مواقف تفطس من الضحك !!!

[daktara]

فكرتونى بيوم لبست بدله وكرافاته واكتشفت وانا فى الاسانسير انى لابس شبشب

ويوم تانى (قريب) نزلت المستشفى وقابلت موظف لقيته باصص لتحت وبيضحك وانا باصبح عليه ولما رحت العياده اكتشفت انى لابس فرده بنى وفرده سوده تفتكروا عملت ايه؟

[princess]

ازيكووووووووا و كل سنة و انتوا طيبين .

بالنسبة للمواقف اللي بتحصل بسبب الأحذية فهي كتييييييير بس فيه موقف مش ممكن انساه ابدا :D

مرة ايام الكلية كنت لابسة شبشب بكعب .... , بعد ما المحاضرات خلصت و الطلبة خارجين من باب المدرج و انا في وسطهم ( تخيلوا الطوفان البشري , و الكل عايزين يخرجوا من الباب في نفس الوقت - بنلاقي نفسنا مدفوعين مع امواج البشر - فكرتوني بعادل امام في الأرهاب و الكباب و هو في المجمع

المهم , و انا طالعة وسط الزحمة فردة الشبشب انخلعت من رجلي و ما عرفتش اقف و اجيبها تانى لأني كنت باتزق لبرة المدرج...... mfb:

وقفت بره المدرج استني الطوفان البشري ده يخلص علشان ادخل جوه تانى و اجيب فردة الشبشب ....(شوفو الهبل !!)

و فعلا دخلت و فضلت ادور و ادور و ادور......فردة الشبشب فص ملح و دابت .... :o ......اتبخرت..........

قلبت المدرج و مالهاش اثر....... يالهوي ......حاعمل ايه؟؟ حاروح ازاي؟؟

و ايامها المحمول كان لسة اختراع جديد مش منتشر .......... :) ما عرفتش اتصل بحد يلحقني

وقفت محتاسة مش عارفة اعمل ايه و عاملة زي الكتكوت المبلول , و في الأخر يأست و غلب حماري ,

فطلعت بفردة واحدة برة الكلية لحد الشارع , و كنت باعرج زى الهبلة لأن الشبشب كان بكعب !!! :)

مشيت كام خطوة كده و تعبت ......قمت قالعة الفردة اللي فاضلة و حطيتها في الشنطة و مشيت حافية :D

بصراحة كان احساس مرعب و انا ماشية حافية في الشارع و سط الناس , كان نفسى الأرض تنشق و تبلعني ,

بس كنت ماشية وانا رافعة راسي و عاملة نفسي مش هاممني........... ;)

ووصلت شارعنا و طلعت البيت و انا حافية و الناس تقول البت اتجنت ..........

ومن يومها حرمت اروح الكلية بكعب عالي.................... :D

ياتري فية اي واحدة فيكوا حصل لها اى حاجة خلتها تمشى حافية زي ما حصل معايا .. ؟؟ :D

[se_ Elsyed]

ياتري فية اي واحدة فيكوا حصل لها اى حاجة خلتها تمشى حافية زي ما حصل معايا .. ؟؟  :D

<{POST_SNAPBACK}>

أي حد يروح يعمل عمره أو يحج لأول مره لازم يطلع ما يلاقيش شبشبه .. لسبب بسيط جداً وهو إنه ممكن يرميه في أي حته ويبقى مطمئن إنه هايطلع يلاقيه .. وطبعاً مع وجود آلاف من البشر ممكن يفكروا نفس التفكير الساذج ده فممكن الطُرق تتسد .. المهم فهما هناك عندهم حاجة عاملة زي البلدوز الصغير كده بييجي يشيل الحاجت دي ويرميها بعيد .. وكل واحد مع نفسه لما يخرج .

المهم أول مره عملت فيها أبو السباع وقولت أتمشى المسافة البسيطة التي للا تتجاوز 20 متر لحد المحلات اللي بره وأشتري شبشب وكان في فصل الصيف .. وربنا ما يوري حد جهنم الحمرا .. الأرض الأسفلتية كانت مولعه وأُصبت بحروق من الدرجة الأولى وقعدت رجلي فترة بعدها مفقفقه .

بعد كده بقيت ماليزي في تفكيري .. يعني جايب كيس صغير ووأنا داخل المسجد أروح خالع الشبشب ومكيسه وأخليه جنبي .. وساعات بأعمله مخده وأنام عليه :D

[se_ Elsyed]

بالمناسبة يا برنسيسة .. إبقي فكريني نرحبو بيكي بكره بمناسبة أول مشاركة لكي .. عشان مستعجل دلوقت ولازم أقفل المحل . :D

[khedr]

بعد كده بقيت ماليزي في تفكيري ..

<{POST_SNAPBACK}>

ماليزي ايه ياباشا .....!!

ده اختراع مصري وموثق

وبرأه الاختراع باسم :المواطن مصري

[khedr]

بالمناسبة يا برنسيسة .. إبقي فكريني نرحبو بيكي بكره بمناسبة أول مشاركة لكي .. عشان مستعجل دلوقت ولازم أقفل المحل .  :D

<{POST_SNAPBACK}>

اسمح لي ياعمي.. .. لحد ماتفتح الدكان استغل الفرصه ....وابيع الميه في حاره السقايين

مرحب بيكي يامرحب بيكي ...

.كل اخوانك مستنيكي

تكتبي محاوراتك...

نقرا مداخلاتك....

كده كده هتدفعي حساباتك....

مرحب بيكي...يامرحب بيكي

[shahd]

ياتري فية اي واحدة فيكوا حصل لها اى حاجة خلتها تمشى حافية زي ما حصل معايا .. ؟؟  :D

<{POST_SNAPBACK}>

أي حد يروح يعمل عمره أو يحج لأول مره لازم يطلع ما يلاقيش شبشبه .. لسبب بسيط جداً وهو إنه ممكن يرميه في أي حته ويبقى مطمئن إنه هايطلع يلاقيه .. وطبعاً مع وجود آلاف من البشر ممكن يفكروا نفس التفكير الساذج ده فممكن الطُرق تتسد .. المهم فهما هناك عندهم حاجة عاملة زي البلدوز الصغير كده بييجي يشيل الحاجت دي ويرميها بعيد .. وكل واحد مع نفسه لما يخرج .

المهم أول مره عملت فيها أبو السباع وقولت أتمشى المسافة البسيطة التي للا تتجاوز 20 متر لحد المحلات اللي بره وأشتري شبشب وكان في فصل الصيف .. وربنا ما يوري حد جهنم الحمرا .. الأرض الأسفلتية كانت مولعه وأُصبت بحروق من الدرجة الأولى وقعدت رجلي فترة بعدها مفقفقه .

بعد كده بقيت ماليزي في تفكيري .. يعني جايب كيس صغير ووأنا داخل المسجد أروح خالع الشبشب ومكيسه وأخليه جنبي .. وساعات بأعمله مخده وأنام عليه :)

<{POST_SNAPBACK}>

فكرتني بنفس الموقف حصل معايا وانا في الحرم بس انا بعبقريتي الفذة حطيت الجزمة في صندوق كانوا بيحطوه قدام باب الحرم وقال ايه حاطه كل فرده لوحدها عشان ما حدش يا خد باله

المهم قبل ما اعمل كده انا وقريبتي شفنا واحده ست هيا وولادها جاين مخصوص عشان يسرقوا الجزم قربيبتي خدتها الحميه وقعدت تدي الست مواعظ وشدت معاها

المهم خرجنا مالقيناش الجزم

بس الي غايظني ان الجزم كانت غااااااااليه وجميلة

ومشينا انا وهيا لحد البيت حافيييييييين اخييييييييييييي :D

بس البيت قدام الحرم وصلنا البيت وياساااااااااااتر على التريقة الي خدناها الي يقول يا سلام عليكو حد يروح الحرم بجزم زي دي والي ما كنتوا خدتو الشنط كمان يعني عشان الطقم يكمل :D