الواحدة صباحاً .. والظل الأحمر

[Sherief AbdelWahab]

قرر التليفزيون الهمام دهان بعض واجهات منزله الذي يحتاج إلى تنكيس..

اليوم يعدنا التليفزيون الهمام بفترة إخبارية اسمها "الواحدة صباحاً" ، ويقول لنا ببساطة أنها - على رأي اللبنانيين- غير شكل (بكسر الشين والكاف) ، فترة بها تحليلات بعيداً عن مصطبة 24 ساعة التي كانت فيما يبدو - بتطلع في الروح..

في الوقت نفسه ، وتأكيداً لتوغل روزا اليوسف في الإدارة التليفزيونية ، تقرر الإبقاء على الظل الأحمر ، رغم فشله الساحق ، فقط لأن كبير معديه هو عبد الله كمال ..

مش دة التغيير على طريقة نيوتن برضه؟

خلص الكلام

[se_ Elsyed]

اليوم يعدنا التليفزيون الهمام بفترة إخبارية اسمها "الواحدة صباحاً" ،

<{POST_SNAPBACK}>

الآن ... والآن فقط ... غيرت وجهة نظري فيك يا شرشر ..

بقى معقول لسه في حد على ظهر البسيطة بيتفرج على قناة إخبارية مصرية مباركية إفتاكسية ؟

طب ده أنا أخر واحد شوفته كان بيتفرج على نشرة تسعة هو المرحوم والدي .. أيام ما كان كارتر جاي يزور مصر في السبعينات :wub: وكان يجمعنا حوالية ويشغل الدفاية ونسمع أخر أخبار سيادة الرئيس القائد المؤمن ... وحتى لما المؤمن راح وجه الــــ مؤمن برضوا - وربنا أعلم باللي جوايا - فضلت نشره تسعة تقول نفس الأخبار اللي كانت بتقولها زمان ... مع تغيير الإسم طبعاً عشان الحبكة الدرامية ..

[khedr]

يا

تلفزيون

يا.. .. .. .. .. .. ..

[Sherief AbdelWahab]

عزيزي أبو السيد :

الواحد بيتفرج على كله قد ما يقدر ، الحلو والوحش ، الهاي كلاس والبيئة..

وبما إن فيه "شوطة" تفاؤل اليومين دول في البلد ، قلت لما شفت البرومو أهو تغيير ، خاصة وإن أحداث 24 ساعة بقت شيء بليييييد ومنتهي الصلاحية بقاله سنتين تلاتةعلى الأقل..

وياريتني ما عملت ، لإن سذاجتي وفضولي عموني عن حقيقة ان المقلب بيبان من عنوانه!..

النشرة بشكل عام في ثوبها الجديد قديمة مهلهلة ، ولا تختلف في شكلها العام عن نشرة التاسعة مساءً ، وبدا أن الموسيقى الجميلة لعمر خيرت في التتر لا تتناسب لا مع تواضع التصميم الفني لمقدمة البرنامج الإخباري ، ولا مع تردي مستوى البرنامج نفسه وملله ورتابته .. وإن كان الإنصاف يقتضي مني القول بأنه أفضل بكثير من بانوراما النيل الفترة فاحشة السوء على النيلة للأخبار..

خلص الكلام

[Abofady]

لى صديق مهندس اتصالات كان بيركب دشات فى الخليج وكان لما ييجى يبرمج الريسيفر ، كانوا يقولوله والنبى ياعم شيل لنا القنوات المصرية ، مش ناقصيين تخلف ، فلا الدهان نافع ..... ولا المراهم نافعة ...حتى لو جابوا فكس ....وبمناسبة الظل الاحمر ..دا ميكروكروم ولا ايه يكون دا دواء للريالة الاعلامية ............الريالة الاعلامية هى الريالة ، بس دلوقتى سايقة الهبل عالشيطنة

[Eng_Willo]

عزيزي أبو السيد :

الواحد بيتفرج على كله قد ما يقدر ، الحلو والوحش ، الهاي كلاس والبيئة..

وبما إن فيه "شوطة" تفاؤل اليومين دول في البلد ، قلت لما شفت البرومو أهو تغيير ، خاصة وإن أحداث 24 ساعة بقت شيء بليييييد ومنتهي الصلاحية بقاله سنتين تلاتةعلى الأقل..

وياريتني ما عملت ، لإن سذاجتي وفضولي عموني عن حقيقة ان المقلب بيبان من عنوانه!..

النشرة بشكل عام في ثوبها الجديد قديمة مهلهلة ، ولا تختلف في شكلها العام عن نشرة التاسعة مساءً ، وبدا أن الموسيقى الجميلة لعمر خيرت في التتر لا تتناسب لا مع تواضع التصميم الفني لمقدمة البرنامج الإخباري ، ولا مع تردي مستوى البرنامج نفسه وملله ورتابته .. وإن كان الإنصاف يقتضي مني القول بأنه أفضل بكثير من بانوراما النيل الفترة فاحشة السوء على النيلة للأخبار..

خلص الكلام

<{POST_SNAPBACK}>

نفس الحال معايا لما اتفرجت على برنامج الواحدة صباحا....فى الاول شدنى البرومو فقلت لنفسى يا واد اقعد اتفرج شكلهم كدة اخيرا عرفوا غلطتهم.

اكتشفت ان انا اللى غبى و مابتعلمش.... برنامج احداث 24 ساعة بس غيروا التتر.... نفس الcrew بالمذيعين بالمعدين بكل حاجة.....حتى زمن البرنامج هوهو....

اما برنامج الظل الاحمر فمعرفش دة ايه لزمته لا هو برنامج اخبارى مقبول ولا سناء منصور عندها معلومات عامة حتى عشان البرنامج يمشى شوية.

سناء منصور بتطلع فى البرنامج بمكياج لا يصلح لفتاة فى العشرين فما بالك بمذيعة كبيرة فى السن المفروض انها جادة و فى برنامج اخبارى محترم.

حسبى الله و نعم الوكيل

[Sherief AbdelWahab]

انطباعات متفرج :

1-الديكور "قِتِم" جداً .. حاجة كدة بتفكرني بقطاع الأخبار أيام سمير التوني.. :sad:

بيفكروني بمهندسي قطاع الأخبار اللي صوتوا وعملوا هلووولة في "الميدان" لمجرد إن عبد اللطيف المناوي قرر الاستعانة بمهندسين ديكور من خارج القطاع!.. على إيييييه "مع الاعتذار لعمرو دياب"..

2-نفس توزيع الفقرات في أحداث أربع وعشرين ساعة ، الخالق الناطق..

3-ميعاد البرنامج "غريب" كان من الممكن أن يقدم البرنامج في الحادية عشرة أو الثانية عشرة .. لكن ما هي قيمة تقديمه بعد ساعة كاملة من منتصف الليل؟

4-الساعات الإخبارية تعتمد على البث المباشر واللقاءات المباشرة ، تفتكروا ضيف مين اللي ممكن يبقى سهران علشان يتعمل معاه حوار بعد نصف الليل ، إلا إذا كان الكلام دة في برنامج القاهرة اليوم ، اللي فيه على كل أخطائه حاجات تستاهل "الفرجة"..

5-لا ينافس الواحدة صباحاً في المستوى المتدني سوى فترة "الساعة الرابعة والعشرون" التي تقدم على قناة النيلة للأخبار..

خلص الكلام

[Sherief AbdelWahab]

شر البلية ما يضحك .. عارفينها دي ..

وبرنامج الواحدة صباحاً بسم الله ما شاء الله بيشهد كمية أخطاء وهفوات إخراجية غريبة الشكل لا تصدر من مخرج مبتدئ ..

اتكسفت للمذيعة نهلة المدني قارئة النشرة اللي جت من كذا يوم تنوه عن فقرة النشرة الجوية ، علشان المخرج يجيب فقرة الأخبار الخفيفة على طول!..

وفي الوقت اللي المذيع بينوه فيه عن الأخبار الخفيفة ييجي تقرير كسوف الشمس على صورة تقرير عن تهريب السلاحف ولا المش عارف إيه من الهند ، الصورة والصوت واقعين في البرنامج دة بصراحة.. :P

أما عمرو بيه توفيق فمش عارف سماح عمار دي بتشتغل فين .. سماح للي ما يعرفش مذيعة في النيلة للرياضة وهو افتكرها في النيلة للأخبار..الكلام دة امبارح!!

ياما لسة نشوف وياما..

ذو صلة :

قناة النيلة للأخبار : كمالة عدد...(29 يولية 2005)

http://www.egyptiantalks.org/invb/index.ph...16145&hl=النيلة

خلص الكلام