نعرف بعض أكثر

[dr khaled]

فعلا أنا سعيدة جداً للترحيب الجميل من الاستاذ الافوكاتو والاخ متفائل ترحيب اعطانى حماس وتفاؤل ويدل على ناس حساسة كلها ذوق

جزاكم الله كل خير على الترحيب باختكم الجديدة فعلا الاخ متفائل اسم على مسمى وشكراً

ان شاء الله هتتبسطي معانا هنا

و هتلاقي كوكبه من الاصدقاء الخلصين

يالابلاش احباط وادخلي اشتركي معانا

د.خالد

[مصرية يعني مصرية]

لين الكلام

أهلا بمن أتانا بتحية وسلام

يريد الترحيب بأحلى الكلام ..

يريد أن نعلن له الانضمام ..

إلى كوكبة أعضاءنا الكرام ..

أهلا بك أختي لين الكلام والمنتدى وأهله تشرفوا بوجودك بينهم..

فأهلا بك يا من تجمل منتدى المحاورات بمقدمه...

وانتشرت رائحة العود في أرجائه ..

فأزيحي عنك ثوب الإحباط..

و تنزهي في جنباته..

أهـــلا بك

تم تعديل 20 يونيو 2006 بواسطة مصرية يعني مصرية

[لين الكلام]

شكرا يا أخت مصرية يعنى مصرية على الترحيب والكلام الجميل ده أكيد انت جميلة ذى كلامك ده اللى اسعدنى جدا جزاك الله كل خير

مصرية جميلة يعنى مصرية جميلة

[MZohairy]

اسمها مصريه يعني مغربيه يا لين الكلام

اسم غريب اوي بس حلو برضه

ده حقيقي وللا مستعار؟ :rolleyes:

المهم مرحبا بك

وانصحك تقري مداخلات العبد الفقير الى الله لأنها بمنتهى التواضع أعظم مداخلات :D

[nancy]

هلا بيكى يالين

واوعى تقرى مدخالات زهيرى لحسن تتعلمى تهدى النفوس انت كمان او تحبى ام كلثوم وعبد الوهاب والعزف على العود :rolleyes:

[MZohairy]

الغيره القاتله :D

سى با بوسيبل :D

اللي يعرف يهدي النفوس زيي يتفضل ودي حاجه محموده و ثوابه عند الله عز و جل

بس اللي على البر عوام

واللي مبيعرفش يرقص بيقول الأرض معووجه :D

اقري يا لين المداخلات بتفرض روحها بروحها

تحياتي :rolleyes:

[nancy]

يا متواضع :rolleyes:

[حسين]

السلام عليكم ورحمة الله وبركاته

انا حسين....27سنة

محاسب فى بنك فى مصر

اعزب....وشكل الموضوع هيطول معايا شوية

زملكاوى للاسف :rolleyes:

الهوايات.....كان زمن وانقضى يا سيدى

يشرفنى التواجد فى المحاورات......ويا رب اكون ضيف خفيف عليكم :D

[Modest]

السلام عليكم ورحمة الله وبركاته

انا حسين....27سنة

محاسب فى بنك فى مصر

اعزب....وشكل الموضوع هيطول معايا شوية

زملكاوى للاسف :D

الهوايات.....كان زمن وانقضى يا سيدى

يشرفنى التواجد فى المحاورات......ويا رب اكون ضيف خفيف عليكم :)

يا أهلاً بالغالي :angry2:

نورت المحاورات .. نورت المحاورات .. نورت المحاورات ... نورت المحاورات .. نورت المحاورات .. نورت المحاورات .. نورت المحاورات .. نورت المحاورات ... نورت المحاورات .. نورت المحاورات ..نورت المحاورات .. نورت المحاورات .. نورت المحاورات ... نورت المحاورات .. نورت المحاورات ..نورت المحاورات .. نورت المحاورات .. نورت المحاورات ... نورت المحاورات .. نورت المحاورات .. نورت المحاورات

معلش يا حسين أصلي متأثر جداً بإعلان "نورت مصر" :sad:

إدخل بقلب جامد و ماتعملش زي أخوك الكسلان.

المحاورات.. "البيت بيتك" :sad:

[زعلان]

نورت المحاورات :sad:

[الأفوكاتو]

مرحبا بك يأ أخ حسين,

حللت أهلا و سهلا فى بيتك.

لقد حياك قبلى خير شباب مصر, الله يبارك فيهم و فيك.

تحياتى.

[ATHENA]

اهلا يا حسين نورت المحاورات... :lol:

[se_ Elsyed]

إزيك يا حسين

نصيحة من اخوك الكبير

ما تمشيش ورا موديست عشان تكسب

وخدها نصيحة من واحد أهلاوي

لا تصاحب الزمكاوي ولا تاخد منه نصيحة ..

لو كان ربنا بيحبه ما كانش خلا صفحتهم بيضا وسطيحه

إمضاء أهلاوي بيتمنى إن الزمالك يغلب الإسماعيلي النهاردة - كالعادة - عشان ندكهم يوم الجمعة الجاية

[اسود وتعالب وارنب]

ياجماعه الموقع بتاعكم لطيف وظريف وانا كنت متصوره ان عدد السيدات قليل جدا وكنت مقلقله قلت بس لمو الستات اللي هنا وحطوهم في مكان سري ويطلبوا فديه من اهليهم و موضوع كبير ومشاكل بس لما دخلت هنا لقيت الجماعه مشرفين مشاءالله ومنورين المنتدي وكلهم رقه وذوق انا علي العموم عانسه عندي (18) سنة و22 شوية اضافات بسيطة للعمر قد تكون خطا في جواز السفر مقيمة في الامارت مفروض اني محاسبة بس تضحكون وتضحك الاقدار بتشتغل هنا مدير عام رئيس هيئه قطاع المجموعة الدوليه للشركات المهمة جدا ( سكرتيره ) ومقيمة مع اهلي

[eastsoul]

اهلا بيكي في محاورات ... البيت بيتك

[مصرية يعني مصرية]

الشاي المغربي للزهيري

أخي حسين

اسمح لي بأن أحييك .. وأرحب بك

فكم يسرنا ويسعدنا انضمامك لعائلتنا المتواضعة

التي لطالما ضمها منتدانا الغالي على قلوبنا

....((محاورات المصريين)) ....

وكم يشرفني أن أقدم لك .. أخـوتنا وصداقـتـنا

التي تتسم بالطهر والمشاعر الصادقة

التي تنبع من قلوب مشرفيّ وأعضاء

هذا المنتدى السامي

أهــلا بك

::+:+:+:+::

[se_ Elsyed]

ياجماعه الموقع بتاعكم لطيف وظريف وانا كنت متصوره ان عدد السيدات قليل جدا وكنت مقلقله قلت بس لمو الستات اللي هنا وحطوهم في مكان سري ويطلبوا فديه من اهليهم و موضوع كبير ومشاكل بس لما دخلت هنا لقيت الجماعه مشرفين مشاءالله ومنورين المنتدي وكلهم رقه وذوق انا علي العموم عانسه عندي (18) سنة و22 شوية اضافات بسيطة للعمر قد تكون خطا في جواز السفر مقيمة في الامارت مفروض اني محاسبة بس تضحكون وتضحك الاقدار بتشتغل هنا مدير عام رئيس هيئه قطاع المجموعة الدوليه للشركات المهمة جدا ( سكرتيره ) ومقيمة مع اهلي

مرحب يا أسود

أهلاً يا تعالب

إزيك يا أرنب

طب إنتي مين في التلاتة ؟

وليه عامله في نفسك كده ... قصدي الإسم يعني ليه مدي على رجالي أو سيريالي ؟

عامة ممكن تدخلي الحرملك دلوقت ... والمطبخ على إيدك اليومين .. وأول حاجة مطلوبة منك إنك تشوح لنا حتتين لحمه .. وتقلي لنا بطاطسيتين نبلع بهم اللحمه

[الأفوكاتو]

أهلا بحديقة الحيوانات المصغرة, الظريفة.

مرحبا بك فى غابة المحاورات.

[اسود وتعالب وارنب]

اولا شكرا علي الضيافة اللطيفه جدا اما بالنسبه للاسم انا مؤمنه من زمان جدا يمكن كان عمري صغير وان اعتبر ان في الحياه مثل حجيقة الحيوان اسود وتعالب وارانب يعني ناس بتعيش اسود وتموت اسود وعارفين انهم اسود وناس لاتستطيع الا عيش كارانب متقدرش الظروف تحتم عليها العيش كارانب اما طبعا العظمة علي عظمة التعالب اكلينها ولعه وعايشين تعالب انا شخصيا والحمد لالله من معشر الارانب كل يوم اكل جزر وخس وكل يوم اقول لنفسي انا رانب بس مقلكمش الحياه سعاده عيش ارنب يطول عمرك والسلام ختام

اما بخصوص المطبخ فنظرا لني حاليا ارنب معنديش في المطبخ الا خس وجزر والحلو عصير جزر واتفضلوا شرفوني

[مصرية يعني مصرية]

::+:+:+:+::

هلا وغلا

مرحبا بضيفتنا عدد ما خطته الأقلام من حروف

وبعدد ما أزهر بالأرض زهور

مرحبا ممزوجة .. بعطر الورد .. ورائحة البخور

مرحبا بك بين إخوانك وأخواتك .. منتدى المحاورات

وأهلا وسهلا بك و بإنضمامك لباقة زهورنا الفواحة

آملين ان تسعدين بيننا ونسعد بك اختاً جديدة

كل التراحيب و التحايا لا تعبر عن مدى سرورنا بإنضمامك لنا

يا أختنا اسود وتعالب وارنب

ها هي ايادينا نمدها لك ترحيبا وحفاوه آملين أن تقضي بصحبتنا

أسعد و أطيب الأوقات

تقبلي منا أعذب وارق تحايانا

::+:+:+:+::