نعرف بعض أكثر

[dr.sAsSo]

السلام عليكم ورحمة الله وبركاته

انا قلت(هييييييييه) أول ماشفت الموضوع ده

انا لسه عضوة جديدة هنا مش فاكرة بالضبط بقالى اد ايه

وكنت بجد حابة اتعرف ع الاعضاء الكرام

وده كان بالنسبالى مهم

عشان بمعرفة سن الى قدامى ومستواه التعليمى

ده الى بيفرض على أسلوب كلامى معاه

انا قريت ال 26 صفحه لحد ماعينى اتحولت : )

واتبسطت اكتر لما لقيت ناس كتير ماشاء الله مستواها أكثر من رائع

بس لاحظت ان معظمهم متغربين

وقلت خسارة الناس دى متكونش فى بلدها

مع انى انا كمان مش من مواليد مصر

انا اتولدت فى السعودية وعشت فيها عمرى كله

بس أول سنة جامعة أعادتنى الى مصر

ومبقيتش بسيبها الا زيارات لأهلى بس

صحيح سنتى الاولى كانت صعبه اوى ويمكن عشان كده عذرتكم

لكن ده مايمنعش انى بجد بموت فيها

انا عرفت بنفسى لما كتبت انى عملت عضوية جديدة

بعد ماكان اسمى السابق مكرر(بنت مصرية) "قلت الجملة دى كتير حاسة انى اسطوانة"

بس بما ان هنا مكان التعارف فانا قلت اكتب هنا معلوماتى الشخصيه

انا اسمى اسراء

18 سنه

اسكندرانيه كمعظم الاعضاء هنا

بدرس طب وهبدا سنتى التانيه فى شهر 9

بدأت اكتب فى أدب وشعر وقراءات

لانى عاشقة للشعر والأدب

واللغة العربية هى المياه الى بتروينى

وليا بعض الهوايات الأخرى

زى الرسم وسماع الموسيقى والقراءة

وشكرا

[MZohairy]

Hiiiiiiiiii

أهلن بيكي يا كيوت :wub:

نوارتي الموحاورات :ninja:

انه اكبر منك بحاوالي 21 سنا B)

ياريت تأوليلنا بتحبي تسمعي موسيقى ايه و لمين

وياترا كله أجنبي

ولا كوله عرابي؟ :wub:

زهيرى

اسمحلى اقولك

بجد

حقيقى

من غير ما تنفعل

ما هو ما ينفعش اقول غير الحقيقة

انك مشششششششششششششششششششكلة :D :D

اختك الصغيرة نـــــــــــورية الماظية :D

كيوت.... اهلا بيكى معانا B)

:wub:

كسفتيني يا نوريه

ابدن ابدن ابدن

موش موشكله ولا حاجه

انا بحول اعمل تواصل سقافي و تفاعل عمري

وبعدين ابو محمد رزعنا تعليق بتاع طاها حوسين يصحي الميت من الضحك

ده انت طلعت بلوى يابو محمد (عمي و عم المنتدى كله)

شيئ لا يسدكه عكل

هي صحيح بلوى بالياء ولا بالألف؟

أنا مبقتش اعرف اكتب عرابي خالص

بس بعرف اتكلم محمد فريد احيانا

و اجيد مصطفى كامل

نورتينا يا د ساسو (بنت مصريه سابكا)

[م الغزالى]

أهلا بيناتنا الأعزاء sAsSoOo و cute teen و اتمنى لكم وقت طيب فى المحاورات

أسعد الله أيامك يا مسيو زهيرى

والله أضحكتنى اليوم بردودك وخاصة فى المداخلة ال قلت فيها كلمة واحدة (هه) مت على نفسى من الضحك

تقيل تحياتى

[MIMO]

أخوكم محمد

مهندس مدني

فيومي

أعمل بشركة مقاولات بالمملكة العربية السعودية - مكة المكرمة

الحمد لله رب العالمين عازب ويضورولي على بنت الـــ ... حلال.

[achnaton]

hi أنا cute teen

17 سنة

طالبة

روشه و دمي خفيف

محبوبه من كل المدرسة

انا Spontaneous

بأحب يكون - يبقى - عندي اصحاب كتير

من عشاق الأغاني و الأفلام

كيوت .. :angry:

نورتى المنتدى .. ونعنشتيه .. وروشنتيه طحن ;)

أنا أكبر منك بأربعة واربعين سنة :o

تعرفى إنك عبقرية بالسليقة .. ليه بقى ؟ لإنك بطريقة كتابتك بالعربى خليتى أونكل زهيرى يكتب بالطريقة اللى كان بينادى بيها جدو طه حسين .. تعرفيه ؟ .. لو ماتعرفيهوش .. هو كان بيطلق عليه لقب عميد الأدب العربى .. ومرة طالب أن يلغى التشكيل من اللغة العربية ونستخدم بدلا منه الحروف المتحركة Vowels يعنى مثلا إسمه يتكتب "طاها حوساين" .. وكان هدفه إن الناس تنطق عربى صح .. قالوا عليه إنه راجل مجنون .. بس أنا أعتبره عبقرى .. عرفتى ليه أنا قلت عليكى عبقرية ؟ .. لإنك عملتى اللى ما قدرش طاها حوساين إنه يعمله

تحياتى

بداية أهلا بك بيننا يا ست البنات .. أسعدتينا .. وقد تلاحظين أنك ادخلت البهجة علينا ..

ربنا يسعدكم كلكم .. والله أخرجتمونى من حالة الاحباط .. اللى بقالى فيها كام يوم..وبعد أن كنت نسيت طبيب الاطفال اللى نيل التعليم عندنا بستين نيله .. إفتكرت لعناتى عليه .. أما طه حسين .. فهو بين يدى العادل الجبار .. وأتمنى الا أكون مثله يوم الحساب .. !! أول من أضر بمصر وبمستقبلها ...

مرة ثانية أكرر بترحيبى بكم كلكم .. وامتعونا امتعكم الله .. [/color]

تم تعديل 29 أغسطس 2006 بواسطة achnaton

[Eldisel]

الموضوع دة فينة من زمان

انا اسمي : محمد

مواليد 1-1-1983 وعمري دلوقتي 23 سنة

حاصل علي بكلريوس علوم حاسب سنة 2004

قاهري وعايش في القاهرة

لسة مخلص جيش طازة ... اسمي في المنتدا هو الديزل واطلقة علي زملائي في الجيش وانا اعتز بة الان

اعمل الان في احد المستشفيات الكبرى في القاهرة في قسم IT تكنكلسبورت واحياناً سيستم ادمنيستريتور(system administrator)

اعزب ولا ابحث عن بنت الحلال الان فانا الان مشغول بحاجات اهم

من عائلة متيسرة الحال قضيط في السعودية حوالي 15 سنة من عمري وعدت الى ارض الوطن للثانوية العامة

مغرم بالسيارات ( ميكانيكا - طصميم - ورسم ) واحب القديم منها .... اصحابي بيقولولي ان احنا ممكن نقفشك وانت بتعاكس عربية ( ميعرفوش اني بعمل الحكاية دي كتير )

احب الكلاسيكات الموسيقيه العربية والأجنبية

احب الصداقة ولي مجموع من الصدقاء الرجالة بيقفوا وقفات رجالة

اعتز لكوني مصري واتمنا لمصر ولشعبها ان ينصلح حلها و نصير احسن الدول

تم تعديل 24 سبتمبر 2006 بواسطة Eldisel

[صبح]

الموضوع دة فينة من زمان

انا اسمي : محمد

مواليد 1-1-1983 وعمري دلوقتي 23 سنة

حاصل علي بكلريوس علوم حاسب سنة 2004

قاهري وعايش في القاهرة

لسة مخلص جيش طازة ... اسمي في المنتدا هو الديزل واطلقة علي زملائي في الجيش وانا اعتز بة الان

اعمل الان في احد المستشفيات الكبرى في القاهرة في قسم IT تكنكلسبورت واحياناً سيستم ادمنيستريتور(system administrator)

اعزب ولا ابحث عن بنت الحلال الان فانا الان مشغول بحاجات اهم

من عائلة متيسرة الحال قضيط في السعودية حوالي 15 سنة من عمري وعدت الى ارض الوطن للثانوية العامة

مغرم بالسيارات ( ميكانيكا - طصميم - ورسم ) واحب القديم منها .... اصحابي بيقولولي ان احنا ممكن نقفشك وانت بتعاكس عربية ( ميعرفوش اني بعمل الحكاية دي كتير )

احب الكلاسيكات الموسيقيه العربية والأجنبية

احب الصداقة ولي مجموع من الصدقاء الرجالة بيقفوا وقفات رجالة

اعتز لكوني مصري واتمنا لمصر ولشعبها ان ينصلح حلها و نصير احسن الدول

أهلا وسهلا

نورت وآنست

ويا ترى أنت ألدغ في التاء؟؟ :)

بس أجمل كلمة سمعتها منك كانت

تكنكلسبورت واحياناً سيستم ادمنيستريتور

بصراحة مش عارف انت عرفت تسبلها ازاي :blink:

[وليد صفوت]

الله يسعدك يا صبح :D

بتفكرنى بأول مرة اقرأ فيها اسم فندق (سميراميس انتركونتيننتال ) :blink: :) -_-

كنت ساعتها فى اولى اعدادى B) قعدت حاولى عشر دقايق مبلم فى الورقة و بحاول أقرأ حرف حرف ....... مافييييييييييش فايدة ...

لما قرفت قلبت الورقة لقيت مكتوب الناحية التانية Semiramis InterContinental Cairo :D :D

يعنى لو كنت قريتها بالانجليزى كنت خلصت.... :D mfb:

[راحيل]

hi everybody

أنا عضوعة جديدة عندكم...............

اسمي راحيل........... و عمري 17 سنة.. :blink: ..........

أخر سنة في المدرسة....................

من المملكة العربية السعودية..................

و أن شاء الله أكون صديقة لكم............

[نانو]

و الله يا جماعه انا مش عارفه اقول ايه

انا اول مره اشوف الموضوع ده و لو كنت اعرفه كنت كتبت فيه من اول ما دخلت

لاني بقالي دلوقتي اكتر من شهر و طبعا بتابع مداخلات الناس كلها

و الواحد كده بيقعد يعصر في مخه و يتعب نفسه علشان يتخيل السن التقريبي لكل واحد هنا...يعني حاجه وجع قلب :blink:

في حين ان كل المعلومات هنا ....بس علي فكره انا تفريبا فكرتي عن اعمار الناس كلهازي ما تخيلت تقريبا الا س س بصراحه كنت فاكراه اكبر من كده بكتير

ليه ما اعرفش ؟؟؟؟

علي العموم مش هاحكيلكم انا حبيت المنتدي ده قد ايه....و حسه اني مش قادره استغني عنه ولا يوم واحد

يعني احنا في رمضان و ما قدرتش برضه ابعد

و قعدت اقرا كل الصفحات اللي فاتت لغايه ما اتحولت و دوخت -_- و بقيت مش شايفه قدامي

المهم اعرفكم بنفسي بدل الرغي الكتير ده

انا مني

اسكندرانيه برضه( معلش يا زوهيري)

مواليد 1\6\1973

خريجه صيدله اسكندريه

متزوجه وعندي بنتين

و مقيمه بالكويت من سنتين

و بحب الشعر و القراءه جداااااااااااا

و النبي يا جماعه شويه ترحيب كده علي ذوقكم علشان ما يحصليش احباط :) لاني بحب الناس هنا اوي و المكان اوي اوي اوي

[eltayer]

بصراحة انا اتفجئت لما شفت الموضوع ده اليوم لا ولاقيت المداخلات وصلت 26 صفحة يعني الموضوع قديم

هو انا لسة مقرتش ولا صفحة بس انا قلت ادخل بياناتي الاول وبعدين اقرأه وحده واحده

انا ابراهيم

من مصر ( كفر الشيخ )

خريج كلية التجاره 2005 قسم محاسبة تقدير انتوا طبعا عرفينة وألا متكنوش مصريين

جامعة طنطا فر كفر الشيخ

السن 22 سنة

اعمل حاليا في دبي كمصمم مطبوعات واحيانا مترجم ومصحح لغوي في نفس الشغل مع اكن الانجليزي بتاعي معرب شوية

يعني بعرف اترطش انجليزي مش من الناس اياهم عتوله الانجليزي

عازب وتاريخ الجواز انشاء الله علي الاقل بعد حوالي من عشر الي عشريين سنه علي العروسة متتولد او تكون كبرت الله اعلم هي اتولد ولا لسه

ولو حد عنده واحدة جاهز دلوقتي عادي ممكن استعجل شوية مفيش مشاكل

ايه تاني مش عارف

اروح اقرأ 26 صفحة ادعولي متحولش شكل السابقين

تم تعديل 25 سبتمبر 2006 بواسطة eltayer

[مصرية الهوى]

و النبي يا جماعه شويه ترحيب كده علي ذوقكم علشان ما يحصليش احباط :) لاني بحب الناس هنا اوي و المكان اوي اوي اوي

مساء عالي المقامات ..

و كله سكر نبات ..

على نانو ست الستات ...

يا مرحب يا مرحب ..

يا أهلا وسهلا بيكي يا نانو ..

شرفتينا و نورتينا يا أحلى نانو في الدنيا دي كلها ..

:lol:

هاه ايه رأيك :D ؟؟

[وليد صفوت]

لا لا لا لا يا جيجى :)

بقى ده تريحيب بالذمة ده ؟؟ :D

بصى بقى الترحيبات اللى بجد :

أهلا و سهلاً نورتى المنتدى :lol: :D :D

بس خلاص.

ايه رأيك ؟ فى ترحيب احر من ده ؟ :D

اتعلموا بقى :D

;) :D :D

[نانو]

جي جي حبيبه قلبي يا احلي البنات

رنا يخليكي ليا....رافعه معناوياتي....و جابره خاطري

اقولك ايه بقي روحي يا شيخه الهي اشوفك اجمل عروسه في البر كله

.

اما انت بقه يا وليد

اما انت بقه يا وليد

اما انت بقه يا وليد

فانا زعلانه منك اوي

الله يسامحك

[نبض الابداع]

مايا

عزباء

20 سنة

مقيمة بالسعودية و الجنسية سعودية و الهوى مصري

فنانة تشكيلية

وفي خدمتكم دايم

[عمرو القاضى]

السلاموا عليكوا

اهلا وسهلا بكل اعضاء المنتدى الجميل

اعرفكوا بنفسى

انا عمرو القاضى

19 سنة (تقريبا من اصغر اعضاء المنتدى)

انا دقهلاوى من المنصورة _ السنبلاوين

فى كلية تجارة انجليزى جامعة المنصورة فى سنة ثالثة يا رب يسهل واخلص السنه الجاية

طبعا يعنى مش متجوز ولا بفكر حتى............ ( طبعا كلكوا عارفين ليه)

ودلوقتى اسيبكوا لانى حاسس انى وجعت دماغكوا

[otaka]

اليومين اللى فاتوا شخصين كلمونى على انى اخت فاضله مش اخ فاضل فكان يجب عليه انى اوضح للناس الوضع

اخوكم محمد

خريج تجاره خارجيه ابلغ من العمر 27 سنه

بشتغل فى الجامعه باحث و مدرس

و اصنف على انى من الاشتراكيين الجدد السوشاليست ليبرال يعنى حاجه كده ملهاش لازمه برضه لان مفيش امل لكن دى المدرسه الفكريه اللى بتعبر عن البلاوى اللى جوايا

انجازاتى فى الدنيا معظمها ادبيه يعنى مؤتمرات و ابحاث و مقالات لكن فلوسات يعنى مستوره بس بمقياس الحياه بتاعه اليومين دول مينفعش الاقى حد مناسب بالسعر المطروح و الحل الوحيد ان الاقى واحده ذى حلاتى سوشيو ليبرال ترضى بيه

و مش بشجع الزمالك بس بكره الاهلى

[MZohairy]

اهلا بيك يابو حميد

نورتنا

انا مبشجعش حد خالص

بس مبكرهش الأهلي

ولا المصري

ولا الزمالك

ويمكن مبكرهش حد خالص

بس المشكله ان اللي مبيحبش الأهلي يبقى مبيحبش المنتخب :blink:

لأن الفرق الوحيد بين لاعبي الأهلي و لاعبي مصر هو ان لاعبي الأهلي اللي هما كل لاعبي المنتخب بيدخلوا يغيروا الشراب الأحمر بالأسود و بكده بقوا المنتخب!

كله!

اهلا بيك

[Siwa]

سلام ياقوم:

انا م.ع مصرية طبعا

25 سنة مع الالم ومع الاسف كمان :unsure:

ليسانس اثار مصرية وبكالوريوس سياسة كندية وما تسألنيش ازاي

زمالكوية صميمة

بس خلاص على رأي شعبولا :rolleyes:

[نانو]

و عليكم اسلام يا اباحنظله. :rolleyes: ..اقصد يا سيوه

يعني ليه يا قوم انت محسساني انك داخله علي كفار قريش.... -_-

يالا ما علينا يا سيوه...... اهلا بيكي....و نورتينا وشرفتينا

الا هو انت بتقولي 25 سنه مع الالم و الاسف :wub:

طيب لما يبقوا 30هيبقوا مع ايه بالضبط....

لا يا ماما تفائلي كده و خليك حلوه .....هه ...لسه بدري علي الاسف...اوكي

و بما انك زمالكاويه...فانا شايفه انك هتلاقي اضطهاد كتير هنا....مش علشان الفريق لا سمح الله

و لكن هنا فيه شخصيات اهلويه شريره جدا :unsure: و ما تقوليش لحد ...اوكي