هل تقرأ ما تكتبه

[tarek_almeghallawy]

كنت مغرم بتدوين يومياتي منذ الثانوي

وقبل أن أبدأ في الكتابة أقرأ ما كتبت بالأمس.

أشعر بالخجل من نفسي.

إيه الكلام الهايف والتافه اللي أنا كتبته ده.

وبعد الدراسة ما انتهت واستلمت العمل في المستشفى.

أصبت بحالة من القرف من الكتابة.

وغصت في الكتب قراءة في الأدب والشعر والسياسة والتاريخ والدين.

المشكلة عندي الآن

كلما أردت أن أكتب تأخذني حالة من التوتر.

أكتب واشطب وأغير الكلمة دي

وأطلع الجملة دي فوق وأخلي دي في الآخر.

وأحياناً اشطب كله وأرمي الورقة.

وأقول والله ما انا كاتب حاجة.

[وليد صفوت]

عزيزى طارق أولاً أهلاً و مرحباً بك وسطنا فى محاورات المصريين و معلش اللحمة أنستنا الترحيب بالأعضاء الجدد , فأهلاً بكم جميعاً فى بيتكم الثانى

أما بخصوص الكتابة فكلنا تقريباً كنا نفعل نفس الشيئ ...

و لكن عليك بأن تفكر فى قيمة ما تكتبه و ليس نظرة الناس له .... فلو نظرت إلى الناس و كيف سيفكرون بهذا العمل الفنى و هل يستحق ان يثنوا عليه أم لا فلن تكتب أبداً :)

لا تبالى بنظرة الناس لما تكتب و أكتب بفن فقط ... و أما عن عيوب العمل الفنى فأكبر الشعراء ( شكسبير ) نفسه له عيوب فى أعماله الفنية كلها .. و لا يوجد عمل فنى بلا قصور .. هذة قاعدة ثق بها , و لذلك فأكتب و أكتب بلا أى قلق من قيمة العمل ....

هقولك على معلومة :

انا طالب فى آداب لغة إنجليزية , و نكتب مقال إسبوعى و نسلمه للدكتورة , تخيل انها لا تريد الورق مكتوب على الكومبيوتر و تريده بالرصاص و بالشخبطة كمان ! بل و تريد أى هوامش نكتبها إيضاً و لا تفرح جداً إذا وجدت طالب يكتب بالرصاص و يمسح و يكتب و يمسح لما يبقى شكل الورقة زى المخطوطة الأثرية :blink:

أما الورق المكتوب على الكومبيوتر فلا تقبله و تقول : انا هنا أعلمكم كيف تكتبون و لست صاحبة جريدة تستلم مقالات صحفييها B)

هذا علمنا ان نكتب و ان نثق فيما كتبنا بدون شطب و لا تنقيح ... فالفنان إذا دخل إلى عقله الشك خرج الفن :D

جرب و قوللى على آخر التطورات :D

[Sherief AbdelWahab]

فايولين كنج .. عفواً : لورد أوف ذا فايولين "تماشياً مع الموضة".. :blink:

ليا تعقيب خارج الموضوع .. الدكاترة في الكليات من واقع حكايات أصدقاء لي أصغر سناً بيحبوا يلموا مقالات و"بحوث" كل أسبوع خاصة في كليات الآداب ، عشان يشوفوا اسمهم عليها وبس!.. الموضوع بقى فردة وبلطجة تعليمية ، والناس المساكين ما دربهمش الدكاترة على البحث العلمي السليم ، ودة مش موضوعنا..

طارق :

أولاً.. كانت لي يوماً من الأيام تجربة كتابة ، وكنت على وشك اعتزال كتابة القصة لأنه كان يندر أن يكلف أحد خاطره بقراءة القصص التي أكتبها ، الكلام طبعاً خارج السايبر سبيس..يعني في الحياة الواقعية ..

دة بقى خلاني موسوس طحن موت قبل ما أكتب أي مقال أو قصة قصيرة ، أقراها مرة ، وبعد شهر أقراها مرتين ، وكل ما افتح الكمبيوتر عندي أقرا وبإمعان كل المقالات اللي كتبتها حتى ولو مش ح تتنشر، وطبعاً بيبقى فيه تعديلات ولو في أفعال أو حروف أو ضمائر ، أو إضافة تعبيرات جديدة ..

لكن لما باكتب موضوع هنا في المحاورات ، الأمر بيختلف ، باتأثر بفكرة أو سؤال ، وباكتب اللي بييجي في دماغي..

خلص الكلام

[راندا رأفت]

كنت مغرم بتدوين يومياتي منذ الثانوي

وقبل أن أبدأ في الكتابة أقرأ ما كتبت بالأمس.

أشعر بالخجل من نفسي.

إيه الكلام الهايف والتافه اللي أنا كتبته ده.

وبعد الدراسة ما انتهت واستلمت العمل في المستشفى.

أصبت بحالة من القرف من الكتابة.

وغصت في الكتب قراءة في الأدب والشعر والسياسة والتاريخ والدين.

المشكلة عندي الآن

كلما أردت أن أكتب تأخذني حالة من التوتر.

أكتب واشطب وأغير الكلمة دي

وأطلع الجملة دي فوق وأخلي دي في الآخر.

وأحياناً اشطب كله وأرمي الورقة.

وأقول والله ما انا كاتب حاجة.

<{POST_SNAPBACK}>

اولا طبيعي جدا ان تبدا الكتابة بتدوين مذكراتك و تخجل في البداية من اظهارها للناس

لو نظرت لسير كبار الكتاب لوجدت لهم نفس المذكرات و نفس المشاعر التي تنتابك الان

ثانيا طبيعي ايضا ان ياتي عليك ايام و سنوات لا تطيق القلم لكن الفنان الذي بداخلك لن يطيق الحبس الى الابد سينطلق في يوما ما مهما حبسته متعمدا سيهزمك بشرط ان يكون فنان حقيقي و ليس نزوة مراهقة لان أكثر الانسان في فترة المراهقة تكون مشاعرة فياضة فيكتب كثيرا ثم يتوقف نهائيا بمرور المرحلة لكن الفنان لو توقف سيعود اكثر نضجا

ثالثا عن الشطب و التعديل فهذا طبيعي جدا جدا

فهل تذكر مقولة مصطفى الرافعي ملخصها لاني لا احفظ نصها انه كلما قرا شيء مما كتب يجد نفسه يبدل كلمات و يلغي كلمات او يضيف كلمات و يظل الفنان الحقيقي هو الذي يسعى للافضل و لا يقتنع بما يفعله كل الاقتناع و لو حدث و اقتنع كل الاقتناع بما فعل سيصيبة الغرور و بالتالي سيموت الفنان الذي بداخله

العزيز طارق من الاخر انت فنان طبيعي جدا ما بقي عليك الا

ان تبذل جهدك للتتقدم و بالقراءة في كل المجالات و متابعة الاحداث و زيادة الكتابة

اتمنى لك من كل قلبي التوفيق

[وليد صفوت]

فايولين كنج .. عفواً : لورد أوف ذا فايولين "تماشياً مع الموضة".. :D

ليا تعقيب خارج الموضوع .. الدكاترة في الكليات من واقع حكايات أصدقاء لي أصغر سناً بيحبوا يلموا مقالات و"بحوث" كل أسبوع خاصة في كليات الآداب ، عشان يشوفوا اسمهم عليها وبس!.. الموضوع بقى فردة وبلطجة تعليمية ، والناس المساكين ما دربهمش الدكاترة على البحث العلمي السليم ، ودة مش موضوعنا..

<{POST_SNAPBACK}>

على فكرة يا شريف دكاترة آداب إنجليزى بالذات من أظرف الدكاترة فى الجامعات المصرية :D دمهم شرباااااااااات :blink: و معظمهم بيدرسوا برة مصر و فى جامعات خاصة و فى الجامعة الأمريكية , و بيدرسوا فقط فى آداب لأنهم متخرجين منها . فالموضوع مختلف شوية من ناحية العقد النفسوية ....

عندك مثلاً دكتور وجدى غنيم ... الراجل ده مسسسسسسسخرة, بيجى فى المحاضرات يهرج و يضحك و يحلق ( يطنش باللغة العربية القديمة :) ) للقصص او الأشعار اللى بندرسها , و يجى آخر محاضرة و يقولنا ركزوا على الـchapter الفلانى و الدرس العلانى و يمشى ..... الراجل ده أستاذ دكتور من بريطانيا و عامل لوحده قاموس إسلامى يضم كل العبارات الإسلامية و ترجمتها مما ساعد بشكل كبير فى ترجمة معانى المصحف الشريف إلى إنجليزية سليمة تصل الى المعنى المنشود !! B)

و دكتور محمد عنانى استاذ و كبير مترجمى الشرق الأوسط .. مش محتاج تعريف ... دكتور سرحان بتاع قطاع الكتب بتاع سوزان مبارك الراجل ده تححححفة :D ....

و بعدين مقالاتنا بتبقى عيانة و محتاجة كثير من الإصلاحات و البركة فيهم طبعاً بيظبتونا :D

انا شطحت بعييييييد عن الموضوع خالص ... معلش يا طارق كمل كلامك :D

[شاعرالرومانسية]

اهلا وسهلا اخى الفاضل ،،، طارق

وكل عام وانت بخير وسعادة

انا عندى اعتقاد .. ان اول ما يسطرة القلم هو مايعبر عن احاسيس ومشاعر وافكار كاتبة

واى تنقيح او تعديل بعد ذلك - وان حافظ على الشكل الادبى للعمل سواء خاطرة او شعر -

فهو قد اخل بتلك المشاعر او اصبح مصطنعا

اترك قلمك يكتب ما تشعر به ..

ولايهمك راى الاخرين ..

فانت تحتاج لمن يشعر بماتكتبه .. لا من ينقد ماتكتبة

وكل عام وانت بخير وفى اسعد حال بين اخوتك فى محارورلاات المصريين

[سيزيف]

عزيزى طارق

بجد الموضوع اللى طرحته جميل جدا لان معظمنا جربه و مر بيه

بس انا عايز الفت نظرك لسؤال مهم لازم تبقى عارف اجابته :

انت بتكتب لمين ؟ لنفسك ولا للناس ؟

لو بتكتب لنفسك مش مشكله اكتب و اغلط و صلح و شخبط و ميهمكش و انا عن نفسى كنت باكتب شعر و بالصدفه اقراه بعد سنه مثلا و ممكن دماغى تهفنى اعدل فيه حاجات و اضيف عليه حاجات - ده يعنى لو كانت الغزاله رايقه - :blink:

و عمرى ما كنت بافكر ان حد يقرا الشعر ده

و بعد لما انتشر الانترنت لقيت فرصه ان ممكن ناس تقرا الكلام اللى انا كاتبه و تقول رايها فيه - ولو ان غالبا بيقبى راى مشوب بالود و المجامله - بس برضه مش مشكله لان احنا فى عالم النت مابنعرفش بعض

اما لو قصدك احتراف الكتابه فده موضوع تانى خالص

[مصرية الهوى]

متقلقش يا طارق ..

دي حاجه موجودة عند أغلب الناس :D

أنا بقى ياسيدي عندي مذكرات بأكتبها من وأنا في ابتدائي :blink:

تخيل بقى حجم الهيافة والتفاهة اللي بأقرأها في مذكراتي ..

أحياناً لدرجة تجعلني أخجل من أن يطلع أحد عليها :) ..

يعني تخيل تقرأ كلام كتبته من عشر سنين ..

وعقليتك وطريقة تفكيرك تختلف عن عقليتك الحالية وطريقة تفكيرك الحالي 180 درجة ...

هتلاقي ايه ؟؟ .. كلام فارغ وتفاصيل مملة ..باختصار عيال وبتكتب !!

بس مع ذلك لا زلت أحتفظ بمذاكراتي .. وأعتبرها شيء عزيز إلى قلبي .. وناوية أحتفظ فيها لآخر العمر .. مهما كان بلاقي فيها كلام جميل وذكريات حلوة وأيام رائعة ..

وإن شاء الله أما أموت هأخليهم يدفونها معايا ..

حتى تضيع أسراري النووية إلى الأبد :D

العقل ينمو ويتطور من يوم للثاني ..

وطريقة تفكيرك تتغير من يوم للثاني ..

يعني كثير الواحد يكتب حاجات أو يتاخذ قرارات وبعد مدة أحياناً تكون أيام .. يستغرب فعلاُ ويتعجب من نفسه ازاي كتب الكلام ده ..

حتى برضه الذوق بيتغير من يوم للتاني .. ساعات بشوف لبسي قبل سنوات ..

الله هو ذوقي كان منحط للدرجة دي B)

يعني عادي جدا إنك تبص لكتاباتك أيام الثانوي .. وتشوف إنها هايفة وتافهه ..

بس موضوع إنك كل ماتيجي تكتب تشطب وتعدل وآخر حاجة تقطع الورق ..

أنت لازم تزود الثقة بنفسك حبتين ..

جرب وأكتب كل الكلام اللي في بالك بعدين نزله على النت .. باعتبار ان النت عالم واسع .. غالبا لا أحد يعرف أحد فيه.. وده يساعد الواحد انه يكتب كل حاجه فيه بدون خوف أو خجل من التريقة التي تكون على أرض الواقع .. ولا بد وحتماً أن تجد كتاباتك صدى عند بعض القارئين لها ...

[وليد صفوت]

متقلقش يا طارق ..

دي حاجه موجودة عند أغلب الناس  :D

أنا بقى ياسيدي عندي مذكرات بأكتبها من وأنا في ابتدائي  :blink:

تخيل بقى حجم الهيافة والتفاهة اللي بأقرأها في مذكراتي ..

أحياناً لدرجة تجعلني أخجل من أن يطلع أحد عليها  :) ..

يعني تخيل تقرأ كلام كتبته من عشر سنين ..

وعقليتك وطريقة تفكيرك تختلف عن عقليتك الحالية وطريقة تفكيرك الحالي 180 درجة ...

هتلاقي ايه ؟؟ .. كلام فارغ وتفاصيل مملة ..باختصار عيال وبتكتب !!

بس مع ذلك لا زلت أحتفظ بمذاكراتي .. وأعتبرها شيء عزيز إلى قلبي .. وناوية أحتفظ فيها لآخر العمر .. مهما كان بلاقي فيها كلام جميل وذكريات حلوة وأيام رائعة ..

وإن شاء الله أما أموت هأخليهم يدفونها معايا ..

حتى تضيع أسراري النووية إلى الأبد  :D

العقل ينمو ويتطور من يوم للثاني ..

وطريقة تفكيرك تتغير من يوم للثاني ..

يعني كثير الواحد يكتب حاجات أو يتاخذ قرارات وبعد مدة أحياناً تكون أيام .. يستغرب فعلاُ ويتعجب من نفسه ازاي كتب الكلام ده ..

حتى برضه الذوق بيتغير من يوم للتاني .. ساعات بشوف لبسي قبل سنوات ..

الله هو ذوقي كان منحط للدرجة دي  B)

يعني عادي جدا إنك تبص لكتاباتك أيام الثانوي .. وتشوف إنها هايفة وتافهه ..

بس موضوع إنك كل ماتيجي تكتب تشطب وتعدل وآخر حاجة تقطع الورق ..

أنت لازم تزود الثقة بنفسك حبتين ..

جرب وأكتب كل الكلام اللي في بالك بعدين نزله على النت .. باعتبار ان النت عالم واسع .. غالبا لا أحد يعرف أحد فيه.. وده يساعد الواحد انه يكتب كل حاجه فيه بدون خوف أو خجل من التريقة التي تكون على أرض الواقع .. ولا بد وحتماً أن تجد كتاباتك صدى عند بعض القارئين لها ...

<{POST_SNAPBACK}>

الله الله ....... ايه الكلام الكبير ده :D

انتى اتعشيتى ايه النهاردة يا جيجى ؟ :D

[daktara]

اولا اهلا بيك يا طارق

ثانيا عندى اقتراح

من غير تعديلات نزل لنا كام موضوع من بتوع زمان وشوف صداهم عند الناس

اكيد ده هيديلك ثقه

انا كنت باكتب شعر وزجل من وانا فى اعدادى واقطع اللى باكتبه لاعتقادى انه كلام فارغ مع انه كان كلام جميل

ولو كنت صدقت نفسى من زمان كنت ضربت بيرم وشوقى

اكتب ولا بهمك واسمع نصايح الاخرين

مفيش حد بيتولد كامل الا اللى اسمه فى الاصل كامل

[tarek_almeghallawy]

شكراً على التفاعل الجميل

ارضاء الناس جميعاً غير مقدور وغيرمطلوب

لكن رأي أصحاب الرأي والبصيرة والتذوق العالي معتبر

المهم أنا مش عاجبني أو أنا عايزني أفضل من كده

موضوع تسجيل المشاعر التلقائية والأفكار الغضة الندية

أنا عندي مشكلة تانية في الكتابة ممكن تكون موجودة عند آخرين

ربما لافتقاد التركيز او قلة التدريب والممارسة

المشكلة هي الحول الفكري

أجي أكتب في فكرة ألاقيني في النهاية كتبت حاجة تانية بعيدة

داكترة

أنت صاحب الفكرة وأنت عليك المسؤلية

استحمل بقة

منذ أكثر من خمسة عشر عاما كتبت

نموذج صغير عشان تتحمل الجرعات

[tarek_almeghallawy]

أقسم أن القمر سيعتلي عرش الأمة

أقسم أن الشمس تغار

وأن نجوم الكون سوف تقدم ألف ألف اعتذار

ثم يعود النخاسون إلى السوق

ثم ينفخ إسرافيل في البوق

وأنادي أعيدوني إلى بطن أمي

اخلعوا عني زي الكاهن

قررت أن أبعث عارٍ

قررت أن أمدح جلادي

فاليوم تنتصر بلادي

ثم يمضي الموكب الطائر

تحرسه البوم

تتسلى على الجرح الغائر

وتتعالى الهمهمات

ما الدنيا إلا مسرح كبير

ما نحن إلا خنازير

وأحتج

ويتقطع صوتي الفاتر

أعيدوني إلى بطن أمي

[daktara]

جميل

رائع بس بلاش تخلى البشر خنازير

[tarek_almeghallawy]

جميل

رائع بس بلاش تخلى البشر خنازير

<{POST_SNAPBACK}>

ده مش أنا

أنا اللي احتجيت

وبعدين اتفقنا تتحمل

واللي كتب الكلام ده زمان واحد تاني

اسمه زي اسمي شكله زي شكلي

يمكن أفضل مني الآن

تحب تقرأ حاجة تاني

[tarek_almeghallawy]

في يوم من أيام الفقر

فتح القبر

خرج الموتى يصطرخون

اليوم يفوز الظلم

اليوم يفوز العلم

علم القنبلة الهيروشيمية

الكل يأخذ أنفاس الموت

بلا صوت

وتجمع كل قضاة الشرق

في جوٍ يتناوبه الرعد والبرق

وأعلن رئيس المحكمة بصوته

اليوم يحاكم شاب استيقظ من موته

الادعاء:

هذا الشاب ارتكب جريمة شنعاء

ايقظ موتى الاحياء

سكب النور في قلب الظلماء

فليحرق أو يترك للأعداء

القاضي:

لماذا فتحت الكتب

لماذا قلبت الصحف

أيقظت تاريخاً من غفوته

بصرت الناس بقسوته

[tarek_almeghallawy]

الشاب المتهم

ظلمتني عيوني المحمومة

وبنظرة مجنونة

أبصرت عيوب الناس وعيوبي

فاستلهمت العون

فسمعت منادٍ يخرج من تحت رماد الذكرى

يا ابن الخنساء

لن يكتب فيك رثاء

فلتحمل وحدك

وليحمل كفنك

طفل من نور فطري

أطياف من كل نبي

وفي غفلة رفعت الجلسة

.....للأسف نسيت الباقي ....