\\\\ حقيقة الخديــــــــــــــعــــــــــه \\\\

[graceful]

بسم الله الرحمن ارحيم

السلام عليكم ورحمة الله وبركاته

مادام انتوا عطتوني وجهه حهريكم مواضيع

موضوعي هذا استلهمت اسمه من روايه لدان براون بنفس اسم الموضوع لاكن الموضوع ماله علاقه بالروايه

بس قبل الموضوع ودي كنا نترحم عى كل الشهداء الي ماتوا بمنى الله يرحمهم يارب

كم حقيقة خديعه صادفت

كثير أكيد

حقيقة خديعة إسمها( وجود أسلحة بالعراق)

نتيجتها موت من صدقوا بوجودها ومن حاربوا كي يجدوها

حقيقة خديعه إسمها (رفع رايات الاسلام بالتفجير )

نتيجتها موت من أردنا أن يدخلوا بالاسلام وموت أمل بأن يصدقوا أن الاسلام دين الحب والسلام

حقيقة خديعة( إسمها لكل مجتهد نصيب )

لكل مجتهد جهد أكبر لأنه عطاهم وجه بالاساس ونصيبه عند الله بإذن الله يوم القيامه

هذا شي تعرفت عليه بالعمل لانه كل ما اشتغل اكثر يجيني شغل العن ويروح الفضل لاحد غيري

حقيقة خديعه إسمها( أقرب طريق لقلب الرجل معدته)

أقرب طريقة لقلب الرجل هو أن نعامله كصديق كحبيب مو كا شخص يدخل فندق يبي ياكل ويشرب وينام وهذا سبب لجوء الازواج للبحث عن شريكه تشارك عقلة لا بطنه

حقيقة خديعه إسمها( حقوق المرأة المسلمه المهضومه)

المرأة المسلمه لها حقوقها الفطريه لها أن تعامل كجوهره مكنونه المرأة المسلمه أكثر إمرأه محظوظه بالعالم إن فهمت حقوقها وشعرت بخوف رجالها الغيورين عليها

حقيقة خديعه إسمها ( السفر للسياحة والاستجمام)

السفر للصياعه والاصععيان للأسف دائما وأبدا كتبت أن السفر ضروره جميله للي يفهمونه لكني تفاجأت بعكس ما أمارسه أنا وأهلي( صيفنا بمصر السنه هاذي) من عرفت نفسي للأسف ناس يذهبون للهرم كي يشاهدوا عظمة ما بنته الفراعنه والبعض يزوره ليلا مع بزوغ الفجر كالحراميه لأسباب مازلت أجهلها ولكن كلها للاستعراض والسخافه

أخير أتمنى أنكم صدقتم كل الخدائع الي ذكرت

ولو كان الموضوع مو مفهوم تكفون قولوا لي عشان أوقف تفلسف

تشااااااااااااااااااااووووو

[مصرية الهوى]

يا حبيلك graceful إذا كنا عطيناك وجه على قولتك ..

إذا كان حبيبك عسل B) ...

لا تزعلين ياروحي تراي امزح معك ..

بس اعتقد كلمة ( عطتوني وجه ) مافهمها هنا الا انا .. كلمة سعودية عامية مرة :D

بس مادامك جبتي سيرة دان براون .. والله رهيب هالرجل .. يا عليه تفكير ..

قريت له شيفرة دافنتشي .. بديت اقرا الحصن الرقمي .. بس عشان عندي امتحانات الاسبوع الجاي ...

تشوفيني حاطتها جوا الملازم عشان اذا امي والا ابوي دخلوا .. يشوفوني أذاكر :ninja:

نجي لموضوعك ..

أول شيء الله يرحم كل الموتى يارب العالمين ..

وثاني شيء الله من الكذب والنصب بهالعالم .. بس انت خلي عنك ..

معك حق عن العراق والاسلام والمرأة المسلمة .. بس حكاية لكل مجتهد نصيب .. بالعكس

لا يمكن يروح تعبك هباءً منثورا ... لازم تلقين نصيب لجهدك ولو بعد حين ..

بس المجتهد الحق لايستعجل الثمار .. الصبر مهم ..

وحكاية السفر .. اكيد فيه احد صايع يسافر عشان الصياعة .. بس هذا ما يخلينا ننظر للسفر

بشكل افتراضي انه راحة واستجمام بعد عناء عام كامل من الكرف وهدة الحيل :angry:

عندي لك اقتراح...

وش رايك تكتبين عن رحلتك لمصر .. مع الصور طبعاً :D

يالله متى بترجعين .. خلي عنك بلا روما بلا بطيخ ..

مالك الا ديرتك .. ما ضفنا وضمنا ولمنا الا ديرتنا الله يخليها لنا ..

ولا تنسين الهدايا يا حبيلك :D

[graceful]

اهلين حبيبتي جوجو

فعلا الكلمه خليجيه بحته

ولازم نحسس على الكلام هنا هههههه

شكرا على مرورك عزيزتي

بس على فكره لكل مشتهد نصيب

اكيد اانا كنت ابالغ

بس حصلي كذا موقف اني اسوي اشياء والفضل يروح لغيري

بس الاجر عن اللله صح

شكرا مره ثانيه

تشاااااااااااااوووو

[سيزيف]

والنبى يا اخونا حد يترجم

:ph34r:

[مصرية الهوى]

shinercorner

بجد بجد أنا فطست من الضحك :wub: :D ...

ولا يهمك انت شاور على الكلمة اللي مفهمتهاش وانا اترجملك ..

جيجي .. مترجمة مصري - سعودي رايح جاي

:lol:

[graceful]

هلا

ايوه انا وجيجي مستعداااات

تشااااااوووو