معلومات ضرورية من المقيمين بكندا -تورنتو

[هادي]

أخويا الكبير اللي باحبه في الله : حلاوة بيه باشا العنتبلي

ثناء لا أستحقه

ومدح لم يصادف سوى عبد عاصي ومذنب

اللهم لا تؤاخذني بما يقولون

واغفر لي ما لا يعلمون

والله يا استاذ حلاوة أنا مش عارف واحد زي حالاتي بيعمل إيه وسط صحبة الورد الحلوة الجميلة دي .. أنا فعلا مش لاقي كلام

ربنا لا يحرمني منك ومن اخوتك التي تشرفني واعتز بها دوماً

وانت لو كنت فعلا بتشاور عقلك

فتأكد ان لك بيت مفتوح في تورنتو ..

وقلب وعقل مفتوح ، وأخ جاهز رهن إشارتك

أخي الحبيب الصعيدي باشا

ربنا يكرم أصلك يا غالي

أنا اخوك الصغير وتحت أمرك

بخصوص شهادة الخبرة في الخليج كمبيعات ماركات عالمية

باختصار

وبالبلدي

إنسى

أنا آسف لصراحتي

لكن انت ممكن برضه تشتغل في المبيعات

والمرتب هيكون من 7-10 دولار بالكتير

وبكده هتلاقي الحدوته مش هتفرق كتير

البداية واحدة (مادياً)

فإنت في البداية راح تقبل بأي شغل

عشان تجيب مصاريفك

وبعدين لما تهدى وتفهم البلد رايحه فين وجايه منين

هتبدا تفنط أوراقك من جديد

وبرضه

هتلاقي انك مش هتقعد معاهم ع التربيزة .. إلا .. لما تاخد شهادة من عندهم

بلد بتاعة شهادات :blush:

وبخصوص سواق تاكسي

برضه سهلة

هتخش مدرسة سواقة (250 دولار) اسبوعين

وبعدها تخش امتحان الرخصة

لاحظ:

امتحان الرخصة مستويات تبدأ من G وبعدها G1 وأخيرا G2

يعني فيه رخصة انك تسوق ومعاك حد جنبك بيسوق من سنين

وفيه رخصة انك تسوق جوه البلد

وفيه رخصة انك تسوق ع السريع High way

السواقه هنا مش صعبة - لو كنت بتسوق ف مصر من سنين - يبقى باذن الله تسوق ف بلاد تركب الافيال كمان مش كندا بس ، لاننا اصحاب أعقد سواقه ف الدنيا .. متخافش من الامتحان ، الرخصة مش هي المشكلة

والشغل برضه موجود

المشكلة بتكون في التأمين

لانك معندكش ولا سنة خبرة سواقه ف كندا :wub:

بيكون التأمين عالي شوية

يوصل لحوالي 160 دولار شهري :wub:

عشان كده انا مش باسوق هنا

لأن التأمين اجباري ع الجميع

عشان يغطي الحوادث ويصلح تلفياتك وتلفيات الغير وكده يعني

نرجع مرجوعنا

انت العيال معاك يتخلي دخلك معقول - بسبب الدعم الحكومي -

يعني باختصار راح تعيش

محدش ف كندا بينام من غير عشا ;)

لكن التطور الى الافضل

يحتاج الى صبر ومثابرة وتعب حقيقي

نصيحة :

لازم تيجي لوحدك في الاول

لازم تسكن ف مكان قريب من مدرسة العيال (تمشية يعني)

عشان أغلب الظن ان المدام هتقوم بالدور ده يومياً

وتخيل البرد والتلج بقى ياعزيزي

لأ

تخيل ايه

ده انت صعيدي زي حالاتي

ولما سافرت رحت الصحرا -برضه زي حالاتي -

يعني لازم هتمر بالتجربة كلها - زي حالاتي -

أول مره شفت الارض والدينا مغطيها التلج

جت لي لوثة جليدية

وخرجت زي العيال الصغيرة

و زي ليه :wub:

واتمرمغت ف التلج مع عيالي ف جنينة البيت

عادي

رقدت بعدها اسبوع ف السرير

لكن أهي تجارب

والحياة تجارب

نهارك فل الفل

* شكرا ع النضارة يا واد العم .. مش عارف من غيرك كنت هاعمل ايه

قلت لي انت جاي امتى :P

[الصعيدى]

ولاد عمى واخوانى الاعزاء

ا/هادى

ا/ حلاوة العنتبلى

ا/ ايهاب سالم

ا/ بيتى

ا/ وجدى

الى كل ولاد العم المغتربين

******* كل عام وانتم بخير ********

واد عمكم الصعيدى

[Hady]

ما شاء الله

والله انا ماضحكت كده من زمان

عجبنى هادى راجل ظريف بيتهيأ لى كده لو موضوع الهجرة بتاعى كمل على خير يبقى لازم اقابل الراجل ده... وخصوصا ان اسماءنا متشابهه

ارجو قبولى صديق وعضو بالمنتدى الجميل

[princedody]

هل ممكن أى حد من الشباب الجميل المقيم بكندا يرد على هذا السؤال حيث اننى بصدد الهجرة لكندا وقدمت أوراقى لمكتب لندن منذ مايو 2005 ممكن حد يعرفنى متى بالضبط ممكن أن أنتهى من كافة الإجراءات حيث أننى كلما حاولت متابعة الطلب على الموقع أجد أنه مازال فى عملية processing ولا أعرف متى بالضبط حيث أننى مصرى عمرة 26 سنه مقيم بالكويت ومقدم عن طريق مكتب معتمد وحاصل على ليسانس آداب لغة إنجليزية

أما السؤال هو إذا كان الشخص مقيم بكندا ويريد الذهاب للولايات المتحدة هل لابد من الحصول على فيزا أم لا وما هى إمكانية عمل المقيم بكندا فى الولايات المتحدة؟

شكرا جدا على الإفادة

تم تعديل 25 نوفمبر 2006 بواسطة princedody

[هادي]

أخي العزيز Hady

تم قبول اوراق اعتمادك اخا عزيزا كريما في المنتدى وفي فريق الاسد الرعب في كندا

وسيكون موقعك في الفريق ونج لفت انسايد هاف باك

ياريت تبتدي تهتم بصحتك وتاكل كويس لان كندا محتاجه شوية مجهود

ربنا يوصلك لينا بالف سلامة

------------------------------

اخي البرنس - عين اعيان الكويت

يعني الدينار ابو عشرين جنيه وعبد الرويشد واللهم لا اعتراض والسالمية وحولي والزير سالم

انت قدمت طلبك ياعزيزي في مايو 2005 يبقى يادوب تفتكرهم وعليك خير في مايو من العام القادم

أما عن دخولك امريكا والعمل فيها

باختصار شديد الاجابة : إنسى

لابد من حصول كل كندي على تأشيرة من العام القادم سيتم تطبيقها

ولايمكن لنا العمل هناك سوى بتأشيرة عمل

لكن ممكن تشتغل من تحت الترابيزة في شغلانات متواضعه

وأي سؤال نحن في الخدمة

اخوك هادي الذي لم يصبح كندي بعد

[desouq]

الأخوة أحباء والمصريين بجد بارك الله فيكم من كل قلبى

السلام عليكم ورحمة الله وبركاته

قال الرسول الكريم حبيبى (محمد) صلى الله عليه وبارك " الله فى عون العبد ما كان العبد فى عون أخيه" صدق الرسول الكريم.

أرجوا أفاتدى ولكم جزيل الشكر

أسمى : العبد لله محمد عبد الغفار

من باب الطموح أرغب بشدة للسفر لكندا وأرجوا من أخوانى أرشادى فى كيفية التقدم على الوجه الصحيح

لله الحمد أنا حاصل على درجة الماجستير فى الفيزياء التجريبية سنة 2004 وحاليا أعمل فى ليبيا فى معهد عالى بمرتب معقول ولله الحمد

أنا الأن فى ليبيا والأوراق التى معى هى

*أصل شهادة الماجستير باللغة الأنجليزية ومصدقة من الخارجية المصرية والليبية وأيضا نسخة من الرسالة وطبعا باللغة الأنجليزية.

* بحثين منشورين مع المشرف فى مجلة كبيرة فى أروبا.

* صورة من شهادة الخبرة من كلية العلوم بمصر (تدريس الفيزياء العملية أثناء كونى طالب منحة دكتوراه) غير مصدقة من مصر.

* أصل شهادة المركز الأول من معرض مبتكرات الشباب أقيم بالقاهرة سنة 2002 غير مصدقة من مصر.

* صورة من شهادة الميلاد.

* عقد زواج ( اللزوجة خريجة علوم كيمياء حيوى) مصدق فقط من الخارجية الأماراتية اصلى عقبال عندكم أو أولادكم أنا عقدت قرانى فى أبو ظبى.

هذه هى الأولاق التى معى والسؤال هو كيفية التقدم من هنا مع العلم أنى لا أسطيع السفر لمصر غير فى شهر سبعة القادم

وأرجوا أن تكون هناك وسيلة للتقدم من هنا عشان الواحد يخلص أموره بدرى

وهل أستعيد بمحام أما لا على فكرة فيه موقع immigrationcanada.com

قالى بعد ما أرسلت له السيرة الذاتية أنى أن شاء الله مؤهل للهجرة لكن أدفع 2200 دولار أمريكى حتى يخوض فى الأجراءات وترتيب لى عمل هناك قبل ما أعمل لاندين فى كندا.

أرجوا الأفادة وجزاكم الله خيرا desouq2000@yahoo.com

[libya]

أخي الفاضل

سبحان الله :angry2:

لو اخترت لنفسك أي اسم تاني غير (الصعيدي) تبقى غلطان

ده انت حدوته لوحدك يا راجل

انت خلتني اضحك لحد ما حواجبي وقعت :blink:

يعني يا راجل

تكتب مداخلة الساعة 8 ودقيقة

وبعدين 8 و اربع دقايق

8 و ست دقايق

8 و 12 دقيقة

انت فاكر الكمبيوتر ده ايه .. عفريت ..

مش الكلام بيخش السلك

وبعدين يتحشر ف السلك

وبعدين يتلوى جوه السلك

وبعدين يسافر بلاد الله خلق الله

وبلاد تشيلة وبلاد تحطه

وبعدين يطلع من الناحية التانية من السلك

وبعدين احنا نقعد نبحلق

ونقول لأم العيال .. هاتي النضارة يا ست

وبعدين نقراه بتمعن

وبعدين ناخد حبايتين نوفالجين (مش عارف ليه ، بس اهو احتياط)

وبعدين نفهمه

وبعدين نكتب الرد عليك

ياعم اصبر

ان الله مع الصابرين

قلت لي سؤالك كان ايه

:angry2:

ايوه

ايوه

افتكرت

انت الاستاذ الصعيدي بتاع المبيعات

شوف يا مبارك

بلاش دي

شطبناها

شوف يا جميل يا غالي

معاك

بعون الله

الخيديوي هادي

عين أعيان الصعيدي\ و لافخر

وخدام كل الصعايده وكل المصريين في بلاد العم حام (أخو سام)

انت بالشكل ده وباختصار

هتتعب هنا شوية

يمكن شويتين

لكن تعرف

انت ابن حلال

هاخدمك

شوف يا عزيزي الدوق

انت لو استغلت ف أي شغلانه (ودي سهلة بعون الله)

هاتهبد لك بتاع 7 دولار في الساعه

يبقى باذن الله هتدفع الايجار بمرتبك

وانت بتقول عندك 3 عيال

يبقى فرجت

الدولة هتصرف لسعادتك مبلغ شهري حوالي 700 $ (إعانة أطفال لاصحاب الدخل المنخفض)

ده يكون لاكلك وشربك

وبعد ما تقعد في أول شغلانه سنة ( أو 700 ساعة عمل)

لو صاحب الشغل ريحك وقال لك : ياصعيدي يا ابني متجيش الشغل تاني

برضه مصلحة

متخافش

هتاخد اعانة بطالة لمدة 8 شهور تقريبا

وهيصرفوا لك مبلغ يساوي مرتبك برضه (لان عندك 3 عيال)

كل ده مش مهم

ومفيش حاجه تخوفك أبداً

لكن عشان تشتغل شغلانه نميسة

بمرتب مفتكس

وتشوف كندا من ورى النضارة الريبان (مع إني عمري ماشفت المراكة دي هنا)

يبقى لازم تدرس يا جميل

أي خدمة

اخوك الصغير حلاوة

لأ

بلاش دي عشان اخويا الكبير حلاوة بيه حبيبي

أخوك الصغير هادي

ملحوظة :

حته بخمسة - ورقة واحدة - توصل على عنواني .. سُكيتي ..

[drbeso]

السلام عليكم ورحمه الله وبركاته اخواني الكرام انا باسم من مصر لسه متخرج من صيدله القاهره من شهور قليله ومحتاج محتاج جدااا لمساعدتكم الله يخلكم انا لسه هبدا من الاول خااالص بس محدش هنا تقريبا زي لان المعظم اما بسم الله مشاءالله اجتاز خطوات او ان البعض الاخر مقيم في خارج مصر

انا عاوز بكل بساطه اهاجر لكندا لاي ولايه انجليزيه يكون الدخل فها عالي ونسبه العرب والمصرين كويسه

عشان انا مستصعب حكايه الفرنساوي لاني زيرو فيه

ياريت ياجماعه اي حد عندو معلومات كفايه من اول نقطه لاخر مرحله المطلوب ايه من امتحانات والمعادله هتبقى فين كلو كلو

معلش يا جماعه انا زي اخوكم و لسه جديد في المنتدى ايميلي اهو لو حد حب يراسلني علييه

smart_basem

@

yahoo