أنا هولع الدنيا ببرنامج أطفال جديد..ساعدووني

[nancy]

نورية انت خريجة فنون جميلة

انا على فكرة اكيد لو انت خريجة فنون جميلة اسكندرية يبقى زميلى درسولك

وعموما اكيد لو حنكون عوزين مساعدة اكيد حنقول يا نووووووووررررية تعالى عوزينك

واكيد كمان عمرو لما يفوق ويرجع يشم الهوا حيقولك كدة كمان واكتر

[نورية]

انا كنت قولت قبل كدة ان الاسكندرانية احتلوا المنتدى

طلعوا بتوع فنون جميلة اسكندرية همة بالاخص هم اللى احتلوا المنتدى :P

ههح ح ح ح ح فكرتينى بايام الكلية و دكتور درويش و د.عبد الرازق السيد و د.محمد شاكر و د. زبادى و د.احلام و د.منى المصرى ود. سعيد حداية و و و فكرتينى بالذى مضى :ph34r:

والله كانت ايام جميلة ... بقالى تلات سنين مفتقداها ....

ياللا مش مشكلة ... عامة يا ننوسة انا تحت امركم بجد بجد بجد بجد :D

[nancy]

نورية انت فى قسم اية انت كتبتى اسامى دكاترة فى قسم عمارة وفية دكاترة من ديكور وفية من تصوير

هو طلة صحيح فى مبنى محطة فنون جميلة بس دول تلات اقسام

واعرفهم كلهم

[النسر المصري]

تخفيفا للجو المكهرب بتاع لبنان ....وجدت اني لازم اصحي الموضوع بتاع برنامج الاطفال....

عاوز أرائكم ياجماعة...ها مين عندو فكرة جديدة؟؟؟...مين عاوز يضيف حاجة!!!

[Handicraft]

صديقى العزيز النسر المصرى

اولا السلام عليكم وعلى كل الزملاء

اخوك مصنف مبتكر حكايات يومية لصديقى عبد الله (اللى هو يبقى ابنى) وده يا سيدى طفل عمره اقل من خمس سنوات بشوية بس بنعمل تجارب فيه وبربيه بالحكايات فقط فكل يوم حكاية جديده من دماغى بغرض زرع خلق معين او معالجة سلوك بدأ يظهر وحضرتك كل لسيله لازم يجى بس اسلوبى معاه اساوب انا ابتكر جزء من القصة وابدأ اقف واسأله لو هو مكان الشخصية حيعمل ايه .. وابدأ اغير الحكايه حتى تتوافق مع خياله وكل شوية اطلبي منه يكمل هو الحكاية بدل عنى... المهم الفكرة هى

الحكايات اللحظية ... المتفاعلة

يعنى ايه ... نبدأ بجملة طويله وبعد ك\ده نبدأ نطلب من طفل يكمل الحكاية من خياله ... وبعده طفل آخر وفى النهاية نصل الى حكاية ابدعها خيال الطفل ..

الجميل بعد كده ممكن نعمل موسوعة للحكايات دى ويأخدها الأطفال المشاركين :اول ابداع حقيقى فى حياتهم.

وبالتوفيق ان شاء الله

[Guest سلطان ابو الحسن]

تحيه طيبه لكم أيها الاحبة الكرام وأما بعد ...

انا اعمل في احدى القنوات الفضائية وبرامجي تختص بالأطفال والطفولة وأنا عايز افكار من حظراتكم مين عندو فكرة برنامج مثل مسابقات وتحديات يذكرها في الكومنت ( التعليقات) وأنا بتشكر حظراتكم جداً 

ملاحظة :. العمل تطوعي لخدمة الطفولة مين حاب يساعدنا يذكر الفكره في التعليقات

#مصر_ام_الدنيا

[tarek hassan]

انا رايي الا تعتمد على فكرة ثابتة أو برنامج ثابت 

عندنا الوقتي في مناهج التعليم مادة اسمها التوكاتسو 

مأخوذة من التجربة اليابانية 

وباختصار هو تعليم مبني على اللعب

حاول نجيب فيديوهات من هذه التجربة وتشوف المسابقات اللي بتتعمل والقيمة التربوية والتعليمية المستفادة من المسابقة 

[Grandma]

عجبني الحماس و الرغبة الجادة في انتاج برانامج مفيد ومشوق ومختلف للأطفال يعتمد على أفكار جديدة و جاذبة  للطفل ..  ولكن نصيحة الأطفال لم يعودوا يهتموا ولا ينفعلوا  بما تقدمه لهم الشاشة الفضية .. فمن خلال تجربتي مع أحفادي فالطفل أصبح أكثر انجذبا لما يقدمه اليوتيوب و التطبيقات الخاصة بالالعاب على الموبايلات ( كالبابجي )  وغيرها و الان أصبحت تقنية (  الواقع الافتراضي ) هي الاكثر جاذبية من كل ماسبق ومن خلالها ممكن أن تقدم لهم ما يحلوا لك .. فلا يوجد طفل يخوض هذه التجربة ثم يعود ليشاهد برنامج لبقلظ مثلا .. اطفال اليومين دول مش هما  الاطفال اللي كنا نعرفهم ... لازم نعترف انهم أكثر منا ذكاء .. عقلهم يتطور بما يناسب عصرهم .