الجواز .. ميزانية الأسرة

[abofasad]

ابني عايز يتجوز

سألني .. ازاي اوزع ميزانية الأسرة

يعني اوزع مرتبي ازاي

اذا بالنسب

كام % للسكن وكام للأكل وكام ..... الخ

طبعا انا رديت عليه من واقع خبرتي

ولكن عاوز اعرف رأيكم

انتم يا شباب المحاورات اللي دخلتوا دنيا جديد

بتتصرفوا ازاي.. وهل المرتب يكفي آخر الشهر؟

اما كبار المنتدى ..

ما هي خبرتكم

منكم نستفيد

ابو فصاد

(ابو شاب على وش جواز)

[wagdi]

الفاضل أبو فصاد...

هو الموضوع نسبي بحت...على حسب المستوى والمرتب والظروف وقبل ده كله أولويات العرسان...

يعني السكن في شقة ملك بيستلزم مبلغ كبير في الأول بس مافيش إيجار كل شهر...

والعروسة ست بيت شاطرة تعرف تشتري وتوفر وتطبخ وكده، ولا لسة بتتعلم وحيقضوا أول سنة كنتاكي....

وهل ناويين يجيبوا أطفال على طول ولا حايستنوا شوية لأن الطفل له حسبة تانية لوحدها...

وهل ناويين يوفروا مبلغ كل شهر مثلاً لليوم الاسود ولا نظام "إن لم ياتك ما في الغيب بكره تلاقي الف حبيب"...

والقائمة طويلة...

ولا يستطيع أحد ان يحدد نسب بعينها لكل بند...ولا حتى حضرتك أقرب الناس له...

هو الي لازم يحسبها بنفسه...

وتمنياتي له بالتوفيق...

[abofasad]

هناك نظرية بتقول

1 - الثلث للسكن - ويقصد بالسكن هنا اما الايجار او القسط الشهري لشراء شقة، لأن البنوك في اوروبا عندما تعطيك قرضا لشراء شقة فانها تراعي الا يزيد القسط الشهري عن ثلث المرتب

2 - والثلث للمعيشة - ومعناه الاكل والشرب والملبس وكل المستلزمات الاخرى ما عدا السكن

3 - الثلث الاخير - للادخار

طبعا في كثير من الاحيار قد يزيد الصرف في احد البنود وطبعا يعوضه الوفر من الثلث التالي وفي النهاية بشرط عدم تجاوز المرتب

ما تقدم هو نظرية عامة ولكن لكل نظرية تفسيرات عدة

فما رأيكم؟؟؟؟؟؟؟؟؟؟؟؟؟؟؟؟؟