نعرف بعض أكثر

[nancy]

سهام

سينس أوف هيومر

يعنى حس فكاهى يعنى يقصد ان دمة مش خفيف

بس معتقدش اكيد خفة دمك حطلع مع الناس الى هنا متقلقش دى ناس بتنطق الحجر يابنى

وعموما اهلا بيك يا هيثم بينا احنا حنلملك شوية من سينس أوف هيومر

ونبعتهولك على الامارات

[واحد تاني]

عقلي الباطن:

يااااه يا (مصرية يعني مصرية) ...... جدك مواليد 27/12/1973 !

(وش كبير الرحيمية)

[محمود الشاعر]

نانسي الصديقة الصدوقة

شكرا على الترحيب والمجاملة أما بخصوص افكاري فهى دي فعلا شخصيتي لاني كنت ولد وحيد لاسرة فيها ثلاثة بنات اكبر مني واصغر مني و عشنا فى الغربة فترة طويلة و كنت بشغل نفسي بالقرأة والدي له تأثير كبير على أفكاري خصوصا انه بيعتبر من علماء المسلمين المتفتحين عقليا كذلك جدي

عموما شكرا لك يا أختي العزيزة

الاخت الغالية مصرية يعني مصرية

ربنا يخليك ويخلي مصر ليك يا رب

عموما أحنا ممكن نعمل رابطة برج الجدي ( طبعا أحنا قادة غصب عننا و هنعمل انقلاب و نمسك المنتدى ( أنا بهزر يا ادارة محدش يضرب ) )

[omar al masry]

اهلا بيك تانى يا عمر ومدام ليك فى الرسم والنحت تبقى من مجموعتنا

النسر المصرى وانا ونورية لاننا احنا التلاتة خريجى فنون جميلة ولنا اهتمامات فنية

عمر المصرى يعلن انضمامه لمجموعة النسر المصرى و نانسى و نورية

ده اذا ماكنش حد عنده مانع

[Set_Amina]

:P

ست أمينة يعني اللي هو أنا بتحيي الحاضرين والغايبين واللي مش بيجيوا المنتدى كتير زي حضرتي، طبعا ده تقصير مني تجاه كل الأصدقاء لكن أعمل ايه ماحدش بياكلها بالساهل ;)

باسمع عن رسامين ونحاتين (مش نحت قشر بطيخ طبعا) ولذلك أحب أضم صوتي لصوتكم واعرفكم اني فنانة مخضرمة أكل الفن مني وشرب زي ما هو عاوز بس للاسف ركنته شوية على الرف لظروف نفسية كنت فاكرة انها مؤقتة لكنها طلعت مؤبدة

انا ياحلوين وحلوات الموضوع ده خريجة قسم حفر فنون جميلة والحاجة الوحيدة اللي الفن ساب أثره عليا هو الهيومان والتباع اللي اسمه ايه ده ، المهم يعني حب الضحك والفرفشة رغم كل الالام اللي جوه واللي مش لازم ابدا تطلع بره علشان توجع اكتر

نهاركم جميل زي قلوبكم وادعو لي بالتواصل رغم مذبحة الشغل اللانهائية

[كمبورا 6]

حلاوة باشا العنتبلى : فاما بنعمة ربك فحدث... :D ..هههههههههههه هوة حد لاقى عرسان الايام دى.... كمان لو الراجل المتغرب دة مصادفة دخل المنتدى و يلاقى اسمى منور :wub: و كاتبه عنه الحاجات الحلوة دى مش بردو ساعتها راح تنتفخ اوداجه و يشعر بانبعاج شديد و انشراح فظيع . :D :D ..

طيب انا راضي ذمة حريم المنتدى اللي كلهم "ولله الحمد" اصغر واحده فيهم يرمح في ذمتها الخيل عشرايام بلياليهم ما يجيب اخرها؛؛؛

في واحد في الدنيا دي هتنتفخ اوداجه ويشعر بانبعاج شديد وانشراح فظيع وهو شايف خطيبته اللي انطس في ؛؛؛؛؛؛؛؛ "ولا بلاش" واختارها دوناً عن العشرشليون بنت اللي قاعدين منتظرين ابن الـ؛؛؛؛؛؛؛ وهو شايفها كاتبة في توقيعها الرسمي هذا الكلام

ان حظى كدقيق فوق شوك نثروه

ثم قالوا لحفاة يوم ريح اجمعوه

صعب الامر عليهم ثم قالوا اتركوه

ان من اشقاه ربى كيف انتم تسعدوه

يا ضنايا يا بنتي وساكته على نفسك ليه :angry2:

طيب بامارة ايه هتنتفخ اوداجه بقى طيب ورحمة خالتي نزاكة انا لو مكانه لارمي اوداجي في بير غوييييط ما لهوش قرار ولا اخرمها بمسمار علشان ما تتنفخش تاني بعد اللي قلتيه ده يا نوريه

(الا يعني اذاي تنتفخ اوداجه الاول - وبعدين هي فين الاوداج دي بالظبط حد يشاورلي عليها الله يستركم - معلش الغريب اعمى ولو بصير )

[nancy]

اهلا بيكى يا امينة

ونتمنى انك تحبى وجودك معانا

كمبورا دى اول مداخلة ليك اوكى

وبس اية علاقة تعليق ياسوا على كلام نورية بيك انت

عموما اهلا بيكى وبكرة نعرفك اكت

ر ولا تكون انت خطيب نورية واحنا مش عارفين

[Set_Amina]

أنا هاقولك الاوداج دي فين بالظبط

تعرف فين بيت الكلاوي؟ اهم هناك جنبه من ناحية الناقصة الدودية على طول وانت داخل كده على البنكرياس عدل قبل الغليظ بكام متر على الشمال فوق المرارة بكام سنتيمتر ويمين الطحال

ودي وصفة هايلة ودي وصفة سهلة :rolleyes:

[Tafshan]

أنا هاقولك الاوداج دي فين بالظبط

تعرف فين بيت الكلاوي؟ اهم هناك جنبه من ناحية الناقصة الدودية على طول وانت داخل كده على البنكرياس عدل قبل الغليظ بكام متر على الشمال فوق المرارة بكام سنتيمتر ويمين الطحال

ودي وصفة هايلة ودي وصفة سهلة :P

ست امينه :lol:

انتِ ست امينه بتاعة هيد بارك ؟؟ :rolleyes:

[Modest]

ست امينه :lol:

انتِ ست امينه بتاعة هيد بارك ؟؟ :rolleyes:

هما اتنين ست أمينة يا طفطف .. ست أمينة بتاعتنا اللي منورة المحاورات و اللي بنحبها كلنا ... ست أمينة التانية اللي كانت في الفيلم مالناش دعوة بيها :huh:

أهلاً يا ست الكل ... وحشتينا :P

[كمبورا 6]

عمرو 20 سنة ...

طالب بكلية الهندسة جامعة حلوان ... قسم القوي الكهربية ..ops:  :rolleyes:

اده ده احنا زمايل بأه :P

أنا كمان فى هندسة حلوان فى قسم اتصالات

أسمى محمد حسن محمد

السن 21 عاما

عازب طبعا .........هو حد لاقى :lol:

سعيد جدا بانضمامى لهذا المنتدى الطيب :inlove:

[bo ghareeb]

أشكركم على الترحيب..واللهي بدخل المنتدى بحس أني في مصر من أسلوب بعض الناس في التعبير و الكلام..متهيألي فيه ناس كتير هنا ممكن يألفوا قصص و روايات (باللهجة المصرية ) و أنا أول واحد حشتري..

ست أمينة يعني اللي هو أنا بتحيي الحاضرين والغايبين

شباب..ليه الصور مبتطلعش في المشاراكات ؟؟؟

[نورية]

يااااااااااااااااااه انتوا لسة فى موضوع الاوداج..؟؟؟ :lol:

ههههههههههههههههههههه تصدقى يا نانسى ممكن يكون خطيبى فعلا .... هههههههههههه يا خبر تخيلى كدة يوم الفرح و البالون الكبير برة القاعة مكتوب فيه ( العروس نورية و العريس كمبورة)... والله قمة الرومانسية..

حسستينى بجو رومانسى لدرجة انى حاسة ان قلبى بيدق و النجوم بتترقص و السحاب بيتزقلط و القمر بيتنطط و الطيور بتزقطط ... :P :rolleyes:

نتكلم جد بقى ... يا هلا بالست امينة و كمبورا و محمود و عمر :huh:

اهلا بيكو اهلا بيكو .... يا اللى احنا جينا عنديكو

احنا فرحانين ...ترلم لم ... احنا مبسوطين ترلم لم ( وش منى زكى فى مسرحية كدة اوكى)

[Tafshan]

ست امينه :lol:

انتِ ست امينه بتاعة هيد بارك ؟؟ :ph34r:

هما اتنين ست أمينة يا طفطف .. ست أمينة بتاعتنا اللي منورة المحاورات و اللي بنحبها كلنا ... ست أمينة التانية اللي كانت في الفيلم مالناش دعوة بيها B)

أهلاً يا ست الكل ... وحشتينا :wub:

ازيك يا ست الكل ... وحشانى جداًَ :wub:

[henka]

c.v

الاسم : محمود

الميلاد : 6/4/1976 برج الحمل والتنين

المؤهل معهد فنى تجارى ,,,, فاشل يعنى

مصرى قاهرى مدينه نصراوى مقيم فى السعوديه من حوالى 3 سنوات

الحاله الاجتماعيه اعزب ومش باينلها جواز :)

الحاله الاقتصاديه مستورة والحمد لله

الحاله النفسيه زفت ومكتئب على طول ومخنوق وقرفان ............ :lol:

الحاله الذهنيه زى ما تقولوا كده اقل درجات العبقريه ;)

الحاله الجسديه رياضى جدا وزملكاوى

الهوايات القراءة والشطرنج والرياضه والصيد

ونفسى اسافر مصر علشان خلاص اتخنقت

تم تعديل 17 مايو 2006 بواسطة henka

[eastsoul]

اهلا بيك يا henka ... نورت محاورات :)

[لين الكلام]

السلام عليكم ورحمة الله وبركاته جميع أعضاء المنتدى

احب اعرفكم بنفسى أنا لين الكلام

خريجة كلية الآثار جامعة القاهرة قسم ترميم الآثار

عمرى 33 سنة

متزوجة وعندى ماشاء الله 3 عفاريت قصدى اطفال والله ما أنا عارفة هم ايه بالضبط بنتين وولد الكبيرة 6 سنوات والصغيرة سنة والولد 4 سنوات

أيام الشباب كنت طموحه جداً والآن محبطة للغاية من كل شئ ( الاخبار محبطة - برامج التليفزيون - حال الدنيا كلها - وحالى)

حاسة انى ما ليش اى دور فى الحياة حتى تربية الاطفال اصابتنى بالاحباط المزمن ربنا يهديهم

معجبة جداً جداً بالمنتدى وللأسف لسه عارفه عنه قريب قوى وبالصدفة بس حسيت انه قريب جداً منى عن اى منتدى آخر

لم اشارك فى أى منتديات اخرى نظراً لحالة الاحباط اللى عندى لانى حاسة انى مش هفيد اى حد

لا استطيع ممارسة اى هواية او اى شئ احبه نتيجة لانشغالى بالبيت والاطفال وكمان بسبب كم الغباء وفقدان الذاكرة اللى اصابنى بعد الزواج وولادة الاطفال

لكن نفسى اقرأ كثير كثير كثير واخرج كثير واسافر كثير

عشان كدة سامحونى انا هستفيد منكم كثير لكن الله اعلم ممكن اكون مفيدة لكم ولا لأ

بس انتم فعلا منتدى رائع جدا وأتمنى ان تقبلونى بينكم وأتعرف عليكم كويس

تم تعديل 19 يوليو 2006 بواسطة لين الكلام

[الأفوكاتو]

الأخت لين الكلام

تعودت الترحيب بآخر شخص يظهر فى هذا الباب عند دخولى النادر له.

و قد أسعدنى الحظ أن أرحب بك.

و أتمنى لك السعادة و الهناء فى بيتك الجديد, و سط عديد من الأخوة الأحباء.

تقبلى تحياتى.

[متفائل]

الأخت لين الكلام

أسمك غريب بس جميل

كل احباطاتك لها ما يبررها

بس صدقيني اسلوبك يدل على انك ممكن تتخطيها

مهم أوي الواحد يحس انه مفيد وانتي عندك زوج و3 أولاد ضروري تكوني مفيده لهم

حولي ديما تتعلمي وتدرسي ايه الي يسعد ويطور اسرتك واعمليه بكل حب واتقان وبالتدريج

وصدقيني كل ده ممكن أوي يخرجك من حالة الاحباط

وأهلا بيكي في المحاورات

[لين الكلام]

فعلا أنا سعيدة جداً للترحيب الجميل من الاستاذ الافوكاتو والاخ متفائل ترحيب اعطانى حماس وتفاؤل ويدل على ناس حساسة كلها ذوق

جزاكم الله كل خير على الترحيب باختكم الجديدة فعلا الاخ متفائل اسم على مسمى وشكراً