أنا فنانة

[صفاء]

لو كنت مش لاقي وظيفه اعمل فنان

ان قلت شاعر اهو ممكن  من غير اوزان

وتقول مجدد ومزاجي هدم البنيان

البحتري دا شاعر راجعي وكمان حسان

والمتنبي اللي مافيش منه ولا عند الجان

اشعاره دي تافهه  ومعظمها من الواد حمدان

وانا الجديد  اللي كلامي شعر ووجدان

ان قلت عازف اهو ممكن تسرق الحان

وتقول دي قطعة مألفها في وش ادان

او اصلها نغمه قديمه من عند شوبان

قلبتها بفني جديده من غير ما تبان

<{POST_SNAPBACK}>

هو ده حال الدنيا ...

الإنصاص قامت والقوالب نامت :rolleyes:

[صفاء]

لو نعيمه عاكف لسه عايشه كانت غنتها

هايله يا صفاء

<{POST_SNAPBACK}>

طب نعيمة عاكف ماتت

نشوف روبى ؟

لا وايه لايقه لها تمام :rolleyes:

[صفاء]

برافووووووووووووووو عليكي يا صفاء

بجد جميلة وفعلا فيها ايحاءات عبقرية .. وسخرية من أحوالنا المهببة بجاز

الآية اتقلبت وأصبح الي عايشين حياتهم هما الراقصات والمطربين ولاعبي الكرة

وارمي في الزبالة - معذرة - الدكاترة والمهندسين و ...

عاوزين من ده علي طول يا صفاء الكلمة وصفاء الروح

ومش عارف ليه وأنا بقراها حسيت انها غنوة لثلاثي أضواء المسرح

<{POST_SNAPBACK}>

أخى العزيز آسر

طب شوفلنا حد يغنيها بقى ولا حتى يزبللها ويشرب مايتها :rolleyes: أيتها حاجه معنديش مانع

تم تعديل 7 يناير 2006 بواسطة صفاء

[صفاء]

عايز..أعلق ...مش قادر

الله..الله

كمان ياست الكل

<{POST_SNAPBACK}>

ميدو

مفيش مستحيل

[صفاء]

حلوة قوى يا صفاء  :rolleyes:

تنفع مونولوج يجنن .. ما شاء الله عليكِ

<{POST_SNAPBACK}>

طب ايدى على كتفك بقى

يا ريت تشوف حد يغنيها :blush:

[صفاء]

انا فنانة هاذا العصر

من غير كذب ومعر وفشر

فنانة هذا العصر أزاي أمال سنية سوست بتعمل أيه

<{POST_SNAPBACK}>

سنية سوست وسنية شخلع !!!!

هما يقربوا لبعض؟ :rolleyes:

[صفاء]

بجد رااااااااااااااااااااااااااااااااائع جدا يا دكتوره  قلتى حجات كتيييييييييييير كنت عاوز اقولها بس معرفتش 

بجد منتهى الروعه  الفكره جامده جدا جدا جدا 

وفكرتنى بفيفى عبده ودينا

فيفى عبده اتعودت تصلى ركعتين قبل كل رقصه بنيه ان ربنا يوفقها فى النمره الجايه (قالتها فى برنامج اعتقد حوار صريح جدا جدا )

ودينا بعد الفضيحه اللى بشرايط  راحت حجت ورجعت تكمل شغلها على نضافه

والله حاجه تجنن وتعل وتجيب امراض الشيخوخه  :blush:

استمرى وفقك الله

<{POST_SNAPBACK}>

هههههههه

بعد الشر عليك من أمراض الشيخوخة

شيخوخة ايه بس يا هشام

جمد قلبك امال :lol:

انا عن نفسى اما بسمعهم يخوضوا فى العلم والايمان وتوفيق ربنا لهم فى الكباريه

بيجيلى برى برى واستبحس

وزهايمر واسهال

واحيانا فتق سرى :rolleyes:

[صفاء]

د. صفاااااااااء

تسلم ايدك وقلمك الساخر

بصراحة ... قمة المأساة هى  حالة الازدواجية اللى بيبقى فيها اخوانا الفنانين من هذة النوعية

وقد اجادتى فى عرضها باسلوب غاية فى الرشاقة والسخرية ... تسلم ايدك

انا فضلت اقرأ وانا منتظر اوصل لاسم او اشارة للشخصية المراد الحديث عنها .. وفوجئت بالنهاية تأتى بدون اشارة لشخصية بعينها

وهذا قمة التألق ...

ان تتركى الكلمات لتعبر عن كل من به من تللك التوصيفات

تقبلى منى خالص المنى ،، ولقلمك .. كل التقدير

<{POST_SNAPBACK}>

أخى شاعر

هو اعتقد انها مش ازدواجية

هو يا جهل يا استهبال

وارجح انهم الاتنين مع بعض :rolleyes:

عزيزى نورت

[صفاء]

يا صفاءءءءء هو أنتي صحيح دكتورة

<{POST_SNAPBACK}>

هذا من فضل ربى

يعنى ان شاء الله فاضللى هبابه هبااااااااااااااااااااااااابيه عادكتوراة

:rolleyes:

[Tafshan]

حلوة قوى يا صفاء  :rolleyes:

تنفع مونولوج يجنن .. ما شاء الله عليكِ

<{POST_SNAPBACK}>

طب ايدى على كتفك بقى

يا ريت تشوف حد يغنيها :blush:

<{POST_SNAPBACK}>

معقولة :lol:

ده ما فبش اكثر من المنولوجستات ده الوقت :lol:

انا كنت عامل تجربة مشابهه للانتِ كاتباه اسمها فيديو كليب :

افتكست قصيدة ولعة

تسلى اكثر من كيلو لب

يومين كده و اعملها غنوة

و كمان ح اصور فيديو كليب

و الم جنبى كام بنت خايبه

و افضل كده ارقص و اشب

الغنوة ترقع في السوق تطرقع

تأخذنى و اطلع لفوق و اقب

من يوم ما اخذت الشهادة قاعد

ع القهوة انفخ و العن و اسب

اصل الشهادة م عادتش نافعة

تجيب لي شغله و لا حتى احب

و من ساعتها .. و بقالى فترة

مستنى هجره او حد يدرى

سيبينى قاعد كأنى حشرة

لا ليها لازمه و لا ليها قلب

و عشان كده بطلت ادور

و حلمى اصور فيديو كليب

بس بتاعتك احلى

[شاعرالرومانسية]

جميل قوى المنولوج بتاعك ياطفشان باشا ..

ياجماعة المنتدى واضح انه مليان مواهب عامية منلوجستية مدفونة ...

وياريت يا دكتورة صفاء تبقى تنورينا فى موضوع الشعر العامى ..

اكيد حينور بيكى..

http://www.egyptiantalks.org/invb/index.ph...t=0#entry191980

[صفاء]

تسلى اكثر من كيلو لب

يومين كده و اعملها غنوة

و كمان ح اصور فيديو كليب

و الم جنبى كام بنت خايبه

و افضل كده ارقص و اشب

الغنوة ترقع في السوق تطرقع

تأخذنى و اطلع لفوق و اقب

من يوم ما اخذت الشهادة قاعد

ع القهوة انفخ و العن و اسب

اصل الشهادة م عادتش نافعة

تجيب لي شغله و لا حتى احب

و من ساعتها .. و بقالى فترة

مستنى هجره او حد يدرى

سيبينى قاعد كأنى حشرة

لا ليها لازمه و لا ليها قلب

و عشان كده بطلت ادور

و حلمى اصور فيديو كليب

شعبان عبد الرحيم هايقدرها أكييييييييييد

[نبض الابداع]

كلام جميل لالالالا

كلام معقول

مقدرش اقول حاجة عنو ..