نهج البتاع

[ابو احمدين]

[ نهج البتــــاع ]

نجمك ياصاحب البتـــــاع.....عالي مالهوش إفـــــــول

زلزال وهز البتـــــــــــاع.....ولسه له مفعــــــــــــــول

لك باع طويل فى البتـــــاع.....ع الظلم سيف مسلــــول

لطش فى كل بتـــــــــــاع.....ما عَـتـقـش ولا مسئـــول

واما خادوك ع البـتـــــــاع.....انت وشيخ مهـــــــــــزول

عدى حدودنا البتـــــــــــاع.....لفرنسا واسطنبــــــــــــول

لذا أهدي صاحب البتـــاع.....أجمل سلام موصـــــــول

لما يصول بالبتــــــــــاع.....فوق الورق ويجــــــــول

يحلو طعم البتـــــــــــــــاع.....والشهد يصبح قــــــــول

من فرحتي بالبتـــــــــــاع.....انا صاب بتاعي ذهـــول

رشق البتاع فى البتــــاع.....غنيت على الأرغـــــول

مقصورة فيها بتـــــــــاع.....والكورة دخلت جــــــول

هتفوا البتوع للبتــــــــاع.....لو حتي كان مسطـــــول

وحسب قانون البتـــــــــاع.....ركب البتاع دلــــــــدول

على حِس ضربة ْ بتـــــاع.....قاعد وله كام حُــــــــول

النيل وله بتاعـــــــــــــين.....هما شهود وعـــــــــدول

شايفين خراب البتــــــــاع.....اسمعنا يا ابوالهـــــــــول

جفت دموع البتــــــــــاع.....ونشفوا المبلـــــــــــــــول

زرق ومرق البتـــــــــاع.....فى الارض والمحصــول

سمم عيدان البتـــــــــــاع.....والكبد بات معـلـــــــــول

حتى الكلى فى البتـــــــاع.....ما عاد يفيد محـلـــــــول

وصل البتاع للركــــــــب.....والنهب ده له أصـــــول

وخصخصوا لنا البتـــاع.....والستر مش مأمــــــول

ولما زاد البتـــــــــــــــاع.....صبح البتاع معــــــزول

مزنوق فى شرم البتـاع.....بيفلـِّي راس الغـــــــــول

ولما شاف البتــــــــــاع......فارد دراع مفتـــــــــول

مغرور وفقد البتـــــــــاع.....عـينه عـلى البتــــــرول

سجد له كل بتــــــــــاع.....رفعوا ايدين وديــــــــول

فتح البتاع للبتــــــــــاع.....وعدى كام أسطــــــــول

علشان معاهدة ْ بتـــاع.....مطبوخة فى الاناضــــول

ضربوا هناك البتــــــــاع .....نهبوا الاثار وعقـــــــول

مال البتاع ع البتــــــــاع .....فاعل على مفعـــــــــول

وحق شهر البتــــــــــــاع .....قلبي يا ناس مغلــــــول

والناس كتيرفى البتـــــاع .....عاوزين خلاصة ْ القول

ومهما طال البتـــــــــــاع .....الفجر جـاي على طــول

** هذه القصيدة معارضة للقصيدة الشهيرة للشاعر الاشهر ابوالنجوم .