ما لا تعرفه عما ليس من المهم ان تعرفه...

[wagdi]

العزيز أبوفصاد...

وفيه تفسير تالت برضه إنه في الدولة الرومانية حين كان إغتيال القادة أمر شائع كان على الشخص إذا أراد الإقتراب من أحد القادة أن يرفع يده اليمنى لإثبات أنه لا يحمل حجراً أو خنجراً...

وممكن يكون فيه تفسير رابع وخامس... وعادة مثل هذه المواضيع يكون لها عدة تفسيرات يصعب التأكد من صحة أحدهما...

:angry:

وعلى حسب موقع الجيش الأمريكي، ولا تفسير من دول صح، وإن الأغلب هو أن الموضوع بدأ في القرن السابع عشر عندما كان من العادة أن يخلع الجنود قبعاتهم أمام من هم أعلى منهم رتبة، ثم أصبح الموضوع صعب مع تطور القبعات وتعقد تصميمها فأكتفوا بمجرد الخبط باليد اليمنى على الخوذة، ثم تطور للسلام العسكري...

تحياتي... :wub:

[wagdi]

طيب ليه العربيه لها اربع عجلات؟  :wub: مش تلاته مثلا  :angry:

<{POST_SNAPBACK}>

:o :D

لا بقى إنتي لو عايزة السؤال المحير بجد هو العجل ده بيروح فين... يعني الكاوتش بتاع العربية بيتنحل وبيتاكل وبنضطر نغيره كل فترة والتانية، كل عربية فيها أربع عجلات مضروبة في شوفي كام مليون عربية، المفروض نشوف بقايا العجل إلى بيتاكل ده على الطريق... :wub:

حد بيشوف حاجة؟؟ :D

[فــيــروز]

معاك حق يا وجدى

أنا سألت السؤال ده امبارح غلاسه بس عشان كنت عاوزه أسأل و خلاص B)

ده سؤال بجد .. مش فيه لحن اسمه "الدانوب الازرق" .. طيب الدانوب ده نهر .. وطبيعى يكون ازرق !! لماذا يسمّى اللحن "الدانوب الازرق" مش "الدانوب" بس؟ :)

[wagdi]

ده سؤال بجد .. مش فيه لحن اسمه "الدانوب الازرق" .. طيب الدانوب ده نهر .. وطبيعى يكون ازرق !! لماذا يسمّى اللحن "الدانوب الازرق" مش "الدانوب" بس؟ :blink:

<{POST_SNAPBACK}>

طب أنا راضي ذمتك....

لما ده.... أسمه الرسمي "النيل الأزرق"...

يبقى مستخسرة على شتراوس لما يوصف ده بالدانوب الأزرق... mfb:

[Hammer]

حقيقي مشاركه هايله تستحق التثبيت ..

و بعد إذنك أزوق معاك .. بس زقه صغيره

سبب وجود زراير في كم البدله .. الزراير اللي بتزهقنا و تقعد تشبك في الحاجات و تتقطع و يطلع عينا لغايه ما نلاقي زيها ..

بيقولك في القرون الوسطي , إنتشر بين الجنود في جو أنفلونزا زي اللي إحنا فيه دا عاده مسح المناخير في الكمام , فعم الامبراطور بتاعهم اللي كان بيقرف قوي أمر الترزيه يحطوا زراير علي الكم علشان يمنع الحركه المأندله دي .

[wagdi]

الفاضل هامر...

شكراً على مرورك الكريم والإضافة القيمة....

وبالمرة...

ليه الصينيين بياكلوا بالعصايا؟؟

التفسير الأكثر ترجيحاً هو ان إمبراطور صيني خشى يوماً من ثورة ضده فأمر بجمع كل الأسلحة والأدوات الحادة من الشعب بما فيها أدوات المائدة المعدنية... فما كان من الشعب إلا أن أستحدث أدوات جديدة للأكل عبارة عن عصيان خشبية مصنوعة من شجر البامبو، وأنتشرت هذه العادة في معظم اسيا وأستمرت حتى اليوم...

[Hammer]

يا سلام عليك يا وجدي .. إدينا كمان إحيات النبي يا شيخ ..

زقه كمان ..

ليه بنرفع إدينا أثناء حلف اليمين أمام القاضي ...

برضه بيقولك في العصور الوسطي - مش عارف الناس بتوع العصور الوسطي دول كانت دماغهم عاليه ليه كدا - بيقولك يا سيدي إن المجرمين :wub: كان يتم وضع علامه زي الوشم كدا علي راحه الكف ( علشان يبقوا متعلمين لا مؤاخذه) و كانت لا تقبل شهادتهم أمام القضاء , فيجب علي كل شاهد أن يظر كفه للقاضي قبل الشهاده ليثبت إنه نضيف و صاغ سليم قبل الشهاده ... و من يومها .

[فــيــروز]

طيب ليه بنسأل و نقول : تلت التلاته كام !! اشمعنى يعنى التلاته !! ليه مش بنقول : ربع الاربعه كام او نص الاتنين كام :wub:

و إذا كانت السينما هى الفن السابع فما هى الست فنون التى تسبقها؟ :blink:

تم تعديل 17 فبراير 2006 بواسطة فــيــروز

[abofasad]

لماذا اخترع الساندوتش

يقال ان هناك ملك كان مولعا بلعب القمار وكان أكثر ما يضتبقه ليس الخسارة ولكن عندما ينادونه لتناول طعام الغداء او العشاء فكان يتملل كثيرا من ترك منضدة اللعب للأكل . فما كان من الطباخ أن احضر الخبز ووضع عليه "الغموس" وأحضره له بجواره على منضدة اللعب، فأعجبته الفكرة جدا.. ثم تطور الموضوع وأصبح "شاطر ومشطور وما بينهما طازج" طبقا لتفسير مجمع اللغة العربية

[wagdi]

و إذا كانت السينما هى الفن السابع فما هى الست فنون التى تسبقها؟  :unsure:

<{POST_SNAPBACK}>

المسرح

الشعر -أو الأدب عموماً

الرسم

النحت

الموسيقى

التصوير

و السينما...

تحياتي

[فــيــروز]

شكرا وجدى "بتعطيش الجيم"

[فــيــروز]

يا أخ وجدى :mellow:

مفيش اى اضافات ليه؟ :sad:

[se_ Elsyed]

طيب ليه بنسأل و نقول : تلت التلاته كام !! اشمعنى يعنى التلاته !! ليه مش بنقول : ربع الاربعه كام او نص الاتنين كام

مش فيه لحن اسمه "الدانوب الازرق" .. طيب الدانوب ده نهر .. وطبيعى يكون ازرق !! لماذا يسمّى اللحن "الدانوب الازرق" مش "الدانوب" بس؟

إرحميني يا فيروز .. أنا راجل عندي عيال عايز أربيهم .. وضغط الدم مش كويس على اللي في سني ... :mellow:

ناقص تسألي وتقولي : ليه بنعمل عصير لموناته .. مش عصير زيتوناته ؟ مع إن ده بيتخلل وده بيتخلل ؟

ليه الكلب بيهوهو والمعزه بتمأمأ .. مش العكس يعني الكلب يمأمأ والمعزه تهوهو ؟

وبعدين راجعه تقولي لوجدي مافيش إضافات ليه ؟

السي إن إن إمبارح جابت خبر مقتضب كده بيقولك : تم العثور على جثة وجدي مخنوقة بأسفيكسيا الغيظ .. فبعد الكام إستفسار دول قرر يحط حد لمواضيعه ولحياته .. بس الغريب في الموضوع إن ترك قصاصة من الورق كتب عليها كلمة واحده بس ... " فيروز "

تفتكري كان يقصد إيه ؟

طب ليه قولنا قُصاصة ورق .. مش حتت ورق ؟

[فــيــروز]

معقوله !! وجدى انتحر :D يا حرام .. ده كان لسه هنا معانا و بيجيب معلومات حلوه خالص :D ارجع يا وجدى و قول ل س.س. انك مانتحرتش بسببى أحسن شكلى بقى وحش

[wagdi]

...

تم تعديل 29 مارس 2006 بواسطة wagdi

[wagdi]

عدنا...

:sad:

انا كنت محضر موضوع حلو وبعدين أختفى في ظروف غامضة... جيت أكتبه تاني لقيت فيه شوطة في المنتديات وقال خير الهم ما أجعله خير المصريين مابيعشلهومش مواقع... قلت أصبر بدل ماتعب نفسي وأكتب (تقولش الواد مقطع نفسه كتابة) وبعدين أصحى الصبح ألاقي المنتدى أختفى في ظروف غامضة...

الحمد لله المنتدى لسة بخير.... بس أنا ماكتبتش حاجة :lol: ..

ماعلينا...

انا قلت أفرفش الموضوع كدة باي حاجة... تصبيرة...

وبمناسبة اقتراب شهر ابريل علينا نقول ليه كذبة أبريل بتبقى واحد أبريل؟...ليه مش كذبة يوليو مثلاً...

الأصل إن الأوروبيين حتى منتصف القرن السادس عشر كانوا يحتفلون براس سنة يوم 25 مارس وهو اليوم الذي يمثل نهاية فصل الشتاء وبداية فصل الربيع... وكانت الإحتفالات تستمر لمدة أسبوع تنتهي بإحتفالات صاخبة وتبادل للهدايا في أخر الأسبوع أو يوم 1 أبريل....

ثم كان أن أمر البابا جريجوري الثامن بالعمل بنتيجة جديدة ( Gregorian Calendar) يكون فيها رأس السنة هو واحد يناير...

ثم كان أن أعتمد الملك شارلز الرابع ملك فرنسا هذه النتيجة حوالي 1582...وأصبح رأس السنة رسمياً هو 1 يناير..

ولكن ما حدث أن بعض الناس لم تصل لهم الأخبار أو وصلتهم ولكن أصروا على الأستمرار في طريقتهم القديمة أستمروا في إقامة الإحتفالات وتبادل الهدايا يوم 1 أبريل...وكان أن بدأ الناس يسخرون من هؤلاء "التقليديين" ويسمونهم ب"حمقى أبريل"... وكانوا يخططون لهم المقالب كان يبعثوا لهم بهدايا مضروبة أو يدعوهم إلى إحتفالات وهمية... وعلى مر السنين تحول يوم واحد ابريل إلى يوم مقالب وأنتشر في كل أوروبا... حتى في الدول التي لم تعتمد النتيجة الجريجورية إلا بعد ذلك بعشرات السنين كإنجلترا....

[هادي]

يا استاذ وجدي صباح الخير

الاهي يسترك ياشيخ

بنتي انت عارف في المدرسة وعاملين بقى احتفال بعيد الفصح والحاجات دي

فرجعت تسألني

هو العيد ده ليه اسمه ايستر .. مين ايستر دي !!!!!

وبعدين هو ليه عاملين رمز للعيد الارنب والبيضة .. مع ان انت قلت الارنب مش بيبيض !!!

وانا سمعتك بتقول لماما انه في مصر بنقول عليه ( أحد الشعانين )

طب يوم الاحد عارفاه

مين الشعانين !!!!!

خد بالك .. ابوس ايدك ..

عاوز اجابات سهلة

سهلة ..

دي في تانية ابتدائي

ومنظري بقى وحش قوي

عامل فيها (بابا) ومش عارف يجاوب :)

[wagdi]

الفاضل هادي...

صباح الفل...

شوف يا سيدي...

حكاية الفصح دي طويلة اوي ومكلكعة حبتين...

وأصولها متشابكة ما بين الثقافة الوثنية والثقافة المسيحية... وإلى اليوم هناك إختلافات بين المؤرخين عليها... وأنا حقولك إجابات أسئلتك كدة مباشرة من غير الرجوع للأصول علشان حنلاقي نفسنا داخلين من حارة لزقاق لعطفة ويمكن نتوه ويمكن نتعور.... :lol:

الأسم أصله يعود لعصور ما قبل المسيحية، حيث كان من عادة شعوب معظم الحضارات تقريباً أن يحتفلوا بالربيع... وكانت Eostre هي الربة أو الهة الربيع والخصب عند الساكسونيين في أوروبا الشمالية... ومنها تحور أسم Easter.... ونجد هذا الاسم متشابه في معظم ألهة الخصب أو النماء في الحضارات القديمة مثل Astarté عند اليونان و Ishtar عند البابليين...

أما الأرنب فهو رمز الخصب والنماء والتناسل...سهلة دي.. :)

وأما البيضة...فببساطة هي رمز التجدد والبعث....

والبيضة اصلاً مالهاش دعوة بعيد الفصح ولكن تم دمجها مع الأرنب، وتلوين البيض في الأعياد (كل الأعياد) كان من الأمور المعتادة في حضارات البحر المتوسط القديمة...

وأما الشعانين فهي كلمة عبرية من "هوشعنا" أى "خلصنا" أو "أوصنا"... وهي الكلمة التي هتف بها الشعب عند إستقباله للمسيح عليه السلام يوم دخوله أورشليم طبقاً لرواية الإنجيل وأحد الشعانين هو الأحد الأخير من الصوم الكبير ويكون اليوم الأول فى أسبوع الآلام....

أنا مش عارف حتعرف تشرح الكلام ده إزاي لطفلة في تانية إبتدائي... دا أنت حتفتحك على نفسك فاتوحة....

إنت احسن حاجة تعمل عبد الحميد يومين كدة تكون هيا نسيت...

ربنا يعينك... :D

[هادي]

إنت احسن حاجة تعمل عبد الحميد يومين كدة تكون هيا نسيت...

ربنا يعينك...

روح ياشيخ ..

ربنا يكرم أصلك :lol:

وأنا عبد الحميد من يومها فعلا :)

[مهيب]

حقيقة الأمر .. اللى حصللى نفس اللى حصل مع سيزييف بس بفرق التوقيت ... أنا أول مرة أدخل على الموضوع الرائع ده ... بسبب وصلة كانت منشورة فى موضوع تانى .. الغريبة ان اسمه لم يوح ليا بأى حاجة مثيرة ..

لكن بجد ... شكرا يا وجدى فعلا على الأفكار الروعة و لحظات المتعة اللى قضيتها و أنا قاعد بقرا موضوعك ... حقيقى انت فى التمام .. خاصة و ان موضوع الساعة اللى بتبقى مظبوطة على عشرة و عشرة فى الاعلانات ده بقالو حوالى 12 سنة مجننى و مش لاقى ليه اجابة من ساعة ما واحد صاحبى لفت نظرى

المهم ... خلينا نكمل و ننعشه شوية

ليه اطارات العربيات بيبقى لونها أسود ؟؟

الاجابة : تشتهر إطارات السيارات عالميا بأنها سوداء اللون , لذلك يعتقد الكثيرون بأن الأسود هو لونها الأصلي أو الطبيعي, و في الواقع فان لون المطاط المصنع المخلوط مع السولفار هو الرمادي المصفر. وإذا نظرت إلى صور السيارات القديمة, سترى أن لون إطاراتها أفتح بكثير من الإطارات الحديثة. المطاط المكون للإطارات الحديثة هو مادة كيميائية معقدة تحتوي أحيانا أكثر من عشرين عنصرا متوازنا. إلا أن العنصر الأهم هو الكربون الأسود ( مثلا المادة الناتجة من احتراق شمعة مكسورة أو زيت المصباح هي نوع من أنواع الكربون ). إن إضافة مادة الكربون إلى الخليط المكون للإطار تسمح للمصمم بتعديل خصائص أدائه بعد إنجازه. وبشكل عام, فان الإطارات المستخدمة للاستعمال اليومي تحتوي على كمية من الكربون الأسود, بينما ترتفع نسبته في الإطارات المخصصة لسيارات السباق. و كلما زادت جودة الكربون و كميته في خليط الإطار زادت مساحة السطح الخارجي لإطار السيارة, الأمر الذي يضمن مرور الحرارة من السيارة إلى الإطار الذي ستزداد حرارته بسرعة. هذا كله يناسب الخصائص المطلوبة في الإطارات المعدة لسيارات السباق , حيث تزداد كفاءة الإطار كلما زادت ليونته وطراوته في ذروة السباق. (يقوم سائقو السباقات بمناورات و انعطافات قوية بسياراتهم, لرفع درجة حرارة الإطارات, التي تكتسب قوتها ابتداء من 90 درجة مئوية. و يتم حفظ الإطارات في أجهزة تسخين كهربائية خاصة قبل تركيبها على سيارة السباق) أما في الإطارات المستخدمة للسيارات العادية, فيتم اعتماد مسألة تقليل احتكاك الإطار بالأرض (لتقليل مصروف الوقود), بالإضافة إلى دراسة الدولاب بشكل شامل لزيادة مدة استخدامه في السيارة. و في النهاية نرى أن اختيار الدولاب المناسب يعتمد هدف الاستخدام, فإطار سيارة السباق يختلف حتى عن إطار عربة نقل البضائع أو السيارة السياحية

و كمان :

لماذا يشعر البعض بالقشعريرة عند سماع بعض الأصوات مثل ( صوت الأظافر على السبورة )

الاجابة : في الواقع لا يوجد سبب واضح لهذه الظاهرة الغريبة ( وقد يشعر بعض القراء بالقشعريرة فعلا عند تذكر هذا الصوت لحظة قراءة هذه السطور ) و يعتقد العلماء أن سبب هذه القشعريرة التي تحصل عند البعض هو أن هذا الصوت يمثل تحذيرا لغريزة اساسية قديمة ( كان يمتلكها الإنسان الأول ) لخطر ما قادم لهذا السبب تتكون هذه القشعريرة .. !!

ليه أمريكا اسمها بلاد العم سام ؟؟؟ مين العم سام ده ؟

رمز ولقب شعبي للولايات المتحدة الأميركية. أصله لا يزال حتى اليوم موضع خلاف، ولكن ثمة شبه إجماع على أنه يرقى إلى أوائل العقد الثاني من القرن التاسع عشر، وانه مأخوذ من اسم التاجر الأميركي صموئيل ويلسون Samuel Wilson المعروف تحببا ب-(العم سام ويلسون). وتفصيل الأمر أن هذا التاجر كان يزود القوات الأميركية، خلال حرب عام 1812 بلحم البقر، وكان يدمغ براميل هذا اللحم بحرفي U.S. (أي الولايات المتحدة) إشارة إلى أنها ملك الدولة. وإذ كان هذا الرمز يمثل أيضا الحرفين الأولين من كلمتي (العم سام) Uncle Sam فسرعان ما أصبح هذا اللقب مرادفا للولايات المتحدة الأميركية. و(العم سام ) يمثل في الصحافة وغير وغيرها على صورة رجل ذي شعر طويل أشيب، وسترة منجمة، وبنطال مخطط، وقبعة عالية ذات سيور ونجوم كتلك التي تشتمل عليها الراية الأميركية.

والسؤال اللى بعد كده ... لماذا توجد شرشره على حافة بعض العملات ؟

مهيب