مواقف تفطس من الضحك !!!

[mayhemenish]

يا بنات ............

تعالوا نلعب لعبة لذيذة و ظريفة , :wub:

لو كنتو ماشيين في الشارع أو في مكان عام و كعب الجزمة انكسر أو انقطع الشبشب أو كانت الجزمة ضيقة و لسة المشوار طويييييييل ...........يا تري بتتصرفوا أزاي؟

:)

في وقتها بتبقي حوسة و حاجة تكسف لكن بعد كدة لما نفتكر المواقف دي بنلاقيها تفطس من الضحك mfb: ;)

اللي حصل معاها موقف زي كدة تشارك و تقول اتصرفت ازاي و خلونا نفرفش ........ :wub: mfb:

تم تعديل 28 ديسمبر 2005 بواسطة mayhemenish

[سهيلة]

اولا اهلا بيكى عضوة جديدة ف المحاورات يا myhemnish

انا بصراحة حصلت معايا

كعب الجزمة انكسر وانا ف الشارع بس لحسن الحظ كانت معايا واحدة صاحبتى وكنا ف جنينة مول

انا اتلخبطت ف الاول وما عرفتش اعمل اية ف الاول اتسندت عليها وكان ما فيش حاجة حصلت بس طبعا اخدت تريقة من الشباب اللى كانو موجودين

لانى كنت بعرج

بصراحة لو انا شوفت نفسى كدة كنت هتريق عليا wub:

المهم استلفت من صحبتى ودفعت كل اللى معايا واشتريت شوز جديدة من هناك

مرة تانية بقى كنت متاخرة على ميعاد الشغل اوى

ولبست الشوز بتاعتى بسرعة انا متعودة بحطها ورا الباب بتاع اوضتى

قومت لبستها من غير ما ابص عليها ونزلت اجرى بسرعة وركبت تاكسى بردة بسرعة

نزلت قدام المستشفى

ان

ان

اااةةةةةةةةةةةةةة

ببص كدة تحت لاقيت فردة بنى وفردة سودااااااااااااااااااااااااااااااااااااااااااااااااااااااااااا

مش هقولكم عملت اية

لانى مش عايزة افتكر اليوم دة بالذات :)

[سيزيف]

هممممممم

يا ترى هى الدعوه دى موجهه للبنات و بس ؟ :)

[khedr]

يا ترى هى الدعوه دى موجهه للبنات و بس ؟  :mellow:

<{POST_SNAPBACK}>

باين كده ياخي...

يالا نشوف لنا موضوع تاني...

[se_ Elsyed]

يا ولاد يا ولاد ..

تعلاوا إحنا كمان نلعب لعبه ظريفة .. عشان البنات مش عايزينا نلعب بالألعاب بتاعتهم ...

الحمد لله .. الرجالة مريحين نفسهم .. ولا كعوب بتتكسر .. ولا بنركب لوزه للجزمة عشان الكعب ما يتنحلش ( إختي الكبيرة كانت مسخراني وأنا صغير .. كل شويه رايح جاي للجزماتي عشان موضوع اللوز ده .. ويا سلام بقى لو كان يوم حد والجزماتيه قافلين .. كنت بألف الكره الأرضية عشان الاقي واحد فاتح )

بس موضوع لبس الجزمة فردة وفرده ده بيحصل في أحسن العائلات .. وحصلت معايا مرتين ... والغريبة إني ما أكتشفتش إلا أخر اليوم ...

بس عادي العباقرة كلهم بيحصل معاهم كده .. فدماغهم ما بتبقاش فاضية للحاجات الصغيرة دي .

ببص كدة تحت لاقيت فردة بنى وفردة سودااااااااااااااااااااااااااااااااااااااااااااااااااااااااااا

مش هقولكم عملت اية

لانى مش عايزة افتكر اليوم دة بالذات

من غير ما تقولي يا سُهيله .. أنا عارف إنتي عملتي إيه .

طبعاً إستنيتي لما زمايلك دخلوا الجامع يصلوا ورحتي خاطفه جوز بُني نضيف وطلعتي تجري ...

[khedr]

ايوه كده ربنا يخليك لنا ياللي عامل لنا حس.....(عمي سي السيد)

موضوع الشرابات اللون ولون ده طبيعي وعلي طول بتحصل

وعلشان نتلافي المشكله دي الحاجه الله يخليها كانت تربط لنا كل اتنين متشابهين مع بعضهم

وفي الاخر كانت هي اللي تربط اتنين مش شكل بعضهم اطلاقا ونحن كل ثقه نلبس ونحط رجل علي رجل... ..

.وما ادراك ياسيدي ما يحدث من تعليقات...وتحط رجليك ورا بعضهم لما يكون اللون فارق قوي............................

وبركاتك ياحاجه

[Eng_Willo]

الحمد لله موضوع الجزمة الفردة و فردة دة محصلش معايا بس الشرابات دى حكايتها معايا حكاية عشان انا تقريبا هما مرتين تلاتة اللى لبست فيهم شراب نفس اللون عشان انا طول عمرى مستعجل (بس الحمد لله انى عمرى ما نزلت من غير ما البس الشراب :) )يعنى مش لوحدك يا اخ ميدو.

و الى الاستاذ الكبير و حامى حمى الرجالة و نصيرهم ضد مؤامرات االبنات( يا كايدهم يا فارسهم ) سى السيد الشهير باللواء س.س ,هو سيادتك مش ملاحظ ان العضوة(مايهمنيش) مش هاممها فعلا شعورنا و عملت اللعبة دى للبنات بس, و بعد دة كله قالت للبنات يحكوا و سكتت. تفتكر ليه :) ؟؟؟

[Reham]

تعليق :)

اسمك صعب اوي ياmyhemnishبس جديد

ايه اللي مدخلكوا عندنا يارجاله

انتوا ماتصدقوا لمة بنات وتيجوا تتمحكوا فينا

يعني الواحد مايبقاش براحته ابدا حتي في المنتدي ده

ياله روحوا دورولكوا علي موضوع رجالي وسيبونا في حالنا :)

انا بقي حصل لي موقف لما كنت مخطوبه جديد وخارجه مع خطيبي ولابسه الحته اللي علي الحبل وماشية جنبه ياأرض اتهدي ماعليكي قدي ولقيت الجزمة بتاعتي بتزيق وكمان صوتها عالي وقال ايه رايحين مكان هادي نقعد فيه ....حبكت :D طب اعمل ايه

فضلت ماشية علي طراطيف صوابعي زي بتوع الباليه عشان مايخدش باله....لغاية

لما جالي يومه شد عضلي في رجلي

طب كنت اعمل ايه :)

[سيزيف]

تعليق :D

اسمك صعب اوي ياmyhemnishبس جديد

طب كنت اعمل ايه :)

<{POST_SNAPBACK}>

------

"مايهمنيش" ؟؟!! :)

بقى كده يا ريرى

طييييييييييب

معلهششششششششششش

الايام بينما 0 على راى عمنا عبد الفتاح القصرى

و بعدين انتوا يا بنات مش عايزيين ترسوا على بر ليه

نبعد عنكم تقولوا بصوا الرجاله بيهمشونا ومش مهتمين بينا

نشارككم تقولوا تماحيك

والله انا حطيت صوابعى فى الشق منكم

وعلى فكره يا ريهام

والنبى يا بنتى الله يكرمك تقعدى لنا على جنب بالبرنيطه الحمرا دى :)

[سيزيف]

طبعاً إستنيتي لما زمايلك دخلوا الجامع يصلوا ورحتي خاطفه جوز بُني نضيف وطلعتي تجري ...

<{POST_SNAPBACK}>

---------

يا سى السيد بلاش ظلم حرام عليك

هى يا دوب لطشت فرده واحده بس مش جوز

بلاش افترا يا اخى

[khedr]

فضلت ماشية علي طراطيف صوابعي زي بتوع الباليه عشان مايخدش باله....لغاية

لما جالي يومه شد عضلي في رجلي

طب كنت اعمل ايه :) [/ALIGN]

<{POST_SNAPBACK}>

اختنا العزيزه...

طيب لو حصل اليومين دول....ايه هيكون...!!!

[صفاء]

واللهى يعنىىىىىىىىى

الحقيقة يعنىىىىى

أنا ليا مع المواقف دى قصص وافلام " حاجة نيلة خالص"

وخصوصا أيام الشغب بتاعى فى الجامعة

أنا كنت طالبة نجيبة جدا وكنت احب دايما اقعد اول صف قدام الدكتور المحاضر " فى وشه لزم"

طبعا عشان افرسه ... العب ولد بنت حيوان بلد جماد مع اصحابى B)

المهم ... ربكو منتقم جبار

وانا قاعدة فى يوم فى نفس المكان ومندمجة ومركزة فى اللعبة جدا ةعمالة اهز رجلى فى خيلاء شديد جدا

وزهو وفخر وعزة والا الاقى ان فردة الجزمة طارت وحلقت فى سماء المدرج ووصلت عند الدكتور

اتسمرت فى مكانى من الصدمة ورحت فى غيبوبة متعمدة لمدة دقايق عشان انسى

لكن فقت على ضحك زمايلى فى المدرج ... قعدت ابسبس لفردة الجزمة

بس بس بس ... انها تيجى ... لكن هيهات ان النونوة تنفع ... طبعا ماهى فردة جزمة :D

المصيبة ان ميعاد المحاضرة خلص ... وكل زمايلى بلا استثناء معندهمش دم وبطاطوهالى فى الأرض :blush:

بكرة بقى احكيلكم على موقف انيل :ninja:

[Reham]

ايه ياعم شنيف....

كان عندنا معيد في الكليه مسمينه كده..شنيف

فيه ايه يعني...البرنيطه الحمراء دي مضايقاك؟؟؟؟احسن

ده موضوعنا مفيش رجاله تدخل لغاية دلوقت بنتكلم بالذوق

بناتي ياناس ...بناتي ياعالم

ايه الفضول ده

بتسألني انا بقي ياميدو لوحصل الموضوع ده اليومين دول هعمل ايه؟؟؟؟

سؤال جميل :D ده اناهعمل عمايل ....وهسوي الهوايل

اولا هلقي بكل اللوم عليه علشان هو بيشاركني كل اختياراتي في شراء اي حاجه

ثانيا هحكم عليه يوديني اي حتة اشتري منها جزمة جديدة بدل ام مزيكة حسب الله دي

ثالثا هذله كل شويه والقح عليه بالكلام

طيبه صح :D

شكلك مش متجوز

لما تتجوز هتعرف B)

ان غدا لناظره قريب

بس ياصفاء موقف انتيكه اوي :ninja:

فكرني بمسرحية المتزوجون

والله انتي لذيذه اوي :blush:

[khedr]

وبطاطوهالى فى الأرض :blush:

:ninja:

<{POST_SNAPBACK}>

بطاطوها

اول مره اعرف انها ممكن تتكتب....

[khedr]

بتسألني انا بقي ياميدو

:blush:

<{POST_SNAPBACK}>

[/quote

لأ ...انا بسأل علي الباليه!!!!!!!!!!!!!!!

[سهيلة]

shinercorner مشاركة بتاريخ اليوم, 04:35 AM

  QUOTE(se_ Elsyed @ Dec 29 2005, 12:02 PM)

طبعاً إستنيتي لما زمايلك دخلوا الجامع يصلوا ورحتي خاطفه جوز بُني نضيف وطلعتي تجري ...

---------

يا سى السيد بلاش ظلم حرام عليك

هى يا دوب لطشت فرده واحده بس مش جوز

بلاش افترا يا اخى

بقى كدة يا سى السيد انت وshinercorner

انا عارفة انتم بتحبوا اوى تشوفوا البنات ف مواقف صعبة ومحرجة

بس كمان عايزة اطمنكم اننا بنعرف نتصرف كويس اوى

احنا قدها وقدود مش بنلعب يعنى

انا بصراحة لما لاقيت نفسى بجزمة فردة وفردة عملت نفسى مش واخدة بالى خالص ودخلت ومضيت حضور وانا مش ببص على رجلى خالص بكل ثقة بالنفس وعزة وشموخ

وبعدين روحت بسرعة اوضة النبتشية لاقيت واحدة صحبتى نايمة المفروض انها هتنام لانها سهرانة طول الليل

اخدت الشوز بتاعها وسيبت جنبها ورقة

اعذرينى انا ف ازمة واخدت الشوز بتاعك سلف لمدة اربع ساعات بس وهرجعها تانىىىى

وفعلا اشتغلت وروحت البيت غيرت الشوز وبعدين رجعت الشوز لصديقتىىى

ربنا ما يوقعكوا ف ازمة ولا ولا يخلفلكوا جزمة بكسر الياء

صفاء مشاركة بتاريخ اليوم, 01:23 P

والا الاقى ان فردة الجزمة طارت وحلقت فى سماء المدرج ووصلت عند الدكتور

بجد يا صفاء موتينى من الضحك :blush:

بس بقة اللى نفسة اعرفة كان اية موقف الدكتور وعمل اية وشكلة كان عامل ازاى لما وصلتة الشووووووووز؟؟؟؟؟؟؟؟؟؟؟؟

[سيزيف]

الاخوه و الاخوات اعضاء المنتدى

بيان هاااااااااااااااااااام

رصدت اجهزه الامن الامن المحاوراتيه محاولات ارهابيه الغرض منها اثاره الفتنه بين دولتى الستات و الرجاله

و هذه المحاولات بقياده ارهابيه شهيره عتيده فى الاجرام - على راى عمنا رياض القصبجى - اسمها ريهام الشهيره بريهام كارلوس

و تهيب اجهزه الامن بالساده المحاورين سرعه الابلاغ عنها فور مشاهدتها و رصدها لما لها من خطوره بالغه على امن المنتدى و استقرار العلاقات بين الاعضاء و العضوات

و سوف نذيع عليكم نشره باوصافها :

هى صغننه كده " مايغركمش شكلها البرىء لو سمحتم "

و لابسه برنيطه حمرا و شبشب بورده

ملحوظه اخيره : توجد جائزه ماليه قدرها خمسه و عشرين قرش مصرى فقط لا غير لمن يتمكن من الادلاء بعلومات مفيده تمكن من الوصول الى الارهابيه المذكوره

:blush:

[صفاء]

صفاء مشاركة بتاريخ اليوم, 01:23 P

والا الاقى ان فردة الجزمة طارت وحلقت فى سماء المدرج ووصلت عند الدكتور

بجد يا صفاء موتينى من الضحك :)

بس بقة اللى نفسة اعرفة كان اية موقف الدكتور وعمل اية وشكلة كان عامل ازاى لما وصلتة الشووووووووز؟؟؟؟؟؟؟؟؟؟؟؟

<{POST_SNAPBACK}>

والله اللى انا فاكراه ان الراجل من هول المفاجأة ووقع الصدمة عمل نفسه مش واخد باله :D

أما الموقف التانى فكان أنيل وأضل سبيل

انا كنت شاطرة فى رسم الشخصيات كاريكتير

وكان بيدرسلى معيد رخم قوى فى فسم النبات فى كليه العلوم اسمه احمد عبد السلام

ومن ساعتها وانا سميته وعطيته لقب " عزة المقدم احمد عبد السلام" او ابو عزة "مسرحية شاهد مشافش حاجه

المهم ... كنا قاعدين فى سكشن وطلعت النوته بتاعتى وبدأت ارسمه وزى ما اكون صورته فوتوغرافيا وطلعت الألوان بتاعتى ولونت الصورة بألوان طبيعية ولبسته لبس يفطس من الضحك وبدأوا زمايلى يتداولوا الصورة بالتعليق بتاعها اللى كتبته وبدأت كتافنا كلنا تتهز طالع نازل من الضحك بصمت

وفى اللحظة اللى رجعلى فيها الكاريكاتير الا ارفع راسى لفوق الاقى ابو عزة فوق راسى :huh:

وشى احمر واخضر وجاب الوان قوس قزح كلها

ولقيته بيقوللى ايه اللى فى ايدك ده

انا طبعا زى العيال خبيت ايدى اليمين ورا ضهرى وفتحتله الشمال الفاضية

وقلتله اهى مفيش حاجه

قاللى التانيه اللى ورا ضهرك

رحت بدلت الورقة لايدى الشمال وورتلو اليمين

قاللى ورينى الاتنين

رحت فالته الورقة من ايدى والحمد لله طارت بعيد عن مكانى وقلتله اهو

قاللى امال كنتى بترسمى ايه

قلتله كنت برسم المقطع العرضى للحاء يا دكتور

الراجل بصلى شذرا وعض على سنانه ومشى

ده موقف عمرى ما هانساه ابدا

يتبع

[se_ Elsyed]

وبعدين روحت بسرعة اوضة النبتشية لاقيت واحدة صحبتى نايمة المفروض انها هتنام لانها سهرانة طول الليل

اخدت الشوز بتاعها وسيبت جنبها ورقة

اعذرينى انا ف ازمة واخدت الشوز بتاعك سلف لمدة اربع ساعات بس وهرجعها تانىىىى

الله أكبر

شوفتي أنا فقستك إزاي ؟

يعني زي موضوع الجامع برضوا ..

سرقة بالإكراهي مع سبق الإصراري والترصودي ( على رأي عبفتاح القصري )

ليه كده يا سُهيله يا بنتي؟

على العموم أنا حاسس كان شكلك عامل إزاي ..

لإن لما بيحصل لي موأف زي ده بأحس إن العالم الثالث كله بيشاور عليه ..

ربنا ما يحكم على حده ويتحط في مزنق من المزانق دي .. قولوا أمين ...

---

بس بيتهيألي موقف الشربات بيبقى أخف شويه على اساس إنه متداري ..

لكن الجزمة بقى .. لا مومكن أبداً ..

[سهيلة]

:

سرقة بالإكراهي مع سبق الإصراري والترصودي ( على رأي عبفتاح القصري )

ليه كده يا سُهيله يا بنتي؟

se_ Elsyed مشاركة بتاريخ اليوم,  06:07

:)

يا سى السيد قصدى يا عم القصرى عديها بقى دى مش سرقة

دة من باب الضررات تبيح المحظورات

صفاء مشاركة بتاريخ اليوم, 04:10 P

وفى اللحظة اللى رجعلى فيها الكاريكاتير الا ارفع راسى لفوق الاقى ابو عزة فوق راسى

:D :D ;)

فكرتينى واللة يا صفاء بحتة موقف حصلى

كنت ف الاصانصير ف الشغل المهم فى واحدة زميلتنا كانت واخدة الم ف نفسها شوية يعنى متنكة ومغرورة بس بصراحة كانت جميلة اوى ما شاء اللة عليها

ما علينا

المهم

انا بكلم واحدة زميلتى عليها وبقولها

شوفتى عفاف كانت متنكة ازاى النهاردة ولا كانها كلوديا شيفر

مغرورة وسمجة على اية يعنى

ما فيش حد حلو الا هية ما حنا بردة حلويين اهوة :huh:

المهم البنت :: اللى كنت بكلمها قاعدة تغمز لى وملامح وشها تتغير

وانا اقولها اية مالك هوة انا بقول حاجة غلط

المهم الاصانصير فتح لاقيت صحبتى نزلت

وانا اقولها يابنتى احنا مش نازلين هنا

نزلت وبس

انا بلف كدة

:D

:D

:wub:

لاقيت عفاف ف وشىىىىىىى

بصراحة كان نفسى الاصانصير ينشق ويبلعنى :D