إعلان الحرب على القُبلات

[الباشمهندس ياسر]

ممكن الواحد يعلق علامه معينه على جاكتته او قميصه يتعرف منها انه مش بيحب يبوس حد او  يتباس من حد . س س فكر فى علامه كدى وركز وافتكس حاجه ليها القيمه مثلا زى علامة المرور "الطريق مغلق " او ممنوع الانتظار"   .

<{POST_SNAPBACK}>

خليني أفكر كده وهاخرج لك بكام فكره برلنت

أمممم

أمممم

أمممم

بس لقيتها ممكن مثلاً الواحد لو حاسس إنه داخل على مبوسه يروح ملغمط وشه طبيخ فاللي قدامه يقرف يقرب له ..

طب يا فالح لو واحد نفسه حلوه وما بتفرقش معاه الحاجات دي ؟

آه صح

...

طيب

ممكن أعلق لوجو على صدري مكتوب عليه " متبوسنيش بعين راضيه .. وكفايه تسلم عليه "

طب لو حد من قرايبكوا ماكنش بيعرف يقرأ عربي .. روسي مثلاً ؟

يا دي النيلة

----

طب منكن أعمل زي صدام حسين وأقوم متربس إيدي من بعيد وبلاها بوس ؟

ممكن يطلع لك واحد زي ا ياسر عرفات ويقوم واخدك مقص حراميه وهاتتباس يعني هاتتباس يا عباس

-----

بس وجدتها وجدتها

الواحد يعلق يافطة صغيرة مكتوب عليها " المذكور يعاني من إنفلونزا الطيور "

أظُن دي بقى مالهاش مخرج إلا إذا كان الحظ العكر يعترنا في واحد واخد فاكسينيشن ضد المرض ده

...

يعني متقفله يا حلو وهاتتباس هاتتباس .. فأستسلم أحسن لك .

انا مازلت مستنى الفكرة الجهنمية اللى تمنع الناس انها تبوس بعض

تخيل بقول لواحد بيسلم عليا و جاى يبوسنى

سورى انا عندى برد

قالى البرد منك بركة

كنت هقع م الضحك ساعتها

[Shehab]

انا مازلت مستنى الفكرة الجهنمية اللى تمنع الناس انها تبوس بعض

تخيل بقول لواحد بيسلم عليا و جاى يبوسنى

سورى انا عندى برد

قالى البرد منك بركة

كنت هقع م الضحك ساعتها

يعنى باسك فى الاخر برده مافيش فايدة؟؟

انا مستنى حل للموضوع ده بفارغ الصبر ...الموضوع بقى منتشر بطريقة غريبة

و الواحد ساعات كتير بيتحرج.....و ساعات بيتاخد ع خوانة....يعنى زميلى فى الشغل مثلاً و نبقى مروحين سوا اليوم اللى قبله....و تيجى تانى يوم الصبح فبتسلم عادى ما انت لسه سايبه من 10 ساعات و لاحاجة....و كل يوم فى وش بعض لما كرهنا نفسينا...و تمد ايدك تسلم و انت مش مدى خوانة و هوب ماتدراش الا و وشه ع مسافة سم من وشك...طيب ليه كده يا حبيبى...هو انا دوست لك ع طرف ..هو انت لسه جاى من السفر...و لا جايلك عقد فى الخليج و بتودعنى...ده ايه الهم ده!!

طيب ده اعمله ايه؟؟....صراحة بفكر ابقى سمج و اعلنها صراحة لحد ما كله يتعود.

بس انا اول مرة اسمع عن موضوع نفحات البرد ده يا هندسة

انا بعمل نفس الحركة بس لما حد يبقى متوضى و لا غاسل ايده و لسه مبلولة...فلما ينبهنى باتحرج اسحب ايدى بعد ما امدها....فبقوله اللى يجى منك بركة..

انما البرد ده اول مرة اسمع عنه......واضح انك سرك باتع يا باشا

تحياتى cr((:

[الباشمهندس ياسر]

يعنى باسك فى الاخر برده مافيش فايدة؟؟

انا مستنى حل للموضوع ده بفارغ الصبر ...الموضوع بقى منتشر بطريقة غريبة

و الواحد ساعات كتير بيتحرج.....و ساعات بيتاخد ع خوانة....يعنى زميلى فى الشغل مثلاً و نبقى مروحين سوا اليوم اللى قبله....و تيجى تانى يوم الصبح فبتسلم عادى ما انت لسه سايبه من 10 ساعات و لاحاجة....و كل يوم فى وش بعض لما كرهنا نفسينا...و تمد ايدك تسلم و انت مش مدى خوانة و هوب ماتدراش الا و وشه ع مسافة سم من وشك...طيب ليه كده يا حبيبى...هو انا دوست لك ع طرف ..هو انت لسه جاى من السفر...و لا جايلك عقد فى الخليج و بتودعنى...ده ايه الهم ده!!

طيب ده اعمله ايه؟؟....صراحة بفكر ابقى سمج و اعلنها صراحة لحد ما كله يتعود.

بس انا اول مرة اسمع عن موضوع نفحات البرد ده يا هندسة

انا بعمل نفس الحركة بس لما حد يبقى متوضى و لا غاسل ايده و لسه مبلولة...فلما ينبهنى باتحرج اسحب ايدى بعد ما امدها....فبقوله اللى يجى منك بركة..

انما البرد ده اول مرة اسمع عنه......واضح انك سرك باتع يا باشا

تحياتى

طب اقولك على حاجة اشد

كنت لسه راجع من الخليج و قابلت واحد م الجيران .. و كان بيشتغل ف الخليج برده من فترة

اول ما شافنى سلم عليا و هاتك يا بوس

و بعدين قالى .. واحدة خشم يا ربيعى

و فعلا بوسه خشم علشان نخلص

بس الحمد لله اننا مصريين مش ايرانيين

لو كنا ايرانيين كانت قلبت على بوسه حنك و تبقى مصيبة

[وليد صفوت]

السلام عليكم،..

ربط العلماء التقبيل فى اصله بالرضاعة و تلقيم الأم لأبناها الثدى و فى الحيوانات نلاحظ أن الأم تأتى بالطعام للأولادها من فمها الى فم أولادها مباشرة. و التقبيل موجود عند الحيوانات مثلما هو عند الانسان (إيه لازمة الجملة دى) حتى يدرك المهاجمون انه تصرف طبيعى و عفوى و لا يحمل اى اصطناع فى حالاته العادية.

التقبيل له انواع عدة كما قال سى السيد، و لكن مهما اختلفت طرقه فهو إما للمهابة أو للإعتزاز أو للحب أو للتقدير أو للخوف. و ما نحن بصدد التحدّث عنه هو التقبيل فى المجتمعات الشرقية بين ذوى نفس الجنس، أى تقبيل الرجل لزميله أو لقرينه و المرأة لزميلتها أو لقرينتها. و هو يكون فى الغالب للتقدير أو للإعتزاز أو للمهابة، بينما يأتى تقبيل القدم مثلا ليعبر عن الخوف قديما فى المجتمعات الغربية (تقبيل قدم الملك طلباً لشيئ مثلاً.... الخ).

من المفترض أن اعتزاز و تقدير الرجل لزميله لا يجعل زميله هذا فى حالة غضب أو قرف... بل الطبيعى أن يجعله سعيداً، إلا إذا بالغ الآول فى تقدير الثانى بأن يمطره بالقُبلات كما حكى الزملاء هنا :sad: ..

أنا شخصياً لست ضد القبلات على الاطلاق و لكن ما أنا ضده فعلا هو الاصطناع، يجب أن يكون التقدير نابع من القلب و ليس لغرض المصلحة كالعادة. فإذا كان الموقف يستدعى هذا، كأن يكون أحد الاصدقاء عائد من سفر طويل أو مسافر أو لم اقابله منذ فترة يكون طبيعيا و غير مصطنعاً أن اقبله و العكس، أما ان يكون هذا التصرف يومياً بين شخصين بأعينهما و بصورة متكررة، أو بين اثنين لا يعرفان بعضهما البعض جيداً يكون هذا مبتذلاً و غير لائق.

أما بالنسبة للغرب و ما يعتبروهم فى القبلات بين نفس الجنس، فهم بهذا يكيلون بمكيالين، و هى شيزوفرينيا مجتمعية غير مفهومة فى الواقع، لأن كل البلاد الاوروبية فى العصور الوسطى كانت تعتبر القبلات بين ذوى نفس الجنس شيئاً عادياً كما نحن الان، و لا اعلم الهذا الاستنكار صلة أو علاقة بالتغيرات التى اتاحت زواج المثليين مما نَتُج عنه "فوبيا" من أى تقارب فزيائى أو مادى بين ذوى الجنس الواحد أم لا... هذا يحتاج الى طبيب نفسى ليشرح لنا هذا الموقف...

عموماً فى الواقع انا ارفض القبلات بينى و بين اى من اصدقائى الذين يقابلوننى كل يوم و الشيئ ذاته لمن لا اعرفهم جيداً...

تحياتى،...

[Shehab]

طب اقولك على حاجة اشد

كنت لسه راجع من الخليج و قابلت واحد م الجيران .. و كان بيشتغل ف الخليج برده من فترة

اول ما شافنى سلم عليا و هاتك يا بوس

و بعدين قالى .. واحدة خشم يا ربيعى

و فعلا بوسه خشم علشان نخلص

بس الحمد لله اننا مصريين مش ايرانيين

لو كنا ايرانيين كانت قلبت على بوسه حنك و تبقى مصيبة :ninja:

لأ لأ الحمد لله انها جت ع اد كده....أنما ايه موضوع الايرانيين و الحنك ده؟؟

النهار ده...حاولت انفذ خطتى مع نفس الشخص اللى بحكيلك عنه...بس فشلت

خدنى ع خوانة كالعادة...عقبال ما قلتله كفاية امراض كان قام بالواجب.....الغريب انه كان جاى متأخر...و لما بسأله عن السبب ...قالى انه تعبان ومناخيره مبهدلاه ....طيب يعنى انت عيان و جاى تبوسنى برده مافيش فايدة ؟؟؟ :ninja: .....قالى ما تقلقش ديه حساسية مش حاجة معدية..

قلتله طيب ربنا يطمنك يا شيخ :ninja:

بصراحة اللى منعنى امد ايدى عليه...حاجة واحدة... انه يفصل منى اتنين :lol:

من المفترض أن اعتزاز و تقدير الرجل لزميله لا يجعل زميله هذا فى حالة غضب أو قرف... بل الطبيعى أن يجعله سعيداً، إلا إذا بالغ الآول فى تقدير الثانى بأن يمطره بالقُبلات كما حكى الزملاء هنا ..

أستاذ وليد :

أكيد الاعتراض مش من باب القرف و لا الضيق من الزملاء او عدم تقدير مشاعرهم....او حتى كونها مفتعلة و غير صادقة ...لكن المشكلة سببها الوسيلة المبالغ فيها فى التعبير عن المشاعر....و اللى اتحولت الى سلوكك طبيعى و شائع ....و اللى ممكن تتسبب فى نقل امراض كتير احنا فى غنى عنها