معالي الشيف بودا ... كل سنة وإنت طيب يا مان

[se_ Elsyed]

بجد الراجل ده عايزين نوجه له تحية طيبة مُعطرة بكافة روائح الطبيخ والمحمر والمشمر والحاجات اللي بتخلي ريقنا يجري ونسرح في عالم الخيال ..

وبودا ومعه لفيف من الشيفات الطيبين شايلين باب المطبخ على أكتافهم ومأجرينه من بابه :mellow: .

47 سنة .. والله وكبرت يا بودا

وبهذه المناسبة السعيدة ... عايز أسألك سؤال : ما فكرتش بقى تألف كُتب في الطبخ أو سي ديهات حتى ؟

أنا عارف إن السوق مرطرط كُتب زي دي .. لكن كل واحد وشطارته في جذب الزبائن ..

على العموم إيه رأيك في عنوان الكتاب ده

" وصفات الشيف بودا .. لعلاج النفوس المسدودة "

[Folana]

السلام عليكم ورحمة الله ,,,,,,,,,,,,,

دائما سباق للخير والمجاملات يا س.س... انا كنت باوصل ولادى المدرسة وقلت اجى افتتح دفتر المناسبات لاقيت اخونا س.س.....سبقنا

شيف اعالى البحار..بودا ...كل سنة وانت طيب وعقبال 47 سنة ...ويارب حياتك تبقى وردى على طول ...(مافيش الوان تانية ممكن ندعى لك بها ؟؟)....

منتظرين تورتة 17 دور تلمنا كلنا حواليها ونغنى لك ...كل سنة وانت وفى اتم صحة واسعد حال مع اسرتك الكريمة (قول للمدام تشلى حتة من التورتة والا.............)

:mellow:

[khedr]

كل عام وانت بخير ...استاذنا

ويدوم عليك الصحه والعافيه

[أسد]

كل عام وأنت بخير ..

أدام الله عليك نعمة الصحة والعافية

[shahd]

الشيف الهمام كل سنة وحضرتك طيب

تم تعديل 29 ديسمبر 2005 بواسطة شهد

[سهيلة]

كل سنة وحضرتك طيب وعقبال مليوووووووووووون سنة

ف

صحة وهنااااااااااااااااااااااااااااااااا

[bodda]

بجد بجد بجد

mfb:

ده كتير اوى عليه

:blush:

الف شكر يا احلى اسرة

وكل سنه وانتم فى اتم صحة وعافيه

والف شكر للعزيز الغالى سى السيد

كتاب ايه يا عمنا .. دى مجرد هوايه على قد الحال

:blink:

و خمس تلاف شكر بالعدل بين الاعزاء

medeokhedr

و فلانه

و أسد

و شهد

و سهيله

وشدوا حيلكم العيد عالابواب وكل واحد يلحق يصلح سنانه وأنيابه

وبالمناسبة دى اقولكم

بلح الشام

دقيق وميه وخميرة بيرة

الخميره طبعا نحلها فى نص كوباية ميه دافيه مع ملعقة سكر للتنشيط

وبعدين نصبها على الدقيق ونكمل عجن بالماء الدافئ

لغاية ما تبقى عجينة تقبل الوضع فى قمع التشكيل

او القرطاس المشمع بتاع الكريمه

ويكون القمع المستخدم المشرشر

وبالتالى بالضغط تطلع أصابع مضلعه نقطعها وتسقط فورا فى زيت غزير بيغلى

ولما يبقى لونها ذهبى نخرجها من الزيت على حلة العسل

والعسل المستخدم هو القطر اللى بنستعمله مع الكنافه والقطايف عادى

هيه ......... سهله ؟؟؟ :mellow:

وبالف هنا وشفا

وسلمولى عالرجيم

وكل سنه وانتم احلى اسرة

:blink:

[Reham]

السلام عليكم ورحمة الله وبركاته،،

كل سنة وانت طيب ياشيفنا ياهمام :)

وعقبال 1000000 سنة وتفرح بأولادك وأحفادك

وانت في اتم صحة وعافية

وربنا يديم المحبة ويجمعنا علي حبه وطاعته.....آآآآآمين

اما بالنسبه لبلح الشام يادكتور انا أعرف انه بيتعمل بعجينة الشو وبيدخل فيه البيض وعملية كبيرة كنت عملتها قبل كده بس زهقت واتلسعت وكان حالي حال :)

كل سنة وانت طيب مره تاني وتعيش وتأكلنا ياboss :)

[se_ Elsyed]

وبالمناسبة السعيدة دي .. عايزينك تقولنا طريقة عمل اللحمه المشوية ... العيد قرب يابو البدابيد .. وأخوك كل ما ييجي يشوي لحمه .. لازم يحرقها وتبقى عامله زي الفحم والأكادة بتبقى نيه من جوه ( بس بأكلها برضوا ) .. عشان كده بأستسهل وبأشوي فرخ .. اللي وصلت فيها لدرجة المعلمة الإحترافية ..

[bentmasria]

كل سنة وانت طيب يا سيادة الشيف الرائع الهمام وعقبال 100 مليون سنة بالتمام والكمال تقضيهم فى سعادة وفرح تمام التمام

سامحنا على التأخير بس كنا عاوزين نعمل واجب كبير

عقبال مليووووووون سنة

وعليهم شوية

وكمان

دى مخصوص من مادا علشانك

:) :D :D

[bodda]

العزيز سى السيد

حاضر وجاهز وهاكتب اللحم المشوى المخصوص

:)

العزيزه ريهام

كل سنه وانتى بالف صحة وسعادة والف شكر لذوقك

ودى طريقه تانية لبلح الشام .. وكل طريقه بطعم مختلف

المهم اعملى باى طريقه بس ندوق

:D

العزيزه بنت مصرية

الف شكر عالبوفيه المفتوح الجميل

والف شكر لمادا وكل سنه وانتم طيبين ومتجمعين فى الخير

:D

صباح الفل

:D