رئـــــــــــ بعض يس الوزراء

[se_ Elsyed]

مش عارف ليه إنتابتني نوبة من الضحك الهيستيري مع الشعور بالشفقة على أحمد نظيف عندما قرأت خبر إستقباله لحسين طنطاوي وأحمد أبو الغيط وفاروق حُسني وحبيب العادلي وأنس الفقي وحسيت إن الراجل ممكن - أنا بأقول ممكن - يكون مصدق نفسه إنه رئيس وزراء بحق وحقيق وبالتالي ممكن عرق الرجولة ينطر عنده ويعمل ألفا على الناس اللي ذكرتهم فوق دول أو حتى يرفع سماعة تليفونه ويسألهم عن أخبار الشغل عندهم ..

فمن المعروف في بلاد الموز بإن الوزارات يتم تصنيفها إلى : وزارات سيادية ... ووزارات عبيد

فالأسياد هم : الداخلية ، الدفاع ، الخاريجة ، الإعلام ، الثقافة

والباقي كله عبيد عشان يكمل المنظر يعني ما تقوليش تعليم ولا زراعة ولا كلام من ده ..

ده حتى ممكن وإحنا في قاعدة صفا نقول إن الراجل نفسه ( نظيف وأمثاله ) ما هم إلا سكرتارية عليهم السمع والطاعة لأوامر الرئيس الأوحد والحاكم الأعظم ..

وما زاد الطين بله وخلى عندنا " منصب رئيس الوزارة زي الهبلة اللي مسكوها زماره " هو الإختراع الهمايوني اللي إخترعوه القائد والحاكم بأمره وسماها لجنة السياسات اللي مهمتها رسم جميع السياسات للدولة ولها رئيس وأعضاء ومستشارين بالهبل ... يبقى لا مؤخذه ممكن واحد قروي ساذج زيي يسأل .. أومال لما دول بيرسموا .. يبقى الوزرا ورئيسهم لازمتهم إيه ؟

يعني مثلاً عندنا في مصر مركب بيسوقها إتنين .. ولا إيه الحكاية ؟

وده حتى إمعاناً في تهميش منصب رئيس الزراء في مصر نجد إن مبارك حريص على أن يكون رئيس الوزراء لديه ميول عدوانية .. قصدي إقتصادية فوجدنا منهم عاطف صدقي وكمال الجنزوري - مالحقش يقعد على الكرسي يا حبة عيني - وحبيب مبارك عاطف عبيد ثم الرجل الطويل أحمد نظيف ..

يعني كإن مبارك بيقوله خليك يابني في أكل عيشك ولا لكش دعوة إلا بالفراخ واللحمة والضرايب والحاجات دي .

[Sherief AbdelWahab]

فيه نكتتين ..

الأولى أن سعادة حسام بدراوي سرب لجريدة المصريون أن سيادته رفض وزارة التربية والتعليم..

والنكتة الثانية أن زقزوق ما زال في وزارة الأوقاف!..

خلص الكلام

[kokowawa1979]

والنكتة الأكثر هزلا :

استمرار فارق حسني وزيرا للجهالة !!!

والطحش الأكبر هو بعينه يغباوته مشرفا على المجالس القومية المتخصصة !!!