كفاية شفافية أمريكانى .. خلاص قربنا نشوف اللى تحت الهدوم

[أبو محمد]

الموضوع ده موجه إلى "غلمان" الأمريكان و "تابعيهم" أينما وجدوا

وأقصد بـ "الغلمان" أولئك الذين لا هم لهم سوى الخبط والرزع فى الجيش "المصرى"

مع إنهم قاعدين على حجر "العم سام" أبو "هزازات" وبيتكلموا عن جيش مصر و "سلاح البزازات"

أما "تابعيهم" فهم كل من عام على عومهم

وقارفنا بمناسبة وبدون مناسبة عن الجيش واقتصاد الجيش وميزانية الجيش

وفى بقهم لبانة بيمضغوها اسمها "الشفافية"

وعايزين نعرف الجيش بيصرف كام .. وفى إيه .. بيبيع وبيشترى إيه .. وليه .. ومنين

بيقولك ده من منطلق الغيرة على الوطن .. ومن منطلق إن دى فلوس دافعى الضرائب

وأهم حاجة إن ده من منطلق "الشفافية"

وكل سطر بيكتبوه .. أو كل بق بينطقوه

بيحمل فى طياته عقدة الخواجة أو "العم سام" .. المثل الأعلى لـ "الغلمان" وصاحب أرض الأحلام

حتى إن أحد "الغلمان" بيقول إنه ناوى يشترك فى فريق رئاسى لخوض انتخابات 2018

وأول ما شطح نطح

وتساءل سؤالا "لبانة فى فم الغلمان وتابعيهم" :

هو الجيش بيشترى السلاح ليه ؟ .. ده حتى خالى شغل

تخيل !

واحد عايز يبقى رئيس دولة أو فى ضمن فريق يحكم دولة

وشايف جيش الدولة خالى شغل ومفيش لزوم للبعزقة فى شرا سلاح

وبيقولك إن فى أوروبا وأمريكا والدول المتقدمة (وش ابو سمرة بتاع الإرهاب والكباب)

كل ما يخص الجيش بيوضع على الترابيزة .. وكمان بيطرح للحوار المجتمعى

واحنا "لازم" نبقى زى أمريكا .. إحنا مش أقل منها

ده فيديو .. يبين كيف تطرح طلبات الاعتمادات من الكونجرس للجيش الأمريكانى عشلن يحارب الإرهاب

بمنتهى الشفافية .. وأحلى من الشرف مفيش .. آه والله زمبؤلك كده

فى مداخلة تالية سأحاول وضع ترجمة (Roughly) .. عشان الفايدة تعُم .. ونتعلم .. ويتعلم "الغلمان" ويتعلم "تابعو الغلمان"

ملحوظة : عايز تعرف يعنى إيه "غلمان" ؟ .. اخطف رجلك لحد "أفغانستان"

 

[White heart]

منذ ساعة, أبو محمد said:

ده فيديو .. يبين كيف تطرح طلبات الاعتمادات من الكونجرس للجيش الأمريكانى عشلن يحارب الإرهاب

بمنتهى الشفافية .. وأحلى من الشرف مفيش .. آه والله زمبؤلك كده

قبل اى شئ يا عزيزي دعنا ناخذ فكرة بسيطة عن تلك القناة (الأصلية) التى من المفروض انك تفضلت مشكوراً بإقتباس تلك المادة المصورة نقلاً عنها:

اقتباس

سي-سبان (بالإنجليزية: C-SPAN أو Cable-Satellite Public Affairs Network) هي شبكة تلفاز أمريكية مخصصة للتغطية المستمرة لإجتماعات الحكومة والأمور العامة مثل جلسات الكونجرس بمجلسية الشيوخ و النواب. لا تعرض الشبكة اعلانات لجهات خارجية حيث أن الاعلانات التي تعرض على قناوتها هي اعلانات ترويجية للشبكة نفسها.و تعد من أهم المحطات الإخبارية على شبكة الكيبل في الولايات المتحدة الأمريكية. وتؤثر المحطة في الرأي العام الأمريكي بصورة كبيرة نتيجة تغطيتها لكافة المداولات والنقاشات، والمؤتمرات السياسية والندوات ذات الطبيعة السياسية وغير السياسية. هذا بالإضافة إلى نقل حي لجلسات مجلسي الكونغرس. واستطاعت سي-سبان الوصول إلى ملايين المشاهدين، والحصول على ثقتهم نتيجة لعدم التحيز لحزب أو مؤسسة أو جهة معينة. وتوفر المحطة للمشاهد الحرية التامة في تحديد اتجاهاته دون أي تدخل أو تشويه للمعلومات. توصف سي-سبان بأكثر المحطات مصداقية في الولايات المتحدة من أعضاء الحزبين الجمهوريين والديمقراطيين بالإضافة إلى المستقلين. وخلال السنوات الخمس والعشرين استطاعت سي-سبان تستضيف 12 ألف شخصية واستقبلت 46 ألف اتصال من مشاهديها للمشاركة في برامجها.

وقبل التطرق الى تفاصيل فحوى تلك المادة وربما الجلسة (الأصلية) بأكملها ومن دون إقتطاع ... دعني أشير الى ان مُجرد تحصلك يا عزيزي وانت مواطن مصري تعيش في مصر وبضغطة زر بسيطة على أى من تلك المواد المصورة (الأصلية) الخاصة بواحدة من جلسات الكونجروس الأمريكي هناك، والتى تتيح لك أن تفتح مواضيع جديدة عليها ... بينما في وطننا نحن هنا بمصر :

لهو دليل أولي على مدى شـــــفــــــافــــــــيـــــــــتـــــــــهــــــــــم مقارنة بنا !!!

تم تعديل 4 سبتمبر 2016 بواسطة White heart
إضافة بعض الكلمات.

[White heart]

وبعيداً عن "الغُلمان" وتابيعهم .... وأم دجدج ... الى آخر قائمة مفردات قاموسك الساخر "اللطيف" هذا ... وقبل أن تجتهد (بدون أى داع) في ترجمة هذا المقطع من جلسة الكونجرس المزعومة التى وضعتها لنا في باب السياسة الداخلية ... ربما نظرت جيداً أولاً بين هاذان الشعاران:

والأن حاول أن تجتهد في معرفة الفرق بين الـــ C-Span و الـــ O-Span وللتسهيل عليك فالثانية تلك هى إختصار للـــ Onion-Span

 وبعدها عُد الى تلك المادة التى وضعتها لنا وأنظر جيداً اى من الشعاران موجود بأسفل الشاشة على اليمين ...

تم تعديل 4 سبتمبر 2016 بواسطة White heart
تصحيح خطأ إملائي.

[أبو محمد]

دى ترجمة على ما قُسم كده .. بس والله هو ده اللى حصل .. زمبؤلك كده

كل حاجة عن أرقام .. أو تحديد ممن يأتى الخطر .. ومن الذى يقوم بتقدير التعداد .. إلخ

تلاقى الراجل الكبارة ده يقولك This section is classified يعنى الجزء ده - لامؤاخذة - سر

المطلوب هو تصويت الكونجرس على مشروع استعداد الوطن لمواجهة الإرهاب

ويتطلب المشروع اعتماد عاجل بمبلغ (لا مؤاخذة ده سر) دولار

وذلك لرفع المستوى القومي لمكافحة الإرهاب لتوجيه ضربات استباقية وهجومية ودفاعية من (لا مؤاخذة ده سر)

وسيتتضاف عن الأفراد والمركبات إلى 80% طبقا للتعداد القومى للسكان والذى يقوم بإعداده (لا مؤاخذة ده سر)

ولننا معرضون لهجمات من (لا مؤاخذة ده سر) .. وذلك بهدما تم رصد (لا مؤاخذة ده سر)

ملحوظة : أنا حطيت الترجمة اللى على ما قسم بلون باهت عشان الموضوع - لا مؤاخذة - سر

 

 

[Scorpion]

عارف يا ايو محمد .. الحق يتقال يعني .. هما عندهم شفافية فعلآ

يعني شفافية الأرقام اللي بيصرفوها  موجودة صحيح و ما حدش يقدر ينكرها ..

 

شهادة حق كان لازم اقولها

 

[Scorpion]

كيفية صرفها بقي ده شيء ثانوي و غير مهم .. و عداهم العيب لو ما قالوش اتصرفت ازاي ..

 

ضاعت منهم ...

هه ..  تقدر تقول حاجة ..

ايه يعني كام مليار مش عارقين اتصرف فين ... و ازاي ..

ده شيء ثانوي .. الشفافية انهم يقولوا  ان فيه مليار دوار و زيادة اتصرفت ...

نظام الطورطة جات ...

 

ضاعت

[أبو محمد]

21 دقائق مضت, Scorpion said:

عارف يا ايو محمد .. الحق يتقال يعني .. هما عندهم شفافية فعلآ

يعني شفافية الأرقام اللي بيصرفوها  موجودة صحيح و ما حدش يقدر ينكرها ..

 

شهادة حق كان لازم اقولها

 

ما ننكرش إنهم بيكشفوا .. بس مش كل حاجة زى ما "الغلمان" بيحاولوا يفهمونا

وإن شاء الله لما نبقى أكبر جيش فى العالم وأقوى دولة فى العالم إحنا كمان نكشف بس برضه مش كله

ممكن يكون الفيديو اللى انا حطيته ده حاجة كده زى الكاميرا الخفية والراجل الكبارة ده زى ابراهيم نصر

ويمكن حكاية (لا مؤاخذة ده سر) ما تلفتش نظر "الغلمان" .. و .....................

طب إيه رأيك يا راجل يا طيب فى 9 تريليون دولار ؟

الكلام اللى جاى ده بقى يا سنيور منشور على اليوتيوب فى يناير 2012

(أكيد انت عارف الدنيا كانت عاملة ازاى فى الوقت ده وقبله بشوية)

وبيتكلم عن 9 تريليون دولار مفقودة من "موازنة الاحتياطى الفدرالى" .. أيوه والله زمبؤلك تريليون (يساوى ألف مليار)

واللى بتجاوب دى هى الـ Inspector General of the Federal Reserves يعنى حاجة كده زى هشام جنينة عندنا

وبتتسأل عن إن الحكومة الفيدرالية تجاوزت الموازنة بمقدار 9 تريليون دولار .. ومش معروف راحوا فين 

عندك خبر يا ست الكل ؟ .. عملتى تحقيق يا ست الكل ؟ .. طيب راح فين التريليون الفلانى ؟ .. مين اللى استلمه

طيب عندك خبر عن "المعاملات"اللى تمت بالتريليون "خارج الموازنة" ؟ !

إتفرج بقى على الإجابات "الشفافة" .. إتفرج على تجنب كلمة Investigation يعنى تحقيق واستبدالها بكلمة Review يعنى مراجعة

شفافية يعنى شفافية ..

حاجة غريبة أوى أمريكا دى .. الواحد يفك التريليون من هنا ما يلاقيهوش .. تقولش التريليونات راكبها عفاريت ؟

https://www.youtube.com/watch?v=-kCIoq5F7O4

 

 

[Scorpion]

بلاها الطورطة اللي جات يا ابو محمد ...

خلينا في الطورطة اللي بتتوزع .. 

بمناسبة البيزنز يعني ... 

هو الجيش الأمريكاني يعني مش المفروض يلبد في ثكناته و ما يرازيش في خلق الله ..

فين المنافسة الشريفة يا ناس لما جيش اليانكي المعفي من الضرايب اساسآ لأته عايش عليها .. ينزل مناقصات و ياخد مشاريع من الحكومة الأمريكانية ياخد حقها ..

عادي يعني و الا حاجة يشيب لها الولدان زي ما بيحصل عندنا ...

http://www.usace.army.mil/Missions/

[Scorpion]

بالحق ... هو مين صاحب شركة "  GENERAL ELECTRIC"

[أبو محمد]

17 دقائق مضت, Scorpion said:

كيفية صرفها بقي ده شيء ثانوي و غير مهم .. و عداهم العيب لو ما قالوش اتصرفت ازاي ..

 

ضاعت منهم ...

هه ..  تقدر تقول حاجة ..

ايه يعني كام مليار مش عارقين اتصرف فين ... و ازاي ..

ده شيء ثانوي .. الشفافية انهم يقولوا  ان فيه مليار دوار و زيادة اتصرفت ...

نظام الطورطة جات ...

 

ضاعت

ها يا سنيور .. شوفت الفيديو "الشفاف" بتاع يناير 2012 ؟

إيه رأيك بقى فى الفيديو ده اللى بيتكلم عن 65 مليار تانيين مش عارفين اتنطروا فين

الكلام ده مرفوع على اليوتيوب من أقل من شهر

سؤال غير برئ : تفتكر تمويل داعش وماعش وداحس وماحس بييجى منين ؟

تفتكر تمويل منظمات المجتمع المدنى من ورا ضهر حكوماتها بييجى منين ؟

https://www.youtube.com/watch?v=bXn9jcIm3gI

 

[White heart]

20 دقائق مضت, أبو محمد said:

ممكن يكون الفيديو اللى انا حطيته ده حاجة كده زى الكاميرا الخفية والراجل الكبارة ده زى ابراهيم نصر

ويمكن حكاية (لا مؤاخذة ده سر) ما تلفتش نظر "الغلمان" .. و .....................

ممكن ويمكن !!!!
بسيطة ... تعال نشوف كدة تعريف القناة اللي إستشهدت بيها في المداخلة الإفتتاحية للموضوع:

اقتباس

The Onion is an American digital media company and news satire organization that publishes articles on international, national, and local news. Based in Chicago, the company originated as a weekly print publication on August 29, 1988 in Madison, Wisconsin.[1] In the spring of 1996 The Onion began publishing online. In 2007, the organization began publishing satirical news audio and video online, as the Onion News Network. In 2013, The Onion ceased publishing its print edition and launched Onion Labs, an advertising agency.[4][5]

The Onion's articles cover current events, both real and fictional, satirizing the tone and format of traditional news organizations with stories, editorials, op-ed pieces, and man-in-the-street interviews using a traditional news website layout and an editorial voice modeled after that of the Associated Press. The publication's humor often depends on presenting mundane, everyday events as newsworthy, surreal or alarming. In 1999, comedian Bob Odenkirk praised the publication stating, "It's the best comedy writing in the country, and it has been since it started

هل هذه هى <<< الــــشـــــفـــــــافـــــــيـــــــــة >>> التى نرتضيها ونعمل على إرساء قواعدها كأعضاء متفاعلين في إحدى أهم الأبواب الجادة بصالوننا الثقافي ؟!؟!؟

تم تعديل 4 سبتمبر 2016 بواسطة White heart
إضافة رابط المصدر.

[أبو محمد]

6 دقائق مضت, Scorpion said:

بلاها الطورطة اللي جات يا ابو محمد ...

خلينا في الطورطة اللي بتتوزع .. 

بمناسبة البيزنز يعني ... 

هو الجيش الأمريكاني يعني مش المفروض يلبد في ثكناته و ما يرازيش في خلق الله ..

فين المنافسة الشريفة يا ناس لما جيش اليانكي المعفي من الضرايب اساسآ لأته عايش عليها .. ينزل مناقصات و ياخد مشاريع من الحكومة الأمريكانية ياخد حقها ..

عادي يعني و الا حاجة يشيب لها الولدان زي ما بيحصل عندنا ...

http://www.usace.army.mil/Missions/

خلاص يا سنيور .. بلاها الطورطة والترليونات اللى بتتبعزق يمين وشمال على (إنت عارف)

خلينا نتكلم فى البيزنس بتاع جيش "العم"

الـ Corps of Engineers أو بالبلدى سلاح المهندسين .. أنا اشتغلت معاه .. مش فيه يعنى

كان بينزل هو والمارينز فى مناقصات عندنا فى مصر (تصور ؟ ! بيتنافسوا يا جدع)

الترسانة البحرية فى خليج المكسيك Ship Yard دخلت فى مناقصة للرصيف البحرى لمشروع غازات ابوقير (سنة 1976)

أصبر علىّ أروح اتحزم .. قصدى أدور فى النت .. واجيلك

[tarek hassan]

مسكين المواطن اللي زيي اللي مبيعرفش إنجليزي .... 

وبيصدق اللي بيتقال له .... عن الشفافية الوهمية الأمريكية 

في الميزانية 

30 دقائق مضت, أبو محمد said:

وبتتسأل عن إن الحكومة الفيدرالية تجاوزت الموازنة بمقدار 9 تريليون دولار .. ومش معروف راحوا فين 

حاجة غريبة أوى أمريكا دى .. الواحد يفك التريليون من هنا ما يلاقيهوش .. تقولش التريليونات راكبها عفاريت ؟ 

هار أسود على رأي حزلقوم

[Scorpion]

يا مصطفي باشا تعيبوا علي البعض دفاعهم عن جيش بلدهم .. و  هناك مننا من يقوم بالمثل .. و لكن مع كل الجيوش الأخري ما عدا جيش بلدهم !!!

عجبي ...

 

[أبو محمد]

3 دقائق مضت, مصطفي said:

من ضمن  التعليقات علي الفيديو

You idiots, this is the Onion. It's a satire site. You all fail.  

 

السخرية حلال لأتباع "الغلمان" .. حرام على غيرهم

[أبو محمد]

1 دقيقه مضت, Scorpion said:

يا مصطفي باشا تعيبوا علي البعض دفاعهم عن جيش بلدهم .. و  هناك مننا من يقوم بالمثل .. و لكن مع كل الجيوش الأخري ما عدا جيش بلدهم !!!

عجبي ...

 

 

[أبو محمد]

3 دقائق مضت, Scorpion said:

يا مصطفي باشا تعيبوا علي البعض دفاعهم عن جيش بلدهم .. و  هناك مننا من يقوم بالمثل .. و لكن مع كل الجيوش الأخري ما عدا جيش بلدهم !!!

عجبي ...

 

[أبو محمد]

4 دقائق مضت, tarek hassan said:

مسكين المواطن اللي زيي اللي مبيعرفش إنجليزي .... 

وبيصدق اللي بيتقال له .... عن الشفافية الوهمية الأمريكية 

هار أسود على رأي حزلقوم 

على فكرة يا أستاذ طارق .. فيديو التريليونات اللى مش عارفين اتنطرت هنا ولا هنا مش هزلى زى بتاع (لا مؤاخذة ده سر)

ياريت تحكيلى النكتة بتاعة (لا كهربائى ولا يفهم فى الكهربا)

[Scorpion]

16 دقائق مضت, أبو محمد said:

 

أصبر علىّ أروح اتحزم .. قصدى أدور فى النت .. واجيلك

والنبي ما انت قايم يا ابو محمد ... شفايفهم مديانا كل حاجة ... قصدي شفافيتهم مديانا كل حاجة ..

في الدنيا كلها بيقولوا  ال Top 10 لأي حاجة .. اغاني .. حيوانات ... حوادث ... دايمآ  10

لكن الأمريكان دول جبابرة ... ييجوا للبيزنس بتاعهم و يعملوا ال Top 25 ...  افترا بقي و نظام حد ليه شوق في حاجة ..

فعشان كده ماحدش بستجري يجيب سيرتهم و كبيرهم يتنططوا علي جيش بلدهم .. 

 

The 25 Biggest Defense Companies In America

 

دول ال "البيجيست"  .. لكن فيه مقاسات كتيرة تانية ..

 

[White heart]

1 دقيقه مضت, أبو محمد said:

خلينا نتكلم فى البيزنس بتاع جيش "العم"

الـ Corps of Engineers أو بالبلدى سلاح المهندسين .. أنا اشتغلت معاه .. مش فيه يعنى

بالله عليك كيف يُمكن الوثوق في أى حرف سوف تكتبه اذا كانت المادة التى أقمت عليها موضوعك أساساً وخصصت من الوقت والجهد ما يلزم لترجمتها هى مادة <<< مـــــــزيـــــــفــــــة >>> ومفبركة مكانها المفروض ان يكون في باب دعوة الى الإبتسام ... وليس باب السياسة الداخلية، وحتى من بعد إثبات لك ولمتابيعينا تلك الحقيقة لم تعتذر، بل اتبعت أسلوب التشكيك و"يمكن" وتستمر وكانه امر عادي لا غبار عليه !!! ناهيك ان تلك هى المرة الثانية في ذات الأسبوع التى تسوق لنا <<< أكاذيب >>> على انها حقائق ... فالأولى كانت مسألة المخزون الإستراتيجي للجيش .. واتضح ايضاً خطأها وأيضاً لم تعتذر عنها ... أى شفافية ومصداقية تلك التى نريد قواعدها أن تُرسى في بلدنا ان كان بعضها هو من على هذه الشاكلة في داخل بيتنا نحن انفسنا؟!؟!؟