المرأة المصرية والزواج

[tarek hassan]

مقارنة بغيرها تكاد تعتقد أن المرأة المصرية عازفة ورافضة للزواج في حين أن غيرها تسعى إليه وتتمناه

فما هي الأسباب ؟

يتيسر لهن الزواج فيرفضن

نعم مازالت هناك عادات تحول

- فمنهن من اعتقدت خطأ أنه مقيد للحرية وأن العنوسة شيء جميل حيث لا مسئولية ووسط تدليل الأسرة

- ومنهن من تبالغ في مواصفاتها أو طلباتها

- ومنهن من تخاف من أن تندم وأمامها المثل : قعدة الخزانة ولا الجوازة الندامة

ومع ذلك فبالإمكان أن تبور مع كثرة خطابها

ومنها ما هو مستحدث وهي غرف الدردشة الفضفضة

أسباب كثيرة

الآباء يبذلون جهدا كبيرا ويتنازلون عن الكثير من أجل سعادة أبنائهن وبناتهم

ولكن المرأة المصرية قد ترفضه مع توافر أسبابه وبلا حجة مقنعة

هل العامل نفسي ؟

أوهل هو مادي ؟

وهل هو بسبب ظاهرة الختان لمن ختن ؟

أوهل هي أزمة عدم ثقة بين طرفي الزواج ؟

أوهل هو الخوف من تجارب الآخرين ؟

ما السبب ؟ ما الحل لهذه الظاهرة  ؟

[tarek hassan]

دائما تجد المرأة

آنسة أو مطلقة أو أرملة تقول :

رفضت كتير ... لسه مجاش النصيب

طبعا كتيرة الحكاية دي

لكن الحمد لله أخيرا بعد ما أعصابنا تعبت

البنت اتخطبت الأسبوع اللي فات

أقصد بنت أخويا

[herohero]

لان باختصار الرجالة للاسف مابقوش رجاله 
وانا مع اي بنت ترفض الارتباط 
وفكرة  يفوتها قطار الزواج لا يفوتها احسن مليون مرة ماتركب قطار يوصلها لمحطة غلط 
خلونا صريحين مع بعض للاسف غالبية الشباب غير راغب في تحمل المسئولية 
هيتجوز البنت بيحسبها اهلها معاهم كم عشان يساعدوه او ابوها يشغله او هي معاها وظيفة تشتغل ويكوش ع مرتبها 

وشئ اخر مهم ان البنت كمان مش عاوزة تتحمل المسئولية وشايفة انها عايشة زي الفل كده 

 

[tarek hassan]

14 دقائق مضت, herohero said:

لان باختصار الرجالة للاسف مابقوش رجاله 
وانا مع اي بنت ترفض الارتباط 
وفكرة  يفوتها قطار الزواج لا يفوتها احسن مليون مرة ماتركب قطار يوصلها لمحطة غلط 
خلونا صريحين مع بعض للاسف غالبية الشباب غير راغب في تحمل المسئولية 
هيتجوز البنت بيحسبها اهلها معاهم كم عشان يساعدوه او ابوها يشغله او هي معاها وظيفة تشتغل ويكوش ع مرتبها 

وشئ اخر مهم ان البنت كمان مش عاوزة تتحمل المسئولية وشايفة انها عايشة زي الفل كده 

 

مهم الكلام ده 

ياريت نستمع للشباب لأن تنظيرنا مهما كان مش هيكون واقعي زي ما هما فاهمين الوضع 

ياريت نناقش مع الشباب 

إزاي الشاب مش قادر يقنع البنت 

وبيبقى مش واثق من نفسه قدامها 

وخايف منها 

وأخيرا بترفضه

[herohero]

21 minutes ago, tarek hassan said:

مهم الكلام ده 

ياريت نستمع للشباب لأن تنظيرنا مهما كان مش هيكون واقعي زي ما هما فاهمين الوضع 

ياريت نناقش مع الشباب 

إزاي الشاب مش قادر يقنع البنت 

وبيبقى مش واثق من نفسه قدامها 

وخايف منها 

وأخيرا بترفضه

ماهو الشاب لا عنده قدرة ع التعبير ولا هو عارف عاوز ايه 
والبنت شايفه انها بتحقق ذاتها والشاب مش هيضيف لها شئ 

انا شوفت الكلام ده من نماذج قمة ف الاخلاق والجمال والنجاح المهني ،وانا بصراحه كنت مستخسرهم في الجواز 

[tarek hassan]

2 دقائق مضت, herohero said:

ماهو الشاب لا عنده قدرة ع التعبير ولا هو عارف عاوز ايه 
والبنت شايفه انها بتحقق ذاتها والشاب مش هيضيف لها شئ 

انا شوفت الكلام ده من نماذج قمة ف الاخلاق والجمال والنجاح المهني ،وانا بصراحه كنت مستخسرهم في الجواز 

أنا بكبر كلامك يا هيرو علشان يتقرأ لأنه فعلا مهم 

هيرو هيرو المنتج أفضل 

[عبير يونس]

كنت من فترة اقرأ نقاش ع الفيسبوك من رجل يعتبر قبول المرأة مهرا و شبكة اهانة و صك عبودية 
و دخلت معه في حوار 
فكان يقول كيف تقبلين أن تكوني تابع 
قلت له ما انا كده كده تابع اخدت مهر و شبكة او تنازلت 
يرضيك تقف علينا البيعة بخسارة 
قعد يلف و يدور 
قلتله طيب تقبل ان واحدة تقول لك مش عايزة طلبات بس متتحكمش فيا 

ما ردش باجابة واضحة و قعد يقول لي بتخرجي عن الموضوع و مش هو ده الموضوع 
مكنتش حابة ادخل الدين في النقاش 
و حاورته بالمنطق المجتمعي ان المرأة عليها الطاعة لزوجها 
حتى لو مش متدينين 

اي راجل مصري او شرقي مش هيوافق ان مراته تخرج من غير اذنه 
او انها حتى باذنه تسهر مع صاحباتها او تسافر من غيره 

يعني الاخ عايزها من غير اي حقوق خااااالص 
لا معنوية و لا مادية و تسمع الكلام 
جارية و ببلاش كمان !!!
 

[عطر الجنة]

شوف حضردتك كل انسان حاله خاصة ..لها تفاصيلها و دقائقها حتى لو ينتمون لنفس الاب و الام ..

بعيدا عن الدين .. دعونا نتساءل عن الغرض الاساسى من الزواج ..

و بالتالى نجد لكل انسان غرض مختلف .. اذا لم يجده فلن يختار الزواج برضاه و سيضطر للموافقة من اجل الاهل او  هربا من نظرة ارباب بيئته له ..

[tarek hassan]

4 ساعات مضت, عبير الشرقاوي said:

كنت من فترة اقرأ نقاش ع الفيسبوك من رجل يعتبر قبول المرأة مهرا و شبكة اهانة و صك عبودية 
و دخلت معه في حوار 
فكان يقول كيف تقبلين أن تكوني تابع 
قلت له ما انا كده كده تابع اخدت مهر و شبكة او تنازلت 
يرضيك تقف علينا البيعة بخسارة 
قعد يلف و يدور 
قلتله طيب تقبل ان واحدة تقول لك مش عايزة طلبات بس متتحكمش فيا 

ما ردش باجابة واضحة و قعد يقول لي بتخرجي عن الموضوع و مش هو ده الموضوع 
مكنتش حابة ادخل الدين في النقاش 
و حاورته بالمنطق المجتمعي ان المرأة عليها الطاعة لزوجها 
حتى لو مش متدينين 

اي راجل مصري او شرقي مش هيوافق ان مراته تخرج من غير اذنه 
او انها حتى باذنه تسهر مع صاحباتها او تسافر من غيره 

يعني الاخ عايزها من غير اي حقوق خااااالص 
لا معنوية و لا مادية و تسمع الكلام 
جارية و ببلاش كمان !!!
 

الواقع أن موافقة المرأة على الزواج فيه فرحة للرجل وشرف له بين الناس تستحق عليه المرأة مكافأة المهر تكريما لها

والرجل واجب عليه تقديم المهر ليظهر أنه رجل حقيقي جدير بها وقادر على الإنفاق عليها وكل واحد بقيمته وقدرته 

والقرآن تحدث عن القنطار ولكن الجهلة يتمسكون بفهم الخاتم من حديد وأشياء من هذا القبيل تحط من قدره وتهين المرأة 

المهر ليس للطاعة أو حتى للدخول فالمرأة يجب لها نصف المهر إذا لم يدخل بها

الراجل عليه عامل كبير في أن يكون مقنعا للمرأة في كل أموره 

وهو نفسه سبب رئيسي في عزوفها عن الزواج

قلة الوعي وعدم الفهم أهانا المرأة كثيرا 

[herohero]

11 hours ago, tarek hassan said:

أنا بكبر كلامك يا هيرو علشان يتقرأ لأنه فعلا مهم 

هيرو هيرو المنتج أفضل 

ربنا يكرمك 
بس لان فعلا انا مقتنع بالكلام ده 

[simpleDeveloper]

ليست المرأة (المصرية) لوحدها و يمكن الرجل ايضا ان يرفض أو يعزف عن الزواج.

الاسباب بتتعدد و كل شخص بيكون له تعريف او صورة ذهنية عن الزواج بتتكون من الوسط المحيط به و المشاكل و تجارب الاخرين.

بالنسبة لى - أسباب تأخرى عن الزواج ليست لها علاقة على الاطلاق بسبب مادى او نفسى. و حقيقة لااهتم ان كانت تعمل او لا هذا شأن خاص بها و لااهتم بالحالة المادية لااهلها و لاارغب باى مساعده من اهلها و ارفض باى شكل من الاشكال اى انفاق مادى من جانبها او من اهلها سواء قبل او بعد الزواج - و من الاساسيات لدى وجود ذمة مالية منفصلة. 

تجارب الاخريين و المستوى التعليمى و الاجتماعى يمكن هى العوامل الاساسية لدى و اكيد بسبب امكانية حدوث طلاق و مايترتب عليه من مشاكل. نظام الزواج و الطلاق هنا ايضا مختلف تماما  و مشاكل الطلاق مخيفة. و ايضا الاختلافات الثقافية و الدينية بتعقد الامور. و حتى استقدام الزوجة مقلق شوية لسبب احتمالية عدم تقبلها للحياة هنا بسبب اختلاف اللغة و المجتمع. و لتلك الاسباب انا اهتم بوجود اتفاقية ماقبل الزواج و اراها شكل جيد لتحديد المسئوليات و الشروط و مناقشة واضحة و جدية قبل الزواج. 

لااعتقد ان لدى اى مشاكل فى التعبير - عدم وجود حوار مقبول بيجعلنى اصرف النظر. و الموضوع لازم يكون فيه اقتناع من الطرفين ازاى هايحصل اقتناع من غير حوار. و ايضا انا اهتم بمعرفة اهلها و خلقهم و طريقة تعاملهم مع الامور ولازم يكون فى ارتياح ايضا - لان دعم الاهل يمكن اهم عامل فى نجاح اى زواج و ايضا تخير مستحب. 

وانا افضل العزوف عن فكرة الزواج من اساسه لو هايكون فيه اضطرار - ايه هى الحكمة من زواج غير سعيد انت مجبر عليه و ينتهى بعدها بالطلاق و تفضل تحل فى مشاكله العمر كله. وكمان نسبة الطلاق بين المسلمين المهاجريين فى اخر دراسة قرب 32% (دراسة فى سنة 2000) و فى مصر لوحدها 40% (دراسة فى سنة 2008). 

و بالنسبة لسؤالك عن حلول - الاهل مش يضغطوا على الطرفين و ان الطرفين ياخدوا الموضوع بجدية و ان دى حياتهم الخاصة. ووقت مالشخص نفسيا يكون مستعد للزواج - اكيد هايبدأ يشوف ايه الاشياء اللى ممكن يتنازل عنها علشان يحصل توافق.

وفى النهاية ده شئ مش بااختيار الست ولا الرجل - الست مش باختيارها ان اللى بيتقدم ليها غير مناسب ولا الرجل باختياره انه يلاقى عدم توافق و اختلاف - الموضوع عايز بحث و صبر.

تم تعديل 24 يوليو 2016 بواسطة simpleDeveloper

[suma]

تحياتي:

الموضوع شدني خاصة انني كنت في نقاش مع ابن اختي توا على الفيس..بسلامته يرى أن الرجل رجل وله ٩٥٪ من الحقوق لأنه الرجل ويعلل  ذلك بأنه ينتمي للصعايدة الجدعان..ضحكت طبعا ولم اجادل او احاول ان اقنع هو حر.

هناك من علل بأن الرجال لم يعودوا كما الأول.وده لب الحقيقة الغائبة عمن يحلل الظاهرة.فهم لا يريدون بيتا ودفئا واسرة  بل يحسبونها بمنطق المكسب والخسارة وحسب  ونسيوا ماذا قال الشرع؛ البيت يؤسسه الرجل ..وطبعا الشقة ولازم مهر وهدية من الذهب وهذا ما يفعله اهل الاردن وفلسطين ( لأني عاشرتهم في الخليج وعلمت طباعهم)... خلاصة الكلام انهم هنا مدللون للأسف.

دي حاجة .وثاني انه لم يربى على حمل المسئوليه بل هو السيد؛ الشيوخ تتحدث حوله بحقة وقوامته وانه الغضنفر المطاع الذي يجب أن تهابه الزوجة.

واحسب ان تلك مشكلة البنات وخاصة بناتي انهن يردن رجلا كالأب في حنانه واحتوائة لكل افراد الأسرة ..طيب من أين نأتي لهم برجال هكذا ..من لم تتزوج تكثر من التفكير حتى لا تقع في محظور الطلاق بعدها. 

انها فاقت بذكائها الرجل والنتائج للثانوية وكل مسابقة تدخل فيها تكون هي في مقدمتها فلم يأتيها رجل لازم تمثل الغباء أمامة حتى تسير الأمور بينهما؟؟ انهم علموها واجبها حيال الزوج ولم يشيروا لحقوقها لا من قريب او بعيد بينما هو بسلامته منذ نعومة اظافرة ..انت الرجل انت القيم. حقك كذا وكذا و..طيب ما واجبة؟! لم يتعلم ...وبم ان الفتيات بيفكرن .قلن لا للزواج  .ده ماوصلت له الحين.من سبب للظاهرة ودمتم

 

         سومه

 

 

[حسين امبابي]

 قال الله في كتابه العزيز

 

{ وَمِنْ آَيَاتِهِ أَنْ خَلَقَ لَكُمْ مِنْ أَنْفُسِكُمْ

 

أَزْوَاجًا لِتَسْكُنُوا إِلَيْهَا وَجَعَلَ بَيْنَكُمْ

 

مَوَدَّةً وَرَحْمَةً }

[ الروم : 21 ]

 

اجمل خاطرة في تلك الاية الكريمة عند التمعن

 

 أن الله عز وجل جعل للذكروالانثى نصيبا

 

مشتركا في كل شئ  

 

 

تم تعديل 24 يوليو 2016 بواسطة حسين امبابي