Folana بتاريخ: 29 ديسمبر 2005 تقديم بلاغ مشاركة بتاريخ: 29 ديسمبر 2005 السلام عليكم ورحمة الله ... اسمحوا لى ياجماعة اعمل فيها دكتورة طبيخ واتكلم شوية عن بعض الامراض وبعض انواع الفواكه او المأكولات اللى ممكن تقينا من المرض ده او على الاقل ترفع المناعة شوية ...نشوف كده .... الصداع :..ينصح بتناول كميات كبيرة من الاسماك ...لانه من المعروف ان زيت السمك له فوائد فى منع الصداع ..كذلك الزنجبيل ..ممكن يتبشر ويتغلى ويتشرب زى الشاى وهو بيقلل الالم والتهابات الحلق . الارق :..بيوصى بتناول العسل الابيض كمهدىء ومسكن . الربو:...بينصح بتناول البصل ...لانه يعمل على انبساط الشعب الهوائية. التهاب المفاصل :..بينصح بتناول السمك: - السلمون - التونة - ماكريل والسردين ...وطبعا لاحتوائهم على زيت الاوميجا اللى بيزود من كفاءة جهاز المناعة . اضطراب المعدة:..ينصح بتناول الموز والزنجبيل ..الموز بيهدىء من اضطراب المعدة والزنجبيل بيهدىء من حالة الغثيان . مشاكل العظام :...ينصح بتناول الاناناس الذى يحتوى على منجنيز والذى يساعد بدوره فى التئام كسور العظام والعمل على تقويتها .. ضعف الذاكرة :...ينصح بتناول المحار والذى يساعد على تحسين الاداء للمخ عن طريق مايحتويه من زنك يحتاجه الجسم. زيادة الكوليسترول:...ينصح بتناول الثوم والافوكادو البرد:..ينصح بتناول الثوم الكُحة:...بينصح بتناول الفلفل الاحمر !! وبيقولوا ان المادة اللى موجودة فى الفلفل الاحمر هى نفسها اللى موجودة فى ادوية الكحة..بس متهيالى الادوية مش حتبقى حامية زى الفلفل :mellow: القرحة :..بينصح بتناول الكرنب الاسهال :...ابشر تفاحة بقشرها واتركها حتى تتلون باللون البنى وكلها .. ارتفاع ضغط الدم :...ينصح بتناول الكرفس وزيت الزيتون السكر :بينصح بتناول البروكلى والمكسرات ...الكروميوم المتواجد فى الروكلى والمكسرات بيساعد على استقرار نسبة السكر فى الدم . ايضا البروكلى بيساعد على تقليل احتمالات الاصابة بسرطان الثدى... ولناعودةان شاء الله .... { لَّقَدْ كُنتَ فِي غَفْلَةٍ مِّنْ هَـٰذَا فَكَشَفْنَا عَنكَ غِطَآءَكَ فَبَصَرُكَ ٱلْيَوْمَ حَدِيدٌ } رابط هذا التعليق شارك المزيد من خيارات المشاركة
shawshank بتاريخ: 29 ديسمبر 2005 تقديم بلاغ مشاركة بتاريخ: 29 ديسمبر 2005 (معدل) و عليكم السلام و رحمة الله و بركاته ... جميلة وصفاتك يا أخت folana بس عندي كذا استفسار الارق :..بيوصى بتناول العسل الابيض كمهدىء ومسكن .مش البصل برضه بيساعد على النوم ؟طب و الجمبري و السمك ؟ زيادة الكوليسترول:...ينصح بتناول الثوم والافوكادو أنا شفت الاسم ده فين قبل كده في المحاورات ؟ :mellow: :blush: ايه الأفوكادو ده ؟ ارتفاع ضغط الدم :...ينصح بتناول الكرفس وزيت الزيتونمش الكركديه برضه ممكن يخفض الضغط ؟ تم تعديل 30 ديسمبر 2005 بواسطة shawshank كل لحظة إبطاء في نيل المعتدين جزاءهم ... خطوة نحو كفر المجتمع بالعدالة، ودرجة على سلم إيمانه بشريعة الغاب رابط هذا التعليق شارك المزيد من خيارات المشاركة
khedr بتاريخ: 29 ديسمبر 2005 تقديم بلاغ مشاركة بتاريخ: 29 ديسمبر 2005 كل الشكر لك يااختنا العزيزه وفيه برنامج علي قناه المحور (الطب البديل) د.عادل عبد الرحمن الاحد الساعه6 مساءا بتوقيت القاهره ...يعاد الخميس الواحده ظهرا البرنامج ايضا يقدم وصفات طبيعيه من الاكل العادي لامراض كثيره ويقدم في نفس الوقت نصائح بسيطه ....للاستفاده من الاكل بطريقه مفيده يامصر... يامصر...يامصر ياااااااااااااااااااااااااااااامصر رابط هذا التعليق شارك المزيد من خيارات المشاركة
Folana بتاريخ: 30 ديسمبر 2005 كاتب الموضوع تقديم بلاغ مشاركة بتاريخ: 30 ديسمبر 2005 السلام عليكم ورحمة الله ... يعنى انا حاولت ابقى دكتورة جلدية مانفعش ولاقيت الدكتورة سهيلة موجودة قلت الم نفسى ..ومش نافع برضه ابقى دكتورة نفساوية ولا خبيرة تغذية :) ...ادونا فرصة بقىىىىىىىىىىى (وش عوكل )... كمان انا مش لاقية اقبال على الموضوع ايه ماحدش عايز يهتم بصحته ؟؟!!..انا فكرت اطلب من الادارة تغير الاسم الى مثلا ..ماذا يأكلون فى الاديان الاخرى ..او ماهى وجبة مبارك المفضلة والتى تمد فى عمره ليقارب عمر نوح ...؟... حاجات كده يعنى من اللى تخلى الدم للركب فى المنتدى ويبقى فيه ضرب نار فى الموضوع ده ... أخى العزيز شاوشانك ... :) ...انا المعلومات دى حاصلة عليها من مجلة علمية امريكية انت ماتعرفهاش (وش سمير غانم).. اولا ..البصل متوظف فى مكان تانى وممنوع الجمع بين وظيفتين ..يعنى انت لو مش عارف تنام حتقوم تقرقش بصلاية ولا تاخد ملعقة عسل نحل ؟... ثانيا ...الافوكادو ده وخلى بالك انا اعدت كتابته خمس مرات علشان كل مرة انسى واكتبه بالتاء بدل الدال :) ...ده ثمرة بيعتبروها من ضمن الفاكهة شبه الكمثرى بس لونها غامق وفيها بذرة كبيرة من جوه ..وقشرتها سهلة التقشير والثمرة نفسها ناعمة ..انت اكيد عارفها صح؟..اصل انا مش عارفة اوصف .. ثالثا ..ممكن الكركدية وممكن الكرفس لان الكرفس بيحتوى على مركبات كيميائة بتساعد على خفض الضغط .. هه اى سؤال ياحضرات ؟........D اخى ميدو خضر ..متشكرة جدا على تعليقك ..اهو كده ..مريت بسلام وتركت تعليقك بسلام برضه :D ...ولو انى مش من هواة التلفزة بس حاحاول اتابع البرنامج ..ربنا يجازيك خير ....ان شاء الله ... { لَّقَدْ كُنتَ فِي غَفْلَةٍ مِّنْ هَـٰذَا فَكَشَفْنَا عَنكَ غِطَآءَكَ فَبَصَرُكَ ٱلْيَوْمَ حَدِيدٌ } رابط هذا التعليق شارك المزيد من خيارات المشاركة
Folana بتاريخ: 30 ديسمبر 2005 كاتب الموضوع تقديم بلاغ مشاركة بتاريخ: 30 ديسمبر 2005 السلام عليكم ورحمة الله .... دلوقت ياحلوين حاتكلم عن بعض انواع الفاكهة ومنها على سبيل المثال :... الكيوى :....حبة صغيرة ولكنها تحتوى على كمية من الفيتامينات هامة منها الماغنيسوم ..البوتاسيوم ..فيتامين اى (E)...والالياف ..كما انها تحتوى على ضعف كمية فيتامين س©....الموجودة فى البرتقال . التفاح :...بالرغم من احتوائه على كميات قليلة من فيتامين س الا انه يحتوى على مضادات اكسدة تقلل من احتمالات الاصابة بالعديد من الامراض ...مثل سرطان القولون الفراولة :...تحتوى على نسبة عالية من المواد المقومة للاكسدة ...وبتعمل على حماية الجسم من الاصابة بالامراض المختلفة مثل انسداد الشرايين .... البرتقال :...بيسموه الدواء الحلو ...وينصح بتناول ثمرتيم يوميا للحماية من الاصابة بالبرد ..كما انه يساعد على تخفيض نسبة الكوليسترول ..ويساعد على منع تكوين حصوات الكلى ... البطيخ :...يحتوى على نسبة 92%..ماء ...وبه ايضا احماض امينية تساعد رفع كفاءة جهاز المناعة ....يحتوى ايضا على نسبة من فيتامين س ©..والبوتاسيوم. الجوافة والبابايا :..مصدر هام لفيتامين ©....الجوافة ايضا بتحتوى على نسبة من الالياف تساعد على التخلص من الامساك ...كما ان البابايااو الباباز يعنى غنى بالكاروتين وهو عنصر مهم لحماية العيون وعسر الهضم .. ولنا عودة ان شاء الله ............. { لَّقَدْ كُنتَ فِي غَفْلَةٍ مِّنْ هَـٰذَا فَكَشَفْنَا عَنكَ غِطَآءَكَ فَبَصَرُكَ ٱلْيَوْمَ حَدِيدٌ } رابط هذا التعليق شارك المزيد من خيارات المشاركة
abofasad بتاريخ: 30 ديسمبر 2005 تقديم بلاغ مشاركة بتاريخ: 30 ديسمبر 2005 الأخت الفاضلة فلانة موضوع مهم ومفيد للغاية أكملي الجميل واذكري المصدر الطبي حتى تعم الفائدة فقد يكون مثلا الافوكادو مفيد لمرض ما ولكنه من ناحية اخرى يرفع الكولسترول لذلك من المهم المصدر العلمي تحياتي وشكري على اهتمامك جدو ابو فصاد رابط هذا التعليق شارك المزيد من خيارات المشاركة
Folana بتاريخ: 30 ديسمبر 2005 كاتب الموضوع تقديم بلاغ مشاركة بتاريخ: 30 ديسمبر 2005 جدو العزيز ابو الفصاد .... انا طبعا باقول جدو لانك انت اللى اخترت اللقب ده مش علشان فيه فرق سن يعنى ...انا تقريبا دفعتك :) الحقيقة انا كتبت ان الافوكادو بيخفض نسبة الكوليسترول ..هو والثوم ... اما عن المصدر فانا مش عارفة اعمل ايه يعنى ...لكن انا كنت كتبت فوق انى اخدت المعلومات دى من مجلة ..اسمها TIMES ...متهيالى طبعا معروفة ...وبالتحديد فى شهر يناير 2005 ...كده كفاية ولا اعمل ايه مش عارفة .... بس انا كنت قريت برضه ان الاكل مالوش دعوة بارتفاع نسبة الكوليسترول فيما عدا الدهون المشبعة ...وعدم ممارسة الرياضة وزيادة الوزن ..دول عوامل اساسية فى رفع نسبة الكوليسترول .... ولك تحياتى { لَّقَدْ كُنتَ فِي غَفْلَةٍ مِّنْ هَـٰذَا فَكَشَفْنَا عَنكَ غِطَآءَكَ فَبَصَرُكَ ٱلْيَوْمَ حَدِيدٌ } رابط هذا التعليق شارك المزيد من خيارات المشاركة
Folana بتاريخ: 30 ديسمبر 2005 كاتب الموضوع تقديم بلاغ مشاركة بتاريخ: 30 ديسمبر 2005 السلام عليكم ورحمة الله ...... حأتكلم عن جنين القمح ......ومبدئيا ...مافيش مصدر علمى ...الا انى جربته شخصيا ...ومعاه كتب كده صغير حانقل لكم المعلومات الموجودة فيه ..... جنين القمح ....هو قلب حبة القمح ممثلا حوالى 3% من حجمها الطبيعى ..وهو ليس النخالة (الردة)..والتى تحتوى على فيتامين (ب) .... مكوناته :....حمض الفوليك ...فيتامين B1..(الثيامين)- فيتامين H(البيوتين) - النياسين - فيتامبن B6 - فيتامين B2 - فيتامين C - فيتامين A - فيتامين E (الفا وبيتا توكوفيرول)... يحتوى على الكثير من العتاصر المعدنية مثل البوتاسيوم والفسفور والكالسيوم والماغنسيوم والحديد والزنك ...... فوائده :.... 1- انقاص الوزن :....فهو يحتوى على الموليبدنم والكالسيوم (حارق للدهون )..ويسهل انقاص الوزن بدون احتمال التعرض للانيميا به الياف تمتص 20% الى 30% من الدهون والجولوكوز فلا تصل الى الجسم ويسهل تحريك الدهون كما انه يعطى طاقة للجسم تزيد من كفاءة الحركة .....ملعقة كبيرة تحتوى على 40 كالورى. 2- مضاد للاكسدة :...حيث يحتوى على فيتامين Eمركب وفيتامين A وسيلينيوم. 3- مفيد لمرضى السكر ....لاحتوائه فيتامين Eمركب 4- مرضى القلب ..فيتامين B1-فيتامين Eمركب - فيتامين A - بوتاسيوم وكالسيوم وسلينيوم. 5- الربو و الزهايمر ...فيتامين Eمركب 6-يرفع من كفاءة جهاز المناعة فيتامين A-E- سيلينوم 6-صحة الشعر وصحة البشرة ...فيتامين H - B2 - A -B6- حمض الفوليك والزنك ... 7- خافض للكوليسترول :....فيتامين C 8- الجهاز العصبى :...فيتامين B1 - B6 - نياسين - بوتاسيوم - فوسفور - ماغنسيوم 9- اداء العضلات :...فيتامين B1 - بوتاسيوم - كالسيوم - بورون 10- العيون والنظر :..فيتامين B2 - A 11- الدورة الموية :.... فيتامين B6 - بوتاسيوم - كالسيوم - بورون 12- صحة العظام (الهشاشة):...كالسيوم - فوسفور - بورون 13- الكلى :...فوسفور 14- الهضم وصحة القولون :...الياف - فيتامين C(يكافح الطفيليات المعوية) - حمض الفوليك 15- الصحة الجنسية :...فيتامين B1 (يعمل على التوازن النفسى )..- النياسين - الموليبدنم - السلينيوم . 16- صحة الاسنان والاظافر :...فيتامين B2 - A - الفوسفور 17- الروماتيزم :....فيتامين C - حمض الفوليم - بورون - بوتاسيوم - ماغنيسوم 18- مكافحة نزلات البرد :...فيتامين E - C مركب 19- للصحة العامة والارق والرضاعة وصحة البروستاتا .... مش باعمل اعلان والله ..بس لما لاقيت فيه كل ده قلت انقله لكم لكى تعم الفائدة ... :blush: اسمحوا اكمل بعد الفاصل .... { لَّقَدْ كُنتَ فِي غَفْلَةٍ مِّنْ هَـٰذَا فَكَشَفْنَا عَنكَ غِطَآءَكَ فَبَصَرُكَ ٱلْيَوْمَ حَدِيدٌ } رابط هذا التعليق شارك المزيد من خيارات المشاركة
ام البنات بتاريخ: 30 ديسمبر 2005 تقديم بلاغ مشاركة بتاريخ: 30 ديسمبر 2005 فلانه شوية اغذيه او اعشاب تخلصنا من الميه الزياده وكمان تساعد على التخلص من السموم كمان مستنين الطلب يرضينى الهواء الذى تتنفساه يحيينى يسعدنى الكون الذى يحتويكما يحتوينى انتما كل شئ وانا من دونكما لا شئ رابط هذا التعليق شارك المزيد من خيارات المشاركة
شاعرالرومانسية بتاريخ: 31 ديسمبر 2005 تقديم بلاغ مشاركة بتاريخ: 31 ديسمبر 2005 (معدل) ياسلالالالالالالالالالالالالالالام .. تسلم ايدك يا استاذة منى .. قصدى يا استاذة فولانة :D (انا شفت البرنامج دة على انهى قنااااااااة... :) بس مجهود ولا أجمل ولا اروع ... (وش احمد شوبير :D ) سؤال بس يافندم .. بعد كل فوائد جنين القمح دة .. ممكن تتكرمى علينا وتقوليللنا طريقة الحصول علية... وخدى ياستى ادى شوية فوائد لبعض الفواكة .. من باب الصحى ومفيد برضة :D التفاح مضاد للبكتريا والإلتهابات ومضاد للأكسدة وعني بالألياف الصلبة والغير صلبة وقشرته تحتوي على مادة كريستين المقيدة وهو مفيد أيضا في خفض معدلات الكوليسترول في الدم ويمتاز بخاصية تمنع الإصابة بالسرطان العنب الأحمر : له خاصية مقاومة البكتريا والفيروسات وأيضا مضاد للأكسدة ومهدئ للأعصاب التوت : مضاد للفيروسات وغني بفيتامين سي ومضاد قوي للأكسدة ومانع لتمحور الخلايا والتي تؤدي إلى الإصابة بالسرطان كما أنه غني بالألياف البرقوق ( القراصيا) مقاوم للبكتريا والفيروسات وهو يعتبر ملين للأمعاء وخصوصا اللذين يعانون من الإمساك المزمن. الفراولة: وهي مضادة للبكتريا والألتهابات ومضادة للسرطان واللذين يداومون على أكلها بصفة مستمرة تنخفض لديهم احتمالات الإصابة بأي نوع من أنواع السرطان الأناناس : مقاوم للبكتريا والإلتهابات ومضاد للفيروسات ويساعد على الهضم البصل : له خاصية مقاومة البكتريا والألتهابات ومضاد قوي للفيروسات ومانع للسرطان ومفيد لحالات الحساسية ولحالات الربو والبرد ويمكن تمريره على لدغة الحشرات لنخفيف الشعور بالحكة الثــوم : وهو نوع من المأكولات التي تتعدد فوائده فيكمن استخدامه كمضاد حيوي طبيعي ومضاد للفطريات ومضاد للأكسدة ومضاد للفيروسات بكل أنواعها ومقاوم للإلتهابات وهو أيضا يقوي جهاز المناعة ومخفض للكوليسترول والضغط والسكر ومفيد جدا لحالات الربو والبرد والسعال ويمنع الإصابة بالأروام ويقلل فرص انتشارها العسل الأبيض : بمثابة مضاد حيوي طبيعي ، يساعد في التئام الجروح ومعالج لبكتريا الأمعاء كما أنه يستخدم مهدئ طبيعي وينصح بتناوله بكثرة بد السكر القرنبيط : مضاد للأكسدة والفيروسات وخافض للكوليسترول وبه خاصية حماية الجسم من السرطان لما يحتوي عليه من مركبات وينصح به للذين يعتمدون على هرمون الاستروجين ةالسيدات المصابات بسرطان الثدي الجزر : مضاد للأكسدة والفيروسات ويقوي جهاز المناعة ومفيد لتقوية البصر الشعير : عرف مند القدم في منطقة الشرق الأوسط بأنه دواء القلب ويفيد في خفض معدلات الكوليسترول كما أن له مفعول مضاد للفيروسات ومضاد للسرطان ومدر للبول فول الصويا : مضاد للأكسدة ومضاد للفيروس ويحتوي على هرمون الستروجين الطبيعي ومفيد في خفض مستوى الكوليسترول في الدم الزبادي : وهو من الأغدية المفيدة وله خاصية مقاومة للبكتريا ومضاد للأكسدة ويقوي جهاز المناعة وربنا يخليكى ويقويكى .. من اجل صحة الشعب المصرى ... والشعوب المجاورة :D تم تعديل 31 ديسمبر 2005 بواسطة شاعرالرومانسية http://www.postpoems.com/members/sha3r_elromansya/ حتى وأنت بعيد..حبيبى *** حتى وأنت مش معايا قولى مين غيرك داريبى *** حتى لو فى هواك أسايا مع خالص شكرى وتقديرى رابط هذا التعليق شارك المزيد من خيارات المشاركة
bodda بتاريخ: 31 ديسمبر 2005 تقديم بلاغ مشاركة بتاريخ: 31 ديسمبر 2005 موضوع جميل موضوع معقول ماقدرش اقول حاجه عنه لكن برام الضانى المسبوك ... مش لاقى فيك حاجه منه :) :D :D صباح الفل :D عاشق البحر والسما رابط هذا التعليق شارك المزيد من خيارات المشاركة
khedr بتاريخ: 31 ديسمبر 2005 تقديم بلاغ مشاركة بتاريخ: 31 ديسمبر 2005 السلام عليكم ورحمة الله ...اخى ميدو خضر ..متشكرة جدا على تعليقك ..اهو كده ..مريت بسلام وتركت تعليقك بسلام برضه :) ...ولو انى مش من هواة التلفزة بس حاحاول اتابع البرنامج ..ربنا يجازيك خير ....ان شاء الله ... <{POST_SNAPBACK}> الاخت المحترمه...حاضر من عنيه ...هامر بسلام وبهدوء انا يادوب فهمت لكن والله ...موضوعك جميل جدا جدا....وننتظر الباقيه يامصر... يامصر...يامصر ياااااااااااااااااااااااااااااامصر رابط هذا التعليق شارك المزيد من خيارات المشاركة
Folana بتاريخ: 31 ديسمبر 2005 كاتب الموضوع تقديم بلاغ مشاركة بتاريخ: 31 ديسمبر 2005 السلام عليكم ورحمة الله ...اخى ميدو خضر ..متشكرة جدا على تعليقك ..اهو كده ..مريت بسلام وتركت تعليقك بسلام برضه :) ...ولو انى مش من هواة التلفزة بس حاحاول اتابع البرنامج ..ربنا يجازيك خير ....ان شاء الله ... <{POST_SNAPBACK}> الاخت المحترمه...حاضر من عنيه ...هامر بسلام وبهدوء انا يادوب فهمت لكن والله ...موضوعك جميل جدا جدا....وننتظر الباقيه <{POST_SNAPBACK}> السلام عليكم ورحمة الله ... والله ماقصدى انت خالص ...انا كنت باضحك مع الاخ شاوشانك ..بالعكس ده انا سعيدة جدا بمشاركاتك معانا .....حقك على لو كنت فهمت كلامى غلط... { لَّقَدْ كُنتَ فِي غَفْلَةٍ مِّنْ هَـٰذَا فَكَشَفْنَا عَنكَ غِطَآءَكَ فَبَصَرُكَ ٱلْيَوْمَ حَدِيدٌ } رابط هذا التعليق شارك المزيد من خيارات المشاركة
Folana بتاريخ: 31 ديسمبر 2005 كاتب الموضوع تقديم بلاغ مشاركة بتاريخ: 31 ديسمبر 2005 السلام عليكم ورحمة الله ..... بودااااااااااااااا :) ...انت جاى هنا تفكرنا بالمسبك ..هنا صحى ياحضرة ...فاتحين نادى صحى هنا ...ومالناش دعوة بالحاجات التانية المسبكة واللى فيها دهون وحاجات كده احنا مانعرفهاش ...(اما عندى وصفة مسبكة تجنن ,,حاجى لك المطبخ بتاعك اكتبها )... شاعر الرومانسية ...والله ضحكتنى ..ربنا يسعدك... :D عمال تقولى منى وتغمز قال يعنى جبت المستخبى ..والله يابنى انا لا منى ولا ايمان ...كده فاضلك زلطة وتطلع بره ... :D ...وانصحك تاخد حاجة من مضادات الزهايمر اللى بنكتبها دى ... شوف يا أخى الفاضل ..بقى الاعتراف بالحق فضيلة ..انا عضو خامل فى اسرتى يعنى مش باعرف اشترى حاجة خالص ...زوجى الحبيب ربنا يخليه لى يارب ولا يحرمه منى يارب ..بيقوم بكل المهام الشرائية ..ومنها شراء جنين القمح ...لكن هو بيقول انه من مكان فى مصر الجديدة ورا مستشفى هليوبوليس .. لكن الكتيب اللى معايا ده مكتوب عليه الاتى ... E.T.S. Enan Trading Services www.WheatGermMiracle.com www.CuresByNature.com P.O.Box 5582 - Heliopolis هى تقريبا شركة بتستورد الاعشاب والحاجات دى ..اسمها اى.تى.اس عنان للخدمات التجارية ..... انا مش عارفة الاستاذ عادل حيزعل كده ولا ايه ؟.. هو كيس كده به جنين القمح ده مجروش وطعمه زى الحمص بتاع الموالد عارفه؟...حاحاول بقى اجب لك النمر بس حابعتها لك على رسالة خاصة ... { لَّقَدْ كُنتَ فِي غَفْلَةٍ مِّنْ هَـٰذَا فَكَشَفْنَا عَنكَ غِطَآءَكَ فَبَصَرُكَ ٱلْيَوْمَ حَدِيدٌ } رابط هذا التعليق شارك المزيد من خيارات المشاركة
Folana بتاريخ: 31 ديسمبر 2005 كاتب الموضوع تقديم بلاغ مشاركة بتاريخ: 31 ديسمبر 2005 السلام عليكم ورحمة الله ........ اخى العزيز حسنين :) ..الشهير بشاعر الرومانسية ...(مش حسنين برضه ؟) نسيت اقولك ان فيه كمان زيت جنين القمح ..وفيه كبسولات منه بتتباع فى الصيدليات ..انا جربت كل ده ..بس الجميل فعلا اللى هو بحالته الطبيعية ...على العموم انا فعلا حاحاول اجيب لك باقى بياناته واسعاره من زوجى بعد اما يرجع بالسلامة ان شاء الله .... دلوقت فيه شوية نصايح تانية ...خدوها منى على الماشى كده ... - تناول الخضروات الطازجة بكثرة (فقط فى موسمها ) - ابتعد عن اللحوم الحمراء - ابتعد عن الطعام المقلى - تناول الفواكه كالدواء السحرى وهو فعلا كذلك ولكن فى موسمها - المجموعة السحرية :.... *جنين القمح *الزبادى *عسل النحل *زيت الزيتون * التمر *الثوم(المضاد الحيوى الطبيعى ) *البصل (صديق لصحة قلبك *حبة البركة *الشعير *العسل الاسود( بيقولوا انه محطم الكوليسترول ) *الحلبة *الزنجبيل والقرفة $$النصحيـــة الخالصـــــــــة$$ تناول القليل من كل شىء ......ابتعد عن الملح ..الدقيق والسكر الابيض ..........اشرب كثيرا من الماء النقى (عدا خلال الوجبات ) $$الخلطــــــــــــة السريـــــــة$$ نصف كوب ماء يذاب فيه نصف ملعقة صغيرة عسل نحل وربع ملعقة صغيرة خل التفاح يشرب ببطء مرة واحدة فى اليوم على معدة خاوية . --تناول الاكلات البحرية بقدر المستطاع --مداومة وضع التوابل على مائدة الطعام (كمون - زعتر برى - فلفل - كزبرة جافة - ريحان ....) -- من وقت الى اخر تناول المشروبات العشبية مثل البابونج - النعناع - الينسون - الشمر - الشاى الاخضر ولا تنسى ...القليل من كل شىء واشوفكم بعد خمستاشر يوم .....د/ فلانة :D * * { لَّقَدْ كُنتَ فِي غَفْلَةٍ مِّنْ هَـٰذَا فَكَشَفْنَا عَنكَ غِطَآءَكَ فَبَصَرُكَ ٱلْيَوْمَ حَدِيدٌ } رابط هذا التعليق شارك المزيد من خيارات المشاركة
شاعرالرومانسية بتاريخ: 31 ديسمبر 2005 تقديم بلاغ مشاركة بتاريخ: 31 ديسمبر 2005 اختى الفاضلة ... فولالالالانة كان ياماكان ياسعد يا اكرام ..ولا يحلى الكلام الا بذكر المصطفى .. علية الصلاة والسلام ماتقولى علية الصلاة والسلام .. كان ايةبقى ... فية برنامج بيجى على القناة التانية ... بيتكلم عن الاكل الصحى ... واسمة اية بقى .. قال كان اسمة " صحى ومفيد " وقال كانت المذيعة الشطورة اللى بتقدمة .. اسمها .. اسمها اية بقى .... " منى " فضلة خيرك "عامر" ... .. هى دى بقى منى اللى انا كنت اقدها حضرتك حتى تلاقينى قلت .. (انا شفت البرنامج دة على انهى قنااااااااة... لسة برضة عوزانى اشوف حاجة للزهايمر :) والا بلاش الغمزة لاتقوليلى عامر مين .. دة مش اسمه عامر... دة سمة .... " الجمل " منتظر جميع تفاصيل جنين القمح :huh: http://www.postpoems.com/members/sha3r_elromansya/ حتى وأنت بعيد..حبيبى *** حتى وأنت مش معايا قولى مين غيرك داريبى *** حتى لو فى هواك أسايا مع خالص شكرى وتقديرى رابط هذا التعليق شارك المزيد من خيارات المشاركة
Folana بتاريخ: 31 ديسمبر 2005 كاتب الموضوع تقديم بلاغ مشاركة بتاريخ: 31 ديسمبر 2005 (معدل) السلام عليكم ورحمة الله .......... شاعر الرومانسية ..اما انا منحرجة منك اخر انحراج ...مفروض بقى تكونوا عرفتم ان فهمى تقيل وماحدش يعيب على لو سمحتم ...اصل انا مش باتفرج على التليفزيون كتير ...وكمان كلمة صحى ومفيد دى انا غشتها من بودا ... خلاص حصل خير ..انا كنت فاكرة انك بترمى كلام على ...حصل خير حصل خير ... وبعدين الغمزة المرة دى جنب زهايمر مش جنب عامر ..كنت حاقولك وعرفت اسمه منين ...لا خلى بالك ده انا ناصحة جوى .. الاهم ..انى بعت لسيادتك جميع التفاصيل عن جنين القمح فى رسالة خاصة ..علشان بس ماحدش يقول انها اعلان ..لكن لو عادى اننا نكتبها ابقى اكتبها انت بقى ..... شكرا للتوضيح والا ماكنتش حاعرف انام خالص من زعلى انك نسيت اسمى ... تصبح على خير ....... :huh: تم تعديل 31 ديسمبر 2005 بواسطة folana { لَّقَدْ كُنتَ فِي غَفْلَةٍ مِّنْ هَـٰذَا فَكَشَفْنَا عَنكَ غِطَآءَكَ فَبَصَرُكَ ٱلْيَوْمَ حَدِيدٌ } رابط هذا التعليق شارك المزيد من خيارات المشاركة
Folana بتاريخ: 3 يناير 2006 كاتب الموضوع تقديم بلاغ مشاركة بتاريخ: 3 يناير 2006 السلام عليكم ورحمة الله ......... الاخوة الافاضل ...انا رحت وجيت ولفيت هنا وهناك واتشعبط فى الاتوبيسات واتخدت مخالفات ..علشان اجيب لكم طاسة ...قصدى باقة من فقرات برنامجكم المفضل مفيد وصحى (وش اسمه ايه ده بتاع مواقف وطرائف ) اطعمة ممنوعة ترفع الكولسترول فى الدم :... ..اللحوم:..لحم الضأن - المخ - الكلاوى - الكبد - اللحم الكندوز المدهن - لحم الخنزير ..الطيــــور..:.. جلود الطيور المحمرة كالدجاج - الحمام - الاوز - البط ..الاسماك ..:..الاسماك الدسمة - الثعابيين - الجمبرى - الكابوريا - السردين ...البيــــض ...:صفـــــــــــــــــــار البيض ..الالبان ومنتجاتها ..:الالبان الكاملة الدسم - اللبن البودرة المركز - الكريمة - القشدة - الجبن الكامل الدسم - الايس كريم - الشيكولاتة ..الدهون الصلــــبة :..الزبد - السمن البلدى والصناعى الجامد ....النشويات ....كعك العيد - الغريبة - الجاتو - البسبوسة - الكنافة - الكعك الدسم ...المشروبات :...عصير الفاكهة المحفوظة المعلبة - الشربات الزائد - الحلاوة $$$$$$$$$$$$$$$$$$$$$$$$$$$$$$$$$$$$$ ..أطعمة مسموحة تساعد على خفض الكولسترول فى الدم :... ..اللحوم :...اللحم الاحمر بتلو وكندوز - الارانب ..الطيور :...صدر الدجاج والرومى منزوعة الجلد والدسم ..الاسماك ...الاسماك البيضاء قليلة الدهن مثل القاروس والبلطى وقشر البياض ... ..البيض ....بياض البيض المسلوق ..الالبان ومنتجاتها ::::::::الالبان منزوعة الدسم - الجبن القريش - الجبن والزبادى منزوع الدسم ..الزيوت ...تساعد على خفض الكوليسترول :زيت بذرة القطن - زيت الذرة - زيت عباد الشمس - زيت فول الصويا ..النشويات ...كعك اسفنجى قليل البيض وبدون مادة دهنية - كعك اسفنجى بالبياض ..المشروبات :...عصير الفاكهة الطازجة ..- القهوة والشاى القليل السكر - قليل من المياه الغازية ...الخضروات والفاكهة جميعها مسموحة ومستحبة ونلتقى بعد الغدا ........ { لَّقَدْ كُنتَ فِي غَفْلَةٍ مِّنْ هَـٰذَا فَكَشَفْنَا عَنكَ غِطَآءَكَ فَبَصَرُكَ ٱلْيَوْمَ حَدِيدٌ } رابط هذا التعليق شارك المزيد من خيارات المشاركة
ام البنات بتاريخ: 3 يناير 2006 تقديم بلاغ مشاركة بتاريخ: 3 يناير 2006 فلانهشوية اغذيه او اعشاب تخلصنا من الميه الزياده وكمان تساعد على التخلص من السموم كمان مستنين الطلب <{POST_SNAPBACK}> فولانه الحبيبه هو للدرجه دى انا شفافه :D ماأظنيش :D دا انا هاكون زبونه دائمه عند شاعر الرومانسيه علشان موضوع الاعشاب الى بتخسس علشان واحده معرفه عاوزه تخس :D مش انا طبعا" حنى على :D يرضينى الهواء الذى تتنفساه يحيينى يسعدنى الكون الذى يحتويكما يحتوينى انتما كل شئ وانا من دونكما لا شئ رابط هذا التعليق شارك المزيد من خيارات المشاركة
Folana بتاريخ: 4 يناير 2006 كاتب الموضوع تقديم بلاغ مشاركة بتاريخ: 4 يناير 2006 السلام عليكم ورحمة الله ....... ام البنات ياحبيبة ....انا اقدر على زعلك يعنى ..بس والله انا لاقيتك قريتى موضوع شاعر الرومانسية عن الاعشاب فقلت انك وجدتى غايتك خلاص ..هو الحقيقة مش سايب حاجة الا وكاتبها ... بس عايزة الحق يعنى ...كل ده مش اكيد ..يعنى الاعشاب دى مش حتعمل المعجزات ...المشكلة اننا لما بناخد حاجة تساعد على تخفيض الوزن بناكل بقى براحتنا على اساس العصا السحرية اللى بناكلها دى ..طبعا ده مظبوط ...الموضوع عايز ارداة من حديد ..وبعدين الدهون اللى اتكونت واتظبطت على مرور السنين مش حتنزل فى شهر ولا شهرين ...الحكاية عايز صبر ومثابرة .. المهم انك تبدأى اول خطوة وتغيرى سلوكيات اكلك ..(مش باقصدك بالذات طبعا ولكن باتكلم عننا كلنا ) ونسال نفسنا سؤال مهم ...لماذا انا سمينة؟..او سمين طبعا :P...ونعترف اننا بناكل طعام فيه سعرات حرارية عالية ..بتتراكم لدهون مع مرور الوقت تانى حاجة مش بنعمل حركة ونشاط ...تالت واهم حاجة ..ان هدفنا بيكون اننا نخس وبس ...مش نحافظ بقى على اجسامنا ونغير سلوكيتنا فى تناول الطعام ..اللى بيحصل ان اول مابنوصل للوزن المطلوب ونحس كده اننا بقينا خفاف ..نروح مدينها اكل تانى بلا رحمة ولا شفقة ...والنتيجة ان وزننا بيزيد اكتر من الاول ... اهم نقطتين بقى مفروض نلتزم بهم ... 1- الرجيم ذو السعرات الحرارية (لان الكيميائى ده وهم )..ونقلل فى كميات الاكل 2- المواظبة على ممارسة الرياضة ...واحسن حاجة المشى ..لو تقدرى تمشى كل يوم ساعة يبقى انت اللى حتنتصرى فى المعركة :wub: كمان خلى بالك من شىء مهم ..انك لو تناولتى الاعشاب اللى بتخلص الجسم من السوائل ...انت كده مش بتفقدى وزن ولا حاجة ..ده انت كده بتأذى صحتك وبشرتك بتخلصك من السوائل والاملاح الهامة فى جسمك . تعرفى كمان ...انت علشان تنزلى كيلوجرام واحد ده معناه انك لازم تفقدى 7700 سعر حرارى ..او تمشى لمدة 15 ساعة مشى سريع ...مش فى اليوم طبعا يبقى لازم تقللى السعرات الحرارية اللى فى اكلك ولازم تمارسى رياضة ولتكن المشى ..بصراحة هايلة انا عن نفسى لازم كل يوم امشى ساعة .ومش لازم فى النادى ..انشالله الف فى المربع السكنى بتاعى ... اللى بيحصل فى الجسم ايه بقى ؟...انت لما بتعملى رجيم سعرات قليلة ..الجسم بيروج لمخازن الطاقة علشان يكمل السعرات الناقصة ..اللى محتاجها ...واول مخزن بيروح له ويسحب منه ..هو مخزن النشويات الموجود بالكبد والعضلات وده مرتبط بكميات ماء كثيرة ..وبالتالى بتلاحظى ان اول اسبوع رجيم بتخسى بسرعة عن باقى الاسابيع .. بعد كده بيتجه لمخازن الدهون فى البطن وتحت الجلد ..يسحب منها ويكسرها ويعوض النقص فى السعرات اللى انت حرمتيه منها ..يعنى فى تانى اسبوع بيبدا الجسم يفقد الدهون ... يعنى تحسى انك بتلعبى لعبة مع جسمك وبتراوغيه والعكس ..طبعا بعد ماتوقفى الرجيم الجسم بيكون اتعلم الدرس كويس ..ويبقى لابد لك فى الدرة ..اول ماتاكلى بقى براحتك ..يكون هو مجهز جيوب جديدة لتخزين الدهن ..ويسحب بسرعة ويخزن تانى تحسبا لاى حركة ندالة مننا ..زوبتلاقى جسمك بدأيسمن فى مناطق يمكن ماكانتش موجودة قبل كده ... بالنسبة بقى لسؤالك عن الاعشاب ..اقولك ان مش كل حاجة ممكن يكون لها نتيجة ايجابية والاعشاب لوحدها مش كفاية ابدا .... ولى عودة معك ان شاء الله ...بس تعبت :) { لَّقَدْ كُنتَ فِي غَفْلَةٍ مِّنْ هَـٰذَا فَكَشَفْنَا عَنكَ غِطَآءَكَ فَبَصَرُكَ ٱلْيَوْمَ حَدِيدٌ } رابط هذا التعليق شارك المزيد من خيارات المشاركة
Recommended Posts
انشئ حساب جديد أو قم بتسجيل دخولك لتتمكن من إضافة تعليق جديد
يجب ان تكون عضوا لدينا لتتمكن من التعليق
انشئ حساب جديد
سجل حسابك الجديد لدينا في الموقع بمنتهي السهوله .
سجل حساب جديدتسجيل دخول
هل تمتلك حساب بالفعل؟ سجل دخولك من هنا.
سجل دخولك الان