نعرف بعض أكثر

[abofasad]

أويد هذا الاقتراح .. وبشدة

جدو ابو فصاد

[Reham]

اشكرك بشده وبعنف جدو العزيز ابو الفصاد

يالا حالا بالا بالا هنوا ابو الفصاد

كل عام وانتم جميعا بألف خير :)

[dr khaled]

Nice Idea Reham

I am a new member here,and i respect all other members with greetings to moderators of course , i will be happy to

introduce my self to other friends

dr khaled

[سيزيف]

الاخت العزيزه ريهام

يصراحه الفكره جميله بالفعل

وانا بصفتى احد الاعضاءء الجدد بالمنتدى سوف ابدأ بنفسى

انا اسمى شريف

عمرى 31 سنه

مصرى جدااااااااا

وانتمى اساسا الى صعيد مصر

خريج كليه الحقوق منذ حوالى عشر سنوات

و اعمل فى مجال يتصل بالقانون

اهوى القراءه - فى مجال الادب و الشعر و التاريخ على وجه الخصوص - و امارس رياضه كره القدم - للاسف على استحياء -

و بالنسبه للحاله الاجتماعيه

انا اعزب

"يا ترى عندكم عرايس ف المنتدى ؟؟ :) "

و اخيرا

انا برضه عندى اقتراح

اعتقد ان التعارف لايجب ان يقتصر على الاعضاء الجدد

فالمفروض ان الاعضاء القدامى برضه يقدموا نفسهم عشان الجدد يعرفوهم

[Reham]

الاخوه الأعزاء

dr khaled

شريف

أهلا بكم ..أهلا بكم mfb: نورتوا منتدانا الجميل

واتمني ان نسعد بمشاركاتكم

طب يادكتور خالد هتعرفنا بنفسك امتي ؟؟؟؟وياتري دكتور في ايه بالضبط طبيب يعني ولا دكتور اكاديمي ..اصل انا ليا اتنين اخوات دكاتره قد الدنيا يمكن تكون تعرفهم قصدي أطباء يعني :)

احنا مستنيينك تكمل تعارف :wub:

الاخ العزيز المتر شريف

اهلا بك مره اخري وياسيدي العرايس علي ......من يشيل mfb:

بس انت اجهزوقولنا

علي فكره انت اكيد دخلت قاعة الشعر والادب هنا في المنتدي

هااااا ...ايه رأيك في شعرائنا وكتابنا

مش بجد صحيح عايزين حد يكتشف مواهبهم الثمينه

ولو ليك في المطبخ مع انني اشك في كده ;) هتتبسط اوي في المطبخ عندنا شيف ولا كل الشيفات ومساعدينه ايه دكاتره والله العظيم :wub:

لف كده وشوف

والله ياجماعه الفكره مش جديده ولا حاجه وبالفعل قام احد ابناء المنتدي بطرحها من قبل لكنها اندثرت في ظل الموضوعات الكتيره اللي بتنزل

ولو سمحتوا ارفعوا صوتكوا معايا للمسئولين عشان يثبتوا الموضوع ده لانه مهم جدا والله من وجهة نظري

[se_ Elsyed]

ولو سمحتوا ارفعوا صوتكوا معايا للمسئولين عشان يثبتوا الموضوع ده لانه مهم جدا والله من وجهة نظري

نععععععععععم مين بينده

ريهام .. صوتك وصل للمسئولين .. وهما بيقولوا لك إنهم مش مسئولين عن أي مسئولية ممكن يتسئل عنها أي مسئول ..

وعشان نثبت لك حُسن نية المسئولين فلقد غطسنا في أعماق المحاورات الغميقة وجبنا لك موضوع هايعجبك إسمه

يالا بينا ... نعرف بعضينا

وثبتناه كمان بمسمارين 5 لينيه عشان ما يهربش .. إحنا عندنا كام ريهام ( عندي في العيلي ييجي 4 ريهامات .. أكبرهم دلوقت في أولى هندسة )

تحياتي للجميع ...

رجعتونا 20 سنة ورا ياولاد لما قرأت أسماء أعضاء أعزاء كانوا معنا .

هييييييييه سي لافي

بالمناسبة يا ريهام ..

عنوان موضوعك ( إتكلم عن نفسك ) زي العسل .. وحسيت إني في حد بيشتمني وبيقولي .. إتكلم عن نفسك يا كابتن ... :)

[Reham]

جزاك الله خيرا ياسي السيد باشا

موضوع هشام ماكانش مثبت ولا حاجه بس أشكرك لاهتمامك بالموضوع وتثبيته مره أخري

انا أصلي كنت عرفت نفسي هناك في موضوع هشام بس لقيت ان الموضوع رااااااااااااح

ومهم جدا ان الاعضاء الجدد كمان يعرفوا نفسهم لينا ويعرفونا .... بعتبر نفسي قديمة شوية يعني

واشكرك مره أخري علي الاهتمام

انا بقي مفيش غير ريهام واحده في عيلتي ومنبهه عليهم محدش يسمي ولاده علي اسمي

عشان الاسم ماينتشرش وعلشان اسباب أخري سياسية...وبس بقي عشان انت متراقب دلوقتي بسبب الريهاماااات الكتير اللي عندكوا

:)

[dr khaled]

Hallo Reham and all members

I am mohamed khaled 36y, i am physician ( doctor batny . ) i am single , love music especially classics and oldies ,love reading soooo much in every topics. love trvelling

Is this enough or write more ?

What about you reeham and other members?

ohh before i forget can you look for arosteen , 1 for me

and1 for shreef ,but iam first because i am older :)

ana bahzer

Have a nice day for all

[se_ Elsyed]

تحياتي للجميع

يا دكتور خالد حاول تستخدم لوحة المفاتيح العربية في الكتابة اللي ستجدها في شريط الإختيارات العلوي حتى يتم التواصل مع الجميع .

[shawshank]

فيه كمان :

- موضوع نعرف بعض اكتر - موضوع مثبت .

- موضوع بطاقة عقلية .

[سيزيف]

العزيزه ريهام

الحقيقه موقع الشعر و الادب هنا جميل وانا لى مشاركات فيه

ام بالنسبه لموضوع الطبيخ فاحب اقولك انى اخاف ادخل موقع الطبيخ لاحسن اشيط الدنيا لان مهاراتى فى عالم المطبخ لا تتجاوز اعداد السانوتشات

[Reham]

السلام عليكم ورحمة الله وبركاته،،

اهلا دكتور محمد خالد

لنا عظيم الشرف :blink:

الله يكرمك اسمع كلام سي السيد واكتب بالعربي ده النبي عربي لحسن احنا ثقافتنا انتهت سنة تخرجي من الكليه مع انني كنت باخد كورسات في الجامعة الامريكية

انا بقي ليا اخ طبيب عظام وفي نفس الوقت معيد تشريح في الكلية

والاخت التانيه دي بقي لسه بتقضي سنة التكليف ياعيني عليها متمرمطه وطالع عينها وعيننا معاها وبتندم اشد الندم من ساعة مادخلت الكليه ولغاية دلوقت ناويه تتخصص جلديه....الله يعينكم جميعا علي رسالتكم

وليا جوز اختي كمان شغال دكتور باطنة وحميات بس مش في مصر

وهما دول التلاتة اللي نفعوا عندنا :mellow:

اما العبدة لله فانا خريجة كلية التربيه الفنيه جامعة حلوان 95 ومش بشتغل بمزاجي اصلي مش وش شغل وكفاح..بحب الشغل اللي بمزاجي ومابحبش حد يتأمر علي ويقوللي اعملي وماتعمليش

متزوجه من11 سنه وعندي 3 اطفال(المفروض انهم اطفال) بس والله اعلم دول متنكرين و متسلطين عليا من جهه أمنيه عليا :blush:

بحب السفر والسياحه والرسم والتصميم بشكل خاص والقراءه بس مش في كل الاوقات...(والله يكرمك ماتنساش العربي)

وليه مستعجلين ياشباب علي الجواز

خليكوا كده مستريحين ومريحين والله

الاخ شريف

اصلي انا بدخل موقع الشعر كل حين ومين ..انا لازقه عندهم في المطبخ بتفرج عليهم واسقف لهم طبعا لكن برده مشاركاتي في المطبخ لا تتعدي الاطراء يعني ممكن تروح تتفرج زيي والحاجه اللي تعجبك سقف وقولهم يعيدوا ...اصل الاخوه هناك لذاذ جدا وفعلا متمكنين في المطبخ وانا اصلا بدخل المطبخ بالزق وبعمل الاكل واجري اطلع منه جرب يمكن تمشي معاك حاجه...

وسلام بقي

[akram el halawany]

أسمحوالى أعرفكم بنفسى 000ثم لى تعليق

أنا مهندس أجهزة طبية أسمى أكرم الحلوانى من أسكندرية

متزوج وعندى ولد وبنت وعمرى 42 سنة وفاتح شركة لأصلاح الأجهزة الطبية

أما التعليق00فهو

لمذا يحرص البعض على المشاركة باللغة الأنجليزية

أنا والله بأعرف أنجليزى كويس وكمان فرنساوى00وشوية روسى

لكنى بحب لغتى العربية جدا000

[Reham]

اهلا بك ومرحبا اخي العزيز اكرم

شرفتنا ...آنستنا..اهلا بوجودك عندنا :D

نسعد بوجودك معنا وبيننا ونرجو ان نكون قد اسعدناك :D

اما بالنسبه لتنويه حضرتك بخصوص البعض الذي يحرص علي الكتابه باللغةالانجليزية فده مش قرننه ولا إستعراض لغات لاننا الحمد لله هنا كلنا يحرص علي لغته ووطنيته بالرغم من كل المؤثرات الخارجية... لكن فعلا البعض بيكون واخد علي الكتابة باللغه الانجليزية فبياخد وقت أكتر في الكتابة باللغة العربية ...مثلا انا مش بعرف اكتب انجليزي اوي بنفس السرعة اللي بكتب بيها عربي :)

وعلي العكس تماما كمان اخويا بياخد وقت علشان يركز في الكتابةبالعربي زي حال الدكتور محمدخالد...دكاتره زي بعض بقي ;) . يعني كل واحد علي حسب ما أخد :) كمان ممكن يكون في الخارج وماعندوش لوحة مفاتيح معربه(لي صديقه كانت كده وكانت بتعلني في الكتابه بالانجليزي المعرب او العربي الانجليزي بمعني اصح) :D

وبسسسس

وأهلا بك مره أخري

وعايزين شوية مشاركات تلوح و ورينا بقي :)

ومع تحياتي لك وللاسرة الكريمة

[وليد صفوت]

تصدقوا عمرى ما قدمت نفسى قبل كده ؟ :)

رغم انى من الأعضاء اللى لابدين فى الدرة من سنتين بس برضو نسيت أقدم نفسى

إسمى وليــد ,

طالب فى سنة رابعة ( أسانس آداب ) قسم لغة إنجليزية ( أو إنكليزية :D ) و مطحون حالياً فى الإمتحانات :)

عازف كمان منذ سبع سنوات , و موزع موسيقى منذ سنتين , و أعشق الموسيقى الشرقى و الـclassic و الـrock ....... و الـcountry لالالالا :D .

أحب قراءة التاريخ جداااااااااااااا , و احب ان اتناوله من منظور مختلف عن المعروض أمامى من وجهات نظر .

أحب الرسم جداً ( برسم حلو و الله مش نبش فراخ :) ) بس مستنى الرسام اللى هيكتشفنى :)

...

طبعاً عصببببببببببببببى جداااااااااااااا ........ أى واحد ليه فى الفن أكيد بيبقى عصبى و منعكش شعره و هدومه مقطعة و كده يعنى :D

إيييييييييييييييه تانى ؟؟؟

ايوة !

بحبكوا جدا و بعتبركوا العائلة الثانية بتاعتى ( أعضاء جداد و قدامى ) :D و مهما إختلفت مع حد فى وجهة النظر فبحاول على قد ما اقدر اكون لطيف فى المحادثة معاه .... بس احياناً الحذر لا يمنع القدر :D

بس خلاص ;)

[Reham]

اهلا اهلا وليد

تصور انني كنت بحسبك اكبر من كده

انا متابعه مشاركاتك

بس مش باين عليك بجد

ماسكه الخشب ربنا يحميك يابني لشبابك

عموما انا هكتشفك يافنان

وبتحب اي نوع من الرسم بالضبط يعني اي نوع اللي بتبرع فيه اكتر؟؟؟؟؟

انا خريجة تربية فنية علي فكرة وكنت شاطرة جدا والحمد لله بشهادة الدكاتره بس دلوقتي فين النفس :)

انا بحب الرسم بالزيت اوي وبجيد في الرسم بالرصاص بس انا هنا ايدي صدت من قلة الرسم :)

حاولت كتير بس بلاقي اللي قاعد علي كتفي واللي عايز ياكل واللي عايز يفهم المسأله دي فبقفل واستعوض ربنا ...اصلي ربنا رزقني ب3 قرود ربنا يخليهم لي :D

ربنا معاك في الامتحانات وماتنساناش في الحلاوه ياأستاذ :)

[وليد صفوت]

اهلا اهلا وليد

تصور انني كنت بحسبك اكبر من كده

انا متابعه مشاركاتك

بس مش باين عليك بجد

ماسكه الخشب ربنا يحميك يابني لشبابك

عموما انا هكتشفك يافنان

وبتحب اي نوع من الرسم بالضبط يعني اي نوع اللي بتبرع فيه اكتر؟؟؟؟؟

انا خريجة تربية فنية علي فكرة وكنت شاطرة جدا والحمد لله بشهادة الدكاتره بس دلوقتي فين النفس  :)

انا بحب الرسم بالزيت اوي وبجيد في الرسم بالرصاص بس انا هنا ايدي صدت من قلة الرسم  :)

حاولت كتير بس بلاقي اللي قاعد علي كتفي واللي عايز ياكل  واللي عايز يفهم المسأله دي فبقفل واستعوض ربنا ...اصلي ربنا رزقني ب3 قرود ربنا يخليهم لي :D

ربنا معاك في الامتحانات وماتنساناش في الحلاوه ياأستاذ  :)

<{POST_SNAPBACK}>

ربنا يخليهوم ليكى دايماً الأطفال بيطلبوا تفرغ تاااااام لحاد لما يستقلوا بذاتهم و أول حاجة يعملوها انهم يطلبوا إستقلااااااااااااااااااااااااال تام من اى تدخل أبوى إسألينى انا .

و ساعتها بقى هتتفرغى تمااااااااماااااااااا للرسم و إيدك ترجع لمهارتها السابقة ( نفس القصة دى حصلت لعمتى خريجة فنون جميلة دفعة الثمانينات :D و حصل نفس اللى بقوله دلوقتى )

اما عن الأنواع اللى بحبها فالرسم بالرصاص و التظليل , و بحب جداً الرسم على القماس و الزجاج و طبعاً الوان الزيت هى المفضلة لى ;)

جربت النحت قبل كده بس لقيت الحاجات بتطلع مشوهة :)

تحياتى ..... :D

[se_ Elsyed]

يا عالم يا هو .. هو أحنا بننفخ في قربة مقطوعة ..

أنا هاضم الموضوع الحال مع الموضوع القديم المُثبت في هذا الباب عشان تبقى عملية التعريف واخده شكل متسلسل .

[yasovinas]

اول مرة ادخل الموضوع ده هنا

واكثر ما اسعدني فيه هو وجود هذا الكم الكبير من الاسكندرانيه نورتونا يا شباب

اخوكم ياسو ابن فيناس

اسكندراني اصيل بس لا عندي جذور تركي ولا ارمني اسكندراني بيووووور يعني

بكالوريوس تجارة جامعة اسكندرية من زمااان

رئيس حسابات مصنع حكومي في ابو ظبي

متزوج وعندي محمد اعدادية

مرح ابتدائية

عمر سنتين

ربنا يخليهم لي ويخليلي امهم يارب

تم تعديل 30 ديسمبر 2005 بواسطة yasovinas

[Reham]

ايوه ياعم سي السيد

مانت مشرف كبير قد الدنيا ماحدش قدك النهارده

يارب اوعدنا :blush:

بصراحه اوافقك الرأي علي ضم الموضوعين ماعنديش ايتها مانع في الموضوع ده ولامؤاخذه احنا بنتكلم B)

ياعالم ياهوه مال اساميكم صعبه كده ليه انتم متعقدين من اساميكم الحقيقية ولا ايه

بتحبوا تتخفوا :ninja:

اهلا ياياسو يابن فيناس...في ناس وفي ناس :D

اشمعني يعني الاسم ده وبيفكرك بإيه مزعلك....

ربنا يخللي لك العيال ومامتهم

يابختك انك من الاسكندرية ...البلد دي انا بعشقها

بس للاسف بقت زحمة اوي في الصيف ..فبنفضل نروح مكان هادي شويه

ماعندكوش شقة زيادة

هو فيه مين تاني في المنتدي اسكندراني؟؟؟؟اظهروا وبانوا ماتخافوش

هتعزمونا علي غدوة سمك يعني هتعزمونا علي غدوة سمك

وجمبري

وسبيط

وكابوريا

وو......وكفايه كده عليكوا