اسمك وصورتك ف المنتدي معناهم ايه؟؟؟؟؟

[zamalkawy]

قلبتي عليه المواجع يا ست فيروز

انا بقى اتمرمطت في النت يعني 10 سنين و 7 شهور تقريبا خدمة في مجال النت ايام طويلة لكن الواحد يرجع الفضل للانترنت في تعليمة الكمبيوتر و توسيع مداركة و لكن ايضا دمرني في مجال الرياضة اهملت الباسكت بسبب ادمن النت خصوصا في الأول في الفترة من 96 و 2000 فترة هوس النت و اعتقد ان اي حد فيكم عمل شات في برامج شات كبيرة شفني يعني الأستاذ ايجيبت 5 اعرفه من زمان من موقعين موقع للزمالك و موقع صوت مصر

اما بقى انا منتشر با اسمي كتير جدا

eLsGn من احب الأسماء لقلبي و كنت عمله دومين نيم في 98 السجن دوت كوم و اكيد معنه واضح و كان من عائلة السجن eLsGn-LLgD3aN

و في الأسماء الفكاهية

MaTlOb-3RoSa-180Cm

MaTlOb-3RoSa-180Cm-65kilos

اصل محسوبكم 206سم 205 + 1 علشان الحاجات دي بتحسد :)

و زمالكوي ده اكيد علشان انتمائي للزمالك و عندي موقع للزمالك

في ليستة من الأسامي لو زكرتها هقعد ساعة كفاية دول

[linux]

اصل محسوبكم 206سم 205 + 1 علشان الحاجات دي بتحسد :)

و هي ماتشات الزمالك بتوصل عندكم برضه ياكابتن؟!

[zamalkawy]

هي ماتشات الزمالك بتوصل عندكم برضه ياكابتن؟

يباي على الحقد

العالم هتقطع نفسها علشان اول مرة تشوف واحد بيكتب في طولة رقم 2

كله يقول مائة و انما الأتني دي جديدة :)

هو عيب الطول عدم توفر البنطولنات :( و ساعة الدش :( و العيال الصغيرة اللي بتقلس وانت ماشي :(

بس غير كدة فضل و نعمة بس لو حد يباصى 4 سم علشان نقفل 210 سم :wink:

[Mohd Hafez]

الأخ زملكاوي كتب :

يعني الأستاذ ايجيبت 5 اعرفه من زمان من موقعين موقع للزمالك و موقع صوت مصر

مرحبا بالأخ سجن .. كيف الحل .. أتمني لك وقت طيب مع صحبة محاورات المصريين..

[فــيــروز]

قلبتي عليه المواجع يا ست فيروز 

eLsGn من احب الأسماء لقلبي و كنت عمله دومين نيم في 98 السجن دوت كوم و اكيد معنه واضح و كان من عائلة السجن eLsGn-LLgD3aN

و في الأسماء الفكاهية

MaTlOb-3RoSa-180Cm

MaTlOb-3RoSa-180Cm-65kilos

اصل محسوبكم 206سم 205 + 1 علشان الحاجات دي بتحسد :)

و زمالكوي ده اكيد علشان انتمائي للزمالك و عندي موقع للزمالك 

في ليستة من الأسامي لو زكرتها هقعد ساعة كفاية دول

معلش يا زيكو سامحنى على تقليب المواجع عليك

بس اقلبها ازاى يا عم هو انا اطول !!

انا مش قادره اتخيل فعلا ان فيه حد ممكن يبقى طويل كده

بسم الله ما شاء الله والله مش باحسد ..

ويا ترى احساسك ايه بقى !! خصوصا وانت شايف الناس من علياء؟ اصل الصراحه اما باتكلم مع حد طويل -انا مش أوزعه اوى يعنى 167 فضل من ربنا- بس الرجاله بيبقوا فى المعتاد اطول كتير و افضل باصه لفوق و رقبتى تتلوح .. صعبه بردو بس مره اخرى يا اخ زملكاوى ما شاء الله مش باحسد والله .. لا و الافترا عاوز 4 سم اضافى !! آه يا جبابره

[zamalkawy]

الأخ زملكاوي كتب : 

يعني الأستاذ ايجيبت 5 اعرفه من زمان من موقعين موقع للزمالك و موقع صوت مصر

مرحبا بالأخ سجن .. كيف الحل .. أتمني لك وقت طيب مع صحبة محاورات المصريين..

اهلا بيك يا بشمهندس انا لسة فاكر موضعين من مواضيعك واحد بتاع اسكندرية و كيفية استخدام كورنيش اسكندرية و التاني موضوع عسير و جبل الطور و طبعا كنت مختلف معك في موضوع عسير :)

ويا ترى احساسك ايه بقى !! خصوصا وانت شايف الناس من علياء؟ اصل الصراحه اما باتكلم مع حد طويل -انا مش أوزعه اوى يعنى 167 فضل من ربنا- بس الرجاله بيبقوا فى المعتاد اطول كتير و افضل باصه لفوق و رقبتى تتلوح .. صعبه بردو

مش بحس بحاجة هما اللي بيحسو اصل انا طويل من يومي انا فكر لما كنت في 3 ابتدائي كانت مواهب الطول بدءت و كنت اطول واحد في المدرسة

اعدادي اطول واحد في المدرسة

ثانوي اطول واحد في المدرسة

جامعة بقى عملت تغيير اطول واحد في الجامعة و في المنصورة بلدي

بس الطول نعمة و الحمد لله متعة بجد الطول ده :)

بس انا اقدر انقلك احساس لما تبصي لفوق احساس صعب و حصلي مرتين لما كنت بلعب باسكت كان معاية سمير جودة 217 سم و بعد كدة لامين المالي كان 219 احساس صعب اوي :)

[فــيــروز]

بس انا اقدر انقلك احساس لما تبصي لفوق احساس صعب و حصلي مرتين لما كنت بلعب باسكت كان معاية سمير جودة 217 سم و بعد كدة لامين المالي كان 219 احساس صعب اوي

حسبى الله ونعم الوكيل

[zamalkawy]

بس انا اقدر انقلك احساس لما تبصي لفوق احساس صعب و حصلي مرتين لما كنت بلعب باسكت كان معاية سمير جودة 217 سم و بعد كدة لامين المالي كان 219 احساس صعب اوي

حسبى الله ونعم الوكيل

اللهم لا اعترض :)

طيب هتقولي ايه لما تعرفي اني عايز اتجوز واحدة 180 سم :)

يعني الواد ينزل من بطن امه حاجة كدة 160 سم ينزل بيجري على طول رهوان :):P:P

[Mohd Hafez]

زملكاوي كتب :

و التاني موضوع عسير و جبل الطور و طبعا كنت مختلف معك في موضوع عسير

شكر على الرد .. لست واحدك فقط المختلف معي بخصوص موضوع عسير .. ولكن والحمد الله بدات أجد بعض الأخوة المستعدين للتفاهم في هذا الأمر .. رجاء .. أرجع لباب الثقافة والعلم هناك ثلاثة موضيع هامة يمكن الرجوع إليها بخصوص عسير وهم

1- شطحات ولكن منطقية

2- إلوي .. إلوي .. لما شبقتني.

3- موسي بن عمرام بن يهقات

أرجوا قراءتهم . وبعدين شوف هل مسافة الخلاف لازالت كما هي .. أم زادت .. أو قربت

[afiona]

أنا إخترت إسم أفيونة علشان إسم حشيش ( الأستاد الكبير والمفكر العملاق) وإسم بانجو إتخدوا..... طب ليه أسماء مخدرات ؟ لأنني ببساطة وبعد لما دماغي كانت هتنفجر من التفكير في مشاكل مصر والقرف من الفساد ومن الكوسة والوساطة اللي تضررت منها كثيرا وظلم كثير ( زي أي مصري) قررت أن أغيب العقل والمشاعر عندما يزداد الضغط علشان صحتي وعلشان لا أصاب بالضغط وأنا في العشرينات. تمركزت حول نفسي وأسرتى و أصدقائى وخلاص....

سافرت للخارج وأصبحت المشكلة أكبر بالرغم من توافر أشياء عديدة المفروض إنها كانت تتوافر للواحد في مصر وكان هيبقي طعمها أظرف بكثير زي المكافأة علي الإجادة في العمل، إحساس الواحد بأهميته في عمله، مفيش كوسة بالشكل الفج ، وحاجات تانية كثيرة... مش بأقول إن الحياة لونها بمبي، بس ككل الحياة هنا أحسن من عدة وجوه...

ودي مشكلة أخري، حيث تصبح المشكلة أكبر، لأن البلد اللى إنت إتربيت فيها ومتعلق بها رفضتك والبلد اللى لا توافق علي سياستها حياتك فبها أريح.......... الحل هو النسيان و تغييب العقل زي أي مدمن بالضبط.....

آسف للأطالة والزج بكم في مواضيع غم...

بالمناسبة، انا كنت زملكاوي وده ساعد علي قرار تغييب العقل وخصوصا بعد موسم فريق الأحلام ....

[فــيــروز]

طيب يا اخ افيونه

ان شاء الله تحصل كبسه و تفوقنا كلنا

انا ايضا احيان كثيره احلم ان اغيب عن الواقع

كى اظل اضحك و اضحك و اضحك كما نرى فى افلام المخدرات

اريد ان اضحك حتى تدمع عيناى ولا ادرى على اى شئ اضحك

المهم انسى و خلاص

لكن الصراحه لا استطيع ان استسلم للغيبوبه طويلا ..

حتى انت يا اخ افيونه فايق حتى ولو لم ترد ان تعترف بهذا :-(

[solimano]

هو اسمى الحقيقى منذ بدء المنتدى ولكن حدث عطل ولم اتمكن من الدخول باسم سليمان فسجلت باسم سليمانو

[Spider]

بسم الله الرحمن الرحيم

من زمان وأنا معجب بكلمة spider بالأنجليزية وبكلمة العنكبوت بالعربية أيضا وأشعر أنهما كلمتان معبران عن هذا الكائن العجيب لدرجة أننى بدلا من أستعمال كلمة slippers وهى بمعنى شبب ولا مؤاخذة فأننى أستعمل spiders بدلا منها... حيث ان التشابه فى بداية تعلم اللغة بين الكلمتين كان مسبب مشكلة وكانت الكلمة الأخيرة اظرف وأسهل بالنسبة لى وأستعملها وأنا مدرك انها خطأ... وقد ذكر العنكبوت فى القرآن الكريم وخصص المولى عز وجل له سورة كاملة بأسمه...وهو كائن صبور جدا لايكل ولا يمل وسبحان الله حتى لو موجود فى خرم أبرة دائما رزقه يوصل لحد عنه...

ثم كانت المفاجأة بالنسبة لى وهى فيلم spiderman من قرابة سنة أو أثنين تقريبا وأعتقد قبل ان أشارك فى المنتدى شاهدته وبالرغم من أنه يبدو من الظاهر أنه فيلم أطفال ألا أنه كان يحتوى على حكمة بالغة ظلت تتكرر الى نهاية الفيلم والتى اقتبستها أنا ووضعتها فى توقيعى :

With great power, comes great responsibility

وهى مقولة لو تعيها الشعوب العربية عامة ما تركت مصائرها فى يد رجل واحد من ضمن ملاييينن البشر فيها دون أدنى محاسبة - فكل هؤلاء الحكام بلا أستثناء لا يشعرون بكم المسئولية التى على كاهلهم وأن شعروا فهو شعور بلا مبالاة...

هناك شىء آخر جعلنى أتمسك بهذا الكائن وهو أنه يعيش منعزل وحيد طيلة الوقت مثلى تقريبا وهذا يسبب للباحثين مشكلة عويصة لأنهم ببساطة لا يستطيعون وضع عدد من العناكب بعضهم البعض لأنهم يبدؤوا مباشرة فى الصراع وقتل بعضهم بعضا الى أن يتبقى منهم واحد فقط يعيش وحيدا!!!!!!!!!! وهذه حقيقة علمية... بصراحة أنا معجب بالعنكبوت! ليس لأنه عدوانى أو يحب ان يعيش وحيد ولكن الأهم من ذلك أنه صريح ودغرى وبيقول انا كده.. فهذا أفضل من ثعابين كثيرة تعيش حولنا فى صورة حمائم وديعة ثم تفاجىء الخصم من داخل هذا الغلاف باللدغة القاضية....

[Spider]

بدأت بإسم .. إيجيبت 5 .. والسبب أن عدد أفراد أسرتي 5 أفراد ..وكل يوم الصبح لازم أحفظ الأولاد معلومة أنهم .. عرب إيجيبشن وليسوا ماليزيين .. مع العلم أن جنسيتهم ماليزية ولم يتم تسجيل أي منهم بالسفارة المصرية حتى هذه اللحظة .. وكان إسم إيجيبت 5 يشعرني بنوع من الأمل بأن هناك شئ يربط أسرتي هذه بإيجيبت .. ولكنى لاحظت مؤخرا أن البعض يعلق ساخر على حكاية 5 هذه ويعتقد أنني خايف من الحسد .. فغيرت إلي إيجيبت 8 في بعض المنتديات .. ولكن للأسف لا يمكن التغير في هذا المنتدى

عزيزى أيجيبت5

مين قال كده!!! طبعا فى هذا المنتدى يمكنك تغيير الأسم كما تحب وهى خاصية جديدة لم تكن موجودة فى المنتدى القديم...

[مصرية الهوى]

الأسماء في النت عالم غريب عجيب ..

اشي أسماء بني آدميين معقولة ..

واشي محتاجه كتالوجات ..

وعلى حسب نوع الموقع ..

يعني مثلاً منتديات الهيافة والفراغ ..

كلها مجنونة بهنساوي >>>>>> واحد بيغني في التلافزيون ..

والا حبيب مش عارفه مين >>>>>> من الجماعة اياهم بتوع الهشك بشك ..

ولو منتديات الضحك والوناسة .. بتلاقي اسماء انما ايه ..

بتفطس من الضحك .. :P

قطة مش عارفه جرالها ايه >>>>>>> مش عارفه ايه حكايتي

انا والقطط اليومين دول .. مساكين والله مستئصداهم :o

وواحد جعان وواحد شبعان وعايز انام وعايز اعيط ..

وباص مزنوق ودبانة زرقاء .. وهلم جرا ..

المهم ..

وعشان الاسم ده اختياري مش زي اسمك الحقيقي ..اللي تصحى من النوم ..

تلاقي اهلك سموك غصب عنك ..

وتضطر انك ترضى بالامر الواقع ..

وماباليد حيلة ;)

فاسمك في النت تقريبا بيمثل شخصيتك .. واكيد الواحد بيختار اسم يمثله .. او يعكس حاجه جواه ..

كده يعني ..

وكمان الاسم بيدي انطباع للناس عنك ..

يعني مثلاً واحد اسمه الحكيم .. غير واحد اسمه أنا كتكوت ..

الاولاني بيديك انطباع ان اللي قدامك شخصية محترمة وجادة ..

انما الكتكوت ده بتحس انه واحد طفولي وبريء وبيتنطط :D

وهكذا وانتو ماشيين على الطريق السريع .. ;)

بالمختصر المفيد .. وعلى بلاطة ..

عشان لو فضلت ارغى هتشرق الشمس .. وتزقزق العصافير .. ويذهب الطلاب للمدارس ..

ويبدأ الطابور الصباحي .. والنشيد الوطني وتحية العلم ..

معليش الفولة مبتتبلش في بوئي :wub:

اشمعنى اخترت الاسم ده عشان تكتب بيه ..

وماذا يعني لك .. >>>>>>>>>> هو ده مربط الفرس .. قصدي زبدة الموضوع ..

انما الكلام اللي فوق ده سيبوه .. هو بس تنفيس عن رغبة في الرغي .. لا اقل ولا اكثر :)

طبعاً اللي بيكتبوا بأسمائهم الحقيقة .. يكتفوا بالمطالعة ..

لأنهم ناس واثقين من نفسهم ..

يعجبوني بصراحة :P

[alnoobi]

أنا متأكد ان لكل واحد أسبابه فى حكاية الاسم المستعار أنا بالنسبه لى الاسم ما فرقش كتير أنا نوبى ايه المستعار فى كده ؟

و بعدين الواحد كتير بتاخده الجلاله و يشطح و يلاقى نفسه مع الحماس رد على موضوع بينتقد وزير البيئه مثلا ولا وزير الأوقاف .. ازاى الحال بقى لو قوات وزارة البيئه ولا الأوقاف جات آخر النهار و فرّجت عليه الشارع ؟

يبقى الأحسن ان الواحد يستخبى فى الضلمه و يقول ما بدى له ... صح ؟

[shahd]

شوفي يا ست جيجي

احلى انواع العسل بتيجي منين؟؟؟؟؟؟

من اليمن

وبالأخص من حضرموت وبالأخص الأخص من دوعن

وانا منين من دوعن والشهد يبقى ايه؟؟؟؟؟

يبقى عسل

يعني مافيش استعارة ولا حاجة :rolleyes:

[se_ Elsyed]

مطلوب غطاس فني يجيب لنا موضوع مُشابه لذلك لكي يتم التعرف على تُراث المُنتدى وكمان نسترسل في معرفة كل واحد إختار إسمه ليه ؟

هل من غطاس ؟

[se_ Elsyed]

بعون الله إحنا نجيب التايهه .. ولا أجدع غطاس من اللي بينزل يسلك البلاعات

أهو الموضوع وكانت كتباه أختنا العزيزة " فيروز "

إسمك ليه ..اسم الله عليه

خلوه كده دلوقت لحد بكره أما أضمهم على بعض منعاً للتشتت .

[Reham]

الله يكرمك ياخونا ياسي السيد

ماتنقل الموضوع ولاتشيله من مطرحه

احنا مش عايزين نتعب جنابك

:lol: فاكر الموضوع اللي في قاعة الاجتماعيات بتاعي اللي كنا بنقول فيه"اتكلم عن نفسك" شيلته وضميته علي موضوع" نعرف بعض اكتر"بتاع هشام عبد الوهاب

وجبتلي مسمارين وشاكوش وقولتلي هندقه ونثبته عشان الاعضاء الجدد مايتوهوش بيننا

واكلتني الحلاوه يازكي :wub:

:lol:

فاكر...فاكر :lol:

وان كنت ناسي افكرك :blush:

فين بقي الموضوع يسي السيد ياخويا..اهه تاااااااااااه ياولاد الحلال

اعترض بشده

اشكرك ياجيجي علي موضوعك الجميل وسبقتيني عشان كنت بفكر فيه وكنت هنزله قريب

ومع انني بإسمي وانتي قولتي اللي بإسمه مايدخلش بس انا قريت الكلمتين بتوع سي السيد دول لقيت نفسي متغاظه وكان لازم ارد ماقدرتش امسك نفسي :rolleyes: