نعرف بعض أكثر

[se_ Elsyed]

إيه ده .. حلق يا جدع ... حسام جه وجاب الفاميليا معاه ..

طب فين نهال وحمو ؟

يا مرحب بالفانسي فاميلي ... نتمنى لكم إقامة سعيدة وإفطاراً هنياً .. والرجاء شد الأحزمة إستعداداً للإقلاع .. ولو سمحتوا بقى أتفضلا من أوضة المسافرين إلى مطبخ العمليات وورونا مواضيع جامدة وسُخنه ..

[Fencer]

يا قهلاً يا قهلاً بصديق البرنامج الجديد Fencer,.....

بس يا ترى يا هل ترى يعنى ايه Fencer ؟

<{POST_SNAPBACK}>

الاخ العزيز Violinking

تحياتي ليك و اشكرك على الترحيب الجامد و فعلا المنتدى ده شكله حلو و ناسه كمان

اما عن معنى كلمة fencer فهي معناها مبارز او لاعب مبارزة و ممكن تشوف الصورة اللي انا حاططها

و انا اخترت الكلمة دي لان اسمي الحقيقي حسام و هو معناه سيف و انا باشتغل مدرب مبارزة (fencing instructor) فقلت زيتنا في دقيقنا و خليها fencer

ايه رأيك يا ملك الكمنجة

[Fencer]

إيه ده .. حلق يا جدع ... حسام جه وجاب الفاميليا معاه ..

طب فين نهال وحمو ؟

<{POST_SNAPBACK}>

ايه الحكاية يا سي السيد ... هو ده المنتدى اللي بيقبضوا فيه على العائلات?

انا قلت اخبي العيلين لحد ما نشوف ايه الحكاية

شكرا على الترحيب العائلي الشديد :D

[shawshank]

من زمان عايز اكتب في الموضوع ده بس مكسل بصراحة .. و كمان مفيش وقت

المهم ... أنا شرقاوي – 32 سنة – متزوج و عندي ولد و بنت

عايش حاليا في أمريكا – بقالي ييجي 7 سنين كده – على وش أخلص دكتوراه ان شاء الله في هندسة الكمبيوتر... راجع مصر ان شاء الله بعد لما اخلص ... (يا رب تكون بقيت احسن و لو انه مش باين خالص)

عرفت المحاورات من واحد صديق – أول حاجة لفتت نظري بصراحة تعليقات سي السيد و قصص حشيش ... كنت بدخل اقراهم مخصوص

Shawshank مقتبس من اسم فيلم من أحلى ما شاهدت ... هو اللي جه على بالي لما حبيت اختار اسم مستعار ... (هو بالمناسبة اسم سجن في الفيلم :angry: ) .... ايه تاني؟

[ابو خليل]

shawshank

فعلا فيلم وداعا شاوشينك من أجمل الأفلام في السنوات الأخيرة ..

بس خد بالك لأن البطل هرب من السجن في النهاية ومعاك ملايين !!!

[shawshank]

مش ملايين ، هما كانوا بس آلافات :D ، ماكانش فيه في وقت أحداث الفيلم ملايين :angry:

[Reham]

:D اما انا بقي مصريه ......ميه ميه :lol:

متزوجه ولدي 3اطفال .....ربنا يخليهم :lol:

خريجة كلية تربيه فنيه ......ولا اعمل :wub:

قاهريه .......بس بعيش في السعوديه :lol:

وعمري 32 سنه ..........والله العظيم

وجديده في المنتدي بقالي يوم واحد بسسسسسسسسسسسس

وعجبني جدااااااااااااااااااا

لي اصدقاء كتير والحمد لله

بس اعز صديقه لي هي روشا سابتني وراحت امريكا شيكا بيكا :wub:

بس انا ان شاء الله هرجعها تاني

فيه حد له اي استفسار

انا في الخدمه يا بشوات وتحت امركم

ريهام :)

[إثار]

السلام عليكم ورحمة الله وبركاته

اولا احب اقول ان المنتدى اكثر من رائع

ثانيا

اسمي مش إثار ده مجرد نك نيم

مواليد الكويت

اشهدان لااله الاالله وان محمدرسول الله

12 /6 /1983

الاب من المنصوره والام من القاهره

دراستي الجامعيه في مصر واغلب شهور السنه بقضيها بالكويت

في انتظار شهادة البكالريوس

لسه واخده الرخصه الكويتيه من خمس شهور عقبال المصريه

بحب القراءه جدا والرياضه وكنت بحب الرسم لغاية ماعرفت انه حرام توقفت عنه للاسف

اتمنى انشاءالله اني ادرس الحاجه اللي بحبها

ارجو اني ماكنش طولت عليكو :rolleyes:

[bentmasria]

اهلا وسهلا بيكم جميعا فنسر واوشا واثار

نورتم بيتكم التانى محاورات المصريين

ان شاء الله دايما تحسوا بالراحة والدفا وسط عيلتكم

على فكرة يا ريهام وعفوا يا إثار

انا ونشوى صديقة قديمة (مشغولة مع جنة بنتها اليومين دول)هنا خريجات فنون جميلة عواجيز يعنى اكبر منك شويه وبما انك تربيه فنيه يعنى اخوات انتظر منك حاجات يدويه من هواياتك تشاركينا فيها واتوقع عندك حاجات كتير من ذوقك الجميل

اهلا بيكى وبيكم جميعا فى منتداكم

ام محمد

[se_ Elsyed]

بحب القراءه جدا والرياضه وكنت بحب الرسم لغاية ماعرفت انه حرام توقفت عنه للاسف

:blush:

<{POST_SNAPBACK}>

أسف جداً لكن إستفزتني هذه الجُمله .. أنا عارف إن ده مش مكانها .. ولكن ممكن توضحي لنا يا إثار من فين جبتي الفتوى الغريبة دي ؟

[محمد شلبى]

بحب القراءه جدا والرياضه وكنت بحب الرسم لغاية ماعرفت انه حرام توقفت عنه للاسف

:blush:

<{POST_SNAPBACK}>

أسف جداً لكن إستفزتني هذه الجُمله .. أنا عارف إن ده مش مكانها .. ولكن ممكن توضحي لنا يا إثار من فين جبتي الفتوى الغريبة دي ؟

<{POST_SNAPBACK}>

انا كمان والله كنت عايز اقول كده من اول ما قريت المداخلة دى بس كنت محرج لان مش مكانها, يا ريت توضيح صغير بس يا اخت اثار.

[bentmasria]

الى العزيزة إثار

لم اكن سأتوقف امام جملتك التى نصت على تحريم الرسم ولكن توقف الزملاء سيجعلنى ارد عليك مع العلم انى دفعة 1990 ومر على هذا الأمر سنوات طويلة

حين التحقت بكلية الفنون الجميله كنت اعشق فن النحت وافضله على أى تخصص آخر ونجحت فى الفرقة الأولى بامتياز واخترت النحت كتخصص أول ثم راودت والدى بعض الشكوك حول حرمانية النحت وارجع الأمر الى ان صناعة التماثيل سابقا قادت لعبادة الأصنام واختلفنا واطعته وتحولت الى قسم آخر يرضى عنه لكن مادة الرسم فيه كانت اساسية وذهبنا سويا الى دار الأفتاء وسألنا الشخص الموجود هناك آنذاك ورده كان لطيف جدا

قال انه لا تحريم مباشر على الرسم او التصوير او النحت حتى وقد حرمت فقط رسم صورة لرسولنا الكريم صلى الله عليه وسلم تجنبا لما قد يحدث بعد ذلك من تقديس او ربما عباده لهذه الصور

ثانيا افتانا جزاه الله خيرا ان الشكل غير المكتمل يحل هذه المعضله

بمعنى ان ترسمى شخصا غير كامل لا تظهرى اليد او القدم او اى جزء يمكن اخفائه واقر بالمثل على الاعمال النحتيه ولا اذكر بالتحديد تفسيره للعمل غير الكامل لكنه كان مقنعا آنذاك

ورحم الله ابى ظل يضحك كلما تذكر ووضع المنطق بيننا ولو فكرنا قليلا لوجدنا الأمر محسوم بشكل سهل وميسر كما فى كل امور ديننا اختى إثار

يمكنك التأكد من كلامى من اى موقع من مواقع الفتوى ولتعودى لممارسة ما تحبين ووظفيه لخدمة دينك لو احببت

بارك الله فيك واعتذر لخروجى عن الموضوع الرئيسى

[إثار]

السلام عليكم ورحمة الله وبركاته

ازيك يا بنت مصر للاسف انا مش فنون جميله انا تجاره

[bentmasria]

ما اختلفناش يا ست الكل لسه برضه ما قلتلناش منين فتوى ان الرسم حرام

وايه اللى خلاكى تسيبى هوايه بتحبيها

وربنا يسعدك ويوفقك

[إثار]

السلام عليكم ورحمة الله وبركاته

ازيك يا بنت مصر للاسف انا مش فنون جميله انا تجاره

<{POST_SNAPBACK}>

اما موضوع تحريم الرسم ده من ايام ماكنت في المدرسه في رابعه ثانوي من مدرسة التربيه الاسلاميه

وكمان قالت ان التماثيل حرام

[IUnkown]

مش عارف كدة هاخرج عن الموضوع ولا لأ

محمد

28 سنة متزوج وعندي احلى احمد 4 شهور

هارب من منتديات صوت مصر

خريج علوم رياضة وكومبيوتر 2000

مبرمج

بحب القراءة

سعودي المولد

منوفي :rolleyes: النشأة

قاهرى الاقامة

[محمد شلبى]

مش عارف كدة هاخرج عن الموضوع ولا لأ

محمد

28 سنة متزوج وعندي احلى احمد 4 شهور

اهلا بيك يا ابو احمد نورت المنتدى , عاوزين حمادة يشد حيله بسرعة ويخبطنا 20 مداخلة كده على بكره الصبح :wub:

هارب من منتديات صوت مصر

يا راجل كلنا كنا هاربين :wub:

خريج علوم رياضة وكومبيوتر 2000

مبرمج

بحب القراءة

سعودي المولد

منوفي  :rolleyes: النشأة

اهو ده عيبه :blush:

قاهرى الاقامة

<{POST_SNAPBACK}>

[dark side of the moon]

طارق 28 سنة

الأسكندرية ، ميامي

خريج تجارة و اشتغلت 6 شهور في الكويت و كان حظي وحش و رجعت مصر و حاليا بشتغل في مبيعات الدهانات البحرية و الصناعية بشركة يوتن للدهانات

بعتبر نفسي ذكي جدا بس حظي مش حلو

أعتبر الآن من الشباب التائه اللي نفسه في الأستقرار و مش لاقيه سواء الاستقرار المادي او النفسي او العاطفي حتى

مش عارف ليه ؟؟ يمكن عشان بعيد عن ربنا شوية (( أكيد ))

بحب المنتدى جدا و بحترم اعضائه

حاولت من خلال مشاراكاتي الأستفادة من خبرات بعض الاعضاء في أمور مهمة جدا لأني مقتنع ان احنا مش هنعرف نتقدم الا لما نساعد بعض حتى بالمعرفة و التوجيه

أتمنى أن الأعضاء هنا يقفوا جنبي عشان انا الفترة دي محتاج فعلا حد يقف جنبي

و مش من النوع اللي بينسى رد الجميل

و شكرا .

[محمد شلبى]

اهلا بيك يا استاذ طارق نورت المنتدى :blush:

احنا هنا كلنا اخواتك وف خدمتك يا طارق وان شاء الله تلاقى الاستقرار اللى بتدور عليه.

[Reham]

السلام عليكم ورحمة الله وبركاته,,,,,,

اخواني وأخواتي اعضاء المنتدي الكرام

لاحظت في الفترة الاخيرة انضمام مجموعة من الاعضاء الجدد الي منتدانا

ولم نقم بالترحيب الواجب لكل عضو :)

بالنيابه عن نفسي وعن كل أعضاء المنتدي ارحب بكل الأعضاء اللذين انضموا الينا :D

واحب ان أعرض فكره قديمة لكنها مهمه جدا من وجهة نظري وقد قام بعرضها مسبقا الاستاذ هشام عبد الوهاب ....

ألا وهي ,,,أن يقوم كل عضو بتقديم نفسه لباقي الاعضاء حتي الأعضاء القدامي والمشرفين ,,, بمعني اعم ان يتكلم عن نفسه .....اسمه ,لو مافيش مانع,.. عائلته.. دراسته..هواياته..وكل مايحب ويكره

ارجو من المشرفين تثبيت الموضوع حتي يتسني لكل عضو جديد التعرف علي باقي الاعضاء اللذين يتحاور معهم,,,,وحتي لا يضيع الموضوع في غمار الموضوعات التي تطرح في هذا الباب....وجزاكم الله خيرا

تم تعديل 28 ديسمبر 2005 بواسطة Reham