اذهب إلى المحتوى
محاورات المصريين

مقترحات لموضوعات المطبخ

Folana

بواسطة Folana
في شئون المحاورات

 مشاركة

Recommended Posts

Folana عضو جديد

Folana

بتاريخ:
بتاريخ:

السلام عليكم ورحمة الله .....

الاخ الفاضل وائل ...تصور انا قريت موضوعك الصبح فى اطلب اى وصفة .....ودلوقت لاقيته انفصل هنا ...

ده مؤشر كويس على ان موضوعك مهم جدا لذا لزم وضعه منفردا ...انا عن نفسى استفدت منه جدا خصوصا فى موضوع رمى الكنكة فى الاخر :wub:

بس برضه نفسى اعرف ايه اللى حصل ...تصور ماكنتش باصدق الزملاء لما كانوا بيقولوا الكلام ده ..واقول انهم بيهولوا .....مش عارفةبقى اللى عايز يكتب وصفة يكتبها فين دلوقت ؟؟؟؟؟؟؟؟؟؟؟؟؟؟؟؟؟؟؟؟؟؟

{ لَّقَدْ كُنتَ فِي غَفْلَةٍ مِّنْ هَـٰذَا فَكَشَفْنَا عَنكَ غِطَآءَكَ فَبَصَرُكَ ٱلْيَوْمَ حَدِيدٌ }

رابط هذا التعليق
شارك
  • الردود 40
  • البداية
  • اخر رد

أكثر المشاركين في هذا الموضوع

الأيام الأكثر مشاركة

أكثر المشاركين في هذا الموضوع

الأيام الأكثر مشاركة

وائل ثابت عبد الرحمن عضو جديد

وائل ثابت عبد الرحمن

بتاريخ:
بتاريخ:

السلام عليكم

أنا أيضا تعبت على ما لاقيت موضوع القهوة بعدما كتبته , و لكن أعتقد أنه أنفصل لأن الموضوع الأخر ( أطلب أى وصفة ) كبر جدا و وصل الى 68 صفحة , و لكن نرجوا من السادة المسؤلين توضيح الأمر أيضا .

ما الفخــــر إلا لأهل العلم إنهم , على الهدى لمن استهدى أدلاء

وقدر كل امرئ ما كان يحسنه , والجاهـلون لأهل العـلم أعداء

فـفـز بعلم تعش حيـا ً به أبــدا , الناس موتى وأهل العلم أحياء

( على رضى الله تعالى عنه )

رابط هذا التعليق
شارك
Folana عضو جديد

Folana

بتاريخ:
  • كاتب الموضوع
بتاريخ:
السلام عليكم

أنا أيضا تعبت على ما لاقيت موضوع القهوة بعدما كتبته , و لكن أعتقد أنه أنفصل لأن الموضوع الأخر ( أطلب أى وصفة ) كبر جدا و وصل الى 68 صفحة , و لكن نرجوا من السادة المسؤلين توضيح الأمر أيضا .

وعليكم السلام ورحمة الله وبركاته يا اخ وائل ...

ايوه الموضوع كبر لانه موضوع ناجح وبيفيد عدد كبير جدا ...ومعنى كده اننا ندعمه ونشترى له صفحات زيادة :wub:...ده كمان موضوع الرز البخارى وموضوع الشوربة انفصلوا كل وواحد لوحده !!!مع انهم من صميم الموضوع ..واذا كان يعنى علشان تنشيط باب المطبخ كله ..فاحنا بنكتب برضه فى المطبخ حاجات تانية بس خلاص اللى بيعوز وصفة بيفتح موضوع الوصفات مش حيفضل يدور فى المطبخ كله ...

والله انا كمان نفسى اعرف السبب ..ولو انى مش متفائلة يعنى انى حاقرأ اى تفسير ...

شىء فعلا غريب ...

{ لَّقَدْ كُنتَ فِي غَفْلَةٍ مِّنْ هَـٰذَا فَكَشَفْنَا عَنكَ غِطَآءَكَ فَبَصَرُكَ ٱلْيَوْمَ حَدِيدٌ }

رابط هذا التعليق
شارك
Advisor مبتدئ متقدم

Advisor

بتاريخ:
بتاريخ:

فى محادثة تليفونية مع الفاضل boda أعربت له عن إعجابى بالموضوع و محتواه و فى نفس الوقت صعوبة البحث فى موضوع طويل به أكثر من ألف مشاركة.

و كان من ضمن الحلول فصل كل وصفة وحدها فى موضوع مستقل و جعل ترتيب باب المطبخ ترتيب أبجدى و ليس ترتيب زمنى ...

الفكرة جيدة و تحمس لها الفاضل boda لكن المشكلة فى التنفيذ فهى تضع عبئ كبير عليه فى عملية الفصل هذه.

قمت بفصل عدة وصفات فى مواضيع مستقلة و العملية فعلا صعبة و لكن إذا تضافر فريق الإشراف مع الفاضل boda فقد يمكننا الإنتهاء من العمل فى فترة وجيزة

من مزايا الفصل أن الحوار حول وصفة ما يكون محصورا فى موضوع تلك الوصفة.

يهمنى أن أسمع آراء الجميع ...بحياد علمى كامل و ليكن ذلك فى باب شئون محاورات المصريين

مواطنين لا متفرجين

رابط هذا التعليق
شارك
وائل ثابت عبد الرحمن عضو جديد

وائل ثابت عبد الرحمن

بتاريخ:
بتاريخ:

موافق

ما الفخــــر إلا لأهل العلم إنهم , على الهدى لمن استهدى أدلاء

وقدر كل امرئ ما كان يحسنه , والجاهـلون لأهل العـلم أعداء

فـفـز بعلم تعش حيـا ً به أبــدا , الناس موتى وأهل العلم أحياء

( على رضى الله تعالى عنه )

رابط هذا التعليق
شارك
se_ Elsyed عضو جديد

se_ Elsyed

بتاريخ:
بتاريخ:

بالنسبة لطلب الأستاذ عادل ابو زيد بفصل وصفة كل أكلة في موضوع لوحدها وتبرتيبها أبجدياً .. فأنا شايف إن الإقتراح غير عملي ومُتعب جداً .. لإن بودا عامل شغل عالي في الموضوع ومعه ثُلة من المجاهدين المطبخويين .. وبالتالي شهر والتاني هانلاقي مئات المواضيع عندنا وأجدعها مطبخاوي هايتوه وسط الحلل والكزرولات ...

وبالتالي أقترح الآتي :

1- غلق ثم تثبيت موضوع " إطلب أيه وصفة على بالك " وتعليقه على باب المطبخ .. لحد كده فكفاية 65 صفحة وأكثر ..

2- نفتح موضوع تاني بنفس الإسم .. بس نعمل له جزء ثاني ( زي مسلسل ليالي الحلمية )

3- يتكفل زميل من الزملاء من المجاهدين المطبخوين بفتح موضوع ثالث ( هانثبته برضوا ) وده هايبقى عبارة فهرس مُجمع و cut و paste للوصفات فقط من غير تعليقات الزملاء يعني واللي وردت في الموضوع الأول - المغلق - ويبدأ الموضوع ببعناوين الطبخة أو الوصفة بحيث يسهُل الوصول إليها ..

وبكده الأجيال القادمة هاتدعي لصاحب الوصفات السحرية .. ويمكن ساعتها تنسى صاحب الضربة الجوية .. ولكم ألف تحيه .

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك
Advisor مبتدئ متقدم

Advisor

بتاريخ:
بتاريخ:

أى الطرق أسهل للقارئ أن يمر على فهرس مثل أى كتاب طبيخ مرتب أبجدى أم أن يبحث فى ألف مداخلة ؟

بالإضافة أن الحديث عن وصفة معينة و ملاحظات القراء عليها ستكون فى مكان واحد.

مواطنين لا متفرجين

رابط هذا التعليق
شارك
Folana عضو جديد

Folana

بتاريخ:
  • كاتب الموضوع
بتاريخ:

السلام عليكم ورحمة الله .....

أستاذنا الفاضل أدفايزور...

طبعا قبل اى كلام لازم اشكر سعادتك على الاهتمام بالرد على تساؤلاتنا ..وباعتذر ان كنت اتكلمت باسلوب مش مقبول او فيه شبهة تزعلك منى ...

بس كنت باتكلم بانفعال عائلى شوية لانى ارتبطت بالباب ده وارتبطت بالمجموعة بتاعته ...وحسيت كده زى مايكون حد بياخد منى حاجة بحبها :D شغل عيال بقى معلش ..

طبعا ياريت ان المواضيع تتفهرس ..كلنا كنا بنتمنى كده من زمان ...وده فعلا التصرف الصائب ..وطالما بودا عنده فكرة وموافق فطبعا كلنا وراه (اصل معاه كشف المرتبات بتاعتنا )...

بس تعرف حضرتك ..فيه شىء جميل كده مش عارفة اوصفه بيجمعنا كلنا فى الباب ده ..ارجو اننا مانفقدهوش بالفهرسة ..

طبعا الاخوة الافاضل اكثر منى علما فى الموضوع ده ...وتتصرفوا بما يترائ لكم

باشكرك مرة اخرى على وقتك وعلى اهتمامك ...

اخى العزيز س .س ...

1- انا مش عارفة هل هناك مشكلة ان عدد الصفحات يبقى كتير كده؟..انا مااعرفش بصراحة الصح ايه ...لكن اذا اتفتح موضوع تانى ممكن نلاقى الطلبات كلها متكررة

2- موضوع الفهرسة ده فكرة جميلة ...ويتم فيه تجميع كل صنف لوحده ..يعنى لو حلويات تتجمع مع بعض ولو سلطة مع بعض ..وهكذا ....انا ممكن اساعد بس حد يوصف لى اعمل ايه ..

3- متهيألى كده لو انفصلت كل وصفة لوحدها ..فعلا المواضيع حتوه اكتر ..ده بالاضافة الى ان كل صفحات المطبخ حتكون عبارة عن وصفات ..ناهيك عن لو اى حد من الزملاء الافاضل اراد انه يتكلم عن اى حاجة فى المطبخ ..حنلاقى برضه المواضيع دخلت فى بعضها ...

هو موضوع الفهرسة ده جميل ..وكان الاخ الغائب اللى بنرجو انه يكون بخير شاوشانك اتكلم مرة عن كده ..وممكن كمان نضيف عليه كل الوصفات اللى موجودة فى باب المطبخ ..منها نفضى مكان :wub: ومنها برضه يبقى الفهرس كامل ....

اهم نقطة واللى اظن ان كل مجموعة المطبخ متمسكين بها ..اننا نفضل زى ماحنا ..بنتكلم مع بعض بمنتهى الحب ومحافظين جدا على روح المطبخ بتاعنا ....

والكلمة لباقى الزملاء ..كل اعضاء المنتدى الكرام طبعا ....

وربنا يوفق الجميع ان شاء الله ....

{ لَّقَدْ كُنتَ فِي غَفْلَةٍ مِّنْ هَـٰذَا فَكَشَفْنَا عَنكَ غِطَآءَكَ فَبَصَرُكَ ٱلْيَوْمَ حَدِيدٌ }

رابط هذا التعليق
شارك
bodda عضو جديد

bodda

بتاريخ:
بتاريخ:

الأخوه الاعزاء

فعلا انا فوجئت بما حدث

لانه بالفعل حصل اتصال تليفونى مع الاستاذ عادل ابو زيد من فترة قريبه

وابدى رغبته فى عمل شئ يسهل على الاعضاء جميعا الوصول لأى وصفه يرغبون فيها ، وقد وافقته على الفكره ولكن لم اتخيل ان يتم تقطيع الموضوع الاصلى بهذه الكيفية

وقد حدث اتصال من بعض الزملاء يبدون انزعاجهم مما حدث لان الموضوع كما قال الأخ سي السيد و الاخت فلانه موضع اصبح ناجح بمجموعه تهوى الوصفات والتجويد فيها وتقدم النصيحه لاى صديق يطلبها فى اسرع وقت ، وهذا سر نجاح الموضوع و بما اننى لا افهم فى مواضيع البرامج والسوفت وير بشكل عام فكان تصورى ولا ذال هو ان يتم بالطريقة الاتية :

اولا : نبقى على الموضوع كما هو للتواصل واستمرار تواجد المجموعه

ثانيا : يتم نقل الوصفات بطريقة الكوبى والبيست ( ماعرفش ازاى ) ليتم عمل فهرسه لها وقد قام فعلا الاخ شاوشينكو بمحاوله جيده وموجوده بالمطبخ

ثالثا : انا لست صاحب القرار ، ولكنى ارجو المسئول عن ذلك مراعاة ان هذه المجموعه تواجدت وتزداد عددا كل يوم للجو الاسرى الصحى الذى نتعامل به ونمارس به هوايتنا

رابعا: اغلب هذه المجموعه كانت فى موضوع مشابه فى موقع اخر وقد هربت منه بسبب تدخل الاداره فى موضوعنا بعد ان نجح ، وجئنا الى محاورات المصريين للجو الديموقراطى الذى قيل لنا عليه هنا ووجدناه بالفعل وحتى هذه اللحظة ، وقد اتصلت منذ دقائق بالاستاذ عادل ابو زيد وشرح وجهة نظره وشرحت له ما كتبته الان ، وقد افاد سيادته بانه على استعداد لعمل ما يراه مجموعة المطبخ فى الصالح العام

فالامر متروك لكم لابداء الراى

مع خالص شكرى لجهود ادارة الموقع وتفهمهم لوجهة نظرنا

عاشق البحر والسما

رابط هذا التعليق
شارك
Reham عضو جديد

Reham

بتاريخ:
بتاريخ:

انا عن نفسي مش فاهمة انتم ناويين تعملوا ايه فينا

يعني كده فركش ولا ايه

؟؟؟؟؟؟؟احلي حاجه في قسم المطبخ اننا بنتكلم مع بعض والمواضيع بتتفتح والطلبات بتيجي ورا بعضها من غير ترتيب مسبق

مفيش مانع تفهرسوا الاكلات لكن مع الاحتفاظ بالجو الودي الذي جمع رواد هذا المطبخ

انا مش عارفه ازاي لكن انتوا اكيد هتعرفوا تلاقولها حل

يعني مثلا كل الحلويات تنضم تلقائي علي باب الحلويات وهكذا مع ترك الباب مفتوحا للمشاركات الجانبية والاستفسارت المطبخي

ودمتم بكل حب

normal_SHADI%20ABU%20RIA%20%28112%29.jpg

دعاء يحتار الملائكة في مقدار الأجر الذي يمنح لقائله

da3wa_17.gif

رابط هذا التعليق
شارك
ام البنات عضو جديد

ام البنات

بتاريخ:
بتاريخ:

السلام عليكم ورحمة الله وبركاته

لتخفيف على الصفحات

الحل الوحيد هو فهرست الوصفات وهذا ما قمت به فى موقع آخر حيث ان موضوعى وصل الى اكثر من ماوعشرون صفحه

مش شطاره منى لاء مجموعه كبيره وكلنا سيدات وطبعا يتخلل الوصفات حوارات

المهم تم نقل الموقع الى سيرفر جديد مع الاحتفاظ بالمنتدى القديم

فطبع اذا عملت كوبى وبيست يبقى انا كده بتقل الموقع تانى

كل الى عملته آجى عند الوصفه واكتب اسمها وبالضغط على شكل النظاره فى الشباك

مجرد ما تضغط على الوصفه تظهر الوصفه لك

وبالتالى يبقى مفيش تحميل على الموقع ولا الصفحه

ورأى ان يفتح موضوع جديد نشترك فيه جميعا بعمل الفهرس والاستاذ بودا يضع الوصفات فى الصفحة الأولى

وساريكم مثل

طاجن العكاوى

عند الضغط على طاجن العكاوى سيتم فتح شباك خاص بالوصفه فقط ولا علاقه له بباقى الموضوع

اذا الفكره لاقت استحسانكم نقوم بها ونقسم الصفحات

كل واحد منا ياخد عدد صفحات ويقوم بعملها بهذه الطريقه والاستاذ بودا يقوم بفتح موضوع جديد به الوصفات

وشكرا"

يرضينى الهواء الذى تتنفساه يحيينى

يسعدنى الكون الذى يحتويكما يحتوينى

انتما كل شئ

وانا من دونكما لا شئ

رابط هذا التعليق
شارك
abofasad عضو جديد

abofasad

بتاريخ:
بتاريخ:

الحقيقة انا قمت بفتح ملف في وورد اسمه اكلات مصرية

وفي كل مرة اجد وصفة جديد أقوم عن طريق القص واللصق باضافة الموضوع الى ملف الأكلات واعطائه عنوان (اسم الأكلة) طبعا باللغة الأسبانية.

وفي كل مرة احتاج لوصفة معينة فيجب فتح الملف والبحث عن الوصفة

وام فصاد مبسوطة جدا من هذه الفهرسة

ما رأيكم؟؟

رابط هذا التعليق
شارك
Osha عضو جديد

Osha

بتاريخ:
بتاريخ:

انا اتابع فقط ولن أبدي رأيي

وأنا مع المجموعة فيما يتفقون عليه

----------------------------------------

وقفت بين شطين علي قنطــــــــــــــــــرة

الكدب فين و الصدق فيـــــــــــن يا تري

محتار ح اموت .. الحوت خرج لي وقالي

هو الكلام يتقــــــــــــاس بالمســـــــــــطرة

عجبي !!!

رابط هذا التعليق
شارك
drhusseinali عضو جديد

drhusseinali

بتاريخ:
بتاريخ:
أى الطرق أسهل للقارئ أن يمر على فهرس  مثل أى كتاب طبيخ  مرتب أبجدى أم أن يبحث فى ألف مداخلة ؟

بالإضافة أن الحديث عن وصفة معينة و ملاحظات القراء عليها ستكون فى مكان واحد.

انا سوف ابدي رائي باعتباري احد المغتربين المحتاجين بشدة لهذا الموضوع

اولا شكرا جزيلا لكل من قام بالكتابة في هذا الموضوع المهم بالفعل للمغتربين لما فيه من وصفات اكلات تهفوا اليها النفوس و لكنهاغير موجودة في بلد الاغتراب و لا نعلم كيفية صنعها

(ما يحسش بالموضوع ده غير اللي عايش على سباجيتي زي حالاتي :D )

ثانيا الموضوع فعلا كبر جدا و اصبح الحصول على وصفة الاكلة المطلوبة من الصعوبة بمكان اني فعلا امضيت فوق النصف ساعة لتصفح الموضوع حتى وصلت الى ما اريد مما ادى بالفعل الى اني اضطريت الى عدم البحث عن اي وصفات بعد ذلك :wub: :D :D

مع انه يعلم الله حاجتي اليها :sad:

و رجعتلك تاني يا مكرونة :wub:

برجاء فهرسة هذا الموضوع و جعله الله في ميزان حسناتكم جميعا

رابط هذا التعليق
شارك
Fencer عضو جديد

Fencer

بتاريخ:
بتاريخ: (معدل)

الأخوة الأعزاء

فهرسة الموضوع شئ مطلوب وجميعا نوافق عليه

ولكــــــــــــن

ما لا نوافق عليه هو هدم روح الأسرة التي نعيشها جميعا ضمن صفحات هذا الباب

يمكن عمل حل وسط

تنسخ الوصفات جميعا كل على حسب تصنيفه في ابواب منفصلة

1- وصفات الحلويات

2- وصفات الارز

وهكذا

مع تثبيت هذه الموضوعات واغلاقها بحيث تقتصر فقط على الوصفات - فقط يتم اضافة الوصفات فيها بدون تعليقات رواد الباب الاصلي

ويبقى الموضوع الأصلي بنفس عدد مشاراكاته وبوصفاته المميزة ومحاوراته ومحاورينه ورواده كما اعتدنا جميعا

تم تعديل بواسطة Fencer
The Egyptian Fencer
رابط هذا التعليق
شارك
khedr عضو جديد

khedr

بتاريخ:
بتاريخ:

الاخوه الكرام

نرجو منكم كله الاباب المطبخ...ده هو اللي معيشنا واللي مصبرنا...!!!

ولو مش بنشارك فيه لعدم خبرتنا الا في سلق البيض فقط

لكن فرصه للتحيه لكم جميعا

وهوفعلا كبر لكن بمجهودكم وتعبكم انتم .

.

فنحن تحت امر الساده القائمين عليه(علي المطبخ) ..لكن نوصل للاكله بسرعه مع الردوود عليها

مش من غير ردوود هو ده اللي نفسنا فيه...لكن برضه ..موافقون

لا تتأخروا علينا عصافير بطننا طارت

نشكركم جميعا ولمجهودكم في ذلك الباب

احتراماتنا

يامصر... يامصر...يامصر

ياااااااااااااااااااااااااااااامصر

رابط هذا التعليق
شارك
bodda عضو جديد

bodda

بتاريخ:
بتاريخ:

متهيالى رد الصديق فنسر لخص الحاله

وهو موافقتنا على اى جديد يساعد القارئ

ولكن دون مساس بالموضوع الاصلى ..ده لو مافيش مشكله فنيه

وبرضه رد الصديقة ام البنات انا شايفه عملى و سهل على قد فهمى

لانى للاسف لا افهم فى موضوعات السيرفر و البرامج

مع خالص تحياتى لكل من اهتم بالرد والتوضيح

و منتظر قرر الاداره

لان كده كل الحلل مغسوله ومرصوصه عالرف

:blush:

عاشق البحر والسما

رابط هذا التعليق
شارك
Folana عضو جديد

Folana

بتاريخ:
  • كاتب الموضوع
بتاريخ:

السلام عليكم ورحمة الله ..........

الاخ الفاضل س .س ...حضرتك ماردتش على تساؤلى عن المشكلة اللى ممكن تكون فى كثر عدد صفحات المطبخ هل هى مشكلة فنية ؟...ولا كفاية كده وخلاص ...ولا علشان فيه مشكلة بتقابل الباحثين عن وصفة معينة ..انا بس بسال لان كل ولا من دول لها حل بس نعرف ايه المطلوب بالظبط ...

وانا اعتقد - بعد اذن بودا طبعا - انه مش منتظر يكون صاحب الضربة المطبخية ولا حاجة ...الموضوع كله بيتلخص فى اننا مجموعة من الناس تتميز بالبساطة والصدق فى التعامل ...اجتمعنا على حب الخير وحب الاخر ...لا بنجرح بعض ولا بيحصل بينا مهاترات ولا حاجة خالص ...مع العلم اننا مانعرفش بعض معرفة شخصية ولا شفنا بعض ولا سمعنا حتى صوت بعض فى تليفون او غيره ..ولكن المدهش اننا ارتبطنا ببعض جدا وبنتعامل من منطلق الحب فى الله ...

بالنسبة ارأى الاستاذ الفاضل عادل فى انه من الافضل على متصفح كتاب الطهى انه يبدأ بالفهرس ..باقول ان ده كلام مظبوط ..لكن مع فرق بسيط اننا جماعة من البشر بتتنفس والعلاقة الجميلة اللى بينا هى اللى بتشجعنا على الكتابة ..

احنا كمجموعة بتتعاون فى المطبخ ...لو حنتسأل عن رأينا يعنى ..فاحب اقول لحضراتكم اننا بنفضل نشتغل فى المطبخ زى ماهو كده ...

اما عن موضوع الفهرسة فده يخص الادارة والمشرفين ويبقى اضافة نشكرهم عليها ....واذا كنا نقدر نساعد حنساعد ...

متهيالى كده الصورة واضحة ...واحنا ضيوف طبعا مالناش حق فى اتخاذ القرار لكن منتظرين الرأى النهائى لاصحاب البيت ...

ولكم خالص تحياتنا .....

{ لَّقَدْ كُنتَ فِي غَفْلَةٍ مِّنْ هَـٰذَا فَكَشَفْنَا عَنكَ غِطَآءَكَ فَبَصَرُكَ ٱلْيَوْمَ حَدِيدٌ }

رابط هذا التعليق
شارك
se_ Elsyed عضو جديد

se_ Elsyed

بتاريخ:
بتاريخ:

ليه روح التحفز دي يا جماعة ؟!!!

إيه المشكلة إن الموضوع الأولاني يتثبت ونفتح موضوع تاني بنفس الإسم ؟

إيه المشكلة إن الوصفات يتم عمل نُسخه منها وتبقى في موضوع مُفهرس منفصل ؟

الغريب إن نفس الإقتراحات اللي قولتها في مداخلتي .. أُعيدت مرة أخرى من بعض الإخوه الغاضبون !!!!

أما عن تسائُلك يا مدام فلانه عن المشكلة إن الموضوع يبقى 100 صفحة حتى .. فأقول لحضرتك إني أنا عن نفسي حاولت أنقل الموضوع لملف وورد .. وقولت أصفيه وأخلي الوصفات فقط .. تخيلي بقى حضرتك ملف فيه أكثر من 60 صفحة وإنتي عماله تشيل وتقصي والكلام ده هاياخد وقت وجهد قد إيه ؟

ولا كفاية كده وخلاص

هات حضرتك أي كلمة أو حرف جر حتى قاله أي عضو في الإدراة يدل على ذلك ؟ .... ليه كده ؟!!!!!

وبعدين مين إتكلم عن قتل الروح الود والصداقة والزمالة ولا جاب سيرتها ؟

احنا كمجموعة بتتعاون فى المطبخ ...لو حنتسأل عن رأينا يعنى ..فاحب اقول لحضراتكم اننا بنفضل نشتغل فى المطبخ زى ماهو كده ...

طب والمئات اللي بيكتفوا بالتصفح وأنا أيضاً منهم يعملوا إيه ؟

فكده إسمحوا لي إحنا بنعمل خندقين ..

خندق فيه الإدارة الشريرة اللي هما مش زملاءنا ..

وخندق فيه ناس بتحب بعض وبتجمعهم صداقة ومتوقعين هجوم شرس من الإدارة لتفرقة هذا الجمع !!!!!

...الموضوع كله بيتلخص فى اننا مجموعة من الناس تتميز بالبساطة والصدق فى التعامل ...اجتمعنا على حب الخير وحب الاخر ...لا بنجرح بعض ولا بيحصل بينا مهاترات ولا حاجة خالص ...مع العلم اننا مانعرفش بعض معرفة شخصية ولا شفنا بعض ولا سمعنا حتى صوت بعض فى تليفون او غيره ..ولكن المدهش اننا ارتبطنا ببعض جدا وبنتعامل من منطلق الحب فى الله

حضرتك هنا بتتكلمي عن مين ؟

عن الناس اللي بيكتبوا ويستفيدوا من الموضوع وأنا منهم ؟

ولا عن ناس تاني مش زملاء أفاضل في المنتدى برضوا ..

وانا اعتقد - بعد اذن بودا طبعا - انه مش منتظر يكون صاحب الضربة المطبخية ولا حاجة  

وبصراحة لم أفهم قصد حضرتك من التعليق على جملة قد كتبتها لبودا على سبيل الدُعابة ... فهل الكلام ده تتوقعي إنه يزعله وممكن بالتالي يكتم في قلبه ؟

متهيالى كده الصورة واضحة ...واحنا ضيوف طبعا مالناش حق فى اتخاذ القرار لكن منتظرين الرأى النهائى لاصحاب البيت

في دي بقى حضرتك غلطانة .. وبرضوا هات لي ما يدُل على إن فيه ناس أصحاب بيت وناس ضيوف وناس قاعدة على السلم ؟

كلنا نملك هذا المكان ... وكلنا أصحاب قرار .. لكن الفرق الوحيد هو إن في ناس بتتحمل عبء التنظيم أو الإشراف وناس بتكتب وتتصفح فقط واللي ممكن يتحول للإشراف لو طلب هذا وتحمل المسئولية أيضاً ...

يا جماعة الموضوع أبسط من البساطة وكل هدفه هو عدم التوهان في الموضوع الشيق المتضخم بفعل المشاركات الفعالة فيه ... فقط لا غير بدون فلسفة والدخول في نوايا الآخرين وبدون تحميل الألفاظ والكلمات أكثر مما تحتمل ....

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك
bodda عضو جديد

bodda

بتاريخ:
بتاريخ:

الصديق العزيز سى السيد

معلش انت اخدت كلام الصديقة فلانه على محمل شديد شويه

بس فعلا المجموعه عندها احساس مش حلو بسبب ما حصل

بس انا مش شايف اى مشكله لو تم بالطريقه اللى انت كتبتها فى ردك

وهى كما قلت:

إيه المشكلة إن الوصفات يتم عمل نُسخه منها وتبقى في موضوع مُفهرس منفصل ؟

فعلا لو اتعملت نسخه من الوصفات فى موضوع مفهرس يبقى جهد هايل

واضافه نشكر من يقوم بها

ولكن دون التعرض للموضوع نفسه بالقص منه

يعنى لو اتعمل منه مليون نسخه لا يضير

بل ممكن الفهرس يساعد الناس كلها

لكن اديك شايف ردود المجموعه كلها ( اقصد القائمين على الرد والوصفات )

كلهم بيعز عليهم ان الموضوع يبتر منه اى جزء

ياريت طلبنا ورأيك ده ينفذ اذا كان ممكن فنيا

ولك كل الشكر ودعونا نطبخ فى صمت :blush:

صباح الفل

B)

عاشق البحر والسما

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
 مشاركة
عودة لقائمة الموضوعات

  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة
×
×
  • أضف...