عادات غربية في حياتك

[Diab]

كل واحد مننا له عادة غربية بيعملها ومواظب عليها من غير

ما يعرف ليه

مثلا أيام الجامعة كنت لازم أكتب المحاضرات بقلم رصاص rotring

و أنا خارج البس كوفيه حتي لو علي تي شيرت نص كم :rolleyes:

بيتهيألي كل واحد بيعاني زي كده من عادة غربية

من ده كتير قوي حتقابل ناس في حياتك.يعني مثلا أنا كنت أعرف واحد هوايته ياكل الورق بتاع الورد

:rolleyes:

تم تعديل 11 يناير 2006 بواسطة Diab

[mo_gho]

اظن العادة دي بشترك فيها مع غالبية الشعب المصري

لازم ادخل الحمام بالجرنان.

[KANE]

في ايام العزوبيه كنت باشغل الراديو وانام عليه حتى الصباح

وبمناسبة هذه العاده ~التي إنتهت الآن بعد الزواج :blush: ~

فأذكر ان هذه العاده قد انقذت حياتي في يوم من الأيام

فقد كنت موجود في أمريكا لفتره قصيره "كباحث زائر في أحد الجامعات" وفي يوم وانا في عز النوم حسيت ان شبك الحمام في الاستديو قد فتح مما ايقظني واكتشفت بالفعل انه مفتوح واعتقد ان الزائر الغامض :rolleyes: قد اعتقد بما ان اراديو شغال فالموجود في الاستديو مستيقظ وبالتالي كت ، أما لو لم يكن الراديو مفتوح فربما لم أكن موجود لأحكي هذه القصه :lol:

[Eng_Willo]

انا بقى ما بعرفش آكل غير و انا بقرا اى حاجة و ساعات بسرح فى الحاجة اللى بقراها و اخلص اكل من غير ما احس.

اما موضوع الrotring فالعادة دى بقى مش فى المحاضرات بس و فى الامتحانات و فى اى حاجة بكتبها لدرجة انى بحس انى مابقتش اعرف اكتب بقلم جاف او حبر

[سهيلة]

انا بقى ايام ثانوى والجامعة كانت عندى عادة غريبة لما حاجةف المذاكرة تكون محتاجة تركيزوتقف معاية

تلاقينى حطة مصاصة ف بقىى كنت مسامياها المصاصة السحرية

لان معااها اى حاجة واقفة افهمها على طول

اة بحبها موت لدرجة مرة وانا ف ثانوى و ف الامتحان ف الفصل نسيت وطلعت مصاصة ف الامتحان كان امتحان شهرى

بس الاستاذ قفشنىىىىىىى

وهددنى انو يلغى الامتحان لو ما رميتهاش

منتهى التعسفية والاستبداديةوعدم الديموقراطية :unsure:

[وليد صفوت]

انا بقى ايام  ثانوى والجامعة كانت عندى عادة غريبة لما حاجةف المذاكرة تكون محتاجة تركيزوتقف معاية

تلاقينى حطة مصاصة ف بقىى  كنت مسامياها المصاصة السحرية

لان معااها اى حاجة واقفة  افهمها على طول

اة بحبها موت  لدرجة مرة وانا ف ثانوى و ف الامتحان ف الفصل نسيت وطلعت مصاصة ف الامتحان كان امتحان شهرى

بس الاستاذ قفشنىىىىىىى

وهددنى انو يلغى الامتحان لو ما رميتهاش

منتهى التعسفية والاستبداديةوعدم الديموقراطية :D

<{POST_SNAPBACK}>

سهيلة ...

أنا حتى آخر إمتحان بدخل و معايا علبتين عصير و باكو نعناع :D

و بفردهم قدامى على الديسك و شكلى بيبقى و لا اللى قاعد فى سوبر ماركت :D

و انا بحل الإمتحان بأكتب بإيدى اليمين و بشرب بإيدى الشمال :unsure:

[مصرية الهوى]

أنا بقى لازم بأمضغ لبان وانا باحل الامتحان ...

ولو مااكلتش يبقى هأكل ضوافري :unsure:

[shahd]

امممممممم يعني لازم الفضايح دي :unsure: ماشي انا بقى سواء في امتحان او غيره ما بعرفش اكتب غير ووشي على الورقة :D

تم تعديل 11 يناير 2006 بواسطة شهد

[سهيلة]

انا بقى سواء في امتحان او غيره ما بعرفش اكتب غير ووشي على الورقة

[/شهد مشاركة بتاريخ اليوم, 12:59 PM

وشك على الورقة ازاى يا شهد؟؟؟؟

بجد مش فاهماها :unsure:

[Diab]

أزيكم يا جماعة معلش أتأخرت عليكم لأني كنت بزور قرايبي في العيد

أخدت مصر كعب داير بقالي 3 أيام عشان تهاني العيد

انا بقى سواء في امتحان او غيره ما بعرفش اكتب غير ووشي على الورقة

أنا كمان مش فاهم قصدك أيه

أنا بقى لازم بأمضغ لبان وانا باحل الامتحان

اة بحبها موت  لدرجة مرة وانا ف ثانوى و ف الامتحان ف الفصل نسيت وطلعت مصاصة ف الامتحان كان امتحان شهرى

أنا حتى آخر إمتحان بدخل و معايا علبتين عصير و باكو نعناع

الناس دي كان باين بتمتحن في كانتين المدرسة ولا أيه :lol:

تم تعديل 11 يناير 2006 بواسطة Diab

[shahd]

انا اقلكو قصدي ا يه

احط الدفتر على المكتب ولما اكتب قعدتي ما تبقاش مستقيمة مش الوضع العادي يعني وشي بيبقى لازق في الورقة وانا ماسكه القلم

فهمتوها اصل هيا غريبة فعلا :lol:

[khedr]

عادات غريبه ..ده الواحد كل حياته غريبه

مثلا ..شفتم بني ادم يمشي بضهره ..اهو اخوكم الغلبان ...

احب امشي بضهري ..ومش مشكله اللي يحصل ..وما ادراكم كم ..يحصل

المشي علي قضبان السكه الحديد....طيب ممكن واحنا صغيرين ...طيب واليومين دول..!!!!

الاكل ..مع..الجرنان...مع الشاي...مع التليفون...مع الراديو زمان ..التلفزيون الان

دي بقي ملهاش حل وعايزه طبيب نفساوي صح ( الجلوس علي الرصيف..وعتبات البيوت)

كفايه والا ..ايه ..تحولوني علي صفحه النفسيه

[tarek_almeghallawy]

انا بقى كان عندي عادة زي الهباب

كنت احب اقرقض الورق باسناني

ومرة حصل معايا حدوتة مش ممكن انساها

وانا في ابتدائي مدرسة الفصل حطت ورقة مهمة على درجي

طب وانا مالي

المهم عملتلي فضيحة قدام الفصل كله وكان إييييه مشترك

بصوت حياني ... انت أكلت الورقة

منها لله انا مش مسامحها ليوم الدين

بس تبت خلاص

[صفاء]

انا كمان ليا عادات عجيبة

انا كل ما اعطش اشرب على طول .. تتصوروا :lol:

وكل ما باجوع باكل :lol:

[Eng_Willo]

انا كمان ليا عادات عجيبة

انا كل ما اعطش اشرب على طول .. تتصوروا :lol:

وكل ما باجوع باكل  :lol:

<{POST_SNAPBACK}>

بجد!!! اول مرة اشوف كدة!!! :lol:

[Diab]

انا كمان ليا عادات عجيبة

انا كل ما اعطش اشرب على طول .. تتصوروا 

وكل ما باجوع باكل 

بس عرفت أنت مين

شفيققققققققققق يا راااااااااااجل

[NoorJehan]

سبحان الله معرفش ليه لما أجى أشطب مواعين، لازم أترك شئ ولو شوكه متبقيه..بدلا من تشطيب كل شئ...أو أترك شئ "يتنقع" ...حله مثلا...مع انى ممكن أخلصها فى وقتها... :lol:

هعيش يا دكتور؟ :lol:

بس عرفت أنت مين

شفيققققققققققق يا راااااااااااجل

:lol:

[khedr]

انا كمان ليا عادات عجيبة

انا كل ما اعطش اشرب على طول .. تتصوروا :lol:

وكل ما باجوع باكل  :lol:

<{POST_SNAPBACK}>

حمد الله علي السلامه

وربنا

وربنا

وربنا

ما يغيبك عنا

[khedr]

هعيش يا دكتور؟

<{POST_SNAPBACK}>

والله يابنتي الاعمار بيد الله

لكن بعد ست شوك ومعلقتين ممكن يكون فيه امل

[graceful]

السلام عليكم

انا لي عاده اقلقت الدكاتره من المعموره كلها

ان اذا احد نادى عليها

اقول

نعم

تخيلواااا

لا من جد عندي عاده بس تخلصت منها كنت اكل المناديل وانا صغيره

وعندي عاااااااااااااده منيله بستين مليوم نيله وتحطني بمواقف محرجه

اني احب اترجم اي شي للانجليزي

مره كانت عندي مقابله مهمه مع اسانه اسمها استاذه كوكب

طبعا على طول ترجمتها مسسسسزززز بلانيت

ولما سالت السكرتير حقها

عن مكان مكتبها طبعا قلت فين مكتب مسزز بلانيت

طبعا كل الناااس عرفوا وهي شخصيا عرفت

وبقى موقفي باااااااااااااااااايخ

نشااااااااااااووو