رحلة الحج الإيمانية .. مواقف وذكريات !!

[مصرية الهوى]

أجمل رحلة يمكن أي يقوم بها المسلم هي رحلة الحج ..!!

رحلة الإيمان .. الروحانية .. البهاء .. والجلال !!

رحلة إلى أقدس البقاع .. وأعظم الأماكن ..

باختصار ..

رحلة إلى الله .. !!

شاركوني ذكرياتكم في الحج ..

الحاجه جيجي :rolleyes:

[مصرية الهوى]

الحمد لله ربنا كرمني وحجيت قبل خمس سنين .. كانت أيام جميلة ..

حسيت فيها فعلاً بمعنى القرب من الله و الأخوة في الإسلام .. تشوف ناس من كل بلاد الدنيا ...

أشكال وألوان وجنسيات وبلاد مختلفة ..

لكن الجميع هدفه واحد .. ومقصده واحد ..

ثلاثة مليون بني آدم في نفس المكان ...

والكل يسأل الله الرحمة والمغفرة ...

تحس بينهم بالانتماء إلى دين عظيم ..وأمة عظيمة ..

ربنا يكشف عنها الغمة ..

____________________________________

في المخيم اللي كنا قاعدين فيه ... كان كبير اوي ومليان ناس .. بس متقسم زي البلوكات ..

قعدنا في البلوك بتاعنا أنا وماما وأختي وخالتي ...

كانت معانا ست معاها أطفالها ... أنا استغربت ايه اللي خلاها تجيب العيال معاها وخاصة انهم صغيرين ..

المهم الست دي من ساعة ما قعدت وهي بتبصلي ..

كل ما رفعت عينيا الاقيها بتبصلي ..

بصراحة اترعبت .. الست دي عايزه ايه :rolleyes: ..!!

لما جاء وقت الأكل .. الست جت تأكل معانا .. فأكيد يعني هنتعرف عليها ..

قالت لنا انها تونسية .. بس ظروف سياسية خلتهم يسيبوا تونس .. ويهاجروا للبوسنة والهرسك ...

قعدت تحكيلنا عن أيام الحرب .. وازاي كانوا بيمشوا بالعربية في الجبال ..

وكانوا بيطفوا الأنوار .. ويوطّوا رووسهم .. عشان احتمال حد يضرب نار في أي لحظة :D ...

وحكتلنا عن رحلتهم وهما جايين السعودية .. جايين من البوسنة والهرسك بالعربية :D ..

ايام وهما بيمشوا .. وجايبه عيالها معاها عشان مفيش حد تسيبهم عنده ..

المهم . قالتلي : معليش أنا آسفة والله لو كنت ضايقتك بنظراتي .

قلتلها : لاو لايهمك .. بس بصراحة مستغربة ليه ..

قالت : والله العظيم حبيتك من ساعة ماشفتك داخله :rolleyes: ... فكرتيني بأختي ..

سبحانه الله فيه شبه كبير بينك وبينها .. أصلي بقى لي سنين مشفتهاش .. ولما شفتك والله كنت عايزه أعيط .. بس مسكت نفسي ...

ست طيبة والله .. صادقتها لآخر يوم في الحج .. وودعنا بعض بحرارة .. على أمل اللقاء ..

لو مش في الدنيا .. في الجنة ان شاء الله ..

الله يذكرها بالخير .. :rolleyes:

[khedr]

هناك عندما يقف الانسان وحده بين كل الناس

لا يدري ولا يعرف ولا يكون هناك اناس

وتطهر من كل الدنيا كلها و الوسواس

ولا يراك احد الا رب الناس

عندها تنهمر الدموع

وتدعو الله عدم الرجوع

وتدعوه المغفره والرحمه في يوم بلا رجوع

يارب

يارب

.

.

.

يارب

[مصرية الهوى]

يوم عرفة ...

أفضل أيام السنة ....

كان فعلاً يوم في منتهى الروحانية ..

ونزل مطر خفيف والجو كان صافي ...

فزاده جمالا إلى جماله ..

قبل المغرب بشويه .. قالوا لازم تطلعوا تركبوا في الباصات ..

اتأخرت شويا في المخيم .. وماما وأختي وخالتي قالوا هنستناكي عن باب المخيم في الشارع .. قلت ماشي ..

خرجت ..

الجماعة راحوا فين :wub:

لفيت الشارع كله بين أكوام البشر والباصات والاكل اللي مرمي على الارض - استغفر الله العظيم - ..

مفيش حد ..

تُهت يا اخوانا .. :)

وهات ياعيااااط ;)

والسيناريو اللي جه في دماغي .. اننا خلاص .. وحجي هيتفركش ..

ومش هالاقي اهلي الا بعد يومين تلاتة ;) ..

الوقت يجري .. وانا اجري ..

ومفيش حد :P

لقيت ناس واقفين ، قلتلهم لوسمحتوا مشفتوش باص الحملة رقم 1 ..

بصلي واحد بمنتهى الحسرة وقالي : ما احنا برضه تايهين يا بنتي ..

:P :o

مشيت مسافة طويلة .. لحد مالقيت واحد من الكشافة .. وسألته على الباص ..

قالي تعالي معايا اوصلك .. وانا ماشية .. لقيت اهلي .. قلت له خلاص شكرا دول اهلي ..

المشكلة ان اهلي برضه كانوا تايهين ومش لاقيين مكان الباص .. فربنا يخليه الكشاف قال تعالوا معايا ..

ووصلنا لحد باب الباص ....

والحمد لله اليوم عدا على خير .....

---------------------------------------------------------------

[مصرية الهوى]

بعد ما وصلنا لمزدلفة ...

الجو كان خطيررررررررررر .. ومكانش فيه مخيمات لانها كم ساعة وهنمشي ..

فنمنا في الشارع على الارض ..

بس كان يوم في منتهى الجمال ... :P

الواحد فيه بيحس بالحاجة والافتقار إلى الله سبحانه وتعالى ..

-----------------------------------------------------------

يوم العيد بقى رحنا بالليل للحرم عشان نطوف ...

طلعنا نطوف في السطح ..

كان زحمة مووووت بطريقة غير طبيعية ...

كنت انا متشعبطة في بابا عشان مااتوهش ..

فجأأأأأأأأة ..

بابا اختفى في الزحمة ..

وفجأأأأأأأأأة تانية :) ..

النور والميه والاوكسجين اتقطعوا عني :D

لقيت قدامي بني آدم 4 متر في 4 متر ...

ياباشا .. يا اونكل .. يا حاج ..

انا هأمووووت خلاص ;)

مش قادرة اتنفس .. والله مش قادرة ..

الدنيا ضلمت فعلاً ..

درررررررررردب ..

بس من الزحمة موقعتش على الأرض .. في آخر لحظة ..

فيه بني آدم ورايا الله يجزاه خير ..انتشلني من الانقاض .. وهو بيزعق ..

ياجماعة وسعوا الست هتمووووت ;) ..

وانا بصرخ .. باااااااااااابااااااااااااااااا .. الحقنييييييييييييييييييييي ..

هأمووووووووت .. :P

بس والله الناس فيهم الخير ..

وسعولي بسرعة ..

والبني آدم اللي كان قدامي اتزحزح شويا .. وظهر بابا :wub:

اخدني بابا بسرعة .. مالك جرالك حاجة .. انتي اختفيتي فين !!

قلتله : مقدرش اكمل خلاااص ..

وروحنا استريحنا شويا ..

وبعدين نزلنا كملنا الطواف في الدور التاني .. كان اوسع ..

والحمد لله تّم الطواف على خير ..

صدقت يا رسول الله صلى الله عليه وسلم : ( عليكن جهاد لا قتال فيه الحج والعمرة ) ...

بس كانت أيام ..

اللهم أعدها يارب ..

:o

[se_ Elsyed]

قمت بنقل الموضوع إلى هنا .. عشان الواحد يتكلم براحته لإن عندي ذكريات واجد أو وايد أو كثير :rolleyes: