هدايا العام الجديد وصلت....

[wagdi]

ياللا يا جماعة... كل واحد يشوف هديته بمناسبة العام الجديد...والي مش عاجباه وعايز حاجة تانية يقول انا تحت أمركم...أنا بقى عايز الشباب ينسى كده الدنيا وينتعش معايا... عايز كل واحد يلبس بدلة ويمسك سيجار وهو بيقرا الموضوع ده...عايز إكسلانسات.... .

خلونا نبيدي بأخونا شاوشنك...الصراحة انا صحيت الراجل الفجر علشان أسأله أضيف الصور إزاي والراجل أفادني في ساعتها... ومصر مابتنساش أولادها يا شاوشنك... أنت عايش في أمريكا؟؟...طب أتفضل يا باشا...

بنتهاوس واخد الدور ال78 كله من مبنى تايم وارنر في نيويورك... خمس أوض... قبلي بحري شرقي غربي فوقي تحتي...كله.... المساحة حوالي 8346 قدم بالمناور ... وتقدر تعمل فيها حفلة لتلتميت نفر مستريح...

التمن 31636150 دولار...انت طبعاً عارف إني ناصح وعقر فحاولت أفاصل معاهم في المية وخمسين دولار...مارضيوش أبداً...وانا ركبت دماغي...البيعة باظت للأسف...معلش ولا يهمك... أنا حاكلملك العربي ولف يشوفلك شقة في شهر العسل في العجمي فوق جاد تطل على طاسة الطعمية عدل...السنة الجاية إن شاء الله...

أه أنا عرفت انك بتدور على عربية... انا سألتلك ولله على عربية لقيت واحدة لقطة وعاملة 6000 كيلو بس...بس المشكلة إن موديلها قديم شوية....أهي يا سيدي..

.

بوجاتي تايب 41 رويال موديل 1931... الي بناها إيتور بوجاتي سخصياً ومعملش غير ستة بس كل واحدة علشان ملك بعينه...الموتور 8 سلندر بسعة 778.8 سي سي وبيدي حوالي 250 حصان...وكان سعرها وقت صنعها 42 الف دولار...العربية دي هية وواحدة تانية هما الي فاضلين دلوقتي... هيا اتعرضت في مزاد سنة 1993 بس ماجبتش غير حداشر مليون بس... فلغوا المزاد علشان السعر ماوصلش الحد الأدنى (إلى هوا كان عشرين مليون بالمناسبة)...

بس أنا ممكن أخلصهالك بسبعتاشر... وأنت بقى وظروفك مع الجمارك...وخلي بالك علشان تقريباً الساعة إلى في الدركسيون عليها فئة ضريبية....

إلا صحيح يا إكسلانس هو أنت كنت بتقول عاوز عربية في حدود 45 مليون دولار ولا جنيه؟؟؟

:)

يتبع........

تم تعديل 30 ديسمبر 2005 بواسطة wagdi

[wagdi]

نخش على أخونا فايولين كينج والشهير بوليد...والي خطفته قبل ما ينزل يصلي علشان موضوع الصور برضه... وطبعاً كلنا نعرف حبه للكمنجه علشان كده حنهاديه الكمنجة ديه...

صانعها هو أنطونيو ستراديفاري بجلالة قدره...واللي مايعرفش أنطونيو ستراديفاري فده اشهر واعظم صانع كامنجات في التاريخ عاش في كريمونا مدينة صناعة الكامنجات في العالم في نهاية القرن السبعتاشر وبداية القرن التمنتاشر... والكمنجة دية صنعها سنة 1719 واسمها "دوق ألبا" the Duke of Alba... نسبة إلى الرجل التي صنعت له... الكمان ده تم ترميمه بالكامل وأختيار قوس من صناعة دومينيك بيكاتي مصنوع سنة 1810 له...

تمن الكمان لوحده 3 مليون و800 الف دولار بس... والقوس ب185 ألف دولار بس... طبعاً أنت عارف يا وليد انا اول ما شفته كلمتهم على طول وأدتهم رقم الفيزا وقالوا إنهم حايبعتهولك... بس إختلفنا في أخر لحظة على القلفونية... أنا قلت لازم يبعتوا مع الكمان قلفونية وهما قالوا لأة...البيعة باظت... معلش...حاعوضهالك السنة الجاية إن شاء الله...

يتبع.........

[wagdi]

أخويا سي السيد...طبعاً عيد ميلادك فات وانا ماجبتلكشي حاجة...تلاقيك شايل مني..بس صدقني خالتي سهير إلى في موناكو –مانتا عارفها- كانت تعبانة واضطريت اسافرلها...بس أنا باستغل الفرصه أهو بحاجة كدة بسيطة يارب تعجبك...

ساعة 1735 من بلانكبين... وسموها كده على سنة تأسيس الشركة...

حاتقوللي يعني لافيها دهب ولا ألماظ... أقولك ياباشا إن فيها خمس حركات ((complications والساعات قيمتها بتبقى بعدد الحركات فيها نسبة للسمك... وعلشان أصورهالك... الساعة هنا مثلاً فيها حركة لشكل القمر، وحركة للشهور وحركة للأيام بالأسم وبالتاريخ وحركة لكسر الثانية... كل واحدة فوق التانية – زي الساندوتش – بمجموع حوالي 740 قطعة كل ده في سمك 12 مليمتر هو سمك الساعة...

وبتاخد في تصنيعها حوالي 8 شهور... ومش حايتعمل منها غير 30 ساعة فقط... هيا تمنها مليون دولار بس...انا قلت برضه اجيبلك معاها watch winder علشان تحطها فيها مع باقي كولكشن الساعات بتاعتك...

http://www.w6w.net/upload2/30-12-2005/w6w_...0235ffc4944.jpg

والله رخيص 45 الف بس... يابلاش...بكره نلاقي محلات العصير حاطاها...

يتبع........

[wagdi]

الأستاذ الفاضل الأفوكاتو....

مش عارف ليه عندي إحساس داخلي إن حضرتك أكيد بتحب الشطرنج... يمكن بحكم مهنة حضرتك الي بتستلزم التخطيط لكل خطوة ولكل كلمة...ويمكن لأسلوب حضرتك المرتب جداً في شرحك للمواضيع....المهم...أنا قلت أكيد الشطرنج ده حايعجب حضرتك...

هو الشطرنج الوحيد الي صنعه كارل فابورجيه بنفسه عام 1905... وكان هدية من القيصر إلى الجنرال أليكسي كوروباتكين قائد القوات الروسية أثناء الحرب الروسية اليابانية... ويقال أن الغرض من هذه الهدية هي رفع الروح المعنوية للجنرال بعد هزيمته في إحدى المعارك...

والشطرنج مصنوع من المرمر الأسود والكهرمان ومطعم بالفضة وخشب المشمش... ومقاسه حوالي 60 سم في 60 سم وطول القطع بيتراوح من 3 سم إلى 10 سم...

وهو ملك أحد الهواة الأن وعارضه للبيع ب 12 مليون دولار ونص بس.... انا باقول فرصة والسعر مناسب... يعني لو حضرتك بتحب الشطرنج ياريت تقوللي علشان الحق قبل ماحد يخطفه...

يتبع....

[wagdi]

شاعرنا الجميل هشام الجنيدي... أنا عارف حسك المرهف... وقلت في عقل بالي لازم أجيب لك حاجة فنية كدة... مالقيتش أحسن من اللوحة دي....

شوف الجمال...شوف التعبير والاحساس... حاجة خرافة... انا لما شفتها أول مرة بكيت بالدموع... بالدموع يا هشام...

هيا لوحة للفنان مارك روثكو...وطبعاً مارك روثكو مايخفاش عن حد...

وللي مش عارف مارك روثكو روسي المولد أمريكي الجنسية يهودي الديانة...اتولد 1903 وأنتحر 1970 ياحرام...

اللوحة أسمها Homage to Matisse ولسة متباعة السنادي في صالة كريستي في نيويورك ب 23 مليون دولار ونص بس ياحرام... والله ظلم.... لما الجمال والروعة دي كلها تترمى كدة بتلاتة وعشرين مليون ونص... المهم...أنا بادور دلوقتي على الي أشتراها وحاشتريها منه إن شاء الله... الجمال ده مايتسابش...وأول ما حاجيبها حابعتهالك على طول... وأنا بقى متصور انهار الأحاسيس والاشعار إلى حتطلع منك لما تصطبح كل يوم بالجمال ده... ياحرام...

يتبع......

[Reham]

وانا ياوجدي

الله يسامحك

لك يوم برده

واللي يقدم السبت يلاقي الحد قدامه لزق

وبلاش الله يكرمك الحتة بتاعة رزق الهبل عالمجانين دي عشان فيها قولان عارفة طبعا انك بتهزر وانها كلمه مأثورة الكتير مننا بيقولها بدون فهم بس انا كنت بقولها واستوقفتني احدي الاخوات جزاها الله خير

وقالت لي الارزاق بيد الله ...والله تعالي حكيم في افعاله وصفاته فكيف يترك توزيع ارزاق الهبل علي المجانين

والله تعالي اعلم

والعهده علي الراوي :blush:

[wagdi]

وانا ياوجدي

الله يسامحك

لك يوم برده

واللي يقدم السبت يلاقي الحد قدامه لزق

وبلاش الله يكرمك الحتة بتاعة رزق الهبل عالمجانين دي عشان فيها قولان عارفة طبعا انك بتهزر  وانها كلمه مأثورة الكتير مننا بيقولها بدون فهم بس انا كنت بقولها واستوقفتني احدي الاخوات جزاها الله خير

وقالت لي الارزاق بيد الله ...والله تعالي حكيم في افعاله وصفاته فكيف يترك توزيع ارزاق الهبل علي المجانين

والله تعالي اعلم

والعهده علي الراوي :)

<{POST_SNAPBACK}>

الأخت ريهام...

شلناها يافندم...وانت عندك حق أنا سمعت الموضوع ده قبل كده بس الواحد أتعود يقولها من غير مايفكر...

أنا الصراحة كنت سايب الهدايا النسائية في الأخر... يعني نخلص الشباب وبعدين نخش على الألماظات والحركات...بس واضح ماحدش عاجباه هديته...مع إن الجود بالموجود وأقل حاجة ميرسي حتى لو الهدية مش قد المقام...ماعلينا.... أتفضلي يا ستي...أدي هديتك...

طقم كدة بسيط لزوم خروجات النادي وكده...

هو الطقم عبارة عن اربع قطع: حلق وأسورة وعقد وبروش... كله ألماظ يا فندم... وألماظ حر مش الماظ دم... ومجموع الأحجار 260 حجر بمجموع وزن 452 قيراط...

أنا الصراحة عجبني لأنه عملي... يعني مثلاً الراس بتاعة البروش ممكن تتشال وتتحط في العقد... أو ممكن تحطي في العقد حجر (بير) 23 قيراط...كمان الحلق ممكن يتلبس بالتلات دلايات أو من غيرهم...

طبعاً مش محتاج اقول إن كل الأحجار لون D و نقاء IF....يعني أطمني خالص...

هو تمنهم 15 مليون دولار بس... يعني حاجة عملية وسعرها معقول وماتبقيش قاعدة عينك فوسط راسك خايفة الشغالة تسرقهم او حاجة...

تم تعديل 31 ديسمبر 2005 بواسطة wagdi

[wagdi]

بودا....بودا...هديتك بمناسبتين....عيد ميلادك والنيو يير...

أنا قلت بقى مافيش أحسن من تورتاية صغيرة... وبالمناسبة إلى عاملها شيف حلويات ياباني... هو قعد يخطط لها 8 شهور وعملها في شهر كامل...لسة خالصة يوم 8 ديسمبر...

هيا الكيكة مرصعة ب223 فص ماس وتمنها مليون وستمية وخمسين ألف دولار بس.... أنا شوفتها أشترتها على طول وأهي محطوطة في التلاجة...أديني عنوانك أبعتهالك...

[wagdi]

الأخ شريف عبد الوهاب.... لاحظت اهتمامك بأخبار الفن والتلفزيون... أنا قلت مافيش أحسن من سينما مخصوصة في الشاتوه بتاعك... مع إنك عمرك ما عزمتني...

المهم...أنا اعرف شركة كويسة وبنت حلال عملتلي شغل مش بطال قبل كده ...

سينما كدة خاصة في البيت فكرة مش بطالة...إحنا برضه بنشقى يا شريف بيه ولازم نفك عن نفسنا شوية...

برضه مدخل كدة بسيط علشان تحس نفسك في موود السينما...

هو الموضوع كله بياخد شغل من سنة ونص لسنتين... انا عارف... أنا عارف بهدلة الصنايعية والدوشة... بس حقيقي الشركة دي محترمة وشغلهم معقول... وكمان رخيص... اتنين ونص مليون دولار بس....

فكر وقوللي....

[khedr]

الاخ الكريم ..وجدي

كل عام وانت بخير...

جميله جدا

وكتر خيرك...

بس بالراحه علي اخواتك

انت عارف ...الحلو بيتعبنا

[shawshank]

أخي wagdi

شكرا جزيلا يا جميل على الهدايا الفظيعة دي ... مش عارف أودي جمايلك فين .

بس بنتهاوس واخد الدور الـ 78 كله ، أنا هعمل ايه ؟ حجزت لي بقية الأدوار ؟

شكرا جدا على العربية ... بس دي اوتوماتيك ؟ :D عايزها في حدود 45 مليون ليرة لبناني :)

[وليد صفوت]

نخش على أخونا فايولين كينج والشهير بوليد...والي خطفته قبل ما ينزل يصلي علشان موضوع الصور برضه... وطبعاً كلنا نعرف حبه للكمنجه علشان كده حنهاديه الكمنجة ديه...

صانعها هو أنطونيو ستراديفاري بجلالة قدره...واللي مايعرفش أنطونيو ستراديفاري فده اشهر واعظم صانع كامنجات في التاريخ عاش في كريمونا مدينة صناعة الكامنجات في العالم في نهاية القرن السبعتاشر وبداية القرن التمنتاشر... والكمنجة دية صنعها سنة 1719 واسمها "دوق ألبا" the Duke of Alba... نسبة إلى الرجل التي صنعت له... الكمان ده تم ترميمه بالكامل وأختيار قوس من صناعة دومينيك بيكاتي مصنوع سنة 1810 له...

تمن الكمان لوحده 3 مليون و800 الف دولار بس... والقوس ب185 ألف دولار بس... طبعاً أنت عارف يا وليد انا اول ما شفته كلمتهم على طول وأدتهم رقم الفيزا وقالوا إنهم حايبعتهولك... بس إختلفنا في أخر لحظة على القلفونية... أنا قلت لازم يبعتوا مع الكمان قلفونية وهما قالوا لأة...البيعة باظت... معلش...حاعوضهالك السنة الجاية إن شاء الله...

يتبع.........

<{POST_SNAPBACK}>

:D :D و الله زى العسل يا استاذ وجدى ....

بس على فكرة انا عندى واحدة زيها برضو Antonous Stradivarious بس بتاعتى نسخة مش أصل :D

بس انت عارف الواحد مانزلش التشيك بقاله كتير فبإذن الله ممكن الحقها المرة اللى جاية ... حتى لو اتباعت . انت عارف انا مابتفرقش معايا الحاجات دى و ممكن اشتريها من اللى اشتراها ( الفلوس بقى و إغرائاتها انت عارف :D )

بس ليه إختلفتوا على الألفونية ؟ كان ممكن تاخد الألفونية و هما يبعتوا الكمانجة بعدين ... زعلتنى يا أخى :)

:D

[se_ Elsyed]

فيها نسبة للسمك...

طب ودي لو لبستها يا وجدي مش هايبقى ريحتي زفاره .. علي أساس السمك وكده يعني ولا ده سمك فيليه مالوش ريحه ؟

والله رخيص 45 الف بس... يابلاش

ألف ألف شكر على الهدية .. ولكن أنا مش قصدي أحرجك والله ..

ممكن تبعت لي 100 دولار كاش ويا دار ما دخلك شر وتبقى هديتك وصلت وزيادة يا معلم ؟

[Reham]

الف الف الف تريليون شكرا وميرسي

حاجه أبهه أوي الطقم الالماس ده

شكله كمان غالي عليك وكلفك كده ييجي عشرين جنية :)

بس للأسف انا مش بحب الالماس(قصر ديل)

والحقيقة برده انني مش بحب الذهب

ولا الإكسسوار أصلا

بحب ابقي كده فريييي

انا بقي احسن حاجة تهاديني بيها حتة شيكولاتاية ولا حتة تورته

واااااااااااااو

ده احسن عندي من الذهب والالماس

انا لقطه بذمتك ...صح mfb:

جوزي بيتحايل عليا عشان يشتريلي حتة دهب وانا مابرضاش

بس كده احسن

ان شاء الله نلبسه في الجنة

والف شكر ليك وتعبتك معايا في المشاوير رايح جاي

عايزه شيكولاته بقي :)