في انتظار المداخلة الخمسين

[tarek_almeghallawy]

باجتهد على آخر طاقتي علشان أوصل للمداخلة الخمسين

صحيح الحكاية مش حكاية مداخلة الحكاية حكاية اللي ورا المداخلة

ولإن أنا ما أقدرش على زعل الأستاذ الدكتور محمود الأفوكاتو

ولإني حاسس إن إدارة المحاورات محضرالي مفاجئة من النوع التقيل

ولإن ..ولإن حاجات كتيرة تانية

مش عارف أغير نفسي يا ناس..وأنا على الربابة با اغني

سؤال للسادة الأعضاء الوسط اللي لا قدماء ولا جدداء

إيه إحساسك بعد المداخلة الخمسين؟؟؟؟

مرت معاكم عادي كده يعني

مفيش حفلات خاصة للعضو الحاصل على المداخلة الخمسين

يعني ..تورتة عليها خمسين شمعة

ولا ميدالية عليها شعار المحاورات

على فكرة هو إيه شعار المحاورات ؟ مش كل حاجة لها شعار

دا اقتراح للسادة الفنانين والرسامين في المحاورات لعمل مسابقة أحسن شعار للمحاورات..أو تميمة خاصة زي دورات الكورة...نرجع لموضوعنا

عموماً أنا منتظر المفاجئة ومش ها أغشش حد..صحيح أنا باحب المناصب

لكن ممكن أقبل مؤقتاً منصب نائب مشرف باب..أو حتى فاتح الباب لمشرف الباب

وتحذير بلاش المفاجئات من النوع التاني....برررررررره أطلع برررررررره

[emadiab]

الأستاذ طارق

موضوعك مينفعش انى ارد عليه خصوصا و انا لسه موصلتش للمداخلة الخمسين بس مبروك يا عم و عبال ما نحصلك و عقبال ما حد من الأعضاء التقال يرد على موضوعك و ميقولكش على المفاجأة عشان هى مفاجأة اصلا

و اعذرنى لأنى مش حرد على موضوعك لأن دمى تقيل اساسا و مبعرفش اهزر

لكنى لاحظت زيك كده ان مفيش لا شعار و لا جملة فى كده فى واجهة الموقع تفهم الواحد الناس اللى هنا عاوزة ايه ولا بتفكر ازاى

بس كل اللى لا حظته ان الأعضاء هنا متحمسين قوى لأيمن نور وبيعتبروه الأمل فى بكرو و بعده واللى وعدنى حيخلف وعده و انا اعتقد ان مكافئتهم ليك على المداخلة الخمسين هى انهم حيطلعوك فى رحلة ذهاب لزيارة ايمن نور شاملة الأكل و الشرب و النوم على البورش كمان

سلام يا استاذ طارق

[Reham]

عروستي..... B)

:D

مش عارفة ياأستاذ طارق بية

حاسة ان أسم حضرتك زي ماكون أعرفه

ياتري انت من محافظة دمياط

لو صح والنبي تبقي لازم تكون قريبي لاننا مناسبين من هناك :blush:

[وليد صفوت]

مساء الخير عليكو ...

انت متأكد يا طارق انك مش شايف اى شعار للمحاورات ؟؟

طيب بص فوق كده على اليمين ؟

:blush:

اما الأخ عماد دياب .. فارجو انك تتأكد من اللى بتقوله ده ...

أولاً كلمة إحنا دى لا تنطبق على الأعضاء و على الإدارة لأن الإدارة نفسها تحوى مختلف الأفكار و الإتجاهات ....

و بعدين إحنا لا نحمل أى تحمس لأى شخص إلا كرؤى شخصية بحتة و ليس للموقع طابع خاص به , بل هى الصبغة التى يضعها الأعضاء بنفسهم مع إضافة كل موضوع هو الطابع الخاص بنا ..و لأن الأعضاء مميزين و موضوعاتهم مميزة فالموقع بديهياً مميز ..

هذا بإختصار ما أود قوله ..

تحياتى ...

[tarek_almeghallawy]

مساء الخير عليكو ...

انت متأكد يا طارق انك مش شايف اى شعار للمحاورات ؟؟

طيب بص فوق كده على اليمين /quote]

violinking

مساء الفل

والله ما خدت بالي إن ده هو الشعار

معلهش العتب عالنظر

بس العلم صغير والنسر مش باين

وانت عارف لازم يكون النسر باين وجنحاته مفرودة

شكراً على التنوير

[tarek_almeghallawy]

عروستي..... B)

:D

مش عارفة ياأستاذ طارق بية

حاسة ان أسم حضرتك زي ماكون أعرفه

ياتري انت من محافظة دمياط

لو صح والنبي تبقي لازم تكون قريبي لاننا مناسبين من هناك :blush:

<{POST_SNAPBACK}>

العزيزة ريهام

يشرفني نكون قرايب