الحاج متنح والحاجة كروته في حجاج اخر زمن

[shahd]

أشكرك يا شهد على الترحيب

فعلا بصراحة بتحصل حاجات تفطس من الضحك في الحج والعمرة

بس انا بصراحة باركز مع المصريين بالذات لأن بتطلع منهم حاجات تجنن  ;)

مرة كنت في عمرة رمضان ولقيت واحد مصري جاي يسأل عسكري الأمن بلهجة فلاحي زي العسل: هوة طواف الوداع نعمله منين يا أخ والله ؟ (لاحظوا ان الكلام دة في رمضان)

فالعسكري تنٌح و قاله: مين ؟ ايه ؟

فرد عليه المصري : أصلنا راجعين مصر بكرة وعايزين نطوف طواف الوداع

فيقوم العسكري الهمام يسأله سؤال جابلي احباط وشبه انهيار عصبي مع ضحك هيستيري : هوة انت عمرة ولا حج .

طبعا انا ماستنش الاجابة عشان ماتضايقش اكتر من كدة.

لأ فعلا في نسبة كبيرة من الناس بتطلع الحج والعمرة وهم مش فاهمين اي حاجة خالص وطالعين بقلوبهم وبس وحبهم للمكان وأصحابه. وبصراحة بتحصل مهازل, اذا كان في الحرم في مكة ولا في المدينة. وهنلاحظ دة قوي عند مقام ابراهيم وعند بيت الرسول من الناس اللي بتتمسح بالشباك و اللي بيدعي ناحية بيت الرسول صلى الله عليه وسلم واكتر من كدة بكتييييييير.

و أنا بقترح انه يكون من ضمن أوراق التأشيرة امتحان صغير عن مناسك الحج والعمرة يحله الحاج قبل ما يسافر ونضمن بيه ان اللي طالع يحج دة أو يعتمر فاهم تماما هايعمل ايه ومايعملش ايه وايه الصح وايه الغلط. ومش كفاية كتيب الارشادات الحقيقة لان معظم اللي طالع أميين.

وربنا يتقبل مننا كلنا ان شاء الله

<{POST_SNAPBACK}>

;) يظهر العسكري عايزله كورس في معرفة الشهور امتى عمرة وامتى حج

عدم العلم بالشيئ مش عيب بس المشكلة في الي ما يعرفش وعامل نفسه ابو العريف زي اصحابنا متنح وكروته وفي منهم كتير وربنا يستررررررررررر :wub: