نعرف بعض أكثر

[nora]

ازيكم انا بأه اتخرت اوييييييييييي :? :?

بس مش مشكلة :lol: اقولكم بأه انا مين

انا من عاش العمر في الأنين :shock: اسفة اصدي

انا نورة

عندي الله اكبر الله أكبر 25 سنة في عين العدو :twisted: :twisted:

الحاله الاجتماعية متزوجة مع وقف التنفيذ :cry: :cry: (يعني كتبة كتابي ومستنية الشقة :D :D ) ده كالعاده المهم اني نفدت بجلدي من العنوسة :roll: :roll:

خريجة حاسب يا أسطى اصدي حاسب آلي :roll: :roll:

وأشتغل الأتي :

1. مدرسة كمبيوتر

2. مصممة مواقع على الانترنت

3. مدير مشتريات في شركة كمبيوتر

4. وسيط مالي في شركة تتبع البورصة امريكية

بس أظن ده كفاية اوي :idea: :idea:

انا مواليد الكويت ، و لسة عيشة فيها وجوزي عايش في مصر غربة بأه و بابا صعيدي وماما اسكندرانية وجوزي من المنصورى :cool: :cool:

انا مش متفائلة اوي بالحياة بس بحاول ولسة بحاول :shock: :shock:

حكمتى في الحياه افترض الأسوء لحد مينسبة العكس :mad: :?

يا داركر انا عندي اخ بيدرس في استراليا في نفس الجامعه وفي سنك و اسمه احمد ليكون انت وانا مش عرفة :D :D :D :D

والدي مستشار قانوني سابق والدتي موجهة في وزارة التربية :wink:

زمهلاوية علشان ارضي جميع الاطراف المتنازعة :D :D

بحب الموسيقى والأغاني الكأيبة :D :D

بسبوري مصري بس في اشاعة طلعة في البلد اني جزوري من السعودية او فلسطين :shock: :shock: ازاي معرفش :oops:

بس انا بقول انا مصرية من النخاع

اظن كده كفاية انا البتها اعترفات ليلية :D :D

[بنت بحري]

ماما وبابا واختي وعمامي ال 9 وعماتي وتيتة وولدهم وللخالة والجده الف سلام وسمعوني بودعك :shock: :shock:

:roll: :roll: :lol: :lol:

:lol: :lol: :lol: :lol: :lol: :lol: :lol:

مش ممكن دمك وي العسل يا نورا .

أنا حاسة إني أتخرت أوي أوي بس مش مهم ححاول

الاسم : بـــــنت بـــحري

السن: 28 سنة

الأقامة كندا

المؤهل سيا حة وفنادق

الحالة الأجتماعية : متزوجة وعندي بنوتة جميلة أسمها لوجينة

مبتنيمناش الليل بس دمها ذي العسل عمرها عشر شهور

أعشق أسكندرية وبحري. الأم أسكندرانية من بحري وكذلك الأب بس أصله صعيدي .

أنا أسكندرانية متعصبة

أحب الأكلات البحرية والسكن على البحر والفسح في البحر وزيارة الأحياء المائية

وبشجع الأتحاد ( أخيب من الخيابة عارفة ) بس أسكندراني

أفضل الأغاني : شط أسكنرية

أفضل المطربيين إيمان البحر درويش

يــــــــــــاااااااا ألبتوا عليا المواجع :neutral: :neutral: :neutral:

أهم هواياتي الطبيخ الطبيخ الطبيخ

وخاصة الأكلات البحرية والله صحيح

وأعمل في هذا المجال.

أتمنىيبقى عندي سلسلة مطاعم أسمها بنات بحري . أه برضه :!:

على فكرة . أحترم زوجي وأحبه بشكل رررررررهيب لأنه يستحق ذلك .

يلا سلام.

[Sherief AbdelWahab]

شريف عبد الوهاب

24 سنة

مواليد المنصورة 11 يولية 1978

خريج كلية التجارة ج المنصورة شعبة لغة انجليزية قسم ادارة أعمال بتقدير جيد عام 1999

لا أعمل في الوقت الحالي..."منتظر شغل" كما يقال في بعض مواقع إنترنت!

مدمن وسائل إعلام و إنترنت و صحافة

أعزب

أهلاوي متعصب

أقرأ لأي كاتب يلفت نظري برأيه...وهناك العديد من الصحف و المجلات أكرهها و أصر على متابعتها!

خلص الكلام

[MKG]

س

بس

اخوكوا فى الله محمد(من اولها كدا)

طالب

جامعة حلوان و منضم لحزب جامعة حلوان بتاع لانسلوت و م ه م

بحب مصر

و بحاول كل اللى اقدر عليه عشان اخدمها

و بس

مع محبتى

مكج

[Lancelot]

ملاقيش حد هنا عندكو زمل فى جامعة عين شمس؟؟؟؟؟؟؟؟؟؟؟؟؟

تلاقي طبعا ...... الباشمهندس براود مسلم ....

و بالمرة سؤال كده علي الماشي .... حضرتك بتدرسي في عين شمس و لا بتدرسي في عين شمس ....

يعني طالبة و لا معيدة ....

عقلي الباطن (علي رأي حشيش الله يمسيه بالخير): ديه لو طلعت معيدة ... تبقي وقعتي سودة ... أنا عمال ألبخ في المعيدين في موضوع "لماذا يرسب الطلاب" و هي عمالة بتستدرجني في الكلام و أنا زي الأهبل ... و هي تقول الدكاترة غلط و أنا أقول المعيدين ... :shock:  :shock:  :shock:

[moody00x]

الأسم محمد

السن 33

إتسرق منهم حوالى 32.5 :? :? :( :(

المؤهل بكالوريوس هندسة بترول وتعدين قسم مناجم ومساحة

حاليآ فى أمريكا :( :(

الهواية غريبة شوية وهى العودة والحنين لكل ماهو قديم زى أفلام ألأبيض وألأسود والكتب والجرائد القديمة ......يعنى باختصار الحياة فى زمن ألأبيض وألأسود

متزوج من أعظم زوجة فى العالم ....ودى حقيقة فعلآ لأن ربنا إستجاب دعائى

للرزق بالزوجة الصالحة وكان ليا شروط تعجيزية يعنى تلكيك بصراحة لأنى كنت مقتنع إن فيه نوع من الحريم يخلى الواحد ينادى بهولوكست حريمى ,,, :twisted: :twisted: :twisted:

لكن الحمد لله وجدت فيها أكتر مما تمنيته ...ربنا يخليها ويكرمها إنشاء الله...

(حد شايف السكينة اللى ف ضهرى وأنا باكتب؟؟؟....ربنا ع الظالم...) :( :( بس برضه إحنا جدعان قوى ووووولا يهمنا .. :twisted: :twisted: :twisted:

عندى أحمد 4 شهور ....زوجتى عايزه تطلعه دكتور...وأنا مش عايزه يفشل كده فربنا يسهل ويطلع لاعب كرة مشهور ويحترف فى نادى مشهور زى إنترمنوف :cry: :cry: :cry:

والبلية تلعب معاه.... :cool: :cool: :cool:

قاهرى وأعشق إسكندرية خصوصآ فى الشتاء

كفاية كده

[freefreer]

السلام عليكم .. تم حذف المداخلات الخارجة عن الموضوع .. رجاء الإلتزام بالموضوع .. و شكرا

[ragab2]

منقول

[شيكو المصري]

السلام عليكم و رحمة الله و بركاتة

بناء على طلب الجماهير و الامن المركزي و الغير مركزي سنضع نبذة عن العبد لله . :lol:

الاسم :اخوكم في الله.....

السن :عبرت الاثنان و العشرين بما يربو عن الستة اشهر . :lol:

العنوان : اسكندرية على البحر تلاقيني ماسك سنارة في الصيف . :cool:

حاليا في امريكا(((اسقع و لاية هناك نشفت خلاص :lol: ))) ::::دي حكاية طويلة جدا بدأت في عدم رغبتي المجيء اساسا ثم ضغوط العائلة و الاقارب في ضرورة ذهابي و تكوين مستقبلي وحاجة الاسرة و.........و........ :?

التعليم :::هندسة اسكندرية لم انتهي من دراستي لظروف السفر اصحابي دلوقت في الجيش و طالع عينهم هناك و رغم ذلك نفسي اروح الجيش و اخش ظابط على عكس الكثيرين . :idea:

العمل :::: اعمل مع الكوريين عموما حيث يسيطرون على فرع من المقاولات هنا يدعى الsiding عبارة عن تركيب غلاف خارجي للبيوت بأختصار ...... الصراحة عرفت معنى الشغل بيطلع عيني في الشغل بس مستريح نفسيا الى حد ما . :idea:

نفسي اروح خلاص . :(

تم تعديل 16 نوفمبر 2004 بواسطة شيكو المصري

[KWA]

بسم الله الرحمن الرحيم

السلام عليكم ورحمة الله وبركاته

شيكو كلامك عن اسقع و لايه في امريكا يدل علي انك في الولايات الشماليه و مجرد تخمين ....ولايه ميتشجان...و اذا كان هذا صحيح فالله يكون في عونك و بالمناسبه هي تكمل هنا دراسه الهندسه الكميائيه ام تدرس شئ اخر....بالتوفيق علي حال

KWA

[شيكو المصري]

و عليكم السلام و رحمة الله و بركاتة

حياك الله يا اخ kwa فعلا انا في الولايات الشمالية بس في منيسوتا جنب كندا على طول ...

بالنسبة للدراسة انا مش جاي ادرس انا جاي لهدف مادي مؤقت و راجع بعد كدة ....... كانت امنية ليا اني ادرس هنا بس بتصرف مبالغ كبيرة جدا و لازم بعد كدة تشتغل هنا فترة علشان تعوض المبالغ اللي صرفتها و انا مش مستعد اقعد فترة هنا .

و ربنا يوفق الجميع ان شاء الله .

[Horus]

ولو انها متأخره حبتين بس أعرفكم بنفسى

هأقطع حته من ال cv

أخوكم فى الله - الاسم: محمد

-السن 34 سنه و ماشى فى ال68

-بكالوريوس هندسه مدنيه - جامعه القاهره.

-دبلومه فى اداره المشروعات - الجامعه الامريكيه فى القاهره.

-ماجستير فى هندسه و اداره المشروعات (برضه) من جامعه (نورث داكوتا) الولايات المتحده الامريكيه.

-اجيد الانجليزيه و الالمانيه.

-يادوب حاصل على كارت الاقامه للهجره لكندا.... أخيرااا

-متزوج و عندى ولدين(على و يوسف) هما قره عينى.. و أحلى ما فى دنيتى.

-بأحب مصر جدا و باموت فى الاسكندريه - فى اى وقت.

-عايش فى امريكا حاليا و نازل مصر اجازه اسبوعين -هيييههههه :lol: - وبعدها على كندا عدل.

[Horus]

يا عم شيكو منيسوتا برد صحيح بس ربنا ما يوريك برد نورث داكوتا ...

أو الولايات الشماليه اللى فى كندا مثلا ..ساعتها هتحس انك فى نعيم.

ملحوظه:

الدراسه العليا هنا صحيح غاليه بس ممكن اوى تقدم على منحه و الجامعه تعفيك من المصروفات و ده اللى حصل معايا ..

و كمان بأساعد فى تدريس بعض الكورسات و الجامعه فى المقابل بتدينى مكافاه كافيه لمتطلبات الحياه الاساسيه .. يعنى انا بأدفع بس المصروفات الزياده و تذاكر السفر و كده..

و السلام

[SANAA]

سناء

45 سنة

متزوجه، ولدين وبنت

المولد: محافظة الدقهليه

الاقامة:الولايات المتحدة الامريكيه

[nora]

اهلا بيكي يا سناء نورتي المنتدى عقبال لما تنورينا في موضوعات وخبرات جميلة بأذن الله

[الأفوكاتو]

السيدة الفاضلة سناء,

مرحبا بك معنا فى المنتدى, و نتمنى أن نتعرف بك أكثر عن طريق المشاركة فى الموضوعات, و خاصة وجهة نظر من يقيمون فى أمريكا فى أمور مصر الحالية.

[SANAA]

الاستاذ الأفوكاتو

nora

الف شكر علي هذا الترحيب

[Salwa]

السيدة الفاضلة/سناء.

اهلا بك ...اسعدتينا بوجودك ...انا فعلا بفرح جدا لما الحرملك تنضم له اخت زياده .

يارب تعجبك ...دوشتنا....ونسمع صوتك عاليا ...

حتى يظل المنتدى ...ثائرا ....//اقصد // سائرا على نفس الوتيرة .

واقدم لك نفسى ......انا سلوى .

من فضلك .............اقرئى الحكايات .

دعاية مجانية .....بس نيتى حلوة.

سلامى .

[SANAA]

الحبيبه سلوي

شكرآ جزيلا

وانا قرآت القصص كلها وعجبتني جدا

ومش بس القصص انا كمان بعمل (الماكاريتسا)بطريقة حضرتك

انا صحيح عضوه جديده لكن قارئه جيده للمنتدي

[بنت شعنونة]

مدااام سنااااااااء حمدالله ع السلالالالامة

اخيييييرااااا بقيتي معاناااا في المنتدىىىى

مبرووووووك العضوية يا فندم