا الاتنين و تلاقيها توصل لسن شكلها فيه يبقى اد امك و انت تبقى صغير) مع ان الفرق بردو بيبقى قليل....

ليه مجتمعنا العربى المسلم بيرفض كدة مع انه قدوتنا الشريفة سيد الخلق سيدنا محمد صلّى الله عليه و سلم كانت اولى زوجاته و احبها الى نفسه و اقربها الى قلبه هى السيدة خديجة رضى الله عنها اللى كانت اكبر منه ب15 سنة بحالهم؟؟؟ و هى كمان اللى طلبته للزوج؟؟؟

ياريت كل المنتدى يشارك برأيه

[nancy]

اهى نقطة جهل من ضمن النقط الكتيرة

مع ان السن دة مش مشكلة مدام فى حدود المعقول مش خمس سنين مثلا

بس الراجل الشرقى

لازم يكون هو الاكبر واعلى علم من مراتة والاحسن فى كل حاجة حتى انها تكون طولة مش مستحب

تاثر على رجولتة الى بيقيمها بالكيلو

بس الموضوع دة مش مجالة هنا لان هنا تعارف

مش تقليب مواجع على ذوى القلوب الضعيفة

يلا يا نورية ولا يهمك خليكى انت فى القمر بتاعك بلا وجع دماغ

[نورية]

نانسى الجميلة :P

مش عارفة ليه كل ما اشوف اسمك افتكر البنت الصغيرة اللى كانت طالعة مع نانسى عجرم فى اغنية (سحر عيونه) :P

عامة مليون بوسة ليكى حبيبتى :D

تصدقى انا مش عارفة انا كتبت ايه و فين.... شكلى اتلخبطت ولا ايه :P

مش مشكلة بقى ... :ph34r:

[Guest النسر المصري]

احم احم

انا بس حبيت ارحب بالأخوة الأعضا الجدد

السيد واحد تاني .......

تاني ولا تالت ولارابع حتى ...اية يعني هتخوفنا.....احنا مابنخافوش والحمدلله.....وبعدين دة نسر وريشي...أأأقصدي دمي حامي

(انا بهزر طبعا لبعدين تقوم تفز تنتف ريشي)

الغالية جدا نورية

طبعا انا مش هارحب بيكي اساسا لانك انت رحبت بي من الأول...انا هاتخطى الترحيب واهضعك في اولى اهتماماتي ....وعايز انبه العالم هنا...

اعلن انا النسر المصري ...الفتوة الصغير الأبن للمعلم حلاوة العنتبلي

ان نورية دي في حمايتي لحين عودة خطيبها القمر أفندي من بره...واللي يقربلها اقطع خبره

فاهمين :ph34r:

[الرافعي]

طبعا انا مش هارحب بيكي اساسا لانك انت رحبت بي من الأول...انا هاتخطى الترحيب واهضعك في اولى اهتماماتي ....وعايز انبه العالم هنا...

اعلن انا النسر المصري ...الفتوة الصغير الأبن للمعلم حلاوة العنتبلي

:ph34r:

أخي الحبيب النسر المصري (الفتوة)

أيوة كدة ... الحارة كانت محتاجة للفتوة العادل ... مش الفتوة الظالم ... الفتونة دي أخلاق ...

هتاف بين العامة في الحارة للفتوة الجديد بعد أن أحسوا ببريق الأمل في مستقبل حياتهم البائسة بعد طول المعاناة ...

النسر الناجي ... إسم الله عليه ... النسر الناجي ... إسم الله عليه

تحياتي .. أيو كده يا راجل إرجع لمحبينك .. وموضوع الشم لا تجعله في بالك .. هاترتاح شوية من الروائح الغير طيبة لبعض الجيران من الجنسيات اللي انت عارفها جيداً .. الله يصلح حالهم

ما علينا على رأي ياسو ... اتفضلوا ارجعوا لموضوعكم..

نعرف بعض أكثر ...

[MZohairy]

الى جميع أهالي القاهرة الكرام

الى فتوات بولاق ابو العلا

و مصر القديمه

و شبرا

والدرب الأحمر

و السبتيه

والقللي

والسكاكيني

وبولاق الدكرور

والباطنيه

الى فتوات حي الزمالك... :P

عفوا مفيش فتوات في الزمالك :P

الى كل فتوات القاهرة المحروسه

توجد هجمه اسكندرانيه شرسه على الموقع

كل واحد يجهز سنجته و مطوته و كلبه السان بيرنار

ويجي على الموقع قبل حدوث الاحتلال

الموقع ينادي كل الفتوات الشرفاء

الى توتو ني فتوة الزمالك

و ميمي ياي فتوة جاردن سيتي

الكلاب اللولو تجهز بسرعه :P

أكرر النداء لأهالي القاهرة الكرام

اين نخوتكم ؟

اين النشامى ؟ :ph34r:

اين الصناديد ؟ :D

فزوا

انطلقوا للكفاح

حي على الكفاح

و بهذه المناسبة العطره أهديكم أغنيه وطنيه (غير القديمه بتاعة هاني شاكر) للقائد الركن صدام حسنين

فوت بيها وعلى الزلم خليها

هدا بو الحسنين طالع فيها

فوت بيها وياك عدي و قصي

في الضلام الاتنين يخلوهالك ضي

ياللا يا جماعه بقى احسن نتأخر ! :P

[omar al masry]

السلام عليكم

يمكن للكل مناداتى بعمر المصرىو انا عضو جديد في الموقع واتمنى انى اكون عضو فعال

بحب جدا التاريخ وهو مجال اهتمامى بجانب الادارة و انشاء الله اول موضوع هكتب فيه هو

"خطر البهائية"

نظرا لظهورها مؤخرافى مصر هيكون الموضع عن تاريخها ومعتقداتها و مؤسسيها.

اتمنى انى مكونش ممل

[nancy]

اهلا بيك يا عمر

بس انت مقالتش حاجة عنك يعنى سنك حالتك الاجتماعية دراستك نوع عملك عايش فين

دة لو تحب الناس الى حواليك تعرفك اكتر

[omar al masry]

اهلا بيك يا عمر

بس انت مقالتش حاجة عنك يعنى سنك حالتك الاجتماعية دراستك نوع عملك عايش فين

دة لو تحب الناس الى حواليك تعرفك اكتر

انا عمرى 23 سنة, اعزب. انا متخرج من كلية التجارة جامعة عين شمس

حاليا شغال فى دهب ده اذا اعتبرنا ان فى شغل دلوقتى اصلا, حاصل على دورات

فى الغوص والانقاذ من الاتحاد المصرى و عملت معادلة من سنة وحولت للاتحاد الامريكى

هوياتى القراة والرسم بجانب النحت على الخشب, وده الى بعملة فى حياتى.

[nancy]

اهلا بيك تانى يا عمر ومدام ليك فى الرسم والنحت تبقى من مجموعتنا

النسر المصرى وانا ونورية لاننا احنا التلاتة خريجى فنون جميلة ولنا اهتمامات فنية

[مصرية يعني مصرية]

........................................................................::.................................

أخي عمر المصري

عانقت جدران منتدانا

عطر قدومك ... وتزيّنت

مساحاته بأعذب عبارات الود والترحيب

ومشاعر الأخوة والإخلاص ... كفوفنا ممدودة

لكفوفـك لنخضبها جميعاً بالتكاتف في سبيـل زرع بذور

الأخلاقيـات الراقيـة ولا نلبـث أن نجني منهـا

إن شاء الله ثمراً صالحاً.. ونتشـارك

كالأسرة الواحدة لتثقيف بعضنا

البعض في كل المجالات

أتمنى لك قضاء

وقت ممتع

معنا

تم تعديل 14 مايو 2006 بواسطة مصرية يعني مصرية

[محمود الشاعر]

الاسم اللي تعرفوا محمود الشاعر

مواليد برج الجدي 1/1/1972

من القاهرة

مدير فني لآحد الشركات العاملة فى أجهزة متخصصة

متزوج وعندي ولد وبنت

مارست الصحافة فترة و التمثيل و الاخراج المسرحي قبل الجواز

شاعر ( أو هكذا يقال عني حيث أني مصنف من جيل التسعينات و ساعات الثمانينات مع مختلف معاهم فى الراي )

لي ديوان منشور فى الهيئة ( طبعا غيرت اسمه هنا و القصيدة اللي نشرتها عندكم قديمة مش منشورة )

عشت فى بلاد كتير ( ليبيا / الخليج / أمريكا/ الخليج / مصر )

فى حاجة تاني أه

بأهتم بالحركة الفنية ( كل ما هو أبداع جاد عموما )

لي بعض الفلسفات العبيطة

شكلي حلو ( وسيم يعني مراتي بتقولي أني ما بيبانش على سن وده مضايقها أعمل أيه )

لو حد عنده اسئلة انا تحت أمره بس مش هقول اسمي الحقيقي

[nancy]

اهلا بيك يا محمود

انا عجبنى افكارك وكل ما ادخل موضوع الاقيك كاتب افكار تتماشى مع افكارى

فاهلا بيك يا صحبى :o

[bo ghareeb]

السلام عليكم،

أنا معنديش سينس أوف هيومر زي معظم الأعضاء اللي بيحلوا المنتدى و بيخلوا الواحد متلهف على دخوله و لذلك أنا حقدم نفسي على طول.

أسمي هيثم

مواليد 23 أغسطس 1969

مولود بالظاهر متربي بأمريكا (حصلت على الابتدائية و الأعدادية من هناك ) و خريج مدارس الحرية (الثانوية بمصر ) و الجامعة من الامارات و الأن أعمل مدرس انجليزي بالامارات.

لي أخ و أخت أمريكان (الأخ هاجر لمينيسوتا من 6 سنين) و أمي الله يرحمها.

الوالد (ماشاء الله عليه ) أتجوز وهو 62 سنة و على المعاش.

متهيألي خلاص كفاية ملل بقى.

[مصرية يعني مصرية]

الاسم اللي تعرفوا محمود الشاعر

مواليد برج الجدي 1/1/1972

******************************************************************************

أهلا بيك يا محمود

تصدق أنا كمان جدي زيك 27/12/1973 و بحب أفكارك أوي و أحيي فيك الأدب و الزوق في ردودك

ودي مني ليك

[مصرية يعني مصرية]

السلام عليكم،

أنا معنديش سينس أوف هيومر زي معظم الأعضاء اللي بيحلوا المنتدى و بيخلوا الواحد متلهف على دخوله و لذلك أنا حقدم نفسي على طول.

أسمي هيثم

*****************************************************************************

وعليكم السلام هيثم

ممكن تشرح لي يعني إيه ( سينس أوف هيومر ) عشان أعرف أرد عليك أصل أختك ثقافتها فرنساوي :rolleyes:

لكن قبل كل حاجة نقول لك