تصريح بالصلاة

[Scorpion]

النهارده بالليل او بكره بالكتير حتلاقيهم عالقهوه بيضربوا حجرين معسل..

مافيش حد بيتعاقب يا عزيزي باهي .. كله لزوم الشو ..

 

[Scorpion]

" يا باشا خدوا تعهدات عليا زي ما انتوا عايزين إن دة بيت مش كنيسة و قولولي خش يا كلب انت و ولادك عيش متقوليش يا بني ادم قولي عيش يا كلب بس احموا بيتي و اهل بيتي لو حرقوا البيت انا معايا ٦ ولاد اروح فين بيهم؟! خد اي ضمانات بس البيت ميتحرقش"

 

دة كلام رب اسرة من قرية كوم اللوفي في صعيد مصر اسمه ايوب خلف 

 

لا تعليق

[باهى الطائر الحزين]

9 دقائق مضت, Scorpion said:

" يا باشا خدوا تعهدات عليا زي ما انتوا عايزين إن دة بيت مش كنيسة و قولولي خش يا كلب انت و ولادك عيش متقوليش يا بني ادم قولي عيش يا كلب بس احموا بيتي و اهل بيتي لو حرقوا البيت انا معايا ٦ ولاد اروح فين بيهم؟! خد اي ضمانات بس البيت ميتحرقش"

 

دة كلام رب اسرة من قرية كوم اللوفي في صعيد مصر اسمه ايوب خلف 

 

لا تعليق

احتج بشده وبكل ما اوتيت من قوه

علي هذه المداخله المهينه لأحد طرفي الأمه

مصر وعبر الزمان للمصريين مسلمين ومسيحيين

الأسلام ليس لديه مشكله مع احد ..

( إن الذين آمنوا والذين هادوا والنصارى والصابئين من آمن بالله واليوم الآخر وعمل صالحا فلهم أجرهم عند ربهم ولا خوف عليهم ولا هم يحزنون )

( آمن الرسول بما أنزل إليه من ربه والمؤمنون كل آمن بالله وملائكته وكتبه ورسله ‘’لا نفرق بين أحد من رسله‘’ وقالوا سمعنا وأطعنا غفرانك وإليك المصير )

( ولتجدن أقربهم مودة للذين آمنوا الذين قالوا إنا نصاري ذلك بأن منهم قييسين ورهبانا وأنهم لا يستكبرون ) 

تزوج الرسول منهم واوصي بهم خيرا ولصقهم بشخصه

من آذا ذمي فقد آذاني )

صدق الله العظيم ورسوله الكريم

والله ورسوله براء من دين الوهابيين 

ومن تبعهم من المنحرفين ..

[باهى الطائر الحزين]

(( استوصوا باقباط مصر خيرا فان لكم فيهم ذمه ورحمه )) منتدى ... في صحيح مسلم عن ابي ذر مرفوعا

(( إنكم ستفتحون ارضا يذكر فيها القيراط فاستوصوا باهلها خيرا فان لهم ذمة ورحما ))

صدق رسول الله

المشكله لا تتمثل في دين بل في بعض المنحرفين

والدوله السلحفاه  التي تستبطئ سن التشريعات والقوانين

ومجلس الكعب العالي ( عضوة حادثة مدينة نصر )

الذي ولأكثر من ثلاثة اشهر بعض اعضائه مقعدهم خالي

( بتصريح رئيس المجلس )

لولا اني اخشي واحرص علي الإمن والسلم والإجتماعي

لكتبت هنا الكثير الكثير فالأمر جد خطير ..

[Scorpion]

في 19/7/2016 at 18:15, Scorpion said:

النهارده بالليل او بكره بالكتير حتلاقيهم عالقهوه بيضربوا حجرين معسل..

مافيش حد بيتعاقب يا عزيزي باهي .. كله لزوم الشو ..

 

فرقت معايا يوم بحاله ....

 

 أصدرت محكمة استئناف المنيا قرارا بإخلاء سبيل 16 متهما في أحداث قرية ابويعقوب التابعة لمركز المنيا والتي شهدت أحداث عنف على خلفية إشاعة تحويل منزل لكنيسة.

[عادل أبوزيد]

الدستور يلزم البرلمان بإصدار قانون دور العبادة في دو إنعقاده الأول  ....  هانت

ما سبق كان إستهلالا لابد منه

علينا أن نصرخ و نصدع رؤوس المسئولين  من أجل تحقيق أو ضمان تحقيق العدالة الناجزة   نصدع رؤوسهم  حتى يضطروا للتفكير أو تشغيل هذا الشئ الموجود في جماجمهم  و يخرجوا علينا بإختراع  و أنا مصر على تعبير إختراع  لتشغيل  منظومة الأمن و منظمة القضاء  بكفاءة  و يكون هناك حد زمني أقصى  لمدة التقاضي

أحلم و متأكد أن الحلم سيتحقق

[Scorpion]

يحدث الآن ......

 

 

هو السيسي قال ايه امبارح :

اقتباس

في الآخر إحنا في دولة قانون اللي يغلط يتحاسب بالقانون، من أول رئيس الجمهورية لأقل مواطن».

 

طيب .. 

 

لكن انا بقول : يا أقباط مصر .. المتغطي بالقانون منكم عريان ....

مالكوش غير ربنا .. و بس

استمروا في صلواتكم .. هو بس اللي ممكن يضلل برحمته عليكم ..

يا خسارة .. كله واحد ..

 

[herohero]

57 دقائق مضت, Scorpion said:

يحدث الآن ......

 

 

هو السيسي قال ايه امبارح :

 

طيب .. 

 

لكن انا بقول : يا أقباط مصر .. المتغطي بالقانون منكم عريان ....

مالكوش غير ربنا .. و بس

استمروا في صلواتكم .. هو بس اللي ممكن يضلل برحمته عليكم ..

يا خسارة .. كله واحد ..

 

افرم ياسيسي

سبحان الله ، ده كان الناس ف حرب 


 

يلا مش مشكلة XXXXXX  ،واعلامنا ساكت ع الكلام ده عادي 
 

 

[باهى الطائر الحزين]

عن الدوله الرخوه ..

[باهى الطائر الحزين]

6 ساعات مضت, herohero said:

قرار الرئيس عبد الفتاح السيسى بسرعة القبض على كل من شارك فى التعدى الفردى علي بعض الاقباط في الفشن وتقديمهم للقضاء العسكرى بجانب القضاء المدنى ..

قرار الرئيس عبد الفتاح السيسى بسرعة القبض على كل من شارك فى التعدى الفردى علي بعض الاقباط في الفشن وتقديمهم للقضاء العسكرى بجانب القضاء المدنى ..

[herohero]

9 hours ago, باهى الطائر الحزين said:

قرار الرئيس عبد الفتاح السيسى بسرعة القبض على كل من شارك فى التعدى الفردى علي بعض الاقباط في الفشن وتقديمهم للقضاء العسكرى بجانب القضاء المدنى ..

وبعدين !!!!لاهي اول مرة ولا اخر مرة 
كل ده مسكنات ياسيدي الحل الامني هو أفشل حل 

[عادل أبوزيد]

اقتباس

البابا تواضروس: الكنيسة راضية عن قانون بناء الكنائس وننتظر قرار البرلمان الجمعة، 05 أغسطس 2016 - 06:23 م البابا تواضروس الاسكندرية جاكلين منير قال البابا تواضروس الثانى بابا الإسكندرية وبطريرك الكرازة المرقسية، تعليقا قانون بناء الكنائس الجديد المزمع إقراره، إن القانون حاليا يتم عرضة على مجلس الوزراء، ثم العرض على البرلمان لإقراره. وقال ردا على سؤال من اليوم السابع خلال تواجده فى المدينة الشبابية بأبو قير، "إن الكنيسة راضية عنه ولا يوجد أى تحفظات على القانون".

http://www.youm7.com/story/2016/8/5/البابا-تواضروس--الكنيسة-راضية-عن-قانون-بناء-الكنائس-وننتظر-ق/2830909#

و مع ذلك أقول مازال علينا أن نصدع رؤوس المسئولين صبحا و مساء  حتى يخرجوا علينا  بإختراع يضمن لنا كلنا  أكرر كلنا  العدالة الناجزة  ..... يعني العدالة السريعة

تم تعديل 5 أغسطس 2016 بواسطة عادل أبوزيد
تكبير فونت الكتابة

[Scorpion]

اطلق شباب ونشطاء حملة سخرية على مواقع التواصل الاجتماعى انتقادا لما حدث بقرية الفرن مركز ابوقرقاص بالمنيا بعد منع اقباطها من الصلاة وتحرير محضر ضدهم بتهمة الصلاة بدون ترخيص .

وجاءت تهمة الصلاة بدون تصريح او ترخيص لتفجر طاقات الغضب ضد الامن لعدم وجود نص فى القانون يجرم الصلاة ولذا اطلقوا حملة سخرية اشبه برخصة السيارات بعنوان " رخصة الصلاة بكام "

وجاءت التعليقات والسخرية منها " هو رسوم قداس قسيس..و2شماسه..وعشرة شعب تعمل كام فى اليوم ولو جه شعب زيادة بتحاسب بالنفر" ...واخر " رخصة الصلاة 3 سنين بكام دلوقت ولو يومين فى الاسبوع قداس واجتماع صلاة عدد 300 فرد الراس تعمل كام والفحص ايه اخباره.

وكتب اخر " عاوز ارخص صلاة بس قلقان من الاختبارات .

بلد الصلاة فيها لله برخصة وكتبت فتاه " حد يعرف امين شرطة رخصة الصلاة بتاعتى خلصت وعايز اجددها علشان الطوابير كبيرة "

وكتب اخر يضع لائحة باسعار رخص الصلاة " تعلن وزارة الداخلية عن فتح باب التسجيل للاخوة الاقباط لاستخراج تصاريح الصلاه وتشمل الاتيباقه ألفا:- تصريح بالصلاه لعدد 4 افراد يشمل حضور قداس واحد في الاسبوع وحضور اجتماع روحي واحد بتكلفة 300 جنيه وباقه برميم :- تصريح بالصلاه لعدد 6 اشخاص يشمل حضور قداسين في الاسبوع وحضور 4 اجتماعات روحيه بتكلفة 500 جنيه في الشهر

واستمرت تعليقات السخرية ومنها " فرصه فى كارت صلاة طالع تصلى شهرين وتاخد التالت مجانى ساعتين فى الاسبوع وممكن تشحنه لو المتشددين والامن وافق ..ورد اخر " لازم تقدم كشف نظر وبَاطِنَة وكمان شهادة خلو موانع مع المتشددين الجمال " ويرد اخر على غرار فيلم سلام يا صاحبى " شخلل علشان تصلى "

وسخر اخر " متنساش وانت مسافر بره تعمل رخصة صلاة دولية " حد يعرف مكاتب تراخيص القداسات فين " هو فى فترة سماح صلاة طوارىء " .

وكتب اخر الشروط مالها بقت صعبة كده لاصدار تراخيص الصلاة عايز صور البطاقات وموافقة المتشددين بالقرية وموعد الصلاة وعدد الدقائق ونص الصلاة ده بقت شروط صعبه عن زمان ..

وكتب اخر حد يعرف العقوبات الخاصة بالصلاة بدون رخصة ولو كان فى الشارع يبقى ايه والبيت وبالنسبة للجنازة لازم تصريح صلاة و انا اعطيت امين الشرطة 20 جنيه علشان اصلى هل تجوز صلاتى

[tarek hassan]

حالة تدعو للدهشة 

من يوم ما حطيت نفسي مكان الاخر وانا فهمت الدنيا تقريبا صح 

يعني مثلا انا لو صليت الجمعة في الشارع وسديت طريق حيوي وقت الصلاة محدش هيحرر ليه محضر 

طيب اخي في الوطن المفروض له نفس الحق 

ليه اعتبر نفسي حاجه وهو حاجه 

ليه اعطي لنفسي حقوق وليه حقوق اقل 

ليه أتدخل في أمر بين عبد من عباد الله مع ربه 

يا ناس الشعور بالاضطهاد والمعاملة الدونية شيء مؤلم جدا 

ولا يرضى به الله لأنه العدل