انا مستجدة وعايزة ترحيب وإلا همشي

[fayrouz]

السلام عليكم ورحمة الله وبركاته،،

انا فيروز من القاهرة واول مرة اشترك هنا

الحقيقة انا مش لاقية ركن للتعارف فقلت افتح موضوع عشان اعرفكوا بنفسي

ممكن اتعرف عليكوا وع الاعضاء والمشرفين

مستية الترحيب بقي :blink:

سلام :)

[الرافعي]

السلام عليكم ورحمة الله وبركاته،،

انا فيروز من القاهرة واول مرة اشترك هنا

الحقيقة انا مش لاقية ركن للتعارف فقلت افتح موضوع عشان اعرفكوا بنفسي

ممكن اتعرف عليكوا وع الاعضاء والمشرفين 

مستية الترحيب بقي  :blink:

سلام  :)

<{POST_SNAPBACK}>

نيابةً عن كل عضو غلبان

جالس في هذا الصيوان

أقدم مفتاح الباخرة نورماندي 3

للأخت فيروز كمان وكمان B)

أهلاً وسهلاً يا فيروز، وإن شاء الله تقضي أوقات طيبة بين أهلك في محاورات المصريين (هذه العبارة مقتبسة من أستاذنا الأفوكاتو، فتحيةً له وإن شاء الله يرجع لنا بالسلامة)

[الأفوكاتو]

مرحبا بالزميلة العزيزة فيروز,

حللت أهلا و سهلا, و أتمنى لك وقتا مفيدا ممتعا معنا, حيث نفيد, و نستفيد.

تقبلى تحياتى.

شكرا للأخ حلاوة, فإنا أكتب ( على البعد) فقط فى الأمور المستعجلة.

أراكم ( وقت كامل) فى خلال 3 أيام.

تم تعديل 12 يناير 2006 بواسطة الأفوكاتو

[khedr]

الاسم فيروز

والعين فيروز

وعايزه تيجي وتمشي ما يجوز

هنا هتلاقي الفستق والبندق واللوز

واحنا كل يوم باعضاء جديده بنفوز

وعلي مطبخنا الكبير

ادخلي

تلاقي احلي صنيه كنافه باللوز

[وليد صفوت]

يا قهلاً يا قهلاً بضيفتنا المستجدة فيروز و عقبال ما نشوفك كده .......... كده ....... يعنى ........ إن شاء الله , قولى آمين :blink:

بوكيه ورد يا جاااااااااااااابر بسسسسسسسرعة :)

يلا بقى مافيش وقت , عاوزين مواضيع سخنة فى جميع الإتجاهات , مافيش أجازات .... كل يوم عندنا لاااااااااااااازم B)

[سيزيف]

:)

طب بجد يا فيروز

و حياه العشره يا شيخه

انا عجبتنى موووت الدخله بتاعت انا مستجده عايزه ترحيب والا هامشى

جامده

و اعتقد ان استاذنا الافوكاتو ممكن يوافقنى ان ده فى حكم القانون يعتبر جريمه دخول منتدى بالاكراه B)

على فكره انا يهزر

و انا بصفتى عضو جديد برضه ف المنتدى بارحب بيكى و بيا

:blink:

و اتمنى اشوف منك مشاركات جميله

[ام البنات]

اهلا وسهلا

نورتى المحاورات

وانا زيك مستجده

بس حتى لو مرحبوش بيه لازقه يعنى لازقه

يا اهلا وسهلا ب فيروز

نورتى وصحصحتى فين حب اللوز

دا غالى

وماله ما الغالى للغالى يبقى فوز

[وليد صفوت]

اهلا وسهلا

نورتى المحاورات

وانا زيك مستجده

بس حتى لو مرحبوش بيه لازقه يعنى لازقه

يا اهلا وسهلا ب فيروز

نورتى وصحصحتى فين  حب اللوز

دا غالى

وماله ما الغالى للغالى يبقى فوز

<{POST_SNAPBACK}>

يا حظك يا فيروز , الشعراء هم أول المرحبين B) يعنى هيتكتب فيكى قصائد :blink:

و بعدين يا طنطو أم البنات مش معقول نرحب بأصحاب البيت ( محاولة للفرار من موقف محرج :) ) ده البيت بيتك تشرفيه فى أى وقت :D

[مصرية الهوى]

أهلا وسهلا يافيروز ..

نورتينا ...

انتي مستجدة ؟؟ :)

يعني أكيد بتعيطي دلوقتي .. معليش يا حبيبتي كلها كم يوم وهتأخدي على جو المدرسة ..

تانية حاجه لازم أقولك على مكان الحمام :blink: ..

على ايدك الشمال وانتي داخله ..

( وحده لما قرأت كلمة مستجدة .. أول حاجه جت على بالها شكلها وهي مستجدة في أولى ابتدائي B) )

تمشي ؟؟

ياخرابي .. تمشي ازاي ؟؟

وانتي حتى مشربتيش القهوة اللي انا عملتها لك بايديا :D ..

ده البيت بيتك واحنا ضيوف عندك ...

يلا بقى ياروحي ورينا الهمة والمواضيع اللي هيا ...

:D

يا قهلاً يا قهلاً بضيفتنا المستجدة فيروز و عقبال ما نشوفك كده .......... كده ....... يعنى ........ إن شاء الله , قولى آمين 

بوكيه ورد يا جاااااااااااااابر بسسسسسسسرعة

وليد ..

اي الهريديات انت ؟؟ :D

وحده ناوية تشتغل تبع المخابرات ..

:D

[daktara]

اهلا بيكى يا زوزه

كلنا اسرتك واكيد هتتبسطى هنا

وبعد ما تتبسطى روحى

بس ابقى تعالى تانى

[شاعرالرومانسية]

فيروز عندنا.. فى محاوراتنا المصرية

وبتقول استقبلونى بالتعارف والتحية

ياشباب قوموا اعملولها حفلة اللى هيا

وعلى جميع فروعنا منتدانا فرجوا البنية

بس حاسبوا من السياسة..

لحسن تروح مننا... فى شربة مية ;)

اهلا بيكى يا فيروز هانم :D

نورتينا وكترتينا ...

انتى نزلتى موضوعك فى المكان الصحيح..

الخاص بالترحيب والمناسبات .. وكل الحاجات والمحتاجات ;)

باب الاجتماعيات

http://www.egyptiantalks.org/invb/index.php?showforum=93

وعندنا كمان ابواب جميلة

لو عاوزة تضحكى ممكن تزورى .. ركن دعوة للأبتسام

http://www.egyptiantalks.org/invb/index.php?act=SF&s=&f=90

ولو عاوزة تشغلى مخك وتناقشى موضوعات تخص البلاد والعباد فعندك ركن الموضوعات الجادة

http://www.egyptiantalks.org/invb/index.php?act=SF&s=&f=94

اما لو غاوية شعر وادب وخواطر فعندك باب الشعر والخواطر الادبية

http://www.egyptiantalks.org/invb/index.php?act=SF&s=&f=2

وعندك بقى باب مهم برضة للأسرة والطفل اذا كان فى رقبتك زوج واطفال :D

وبصفتى مساعد شيف مطبخ المنتدى .. ادى ياستى لينك مطبخنا

اللى حتلاقية دائما عامر بما لذ وطاب من وصفات والذ الاكلات

http://www.egyptiantalks.org/invb/index.ph...05entry192905

ها عاوزة كمان ... والا تكملى لف انتى بقى B)

عموما كمان مرة اهلا بيك...

وياجماعة لازم تزودوا جرعة الترحيب لاختنا فيروز شوية..

انتوا عارفين ان فيروز دايما ...

التطور الطبيعى للحاجة الساقعة ;)

تم تعديل 13 يناير 2006 بواسطة شاعرالرومانسية

[khedr]

وانا زيك مستجده

بس حتى لو مرحبوش بيه لازقه يعنى لازقه

<{POST_SNAPBACK}>

ازاي ده يحصل ويكون

ياخساره لعبه طلعت بره الجون

ام البنات منوره الدنيا والكون

وان كنا قصرنا انت جوه الرمش والعيون

يمكن دخلتي علي طول علشان حافظه العنوان

وفي قلوبنا انت وباقي اخواتك في امان

[ام البنات]

اهلا وسهلا

نورتى المحاورات

وانا زيك مستجده

بس حتى لو مرحبوش بيه لازقه يعنى لازقه

يا اهلا وسهلا ب فيروز

نورتى وصحصحتى فينا حب اللوز

دا غالى

وماله ما الغالى للغالى يبقى فوز

<{POST_SNAPBACK}>

يا حظك يا فيروز , الشعراء هم أول المرحبين ;) يعنى هيتكتب فيكى قصائد :D

و بعدين يا طنطو أم البنات مش معقول نرحب بأصحاب البيت ( محاولة للفرار من موقف محرج :D ) ده البيت بيتك تشرفيه فى أى وقت B)

<{POST_SNAPBACK}>

ولا يهمك يا ملك الكمان

احنا يشرفنا الترحيب المتأخر ومش بنزعل بسهوله

حد يزعل من أهله

كل سنه وانتم طيبين

[ام البنات]

وانا زيك مستجده

بس حتى لو مرحبوش بيه لازقه يعنى لازقه

<{POST_SNAPBACK}>

ازاي ده يحصل ويكون

ياخساره لعبه طلعت بره الجون

ام البنات منوره الدنيا والكون

وان كنا قصرنا انت جوه الرمش والعيون

يمكن دخلتي علي طول علشان حافظه العنوان

وفي قلوبنا انت وباقي اخواتك في امان

<{POST_SNAPBACK}>

شكرا" على الكلام الى كله تشجيع

[fayrouz]

:blush: :lol:

:lol: :lol:

أخجلتم تواضعنا

بجد بجد يا جماعه مننتداكم دة لذيذ جدا والله

انا دخلت علية صدفة لما كنت بعمل search لرباعيات صلاح جاهين ولقيت اللينك بتاع منتداكم الموقر ودخلت وكانت دخلة الهنا (تلاقيكم بتقولوا اية دة هيه هتحكيلنا قصة حياتها :wub: )

بشكركم كلهم والله ع الردود اللي زي العسل والاشعار الرائعةدي

كدة يبقي مش همشي وقاعدالكو

شكراافوكاتو و violen و shinercorner وام البنات وميدو وشاعر الرومانسية ودكترةو وحلاوة العنتبلي ( :lol: ويا تري اللحمة عندك بردو براني ;) )ومصرية الهوا

ارجو اني ماكنش نسيت حد

وان شاء الله هتلاقوني ناطة عندكم كتير .....بس اصلي مشغولة اليومين دول

انتظروا عودتي قريباااااااااااااااااااا

بس كنت احب اعرف نبذة تاريخية كدة عن المنتدي ؟؟؟معلش يعني ولو فيها غلاسة

:D

[شاعرالرومانسية]

بلغت الردود 13 ردا ...

ياترى ناوية تدخلى تردى امتى يا استاذة فيروز ... :wub:

والا انتى مشيتى من قبل ما تشوفى الردود والترحيب :lol:

او ممكن ترحيبنا ماعجبكيش :blush:

عموما...

" واذا حييتم بتحية .. فحيوا بأحسن منها "

[fayrouz]

يالهوي :D :lol: :lol:

لا لا لا

ماتقولش كدة .............أزعل

انا لسة رادة دلوقتي يا استاذ شاعر

وبعتذر عن التأخير اصلي كان عندي امتحانات لسنس والله

وكمان عندي امتحان بكرة

لكن بجد بجد ...........دة احلي ترحيب وتحية حصلت عليها ever يعني

وبشكرك أخي شاعر الرومانسية علي اهتمامك وردك ولينكاتك

وجزاكم الله خيرا علي كل ردودكم يا كماحه وليا عودة بإذن الله :blush: :lol:

انتوا هتروحوا مني فين :wub:

[se_ Elsyed]

طب هاتفضلي قاعدة كده كثير في أوضة المسافرين ( الضيوف ) ولا هاتشمري وتنزلي تضربي لك غطس في المواضيع وتحملي السلاح وتشاركي ؟

[Reham]

حللت أهلا ونزلتي سهلا :wub:

مش بيقولوها كده برضه؟؟؟؟

وبالبلدي ياميت مليون مرحب

وبالسوري ..أهلين وسهلين

وبالسعودي.. هلا مرحب

وباللبناني مرحبتين

يعني من الآخر اهلا بك في منتدانا الجميل الذي يتمتع بروح الدفء بين أعضاءه

والنبي يابنتي انا كنت عامله موضوع اسمه اتكلم عن نفسك وقبلها كان فيه موضوع اسمه تعالوا نعرف بعضينا

قام الاستاذ سي السيد بما انه مشرف قد الدنيا حطهم علي بعض لغبطيطه وقاللي انه هيخليه مثبت بحيث ان كل عضو جديد يتفضل يعرف لنا نفسه

وبعدين.....بس خلاص

مش عارفه يظهر المسامير وقعت اللي كانت مثبته الموضوع

علي فكره اسمك جميل جدا

B) انا بموت في فيروز المطربه وبحب حجر الفيروز برضه اوي

ونلتقي بك مره أخري في أحد المشاركت

[dr/alfa]

حللتي أهلا ونزلتي سهلا .

حاجة ساقعة للموزموازيل يابني .