نعرف بعض أكثر

[أنـفـــال]

بسم الله الرحمن الرحيم

السلام عليكم و رحمة الله و بركاته

أنـفال

24 سنة

مهندسة مدني

مصرية الجنسية و حالياً في مصر..

و الله اعلم كمان شوية هاكون فين!! :lol:

و بس كدة mfb:

[kokowawa1979]

أخوكم كوكو واوا

حاصل على الإعدادية العامة

أعمال حرة وصاحب مزارع

[عصام أبوالفتح]

السلام عليكم أخوانى المحاورين وأخواتى المحاورات ..

اسمى عصام ونأب عليتى النمر ( محدش يخاف ارجووووووووكم :) )

مهندس معمارى ( اول معمارى أسجل فى موضوع التعارف الجميل ده )

28 سنة ( فعلا فعلا حاسس انى عشت كتير وكفاية عليا كده بقى .... )

متزوج من مهندسة معمارية عظيمة وزهرة حياتنا ليلى ( اجمل قررررررررردة فى الدنيا )

اشتغلت سنتين بالقاهرة مكان عائلتى وبعد كده ثلاث سنوات حتى الان بالرياض ( حبيبة قلبى )

هواياتى القراءة

ثم الرسم

ثم اللعب مع العيال الصغيرة ( من زماااااااااااااااان أوى أى عيل صغير احب العب معاه كأنى فى سنه :unsure: )

ثم الشطرنج

ثم النوم بعمق ( أسرع واحد فى الدنيا ينام ) .

سعادة الدنيا مع ليلى وامها فى أى مكان فى العالم .. ومشتاق لوحدة المسلمين

تحياتى لكم جميعا .

[moslema salafeya]

السلام عليكم ورحمة الله وبركاته

تعرفت على محاورات المصريين ومن بها من محاورين و محاورات منذ شهور منذ اشتراك أخى بها ولم أشترك بها إلا الشهر الماضى بعد أن شدتنى بعض الموضوعات بها

بكالوريوس هندسة قسم إتصالات دفعة 2000 وأعمل بنفس المجال فى الشركة ال.... ولا بلاش لأن كل اللى بيعرف بيطلع فى ويبقى عايز يقتلنى اعتقادا منه إنى بساهم فى مأساة الناس الربع سنوية مع التليفون والفواتير

خلاص ولا كأنكم عرفتوا حاجة :) :unsure:

أعتقد إعتقاد قوى وجازم بأن عزة المسلمين فى إصلاح أنفسهم وعودتهم إلى كتاب رب العالمين وسنة سيد المرسلين وأحاول جاهدة تطبيق ذلك على نفسى أولا .

فادعو الله لى إن يهيأ لى من أمرى رشدا :blink:

[MuslimaEgyptian]

وعليكم السلام ورحمه الله وبركاته أختى العزيزه

مرحبا بكى بالمحاورات إنت والاخت العزيزه أنفال..ونأمل المزيد من مداخلاتكم الجميله، إن شاءالله فى ميزان حسناتكم...

أعتقد إعتقاد قوى وجازم بأن عزة المسلمين فى إصلاح أنفسهم وعودتهم إلى كتاب رب العالمين وسنة سيد المرسلين وأحاول جاهدة تطبيق ذلك على نفسى أولا .

فادعو الله لى إن يهيأ لى من أمرى رشدا

إعتقادك فى محله، أعاننا الله جميعا على إصلاح أنفسنا الى أن تتبدل أحوالنا الى ما يرضى الله ويرفع رؤوسنا...

;) bngn:: bxg::

ما شاء الله المهندسات ملوا البلد...أقصد المنتدى :o

تم تعديل 9 ديسمبر 2004 بواسطة MuslimaEgyptian

[ragab2]

ونأب عليتى النمر

لقب

عائلتنا .. كحيلة

وكحيلة الجد الكبير أصلا كان تاجر جلود مغربى

كان سادس أو سابع جد تقريبا

الذى يعرف التاريخ هو ابن عمى أستاذ التاريخ بآداب القاهرة

وكان جدى يحضر الجلود للمغرب ويشتريها من السودان فى رحلة من المغرب للسودان وبالعكس عن طريق أسيوط كمحطة ترانزيت

كان هذا فى زمن الحملة الفرنسية من حوالى أكثر من مائتين عاما

وقد تزوج الجد كحيلة من مصرية صعيدية فى أسيوط واستقر بها

وأدخلوا الجدود فن صناعة ودبغ الجلود فى مصر

حصل الجدود على أوسمة ونياشين فى فن تصنيع الجلود من الخديوى اسماعيل وتوفيق وعباس

وكانوا يدرسوا فن تصنيع ودبغ الجلود فى المدارس والمعاهد المختلفة وكانوا يجلبوا الكيماويات المستخدمة من المغرب

لنا علاقة قرابة ونسب بعائلات خشبة وأبو دومة بأسيوط وهم أولاد خالة وخال والدى

بدأت العائلة فى مصر بفرد واحد أتى من المغرب والآن ربما وصلت لعشرات الآلاف

ومازال أصل كحيلة فى المغرب وفرع فى تركيا سفرهم السلطان عبد الحميد لإنشاء صناعة الجلود فى تركيا

والدى نزح للقاهرة مبكرا وتزوج منها لقسوة الجد والتربية الصعيدية فى تلك الفترة فى أسيوط

لذا

كان والدى رحمه الله أقل أفراد العائلة يسرا

وكانت بركة الله أكثر بفضل تدبير والدتى وحكمتها

وقد عوضنا الله خيرا والحمد لله

ورددنا للوالد والوالدة جزءا بسيطا مما عاناياه فى تربيتنا

قبل وفاتهما

رحمهما الله

ورحم كل المؤمنين والمؤمنات

[mwefy]

محمد ويفي

عندي 27 سنه

خاطب وعلي وش جواز طالع عيني في الجهاز والديكور (بس الحمد لله طبعا )) بشتغل في القاهره في شركه كمبيوتر link.net بس انا بشتغل account executive ابويا مصري صعيدي بس جدي تركي fty:: وجدتي كمان بس شكلي مش تركي خالص شكلي مصرييييي صعيدييي تماما مش عارف تركي ازاي بس يا ربي . بموت في مصر واصحابي واهلي حاولت اسيب مصر معرفتش خالص ولا حتي لما جتلي اكتر من فرصه عمل بره مصر ((فقري اعمل ايه ))

بحب ربنا اوي اوي اوي بزعلو كتير وبيسامحني اكتر بكتييييييييييررر

اشتغلت من وانا عندي 17 سنه

بحب المسرح والموسيقي

هوايتي الرسم والنحت وبجد بحس بنفسي اني بني ادم بجد لما بكون في حوارات المصرين بجد مش مجامله والله ومش ناوي ابطل انشاء الله

طولت عليكو انا اسف

[mwefy]

انا اسف نسيت اقولكو حاجه مهمه اوي انا خريج كليه التجارة 2003 بعد 10 سنين وده لاني مش بحب التجاره وكلن نفسي ادخل فنون جميله بس الاب بقه قام بدوره fty:: بس الحمد لله

[mwefy]

الرد لتحديث الموضوع فقط

[moslema salafeya]

وعليكم السلام ورحمه الله وبركاته أختى العزيزه

مرحبا بكى بالمحاورات إنت والاخت العزيزه أنفال..ونأمل المزيد من مداخلاتكم الجميله، إن شاءالله فى ميزان حسناتكم...

الأخت مسلمة مصرية جزاكى الله كل خير cr((: للترحيب بى أنا والأخت أنفال

وربنا يبارك فيكى وتمتعينا دائما بمشاركاتك الطيبة :blink:

[ابو خليل]

ابراهيم

الناس كلهم بيقولولي ابو خليل ...

لدرجة ان الناس في الخليج افتكروا ان لي ابن اسمه خليل !!

تاريخ الميلاد اختلف المؤرخين في تحديد تاريخ ميلادي و إن اتفقوا علي تحديد تواريخ حدثت فيها كوارث قومية (مثل 5يونيه 1967، مايو 48..الخ)و أنا عن نفسي اطمئن لقول أمي (خير من يُسال عن هذا الأمر ) حيث أقسمت -رحمها الله- بأن مولدي كان عصر احد أيام عام 1975وهو يوم لم تحدث فيه أي كوارث قومية علي حد علمي إلا إذا اعتبر البعض أن ميلادي في حد ذاته كان احد هذه الكوارث!!

مكان الميلاد لم يسلم مكان ميلادي من عبث المؤرخين فالبعض أكد انه كان في الغرفة الداخلية لدارنا والبعض ذهب إلي انه كان في الغرفة الأصغر و البعض زعم أن الميلاد كان في غرفة المعيشة.

الحالة الاجتماعية : (مخطوب )"" لاني فعلا لم اطلب يد خطيبتي بل هي التي طلبتها !!! "" ولكم ا لحرية في تصديق هذا أو تكذيبه .. لكنها الحقيقة ، عموما لو لم تكن طلبت يدي بنفسها ... لبقيت حتي الان حرا طليقا ... !!!

الأصول : لم يمهل القدر أبي وأمي حتي اسئلهما عن أصولنا !!بس اللي انا متأكد منه أن كلنا ( ناس ولاد أصول) !

العمل : صدقوني انا مش عارف انا بشتغل ايه ؟؟

انا بشتغل في كل حاجة !! ويتكلف بحاجات غريبة خالص ..

بس المفروض اني مدرس !!! ومعي عقد رسمي بذلك .. وأملك بطاقة شخصية وكارنية نقابة المعلمين فيها نفس المسمى !!!

الشكل العام هي النقطة التي لا أحب الخوض فيها فقط اذكر قول الشاعر : "كن جميلا تري الوجود جميلا ".. وأنا والله حاولت أن أكون جميلا و عندما فشلت .. اكتفيت بأن أري الوجود جميلا!( ملحوظة: كنت علي وشك إدراج صورتي في الموقع إلا أن أصدقائي المخلصين حذروني من العواقب )

الصفات أ- الصفات الحسنة : لن اذكرها فالذي يذكر صفاته الحسنة هو إنسان مغرور متكبر . ب- الصفات السيئة : لن اذكرها فالذي يذكر صفاته السيئـة هو إنسان مغفل يسعى لان يكرهه الناس .

محل السكن : معرفش بالضبط ..

فيه ناس بتشوفني في مدينة الرياض ( ومنهم طبعا صديقي ا لمهاجر)

وساعات احس بالحاجة لاني أشد الرحال علي مكة اقوم طالع هناك وغالبا ...( رمضان ووقت الحج )

ويمكن اقضي اسبوعين ثلاثة في ( طنطا ) حبيبة قلبي و "معقل " اصحابي واحبابي وأهلى ..

الهوايات القراءة - السياسة - الصبر - الفول المدمس ( علاقتي به تعدت الهواية لمرحلة اخطر هي الإدمان ) -الفوضى - الشطرنج ( العبه فقط مع الأقل مني في المستوي حتي اضمن الفوز) - إطلاق الشائعات - التأمل - البكاء علي أحوال العرب- الوقوف ساعات في طابور الخبز - إطلاق النكات ( اغلبها على نفسي) - حرق الخبز أثناء تسخينه.

بس متهيأ لي قلت كل حاجة عن نفسي ! :)

[optimistic]

حقكم برضو تعرفوا

اسمي باسم

مهندس بترول (مع اني خريج قسم مدني بس النصيب)

عمري 27 سنة

مسلم و مصري و اهلى اصلا من بورسعيد و عايش في مدينة نصر

اعزب

بحب القراءة و ممارسة الجري

باسافر كتير لطبيعة عملي

حياتي هي شغلي و اسرتي

باختصار

شاب مصري بسيط

[سهيلة]

انا سهيلة

دكتورة امراض جلدية وتناسلية

عمرى 28 سنة

بدور على ابن الحلال اللى اكيد مامتة داعية علية

بحب الرياضة خاصة الفوللى بول

اهلاوية

محلاوية

بحب القراءة جداااااااااااااااااااااااااااااا

[egyption]

بسم الله الرحمن الرحيم

نبدأ علي بركة الله

انا شريف

عندي 19 سنة

لسه طالب في معهد اسمه معهد الجزيرة بالمقطم ..اظن محدش يسمع عنه :rolleyes: . بس مش وحش :huh:

طبعا انا عايش في مصر في محافظة القاهرة بالتحديد في حي حدائق البقة

الهوايات:

الكمبيوتر والانترنت والمشي لمسافات طويلة :angry:

وبنحاول نتعلم لغات وبرمجة

حاليا بدون عمل

وغير متزوج (شي طبيعي) brd::

بس خلاص

[achnaton]

انا سهيلة

دكتورة امراض جلدية وتناسلية

عمرى 28 سنة

بدور على ابن الحلال اللى اكيد مامتة داعية علية

بحب الرياضة خاصة الفوللى بول

اهلاوية

محلاوية

بحب القراءة جداااااااااااااااااااااااااااااا

سيبك من الكل .. مفيش غيرى .. وظيقه حره ومش ميرى ؟!! بس أنت متأكده من الرقم ده ؟؟ مش يمكن الكمبيوتر عندك بيقلب الأعداد .. إذا لأ .. الرقم صحيح .. يبقى ياخساره متنفعنيش ..

ربنا يسعد ويكرمك لما تبقى 82 .. وتعاكسى اولادك واحفادك زى ما انا بأعمل الوقت .. وكله بأوانه .. ومرحبا بك بيننا :rolleyes:

[Fencer]

اسمي حسام الدين حسن

عضو جديد لسة مسجل امبارح

اعمل مدرب مبارزة

الى ديسمبر 2003 كنت مدرب منتخب مصر للسلاح

حاليا اعمل في Lotus fencing academy بالولايات المتحدة

[se_ Elsyed]

قشطه يا حسام

مرحبتين بك سواء في مصر أو عند الأعداء اللي ما يتسموش ..

يبقى أحنا كده قربنا نكمل عدد منتخب السلاح ... عندنا سنايبر ( ربنا يرد غيبته من البلاد البعيده ... إدعوا له ) أستاذ في الرمي بالندقية والطبنجة .. وأدي كمان حسام تخصص شيش ... ومن الأول س س تخصص نبلة .. يبقى كده ما فضلش حاجة غير القوس والسهم ...

قولي بقى .. سِلم ولا دكه ؟ ;)

يعني طياري وماشي على طول ولا لازق وقاعد معانا ؟

[Fencer]

قشطه يا حسام

مرحبتين بك سواء في مصر أو عند الأعداء اللي ما يتسموش ..

يبقى أحنا كده قربنا نكمل عدد منتخب السلاح ... عندنا سنايبر ( ربنا يرد غيبته من البلاد البعيده ... إدعوا له )  أستاذ في الرمي بالندقية والطبنجة .. وأدي كمان حسام تخصص شيش ... ومن الأول س س تخصص نبلة .. يبقى كده ما فضلش حاجة غير القوس والسهم ...

قولي بقى .. سِلم ولا دكه ؟  :blink:

يعني طياري وماشي على طول ولا لازق وقاعد معانا ؟

<{POST_SNAPBACK}>

سي السيد

شكرا على الترحيب و اما عن الدكة و السلم فان شاء الله دكة( بس مش احتياطي) :blink: و كمان احنا تحت امرك يا سي السيد في اي حاجة تؤمر بيها

دي تاني مشاركة لي و انا لسة باشوف ايه الاخبار و انا شايف خير ان شاء الله و النتدى شكله دمه خفيف من الانطباع الاول ;)

اشكرك كثيرا

[وليد صفوت]

يا قهلاً يا قهلاً بصديق البرنامج الجديد Fencer,.....

بس يا ترى يا هل ترى يعنى ايه Fencer ؟

طبعاً زى ما قالك س س صاحبى و حبيبى ...... القعاد بالمشاريب و الشكك ممنوع :blink:

نتمنى تكون قعدتك معانا قعدة جميلة لذيذة ظريفة لطيفة خفيفة :blink:

ألف شكر .... و تحياتى للسيد الرئيس و السيد جمال و عم عبده البواب ;)

[Osha]

السلام عليكم

اسمي رشا

من مواليد برج الأسد

يعني مندفعة وباخد قرارتي بسرعة

خريجة كلية الآداب - قسم علم نفس

متزوجة من حسام - Fencer

عندي نهال 11 سنة

ومحمد 8 سنوات

أحب المطبخ جدااااااااااا

وغاوية قراءة بشدة

أحلم دائما بغد أفضل وعندي يقين ان ربنا حيبعته لي قريبا بإذنه وحده - يعني متفائلة بإختصار

مقيمة حاليا في اتلاتنا - جورجيا - الولايات المتحدة