اسمك وصورتك ف المنتدي معناهم ايه؟؟؟؟؟

[Scorpion]

سي السيد كتب :

لو حد جدع بقى يغطس غطسة حلوه ويجيب لنا موضوع بنفس المعنى كده كان قديم بس قديم جداً

و ما أن انتهي حتي ظهر سكوربيون مرتديآ المايوه الدبلان المخطط بتاع أخوه شلبي ( أبو دكة ) ...و كغطاس قديم بارع قضي شبابه في ممارسة تلك الهواية في الترعة البولاقية ... قفز قفزة خماسية من علي المنط و غاب في قاع المحاورات .. ثم ظهر و في يد هذا الموضوع اسمك ليه .. !! للغائبة الحاضرة دائمآ فيروز ....

[بنت الشاطئ1]

السلام عليكم ورحمة الله وبركاته،،،

والله موضوع ممكتاز يالاخت alex lover وعجبتني اكتر الصورة اللي حطاها وبناءا عليه غيرت صورتي انا كمان لصورة احلى. انا برضه زوجتي من الاسكندرية

الاسم "deemuck" وينطق "ديم مق" هي كلمة كورية تعني "ضربة الموت"

ديم مق

الأستاذ ديم مق تقول انك غيرت الصورة لصورة احلى اعتقد ان الصورة الاولى اجمل مع انى معرفهاش

[otaka]

اوتاكا و هل يخفى القمر :rolleyes:

و الصوره الرمزيه هى شعار البى اس سى

Palestine Solidarity Campaign

منظمه التضامن مع الشعب الفلسطينى اللى بتشرف بانى اكون عضو عامل فيها

[mohamed_mido87]

السلام عليكم

انا اسمى الرمزى محمد والحقيقى برضه محمد وانا مش بلاقى فيه احراج خالص لو دخلت باسمى الحقيقى

لان فيه مليون ومليون اسمهم محمد

اما ميدو فمش عارف معناها بس هيا طلعت عليا

وطبعا لازم احيى زعيمه الاسكندرانيه اليكس على الموضوع الرائع لانى اسكندرانى برضه

تسلم ايدك يا زعيمه

محمد ميدو

[بنت النيل]

طبعا يا اليكس اسمى مش محتاج لشرح ولا تفصيل " بنت النيل "

الاول كنت هسجل بأسم " بنت الشاطىء " على اعتبار انى من بورسعيد وطبعا معروفه بشواطئها الجميلة

لكن لقيت ان ده هيقتصر على انى بنت بورسعيد فقط ففكرت فى بنت النيل حتى اكون بنت مصر كلها

وعلى فكره فى معانا الاخت بنت الشاطىء ايضا بس والله مش عارفه هل هى مسجله من قبلى ولا بعدى

فالحمدلله جمعنا الشاطىء والنيل :rolleyes:

[optimistic]

متفائل

سهلة

بس انا اخترتها لان ساعتها مكانش في اي حاجة تدعو للتفاؤل

قلت اعند مع الدنيا

و مشي الحال

بس مش عارف راح فين

الموضوع حلو

[daktara]

السلام عليكم جميعا

اكيد واحشينى موت

طبعا بعضكم يعرفنى وشويه سمعوا عنى وكتير لاسمعوا ولا عرفوا

للّى ما يعرفنيش .. أخوكم دكتره

أستاذ مساعد فى الأذن والحنجره

وباحب مصر وثومه والنادى الزمالك

واكتب ساعات بمزاج ومن غير شوشره

[bentmasria]

ميرسى على الموضوع الظريف يا بنت بلدى

انا ياستى بنت مصرية

دى انا يارب طبعى يكون حلو زى كل بنات مصر وافخر انى اكون منهم

الاسم ده قديم معايا جدا من سنين ده اول بريد ليا واستخدمته فى كل مكان اما عربى او انجليزى ومرتبطة بيه فعلا بس بصراحة انا نفسى اكونه بكل معانيه الحلوة

اصل بنات بلدى اجدع ستات فى الدنيا ولا ايه :wub:

[se_ Elsyed]

قمت بضم الموضوع الجديد مع نفس الموضوع القديم للإستفادة .

[anhidonia]

انا اسمى بقي انهى دونيا الناس فاكرة انه عربي وبتسائل عن الدنيا او باسخر من الدنيا

ولكن فى الحقيقة anhidonia دى مصطلح طبي لاتيني معناه عدم الاحساس بالسعادة او الحزن بدون سبب

والاسم دا بيعبر عنى اوى لانى فى لحظات كتير باكون مش سعيده ومش عرفة ليه بس هذا لا يعنى انى مكتئبة لا انا انسانه مرحة جدا وناجحة الحمدلله بس مادرى ليه باميل للحزن حتى ملامحى حزينه على راي اصحابي :Al:

تم تعديل 24 مارس 2007 بواسطة anhidonia

[se_ Elsyed]

حد جاي الموضوع ده ؟

[vipwithyou]

طبعا ً أنا آخر واحد تقوله يرد فى الموضوع دة علشان الطوب اللى هيتحدف على اسمى ويقولوا امشى يا مغرور .. صح ولا لا ؟

[أسد]

أسد ...

في بداية تسجيلي هنا .. كان إسمي هو نفس اسمي الحقيقي .. بتصرف ..

ثم قررت أن أستخدم إسم آخر ..

وفكرت . لأجد إسم أسد والذي أشعر بأنه معبر بالنسبة لي.. وهو أيضاً مشتق من برج الأسد حيث أني من مواليد أغسطس ..

واخترت صورة رمزية لأسد يجلس وبين يديه زهور ..

أعجبتني ..

وأصبح إسمي الرمزي هنا ... أسد ..

[semsema]

كل اللي يعرفوني مش بيقولولي غير سمسمة فسجلت هنا بيه

بس الحقية بقيت اكرهه لاسباب خاصة وحابه اغيره بس مش هغيره

[se_ Elsyed]

كل اللي يعرفوني مش بيقولولي غير سمسمة فسجلت هنا بيه

بس الحقية بقيت اكرهه لاسباب خاصة وحابه اغيره بس مش هغيره

ليه يا سمسه ؟

هل أشتريتي مثلاً طعمية بالسمسم قبل كده وطلعت بايته .. فكرهتي الطعمية والسمسم كمان ؟

ولا مثلاً أشتريتي فينو من أبو سمسم من اللي الرغيف بنص جنيه ولما روحتي البيت لقيتيه سادة من غير سمسم ؟

[إيزيس]

والدي الله يرحمه كان بيحب القرنفل ودي أول زهرة شفتها في بلكونة بيتنا فذكرياتي عن والدي مرتبطة بريحة القرنفل

تم تعديل 6 فبراير 2008 بواسطة قرنفل

[zizetta]

أقدم لكم نفسي .. محسوبتكم زيزيتا.. وزيزيتا ده إسم الدلع اللي بيندهلي بي المقربون من الأسرة ..والحقيقة انا اسمي عزة ..

أمي كانت بتقولي يا زوززة

أختي بتقولي يا زيز

بنتي وأصحابها وولاد خالتها ينادولي عزوز

وبعض زميلاتي يا زيزي

والبعض يا وزة

والبعض يا زوزو

والبعض يا زيزيتا

وزوجي يا عز

لكن أنا أخترت زيزيتا من زمااااان لإيميلاتي ..

دلوقتي بقى كل شيئن انكشفن وبان ... ومفيش بيننا أسرار

تحياتي

( كل ما سبق )

[إيزيس]

وأنا باسأل نفسي لية يا عزة بتحبي مدام زيزيتا ليه ليه

[semsema]

كل اللي يعرفوني مش بيقولولي غير سمسمة فسجلت هنا بيه

بس الحقية بقيت اكرهه لاسباب خاصة وحابه اغيره بس مش هغيره

ليه يا سمسه ؟

هل أشتريتي مثلاً طعمية بالسمسم قبل كده وطلعت بايته .. فكرهتي الطعمية والسمسم كمان ؟

ولا مثلاً أشتريتي فينو من أبو سمسم من اللي الرغيف بنص جنيه ولما روحتي البيت لقيتيه سادة من غير سمسم ؟

:) :blush2: :blush2:

انا مش متكلمة :unsure:

[se_ Elsyed]

أقدم لكم نفسي .. محسوبتكم زيزيتا.. وزيزيتا ده إسم الدلع اللي بيندهلي بي المقربون من الأسرة ..والحقيقة انا اسمي عزة ..

أمي كانت بتقولي يا زوززة

أختي بتقولي يا زيز

بنتي وأصحابها وولاد خالتها ينادولي عزوز

وبعض زميلاتي يا زيزي

والبعض يا وزة

والبعض يا زوزو

والبعض يا زيزيتا

وزوجي يا عز

لكن أنا أخترت زيزيتا من زمااااان لإيميلاتي ..

دلوقتي بقى كل شيئن انكشفن وبان ... ومفيش بيننا أسرار

تحياتي

( كل ما سبق )

بس سين سين بيحب ينده لك ويقولك .. يا مدام زيزينيا ... لإن كنت باحب المسلسل ده جداً وخصوصاً أغنية المقدمة بتاعت محمد الحلو اللي كاتبها الفقري أحمد فؤاد نجم ....

عندك مانع ؟