اسمك وصورتك ف المنتدي معناهم ايه؟؟؟؟؟

[فــيــروز]

الحقيقه الموضوع ده فى بالى من فتره

وبحثت فى باب شئون المحاورات يمكن الاقيه موجود بالفعل لكن بحثى لم يسفر عن شئ

المنتدى فيه ناس بتكتب باسمائها الحقيقه و آخرون يكتبون باسماء اختاروها لانفسهم .. ومن اجل هؤلاء كتبت الموضوع

يا ترى اخترت اسم ليه؟ اعجاب بالشخصيه التى تحمل اسمها؟ مجرد لفت نظر؟ تعبير عن حاله نفسيه تكون بها فى اغلب الوقت؟ لم تجد وقت لاختيار اسم آخر؟ ام اسباب اخرى لم افكر فيها؟

[Lighthouse]

انا اخترت اسمي Lighthouse

يعني المنارة او الفنارة التي تهدي السفن في البحار

وبصراحة بيعجبني شكلها جدا وهي تقف في صمت وشموخ وتنظر لاعماق البحر في هدوء ورغم هدايتها للسفن الا انها لاتنتظر شكر على صنيعها

هكذا اراها

[Lancelot]

إسمي لانسلوت ... عندي خمس سنين و ده أول يوم ليا في الحضانة .......

(لا لا لا لا لا لا .... ده كان زمان ... إحنا هنا في المنتدي)

إسمي لانسلوت .... ده إسم أوروبي من العصور الوسطي ....

و هو إسم الشخصية الرئيسية في فيلم (الفارس الأول First Knight) .... الفيلم ده هو فيلمي المفضل بصراحة .... و بحكم كوني نقيب السنمائيين في المنتدي .... (و هأعين فيروز النائب بتاعي إن شاء الله .. مبروك يا فيروز) ... فكان لازم أختار الإسم ده ....

علي فكرة بيدلعوني يقولولي يا لانس .... و اللي طلع الإسم ده عليا شعنونة و كروسفيلد و نورا .....

في الأول كنت بأكتب الإسم .... Lanclot ... و تنطق "لانكلوت" .... و الأستاذ الطفشان فضل ورايا ورايا لحد لما خلاني أصحح الكتابة بتاعة الإسم ....

و ديه ببساطة قصة حياة إسمي ..... بكره أبعت لكم الـ CV بتاعة الإسم إن شاء الله ....

[بنت شعنونة]

اول ما دخلت عالم المنتديات من يجي 4 او 5 سنين فاتوا

كنت على منتدى خليجي

وكنت بتذذذذذذلل عشان اعرف اكتب سطر واحد عربي على بعض

ولما جيت اسجل كنت عاوزا انقي اسم

قلت اسمي نفسي دكتورة فلانة

لقيته تقيل وسخيف ومش شبهي خالص

وفجاة افتكرت ان زمايلي في الكلية مسميني شعنونة عشان كل حاجا عندي جدااااا

يعني عصبية جدا وسريعة الكلام جدا وبضحك جدا اعيط جدا كله جدا

فقلت خلاص ها اكتب شعنونة

بس عشان المنتدى خليجي قلت اكيد مش ها يفهموا يعني ايه شعنونة دي

قلت اوضحها واكتب قبلها بنت عشان يعرفوا المعنى

وابقى بنت شعنونة

كلمة في سركم

يخرب بيت المنتديات ع اللي جرالي من ورا المنتديات على حرقة الدممممم اللي الواحد فيها دي عللى عاوزة تكتب تاني اصلالالالالالا

"وش مفروس والله من الي بيحصلي" ( مش هنا طبعا)

انقلي يا رغددددددة

انقلي يا ماما

خلينا نخلص

[freefreer]

انا من النوع المهبب اللى بيفكر كثير .. و دائما بدور على (أصل) المشاكل .. سببها ايه يعنى .. و بعد سنين طويلة جدا .. اكتشفت ان كل شيئ مرتبط بحرية الفرد .. ايضا انا عشت فى بلاد بوليسية طويلا .. كل ده قدس الحرية فى نظرى .. و لما عملت ايميل .. سميت نفسى حرية .. بصيت لقيت الهوت ميل بيقولى اختار (حرية 1 أو حرية 2 .. الخ الخ .. و لم يعحبنى هذا الكلام .. لا اريد شيئا يعكر صفو الحرية او يدخل عليها .. فبحثت فى القاموس عن كلمة تكون مشتقة من حرية .. فوجدت المحرر ..

فسميت نفسى المحرر الحر .. أو فرى فرير ..

تحياتى

[Proud Muslim]

الحمد لله على نعمة الاسلام .. و التي أفخر بها دائما .. لهذا اخترت هذا الاسم ..

طبعا الجميع فخورين بدينهم .. و لست أدعي أنني أشد فخرا من أحد .. بس أحببت أن تكون هذه صفتي و عنواني ..

زمان كنت أحب أن أستعمل كنية Spawn و هي شخصية خيالية زي سوبر مان كده .. كنت معجب بيه جدا ..

و بعد كده حسيت .. ان دي كانت مرحلة من حياتي و عدت .. و يجب أن يكون الاسم دالا على تفكير الشخص و شخصيته ..

و اديني proud muslim . :)))

ملحوظة هامة جدا : متى ستعمل الابتسامات أو الانفعالات ؟؟

[DARWEEN]

أسم داروين هو أسم أقتبسته عن أسم العالم داروين صاحب نظرية أصل الأنواع وأنا أخترت أسم داروين لأني أحب البحث في أصول الأشياء ومسبباتها حتى لو كان في النهايه النتائج الي وصلتلها غلط لكن بأحترم شرف المحاوله ...

بس خلاص

[se_ Elsyed]

كان في توبيك باين عن الموضوع ده في باب المناقشات العامة ييجي من سنة كده

- بس على العموم نقول كمان علشان خاطر فيروز

- انا كنت مشارك في عدة منتديات وحركات على النت بإسم المعلم وفي مرة وأثناء حديثي مع ست أمينة صديقتي الصدوقة من زمان قالت لي ماتيجي منتدى المصريين فقولتلها بيعملوا أيه دول ؟ قالت تعالى بس جرب وعلى فكرة انا إسمي هناك ست أمينة .. فمن هنا جاءت لي الفكرة وقولتها لها لو إنت إسمك ست أمينة يبقى انا هايبقى إسمي سي السيد.

[فــيــروز]

الحقيقه انا ممتنه لكم جميعا للغايه

خاصة بعد علمى ان هذا الموضوع نوقش من قبل ولكنكم لم تبخلوا على بالرد فى الموضوع :-)

انا اخترت اسمى لعدة اسباب .. اعجابى بالمطربه الجميله فيروز

وكمان عشان انا باحب هذا الحجر الكريم جدا ..

تعليقات جانبيه :

لايت هاوس : اول مره آخد بالى من المعنى الاضافى للاسم الخاص بتقديم الخير دون انتظار مقابل :-)

لانسلوت : ما بلاش ابقى النايبه :-) نايبه فى اللغه العربيه يعنى مصيبه :-)

شعنونه : هو ايه موضوع رغده ده !! وبعدين فيه حد يبقى اسم جده رغده !! انا مش فاهمه :-(

فرى فرير : انا اول مره اعرف ان كلمة فرير يعنى المحرر .. الحقيقه كنت باتخيل كلمة فرير تدليل لكلمة فرى :-) شكرا على الايضاح

براود مسلم : اضم صوتى الى صوتك :-) عاوزين ايموشنز بقى

داروين : انا كمان باحب ابحث ورا اصل الاشياء .. لكن البعض يظن هذا تضييع وقت او كتر كلام :-( تحياتى

سى السيد : كنت بافتكرك مختار الاسم لاعجابك بسى السيد :-( الحمد لله :-)

عفوا يا جماعه لانى لم اخاطب البعض منكم بلفظ استاذ او اخ كما اعتدت .. المقامات محفوظه بردو :-)

[متفائل]

أخترت إسمي مش لأني متفائل ..... لاء علشان نفسي أكون متفائل

وعلى الله الحكاية دي تنفع

بس بيني أزبهليت زي مانتو شايفين في الوجو بتاعي

[Mohd Hafez]

Our users have posted a total of 81742 articles

We have 957 registered users

The newest registered user is رغدة محمد رغدة  

In total there are 9 users online :: 0 Registered, 3 Hidden and 6 Guests   [ Administrator ]   [ Moderator ]

بمناسبة الأسماء ..وجدت شئ غريب في أسم العضوة الجديدة .. العضوة رقم 957 .. رغدة محمد رغدة .. هل من الممكن أن يكون أسم "" جد "" العضوة رغدة ... """ رغدة """

[فــيــروز]

شعنونه : هو ايه موضوع رغده ده !! وبعدين فيه حد يبقى اسم جده رغده !! انا مش فاهمه :-(

قلتش انا حاجه من عندى !!

طيب حضرتك ماقلتش اسمك ليه !!

[Mohd Hafez]

قلتش انا حاجه من عندى !!  

طيب حضرتك ماقلتش اسمك ليه !!

بدأت بإسم .. إيجيبت 5 .. والسبب أن عدد أفراد أسرتي 5 أفراد ..وكل يوم الصبح لازم أحفظ الأولاد معلومة أنهم .. عرب إيجيبشن وليسوا ماليزيين .. مع العلم أن جنسيتهم ماليزية ولم يتم تسجيل أي منهم بالسفارة المصرية حتى هذه اللحظة .. وكان إسم إيجيبت 5 يشعرني بنوع من الأمل بأن هناك شئ يربط أسرتي هذه بإيجيبت .. ولكنى لاحظت مؤخرا أن البعض يعلق ساخر على حكاية 5 هذه ويعتقد أنني خايف من الحسد .. فغيرت إلي إيجيبت 8 في بعض المنتديات .. ولكن للأسف لا يمكن التغير في هذا المنتدى

[Farah]

عمري ما فكرت في الاسم ده بس في مايو الماضي تعرض المنتدي لوقف لمدة اسبوع تقريبا وكنت حاسه انني تائه بالرغم اني لم اكن عضوه وكنت بدور علي الاعضاء في كل المنتديات عشان كده كنت اول عضو سجل بعد رجوع المنتدي والجميع كان فرحان فقلت اسمي نفسي وفقا للحالة النفسيه للجميع

بس

[بنت شعنونة]

بمناسبة الأسماء ..وجدت شئ غريب في أسم العضوة الجديدة .. العضوة رقم 957 .. رغدة محمد رغدة .. هل من الممكن أن يكون أسم "" جد "" العضوة رغدة ... """ رغدة """

والله يا استاذ ايجيييبت نفس السؤال فعلا

يعني مين فيهم "الذكر" ومين فيهم " الأنثى"

يعني رغدة رااااااااجل ؟؟

عموما يا رغغغددددة مادام انتي مبقووووقة او مننا كدا زي ما قلتي هناك من شوية وكتبتي

خبر عاجل :  

منتدى المحاورات وقع تاني.  

بعد أقل من 36 ساعة من عودته منتدى المحاورات يسقط من جديد.  

تكبير يا رجالة.  

زغروتة يا بنات.

يبقى يا بنتي او يا جدو خدي بعضك كدا عشان اعصابك بس

انا خايفا عليكي والله

وممكن احجزلك في العنبر عندي في مطرووووووح

دا احنا ها نريحوووووووووكيييييي

يا فيرووووز والله انا ماكنتش عاوزة اقولك عشان بس ما اضايقكيش

انما اهو

اتفرجي

http://www.masreyat.org/r2/html/modules.ph...t=3102&start=15

وها تعرفي الفيلم كله...

[Handicraft]

الجهد والعرق المبذول فى اى منتج يدوى يخليك وانت بتشترى المنتج ده بتشترى ساعات من عمر انسان علشان كده انا فعلا بحب المنتجات اليدوية وده اللى علشانه اخترت اسمى

عقلى الباطن:

"فاكر اول مره تعرف قيمة الشغل اليدوى لما بعت كارت المعايده اللى قعدت تعمل فيه 3 ايام لصديقتك فيبكا فى المانيا ايام ثانوى وكنت عامله بايدك وجايب صور ولازقها وللأسف كان شكله فى النهايه مش زى اللى موجود فى المكتبات بس كان محاوله وبعته وكانت المفاجأه لما جاللى الرد انهم مبهورين بالكارت المجسم ده وخصوصا مامة فيبكا"

Handicraft = ساعات من عمر انسان ما فى مكان ما

[se_ Elsyed]

"فاكر اول مره تعرف قيمة الشغل اليدوى لما بعت كارت المعايده اللى قعدت تعمل فيه 3 ايام  لصديقتك فيبكا فى المانيا ايام ثانوى وكنت عامله بايدك وجايب صور ولازقها وللأسف كان شكله فى النهايه مش زى اللى موجود فى المكتبات بس كان محاوله وبعته وكانت المفاجأه لما جاللى الرد انهم مبهورين بالكارت المجسم ده وخصوصا مامة فيبكا"

أيوه أنا فاكر اليوم ده يا هاندي .. حتى بالأمارة كان يوم تلات بعد الضهر كده ... وتاني يوم أنا اتصلت بخالتي أم فيبكا علشان أشكرها على جواب الشكر اللي باعتتهولك فقالت لي : بيني وبينك يا س س هو الكرت كان يقرف بس انا قولت أرفع من الروح المعدنية بتاعت هاندي وأقوله الله ده حلوه قوي أيه العظمة دي كلها أحسن يعمل في نفسه حاجة .. فرديت عليها وقولتلها : طول عمرك أصيلة يا حاجة وتعرفي الواجب والعيبة مابتطلعش من بؤك .

كل الحوار ده كان بالألماني طبعاً ..... هـــــــــيه أيام ..

[MuslimaEgyptian]

وجدت الموضوع القديم إن أحببتم دمجه مع هذا...أو لكى يتعرف الاعضاء الجدد على باقى الأعضاء..وأكرر طلبى فى أن يثبت بهذه الصفحه لكى يضيف إليه كل عضو حديث...ولكى يضيف شعور من الدفء والألفه بين الأعضاء..والذى هو من عوامل نجاح أى تجمع...

http://www.egyptiantalks.org/bforums/viewt...opic.php?t=3564

-------------------------------------------------------------------------

كل الحوار ده كان بالألماني طبعاً ..... هـــــــــيه أيام ..

[Handicraft]

se_ Elsyed

Handicraft كتب: 

"فاكر اول مره تعرف قيمة الشغل اليدوى لما بعت كارت المعايده اللى قعدت تعمل فيه 3 ايام لصديقتك فيبكا فى المانيا ايام ثانوى وكنت عامله بايدك وجايب صور ولازقها وللأسف كان شكله فى النهايه مش زى اللى موجود فى المكتبات بس كان محاوله وبعته وكانت المفاجأه لما جاللى الرد انهم مبهورين بالكارت المجسم ده وخصوصا مامة فيبكا" 

أيوه أنا فاكر اليوم ده يا هاندي .. حتى بالأمارة كان يوم تلات بعد الضهر كده ... وتاني يوم أنا اتصلت بخالتي أم فيبكا علشان أشكرها على جواب الشكر اللي باعتتهولك فقالت لي : بيني وبينك يا س س هو الكرت كان يقرف بس انا قولت أرفع من الروح المعدنية بتاعت هاندي وأقوله الله ده حلوه قوي أيه العظمة دي كلها أحسن يعمل في نفسه حاجة .. فرديت عليها وقولتلها : طول عمرك أصيلة يا حاجة وتعرفي الواجب والعيبة مابتطلعش من بؤك . 

كل الحوار ده كان بالألماني طبعاً ..... هـــــــــيه أيام ..

يا ابن الإيه يا س س ذاكرتك 100/100 اللهم لا حسد ولا قر وبعدين يبقى انتى اللى اديتنى البمبه عند خالتى ام فيبكا ومن ساعتها بطلت تبعتلى الياميش فى رمضان ... دلوقى عرفت حل اللغز وعلى رأى المثل تفقعنى بمبه افقعك اتنين تدينى مهموز يتردلك يا نوووووور العين

وبعدين كل الحوار ده طبعا كان بالفيومى لأن خالتى ام فيبكا عندها عشة فراخ فيومى.

[فــيــروز]

يا خبر .. ده انا نسيت الموضوع فى التلاجه :-)

ايجيبت 5 :-) من زمان وانا نفسى اسال اشمعنى 5 و اخيرا عرفت السبب ..

فرح اليوم .. فعلا الواحد اما المنتدى وقع كان تايه و زعلان :-( ربنا يجعل كل ايامنا افراح .. مش قصدى يعنى المنتدى يقع كل يوم قصدى تبقى ايامنا جميله :-)

شعنونه : انا دخلت اللينك و بصراحه مش فاهمه ليه كل ده !! ربنا يهدى

هاندى كرافت : فعلا المشغولات اليدويه دى شئ له قيمه خاصه .. شفت فيلم من فتره كان اسمه غطاء الحب .. كان عن جده حفيدتها بتتجوز و قررت الجده و اصدقاءها ان ينسجوا للبنت غطاء -لحاف يعنى- يدوى وكل جزء منه بيحكى قصة الست اللى بتنسج هذا الجزء .. و كانت النتيجه رائعه و جميله ولها معنى كبير جدا

س.س. سيب الجدع ماتكسرش مآديفه .. احنا ما صدقنا الولد رجله جت و هيدفع الاشتراك او يعمل لنا اشغال يدويه فى الحضانه .. يزوق الفصل او يزين الشبابيك .. كده يعنى :-)

مسلمه مصريه : اشكرك جدا على اللينك و مفيش اى مشكله فى دمج موضوعى مع الموضوع القديم لانه فعلا جميل للغايه :-)