نعرف بعض أكثر

[الأفوكاتو]

الإخوة الأعزاء,

آسف لتأخرى فى الإنضمام الى صفحة الإعترافات, حيث كنت متغيبا عن المنتدى لمدة 50 يوما

( فترة الصياعة السنوية حول العالم)

الأسم : محمود ( و شهرتى الأفوكاتو)

السن:  65 سنة( مع الشغل)

مواليد الإسكندرية

خريج جامعة الإسكندرية, ليسانس حقوق, ثم ماجيستير فى العلوم الجنائية, و نزحت الى القاهرة حيث مارست المحاماة, و فشلت,

و بعد الثورة, تركت مصر الى إنجلترا( كان لى أقارب هناك), و قمت بعدة أعمال( لا داعى لذكرها) أثناء دراستى للحصول على الدكتوراة من جامعة لييدز ( شمال إنجلترا)

تم تعيينى مدرسا للقانون الإنجليزى بالجامعة, و تخصصت فى مجال  تاريخ و فلسفة القوانين

( القانون العرفىCommon Law)

أعتزلت العمل منذ سنتين, و أقوم حاليا بزراعة خضار السلطة المصرية فى الحديقة الخلفية للمنزل, كما أقضى معظم وقتى فى القراءة, و السفر حول العالم, و طبخ الطعام المصرىللأصدقاء المصريين,

( زوجتى إنجليزية, و تأكل الطعام  المصرى, ولكن عندما حاولت الطبخ على الطريقة المصرية, أمضينا اليوم بدون طعام)

إنتهى الإعتراف.

[زيزو]

بما إني غائب منذ ما يقرب من الـ7 شهور أظن ماحدش فاكرني... بس والله كان الغياب خارج عن إرادتي... فلم أتمكن من الدخول على الإنترنت بشكل منتظم.

عموماً انا عمري 23 سنة وطالب في كلية الهندسة قسم ميكانيكا وإن شاء الله بعد سنة حاكون مهندس (عاطل خالي شغل طبعاً)  :D

في الوقت الحالي قرفان من البلد رغم حبي له ونفسي مصر تكون قائدة العالم كما كانت...

أهلاوي وأحب حزب الوفد، وكفاية كده أظنَ!  :D

[wahed_masry]

سلامٌ عليكم أهل المنتدى الكرام

محمد

28 سنة

حريج هندسة الأسكندرية

وأدرس حاليا بالولايات المتحدة

لي اهتمامات أدبية

وبالتأكيد سياسية

وقاريء نهم في أشياء مختلفة

وبالمناسبة أعزب

(وإلا كانت لي اهتمامات وقراءات  اخرى أكثر واقعبة مثل أبلة نظيرة(

تحياتي

واحد مصري

[KWA]

بسم الله الرحمن الرحيم

خالد

ليسانس أداب و تربيه  قسم أنجليزي ...من مصر....الله يرحم الشهادة

بكاريوس كيمياء صناعيه ....من أمريكا....

سنه متزوج من أمريكيه و عندي أحلي زهرتين في حياتي ...أميره 4 سنوات و دنيا 7 38سنوات ....

أقيم في أمريكا البلد في محافظه هادئه تسمي ساوث كارولينا....ريفيه صناعيه لم أجد افضل منها في الأمان و الهدوء خصوصا من له عائله.....

جواز السفر مكتوب فيه أني أمريكي  الجنسيه و دم و قلب و عقل مصري ....

من القاهره.....كفايه كده

KWA

Edited By freefreer on أغسطس 17 2002 07:39am

[sea star]

آسف على عدم المشاركة من بدري بس لسه جايب الكمبيوتر من الصيانة بعد الهارد ديسك ماضرب

الاسم : أيمن 36 سنة

اسكندراني اقيم بالاسكندرية

بكالوريوس هندسة اتصالات  

تاجر  - وراثة من الوالد

متزوج وعندي ولدين عبد الرحمن 4سنين محمود 22يوم

الاصل تركي على صعيدي

باحب مصر جدا ونفسي اشوفهااحسن بلد في العالم قبل ما اموت  :inlove:

[Arabisc]

أيمن سليمان . مصراوي عرباوي مسلماوي شرقاوي نيويوركاوي . كله على بعضه كده :D

خريج جامع ال .. الزقازيق ' (أشوف فيها و ف دكاترتها و معيدنها و بالمرة طلبتها يوم)

أعمل بأحد شركات الخدمات المالية ' زي رويترز كده '

متزوج و ربنا لسة ما أذنش بزينة الحياة 'الاتنين المال و البنون :D'

[se_ Elsyed]

حلو أوي التوبيك ده ،

أحمد ، 31 سنة ، متزوج وعندي طفل واحد ، مصراوي أقيم فى القاهرة ولكن أصولنا من محافظة الشرقية ( أجدع ناس ) ، أعمل بالسعودية منذ 7 سنوات ، مدير موارد بشرية بأحدى شركات تكنولوجيا المعلومات ، أهلاوي قوي جداً خالص طحن ( حد هنا زملكاوي عندوا أعتراض :mad: ) .

مش عارف أكتب أيه تاني ... آه صح علشان أخويا حشيش مايزعلش رصيدي فى البنك أقل من خمسين ألف ((((( سامعني يا حشيش

[ابو يوسف]

وليد ابو يوسف

30 سنة من ايام قليلة !!

متزوج و عندى يوسف 4 سنين و زينة سنتين (أصلهم جوزونى بدرى :) )

أعمل رئيس قسم الاشتراكات براديو و تليفزيون العرب ART

مصرى ... قاهرى من الهرم

عائلة الاب من القاهرة أما عائلة الام فمن القاهرة ايضاً !!!

بكالوريوس تجارة و دبلوما فى الجرافيكس و ماستر فى الاوراكل و سمك لبن تمر هندى

و بس :shock:

[Lancelot]

عمرو 20 سنة ...

طالب بكلية الهندسة جامعة حلوان ... قسم القوي الكهربية ... رغم إني بأخاف من الكهربا موت ... لكن بأعشق السوفت وير و الكومبيوتر عموما .. و نفسي لما أخلص كلية أشتغل في الكومبيوتر ... أحلامي كبيرة جدا زي كل اللي في سني .... لكن يا رب ما تطلعش علي فشوش في الأخر ...

أبي و أمي ينحدران من أصول سكندرية رغم إني ولدت و نشأت بالسويس ... أعيش بالقاهرة منذ 8 سنوات تقريبا ... أبي مهندس – ابن الوز عوام – لكن هو مهندس ديكور ... هاجر أمريكا من تلات اربع سنين ... و لما العم سام زرجن معاه ... نزح إلي كندا من فترة ....

أظن مفيش أكتر من كده ........ :lol: :lol:

[Facts researcher]

السلام عليكم ، عذراً لتأخري عن المشاركة .

الإسم: أيمن

السن: 29 عام ، مواليد أكتوبر ، 73 ، القاهرة

المؤهل، و العمل : خريج هندسة عين شمس ، قسم الهندسة الإلكترونية والإتصالات . أعمل حالياً في شركة CISCO SYSTEMS الأمريكيه المتخصصة في شبكات المعلومات (Computer Netwroks ) في مقر الشركه الأوروبي في بروكسل.

أسكن في حدائق القبة حيث شقة العائلة، لكن سكني الخاص في مدينة نصر.

الحالة الإجتماعية : أعزب ، وأدعوه عزوجل بأن يرزقني زوجة (تنازلت عن أن تكون مصرية من غُلبي :lol: ) تكون خير زوجة وخير أم، وأكون خير زوجاً وخير أب

الأسرة :

والدي رجل دين بالأساس (أزهري) ويعمل في مجال التربية و التعليم بأحد دول الخليج حيث عشت هناك أيضاً فترة من الزمن . والدي من المنصورة ، وهو رجل مصري صميم علّمنا كيف نحب مصر قولاً وفعلاُ ( أفتخر بأنّه حاصل على نوط الشجاعة من الطبقة الأولى عن مشاركته في حرب 73 الجيش الثالث فرقه 19 لواء كباري بقيادة الشهيد أحمد حمدي).

هوايات :

*قارىء متعمق للتاريخ ، خصوصاً الحقبة الإسلامية في عصور الصليبيين و المماليك .

*أحب السفر كثيراً للتجول حول العالم وللتعرف على الثقافات المتنوعة من خلال المتاحف والاثار . زرت أماكن كثيرة خصوصاً في أوروبا

*قراءة كتب السياسة ومذكرات السياسيين (الإنجليزية و العربية) في العصور الحديثة لكل التيارات و الأطياف مهما إختلفت أيديولوجيّاتهم.

معي . وكذلك قراءة الأيديولوجيات المختلفة ( كإسلامية : السلفية، الإخوان ، الأشاعرة ، الإسماعيلية، الشيعة، ..... ؛ وغير الإسلاميّة : الماسونية ، الإشتراكية،....) فهذه القراءات ممتعة للغاية.

أخوكم،

الباحث عن الحقائق

[Excellence]

السلام عليكم و رحمة الله وبركاته

الإسم: محمد

السن: 39 عام

أعمل بالتصدير

الحالة الإجتماعية :كنت متزوج

عندي ولي العهد 13 سنة و بنت زي القمر 9 سنوات (بيني وبينها قصة حب عنيفة)

رومانسي شوية في حبي لبلدي

هوايتي عزف و سماع الموسيقي

أحب السفر و زرت أماكن كثيرة للبزنس أو للسياحة ولكنني لا أقدر على البعد عن مصر أكتر من شهر

لي أصدقاء في كل بلد زرتها.. سائقي تاكسي .. رجال أعمال..و سياسيين يعني من كل نوع

قاهري إسماعيلاوي بورسعيدي و أعشق الإسكندرية

أهلاوي و السبب الوحيد أن شقيقي الوحيد و هو صديق عمري و أغلى الناس.. زملكاوي

[mnman]

الاسم: محمد

الشهرة: منمان

المهنة: project team leader

المكان: السعودية الخبر

المؤهل: بكالوريوس علوم كمياء/فيزياء بدرجة جيدجدا مع مرتبة الشرف

الجيش: شفتة فيديو

السن: 27 سنة

الحالة الاجتماعية: أعزب ... من ضمن التسعة مليون (عانس)

أتولدت وعشت في الاسكندرية عشقي الاول و الاخير...تركتها سنة 97 للعمل في القاهرة .. اخي استقر بها ابي وامي مازالا في الاسكندرية..

اشتغلت في القاهرة في شركة معالجة مياة لمدة سنة بعدها في نفس الشركة ببلجيكا حوالي 4 سنوات و 4 شهور بعدها فرع الشركةبالبرازيل لمدة سنة والان ذاهب للسعودية لشركة اخري...

الاب: من الشرقية .. شجرة العيلة بتقول الاصل من الحجاز

الام: من الاسكندرية من أصل تركي جدتي الله يرحمها كان اسمها غريب حبتين "فكرياني" جدتة جدتي كانت من تركيا..

وعلشان حشيش ميزعلش.... محوشتش 104 ألف.. كل الفلوس كانت طايرة علي الفسح بس الحمد لله لفيت العالم شرقا وغربا و عندي صور في كارتونتين كبار...

[ابو حلاوه]

الاسم : علي

السن : 31 سنة

المهنة : اخصائي طب نفسي .. الدكتوراة طازة في نوفمبر الماضي

متزوج من سنة و نص و في انتظار حلاوة

مقيم في فرنسا من خمس سنوات ...

اصلي مصري و مش مهم اي اصل و فصل تاني

[Elham]

الاسم: الهام

السن: 28

المؤهل: ليسانس اداب (قسم علم النفس)

الحاله الاجتماعيه : متزوجه و عندى يوسف5 سنوات و يارا 2 سنه و اعيش الان فى الولايات المتحده حيث يعمل زوجى.

[وسام]

وسام ............27 سنة .........هندسة الكترونيات و اتصالات ( الاكاديمية البحرية)

اسكندرانى اصيل

مقيم واعمل فى كندا حاليا والحالة الاجتماعية عازب :lol:

[M.H.M]

عمرو 20 سنة ...

طالب بكلية الهندسة جامعة حلوان ... قسم القوي الكهربية ..ops:  :lol:

اده ده احنا زمايل بأه :lol:

أنا كمان فى هندسة حلوان فى قسم اتصالات

أسمى محمد حسن محمد

السن 21 عاما

عازب طبعا .........هو حد لاقى :lol:

سعيد جدا بانضمامى لهذا المنتدى الطيب :inlove:

[freefreer]

و الله المنتدى هو السعيد و متشرف بهذه الصحبة الرائعة .. :inlove: :inlove: :inlove:

[Nageb Suror]

بسم الله الرحمن الرحيم

22

امريكا

الاصل مصررررى هليوبلساوي ابويا شرقاوي (و والدتي دقهلاوية)

مهندس كمبيوتر

زملكاي اوى

ديمان متابع المندي

عازب و نوي اتجوز عرفي لكن كل مجي اشرح لوحدة اجنبية

موضوع العرفي تقلي (honey if you need green card i will give you one :roll: :roll: )

or

(wow I am so excited I never thought we will get married, where is the ring.....ring eh ya welyah dah 3rfy)

علي فكرة انا معندش كي عربي و عشان كدة و انا بكب حاسساني في محو الامية و مش عرف اعبر كويس بس انشأ آللة هتفرج

ps

بحب عادل ادهم اللة يرحمةؤ

it took me 20 minutes to post this message :mad: :mad: :mad: :mad:

[Salwa]

احبائى.

اسمى سلوى.

لو حسبنا العمر باللى شفناه وعاصرناه يبقى عندى 5000 سنه.

من اسكندريه .....جنه الله على الارض.

عندى 4 قلاع ــ اولادى ـ

اتنين خلصوا الجامعه ـ ليسانس اداب ـالثالثه فى ثالثه حقوق ـ

وابنى اصغر واحد ايضا فى اولى اداب قسم دراسات انسانيه ويريد ان يكون كاتب /غير تقليدى / اعتقد ده فى دمه .

دراستى ــ قلت لكم قبل كده ـ سنه فى كليه التجاره ــ وسجلت نفسى فى الاداب ...وتركت كله ...سجلت فى سياسه واقتصاد هنا ولم اذهب ولا يوم واحد ....حاكذب ليه .... عليكم ...والا على نفسى.

انا المسئوله عن ادارة شركة خاصه بزوجى.

شجرة عائلتى تقول اننا سكند ريين من ناحيه الاب .

وامى من الاسكندريه وجزورها تركيه .

احب زوجى واحترمه ...ومازلت / امسكوا الخشب /اشعر بنفس لهفتى عليه لو غاب عنى ....انا اعتبر هذا اكبر كرم من الله .

احب القراءة ...ولدت فى اسرة...الكتب عندها فى اهميه الخبز.

احب الموسيقى .

فى كل مكان فى بيتى فى كتب ...حتى الحمامات والمطبخ .

متغربه بقالى 28 سنه .

انا فى مصر وهنا....ليس لى مثيل ...

اخدت افضل ما فى بلدى وافضل مافى بلدهم وعملت عالم خاص بى انا ..

سعيده جدا جدا جدا ...انى مسلمه..

اول مره احج كنت حاسه انه احساس غريب احلى واجمل من احساسى لاول مرة بالحب .

صريحه وواضحه...والله العظيم واسمى سلوى.

سعيده جدا جدا انى اسكندرانيه.

واعتقد ان الانسان السوى /ان عاجلا او اجلا /لازم ربنا يكرمه.

ومطولش عليكم...انا فرحانه جدا وكمان اسبوع تتزوج ابنتى.

الوردة الجميله الرقيقه كبرت...احساس جميل.

انهارده كان فيه كرنفال...كل الناس ..ترقص.....قلت..فال حسن.

مفيش حاجه اسمها كوشه وكلام فارغ من ده...

الامام يكتب الكتاب يوم الخميس القادم...واحتفال عائلى جدا جدا.

كله راقى،منتهى الرقى ،زى كل الاسكندرانيه،

حاسه انى بحب كل الدنيا.....بكره بس كل الحكام العرب.

الله يبارك فيكم ..

.ربنا يسعدكم كلكم..........سلوى.

ر

[Farida]

انا عندى 35 سنه و خريجه هندسه القاهرة اتصالات و متزوجه و عندى بنتين و بأحضر دكتوراة و أنا قاهريه بس الوالدين من اسكندريه علشان كده باحبها جدا و با تلكك دايما و اقول انى اسكندرانيه ..