رحلات الموت

[herohero]

26 minutes ago, أبو محمد said:

ردا على مداخلتك هذه وعلى مداخلتك تلك
أنا عملت اللى علىَّ ونبهت وحذرت
إيه اللى خلاك تقرا كلام الجارحى "الجارح" ؟
ليه تعكر صفو "مزاجك" بكلمتين زى دول ؟

 

 

بشمهندس أبو محمد انا بكلمك وانا في مصر وشايف فعلا الواقع وبصراحه كل اللي اقدر اقوله لك ان حضرتك أكيد عايش في مصر ثانية 

انا شايف الاسعار مرتفعه جداجدااااااا ، وأنا عشان ارتاح نفسيا بتعامل ع اني بصرف بالريال وبقول فعلا الله يكون في عون الناس 

طبعا اقصد الناس اللي عايشة ع مرتباتها او معاشاتها 

انما الناس اللي بشوفها في هايبر وان واقل صرفية لها 700 جنيه وحاجات انا شايفها فعلا مالهاش لازمة دول مستحيل يكونوا ناس بتشتغل شغل عادي دول هليبة 

لان حضرتك بكل بساطة انا مش شايف صناعة مصرية

انا بكلمك ع منتجات في هايبر وان مستوردة  وطبعا ده هلك للدولار  والمستفز ان عندنا بدائل لها مصرية 

 

عارف ان كلامي ما يعجبش حضرتك وكثيرين ممن مصريين ع الاستمرار في القاء اللوم ع الناس بنت ستين .... وان الشعب هو السبب في السفه الاستيرادي

وبكل استفزاز الاعلام وكثيرين عمالين بنظروا وبيلوموا الناس اللي ف مراكب الهجرة غير الشرعية

 

طب ياسيدي اسمع مرة لوم ع اللي كل شوية عمالين يعملوا طرق وشقق وشغل مقاولات وماشوفناش ولا مصنع !!!

ماشوفناش قوانين تشجع ع الاستثمار الا اذا حضرتك تقصد ان بطالة الشباب هتحل بالتوك التوك وعربيات الفاكهة !!!

 

اتعجب ان حضرتك وكثيرين من اللي بيلوموا الشباب ماشوفناش انهم بيتكلموا ع دور الحكومة في توفير مناخ مناسب للاستثمار موضوع السوريين والهبل ده احب اقول لحضرتك ان من زمااااااان المطاعم السورية هي المسيطرة مثلا في الخليج وان المحلات غالبيتها سوريين يعني ده شئ طبيعي مش جديد السوريين تجار شطار

فياريت الحكومة توفر المناخ المناسب للاستثمار اللي كلنا شايفين انه مش متوفر وتعالى شوف المصانع اللي بتقفل وانا في العاشر من رمضان وشايف السوق متنيل ازاي 

ومصانع العربي مثلا بتعاني اشد معاناة وفي الاخر الاقي حضرتك وطقم المهللين والمباركين في الاخر بيلوم ع الشعب والشباب

فين دور الحكومة الرقابي 

انما للاسف يابشمهندس حضرتك وكثيرين مادام اللي بيحصل في عهد س س يبقى كل اللي بيحصل زي الفل وتمام التمام

عموما ربنا يكرم كل واحد ويحط ابنه او اخوه في الظروف عشان يحس ماهو اللي ايده في النار مش زي اللي ايده في الميا الساقعه 

[herohero]

عموما ياريت الادمنز يضعوا من ضمن قوانين المنتدى ان يعاقب المتشائم ،كي لانكون اقل مما يحدث في البلد واتعرض انا وامثالي للقبض عليه بتهمة نشر مناخ التشاؤم ،من خاف سلم

مرحبا في الدولة المستهبلة 

 

 

[Grandma]

21 ساعات مضت, White heart said:

ها ... ازى حضرتك؟ يا ترى لاحظتي معانا بنفسك "انسانية اوروبا" ... والا لسة محتاجة مصادر أكتر؟

يا بخت أوروبا بحضرتك ... ياريت مصر كان عندها محامي شاطر زيك 

عموما اذا كنت غلطت واعتمدت على مصدر عربي فدا لاني بثق في المصادر العربية ومش براجع وراها ، ولاني قرات نفس الخبر في أكثر من موقع فاعتقدت انه صحيح . على اي حال برضو  دول الاتحاد الاوروبي  مش بالانسانية و البراءة اللي بيتظاهروا بيها ... ماهما اللي مساندين اسرائيل ومساعدنها انها تدوس على الشعب الفلسطيني . عموما مش موضوعنا 

اشكرك على النصيحة القيمة اللي هحاول أعمل بيها .

 

[أبو محمد]

18 ساعات مضت, Grandma said:

دول الاتحاد الاوروبي  مش بالانسانية و البراءة اللي بيتظاهروا بيها ... ماهما اللي مساندين اسرائيل ومساعدنها انها تدوس على الشعب الفلسطيني

الأخت الفاضلة Grandma
إزاى بقى مش موضوعنا ؟ !
هى مشكلة فلسطين إيه اللى معقربها ؟ .. مش مشكلة اللاجئين ؟
طيب ورحلات الموت اللى بنتكلم فيها دى رحلات إيه ؟ مش لاجئين ؟
بس لاجئين بأساليب مختلفة ولأسباب مختلفة منهم الأفارقة ومنهم السوريين الهربانين
ومنهم لاجئين إلى دول أوروبا هربا من القرية الظالم أهلها اللى اسمها مصر
طيب ممكن نفهم إيه الحكاية اليومين دول .. وليه الاتحاد الأوروبى مهتم بينا أوى كده ؟
وليه أوروبا عاوزة تعمل من مصر وليبيا محطتين لتجميع اللاجئين ؟
وليه عاوزين يعملوا معانا اتفاقات بخصوص المهاجرين ؟
على فكرة الشعب الليبى بيسب ويلعن فى الخطة الأوروبية (وبلاش المؤامرة عشان دى كلمة بتعمل هسهس)
وبيفكروا بعض على صفحات الفيس بوك بمخيمات اللاجئين الفلسطينيين فى لبنان وسوريا والأردن
(اللى تحولت إلى مدن ومش خيام زى بعض الناس ما هى فاهمة)
إدخلى حضرتك على الخبر ده .. بتاريخ أول أمس
"طريق البلقان".. دعوات لاتفاق هجرة مع مصر وإنشاء "مدينة اللاجئين" بليبيا
وبعد ما تخلصيه ، تجيبى "خبر الست ميركل" اللى طلع النهار ده
ميركل: الاتحاد الأوروبى بحاجة لاتفاقيات مع مصر وتونس بشأن المهاجرين
وبتتكلم عن اتفاقيات بشأن المهاجرين مع مصر وتونس (ما جابتش سيرة ليبيا !) على غرار الاتفاق مع تركيا
(على فكرة الأغا ابتز الاتحاد الأوروبى فى تقريبا 6 مليار دولار عشان يحوش اللاجئين عنهم)
الجماعة الأوروبيين دول ناس كيوت خالص ما يتخيروش عن ولاد عمهم سام

 

[White heart]

12 ساعات مضت, Grandma said:

يا بخت أوروبا بحضرتك ... ياريت مصر كان عندها محامي شاطر زيك 

يعني انا كـــ مـــــصـــــري أصيل  ... كنت واضح وصريح ومُحدد، وأفصحت عن هدفي الحقيقي من التوقف عند نقيصة الإشـــــــــــاعـــــــــات في كل مرة يقع نظري على إحداها .. والإجتهاد والمساعدة أول بأول على وضع للجميع (متفالعين ومتابعين) الحقائق ومن مصادرها الأصلية ... وسألتك حتى بكل وضوح:

في 9/25/2016 at 23:54, White heart said:

 الا تتفقي معي بأن دورنا هنا جميعاً في هذا الصالون الثقافي أن نجتهد لنكون على قدر المسئولية والجدية والأمانة في نقل المعلومات والأخبار من مثل هذا النوع، ومن أن هناك البعض سواء من داخل صالوننا او من خارجه ممن سيقومون بدروهم بالنقل عنا هنا وهناك ... لينقل بعدها عنهم آخرين .. الخ ... ؟

تقومي برضه معلقة بالتلميح دة؟!!! 

اقتباس

عموما اذا كنت غلطت واعتمدت على مصدر عربي فدا لاني بثق في المصادر العربية ومش براجع وراها، ولاني قرات نفس الخبر في أكثر من موقع فـ اعتقدت انه صحيح .

مش لوحدك .... وهى دي واحدة من الكوارث من وجهة نظري .... ليه حضرتك؟
1- لأنه اذا كان الكثيرين من مثقفي مصر بوجه عام، وهؤلاء ممن من المفروض انهم عاصروا حقبة بداية "الجمهورية العسكرية" في مصر (إنقلاب عام 1952 الأول) ... من "المفروض" انهم يعلمون تمام المعرفة كيف ان واحدة من أهم وسائل غسيل العقول، هى الإعلام الموجه، ومن ضمن أهم مواد الإعلام الموجه هذا، هى تلك الأنواع التي تتدرج ما بين التحوير، والتلبيس، والفبركة والتزوير ... إنتهاء بالكذب .... اذا كان هؤلاء اليوم يقعون في نفس ذات الفخ، والمُدهش ان من ينصبون هذا الفخ، هم أنفسهم من التابعين والمحسوبين على، وخريجي ذات تلك المدرسة "العسكرية" ... فما بالنا بالباقين من أنصاف المتعلمين والآميين ... وهم بكل أسف الأغلبية، ماذا ننتظر منهم أن يُصدقوا تحديداً؟؟؟!!!
2- الإشــــــــــــاعـــــــــــــــــات (والآكاذيب) ... التى أشار اليها زميلنا العزيز MZohairy ورأى انها واحدة من المشاكل ، في واحدة من تعليقاته مؤخراً في واحد من الموضوعات الذي وقع صاحبه هو أيضاً وأكثر من مرة في ذات الفخ مثلك:

في 9/8/2016 at 08:28, MZohairy said:

 ان الكثير من النقد مليئ بالاشاعات ...

<<< المفروض >>> أن تلك "الإشاعات" ومواجهاتها، لا تسير في إتجاه واحد ... وانما في الإتجاهين حضرتك ... ومؤكد (على الأقل بالنسبة لي) ان مواجهة تلك الإشاعات والآكاذيب، كأمر إيجابي ومحمود وهام جداً وللغاية، لا علاقة له لا بلون ولا بجنس ولا بمعتقد ولا بأصل ولا بموطن من يجتهد في ممارستها الى الدرجة التى تستدعينا الى التوقف -على سبيل المثال- لنتسائل (ولو تلميحاً) هل هو مصري أم أوروبي؟!؟!؟

اقتباس

على اي حال برضو  دول الاتحاد الاوروبي  مش بالانسانية و البراءة اللي بـــ يتظاهروا بيها

المُتظاهر بشئ ما .. غالباً ما يكون في موقف ضُعف ,,, لهذا يلجأ الى التظاهر بشئ <<< غير حقيقي >>> خوفاً ممن هم موقفهم أقوى ... فهل شرحتي لي .. ووفق القضية موضوع حوارنا هنا .. أى طرف تحديداً من وجهة نظرك هو من في الموقف الأضعف؟ من هو من بحاجة الي التظاهر بشئ غير صحيح ولماذا؟ هل يا ترى هو هذا الطرف <<< الطارِد >>> ... ام انه الطرف <<< المُستقبِل >>> ؟

اقتباس

على اي حال برضو  دول الاتحاد الاوروبي  مش بالانسانية و البراءة اللي بيتظاهروا بيها ... ماهما اللي مساندين اسرائيل ومساعدنها انها تدوس على الشعب الفلسطيني . عموما مش موضوعنا 

هو بالفعل مش موضوعنا ... ولكن للعزيز "أبو محمد" رأى آخر كما أرى ... ولهذا فلا مانع لدى أنا أيضاً في الحوار والمقارعة والمحاججة سواء هنا أو في أى موضوع آخر ... سنرى!

اقتباس

اشكرك على النصيحة القيمة اللي هحاول أعمل بيها .

عفواً ... بل انا الذي أشكرك على سعة صدرك، وعلى تفاعلك الإيجابي والمفيد معنا هنا بالمحاروات.
ارق تحياتي وإحتراماتي.

[Grandma]

8 ساعات مضت, White heart said:

يعني انا كـــ مـــــصـــــري أصيل  ... كنت واضح وصريح ومُحدد، وأفصحت عن هدفي الحقيقي من التوقف عند نقيصة الإشـــــــــــاعـــــــــات في كل مرة يقع نظري على إحداها .. والإجتهاد والمساعدة أول بأول على وضع للجميع (متفالعين ومتابعين) الحقائق ومن مصادرها الأصلية

هدف نبيل من مصري أصيل خصوصا ان مش الكل يستطيع التحقق  والرجوع الى المصدر الاصلي 
اللي بنقدر عليه و بنعتقد انه مصدر موثوق فيه بنحط اللينك بتاعه 
حضرت اخترت لنفسك مهمة شاقة و هي تصحيح مصادرنا 
يبقى احنا علينا نكتب ونهيص و حضرتك تصحح

 

9 ساعات مضت, White heart said:

مش لوحدك .... وهى دي واحدة من الكوارث من وجهة نظري .... ليه حضرتك؟
1- لأنه اذا كان الكثيرين من مثقفي مصر بوجه عام، وهؤلاء ممن من المفروض انهم عاصروا حقبة بداية "الجمهورية العسكرية" في مصر (إنقلاب عام 1952 الأول) ... من "المفروض" انهم يعلمون تمام المعرفة كيف ان واحدة من أهم وسائل غسيل العقول، هى الإعلام الموجه، ومن ضمن أهم مواد الإعلام الموجه هذا، هى تلك الأنواع التي تتدرج ما بين التحوير، والتلبيس، والفبركة والتزوير ... إنتهاء بالكذب .... اذا كان هؤلاء اليوم يقعون في نفس ذات الفخ، والمُدهش ان من ينصبون هذا الفخ، هم أنفسهم من التابعين والمحسوبين على، وخريجي ذات تلك المدرسة "العسكرية" ... فما بالنا بالباقين من أنصاف المتعلمين والآميين ... وهم بكل أسف الأغلبية، ماذا ننتظر منهم أن يُصدقوا تحديداً؟؟؟!!!

 حضرتك افترضت اني مثقفة وبعرف لغات تساعدني في الرجوع للمصادر الاصلية ،  واني عاصرت الحقبة التاريخية دي  اللي هي بداية الجمهورية ... كلها افتراضات   
اما الاعلام الموجه فاعتقد انه موجود في  كل زمان و مكان مش خاص بمصر وحدها 

9 ساعات مضت, White heart said:

2- الإشــــــــــــاعـــــــــــــــــات (والآكاذيب) ... التى أشار اليها زميلنا العزيز MZohairy ورأى انها واحدة من المشاكل ، في واحدة من تعليقاته مؤخراً في واحد من الموضوعات الذي وقع صاحبه هو أيضاً وأكثر من مرة في ذات الفخ مثلك:

ما يقع الا الشاطر 
احنا عندنا حسن نية بنصدق كل الناس

 

9 ساعات مضت, White heart said:

المُتظاهر بشئ ما .. غالباً ما يكون في موقف ضُعف ,,, لهذا يلجأ الى التظاهر بشئ <<< غير حقيقي >>> خوفاً ممن هم موقفهم أقوى ... فهل شرحتي لي .. ووفق القضية موضوع حوارنا هنا .. أى طرف تحديداً من وجهة نظرك هو من في الموقف الأضعف؟ من هو من بحاجة الي التظاهر بشئ غير صحيح ولماذا؟ هل يا ترى هو هذا الطرف <<< الطارِد >>> ... ام انه الطرف <<< المُستقبِل >>> ؟

لا معليش مختلفة مع حضرتك هنا 
المتُظاهر مش لازم يكون في موقف ضعف ليُظهر خلاف ما يُبطن 
و بعدين هي الحرب العالمية الاولى و التانية و الاستعمار و احتلال البلاد و العباد وحرب فيتنام و قنبلة هيروشيما   دي كلها عمايل اوروبية راقية ولا عربية همجية ؟

9 ساعات مضت, White heart said:

هو بالفعل مش موضوعنا ... ولكن للعزيز "أبو محمد" رأى آخر كما أرى ... ولهذا فلا مانع لدى أنا أيضاً في الحوار والمقارعة والمحاججة سواء هنا أو في أى موضوع آخر ... سنرى!

 

حضرتك حتحاجج ابو محمد كمان في موضوع اللاجئين الفلسطنيين !!
عند حضرتك مصادر اجنبية بتثبت ان اسرائيل مش هي اللي شردت الفلسطنيين مثلا ؟!!

9 ساعات مضت, White heart said:

عفواً ... بل انا الذي أشكرك على سعة صدرك، وعلى تفاعلك الإيجابي والمفيد معنا هنا بالمحاروات.
ارق تحياتي وإحتراماتي.

و أنا بدوري اشكرك واشكر سعة صدرك على تحمل حواري بمصادره المشكوك فيها و الموجهة

عاطر التحايا 

[White heart]

22 ساعات مضت, أبو محمد said:

الجماعة الأوروبيين دول ناس كيوت خالص ما يتخيروش عن ولاد عمهم سام

في عالم الأوطان والمواطنين والسياسات الخاصة بالجماعة الأوروبيين هؤلاء ,,, مافيش حاجة اسمها دولة أو ساسة  "كيوت" ... أو " إنسانيين" .... فمثلما ليس هناك خلط بين الدين والسياسة ... فأيضاً ليس هناك خلط بين العواطف  والمشاعر الإنسانية بالسياسة ... وانما فقط وفقط الــــمـــــصــــالــــح .... مصالح المواطنين والوطن أولاً وأخيراً ... وليس أدل على صحة هذا الكلام الا -على سبيل المثال- تلك الصورة وقصتها التى أرى ان لها علاقة وثيقة بمشاركتك تلك .. ولهذا إخترتها كمدخل للتعليق على مشاركتك أنت:

اقتباس

إزاى بقى مش موضوعنا ؟ !
هى مشكلة فلسطين إيه اللى معقربها ؟ .. مش مشكلة اللاجئين ؟
طيب ورحلات الموت اللى بنتكلم فيها دى رحلات إيه ؟ مش لاجئين ؟

لا اعلم لماذا عندما قرأت تلك المقارنة تذكرت عبارة وردت في مسرحية "ماما أمريكا":
"... عايش: انا وانت بنشرب من ميه نيل واحد يبقى لازم نتجوز ... "
!!!
ايه بس اللي لم الشامي على المغربي يا عزيزي ؟!؟!؟
بقى اللي معقرب ما يُسمى بـــ "مشكله فلسطين" هى مشكلة اللاجئين؟ يعني ماكانتش من الأول خالص مشكلة رفض قرار الجمعية العامة التابعة لهيئة الأمم المتحدة، القرار رقم 181 والذي صدر بتاريخ 29 نوفمبر 1947 .. ولا هى كانت مشكلة الثلاث لاءات الشهيرة بتوع قمة الخرطوم 1967: لا للإعتراف بإسرائيل، ولا للتفاوض معها، ولا للسلام معها ؟!؟!؟ ولا كانتش هى مشكلة رفض الإعتراف بإسرائيل كدولة يهودية ؟!؟!؟ ولا كانت هى مشكلة القدس ؟؟!؟؟
الأن أصبحت المشكلة هى مشكلة لاجئين ؟!؟!؟
حتى ولو سايرتك ... ما علاقة أسباب "لجؤ" الفلسطنيين .... بموضوع حوارنا هنا .. أى أسباب محاولات (في أيامنا المُعاصرة) الهروب الغير شرعية لمصريين الى الغرب أو الى دول اوروبا (اللي مش كيوت)، من أجل التقدم لاحقاً بطلبات الـــ "لجؤ" .... وللأسف يفشلوا .. ويموت معظهم غرقاً ... هل العلاقة بينهم هى مجرد تكرار وصف "لاجئين" في الحالتين ؟!؟!؟

اقتباس

طيب ممكن نفهم إيه الحكاية اليومين دول .. وليه الاتحاد الأوروبى مهتم بينا أوى كده ؟

حاضر .. بسيطة ... خلينا نحاول (مع بعض) نفهم ... في البداية بتقول اليومين دول ؟!؟!؟
اهى دي لوحدها اول مشكلة يا عزيزي .. انك فاكر ان "الحكاية" بدأت بس في اليومين دول !!!
1- ألم تقرأ اننا على بُعد عام من الإنتخابات التشريعية الآلمانية، وعن الخسارة الثانية يوم الاحد قبل الماضي التى منى بها حزب المستشارة الألمانية انجيلا ميركل (حزب الإتحاد المسيحي الديموقراطي) في الإنتخابات المحلية بالعاصمة "برلين" ... بعد خسارته الأولى في شمال شرق البلاد ... وبأن ملف إنفتاح هذا الحزب والمستشارة على اللاجئين وفتح الأبواب على مصراعيها لإستقبال اكبر عدد ممكن منهم، كان هو الملف الأبرز الذي أثر على الناخين ... وما تعنيه، وما سينتج عنها تلك الخسارة من إحتمالية خروجه من الحكومة المحلية لبرلين والتي يشارك فيها حتى الآن مع الإشتراكيين الديمقراطيين ؟

2- هل تعلم ماذا يعني أن يحقق حزب "البديل لأجل ألمانيا" اليميني (المناهض لسياسة استقبال اللاجئين) تلك المفاجأة بدخوله البرلمان المحلي ... وهذا بعد حصده ما بين 11،5 و12،5% من أصوات الناخبين؟

3- ألم تسمع من قبل عن مصطلح "فاض أو طفح الكيل" .. الم تقرأ عن واحدة من أهم واخطر "التحديات" المعاصرة التى تهدد دول الإتحاد الأوروبي؟؟؟
دعنا نقرأ سوياً هذا التقرير التفصيلي والثري: European migrant crisis حتى نفهم ان القضية لم تبدأ اليومين دول ...
 

أما مهتمين بينا أوى كدة ليه ... فبصراحة انا مندهش جداً من سؤال زى دة ... لكن وماله ... انا بأقول أحط الخريطة التوضيحية دي ممكن تساعدنا على فهم "سر" إهتمامهم العظيم بينا "اليومين دول":

1- تفتكر لو عكسنا الآية ... وكانت مصر هى اللي مكان ايطاليا في الخريطة دي ... ساعتها في تصورك ايه تحديداً هايكون رد فعلنا؟ انا بأقول وفق الأحداث التاريخية اللي مرينا بيها، فخريطة زى دي لو اتحطت قدامنا فعلى طول أول فكرة هاتخطر على بالنا ... ان دي ببساطة عملية غــــــــــــزو .... مش مجرد نزوح جماعي للاجئين غير شرعيين!!!

2- راجع التواريخ والأرقام التى وردت بالرابط الذي وضعته لك عالياً ... ولاحظ كيف ان الرقم 31.600 كان هو عدد المهاجرين الغير شرعيين الذي كانوا قد بدأوا في الولوج الى دول اوروبا، وعبر طريق واحد (الصحراء الغربية)  فقط في عام 2006 ... وكيف ان الطرق قد تطورت وزادت حتى اصبحت 8 طرق عوضاً عن طريق واحد فقط ... والأعداد بالتالي قد تطورت عبر الأعوام الأخيرة حتى وصلت العام الماضي الى 1,822,260 (طبعاً تلك هى فقط الأرقام التى أمكن تسجيلها وحصرها) مهاجر غير شرعي ... ولا ننسى ان العامل الأمني (مثلاً إندساس إرهابيين، او ما يُسمى بالخلايا النائمة في وسط اللاجئين) لا ننسى انه قد زاد، ووصل الى أعلى درجات الخطورة في الأعوام الأخيرة ... 

اقتباس

وليه أوروبا عاوزة تعمل من مصر وليبيا محطتين لتجميع اللاجئين ؟

1- راجع أول صورة قمت بوضعها لك عالية (المستشارة ميركل مع الطفلة الفلسطينية ريم وهى تبكي) فهى تفسر وجهة نظر الإتحاد الأوروبي بوجه عام، والألمانية (كقاطرة هذا الإتحاد) بوجه خاص ... يمكننا تلخيصها في جملة واحدة قالتها المستشارة للفتاة:

اقتباس

"... أنا أفهمك. لكن السياسة تقسو في بعض الأحيان. وحينما تقفين أمامي وأنت شخص لطيف للغاية، ولكنك تعلمين أنه في مخيمات اللاجئين الفلسطينيين في لبنان يوجد الآلاف والآلاف من الناس وإذا قلنا لا مانع أن تأتوا جميعاً ولا مانع أن تأتوا جميعا من أفريقيا. لا مانع أن تأتوا جميعاً، فلن يمكننا معالجة ذلك الموقف ..."

2- أعتقد انها لم تقل شئ فوق العادي ... بل مجرد بديهية من البديهيات ... وهو دة يا عزيزي الموقف المثال أو الرمز الذي قصدت ان أستشهد به ... وجهة النظر تلك تصب في مصلحة المهاجر كما هى في مصلحة الدولة المضيفة (رغماً عنها!) ... في جميع الأحوال هناك قاعدة ثمينة لدينا للأسف أضحت اليوم لدى الكثيرين بلا قيمة .. الا وهى انه "ما بنى على باطل فهو باطل"  ... لاجئ غير شرعي = باطل ... حتى ولو نجح في عبور أى حدود لدولة أوروبية ... ومهما حاول التخفي والإختباء ... فمن شبه المستحيل <<<اليوم>>> أن يصحح وضعه مُستقبلاً ويتحول من غير شرعي الى شرعي (أكذوبة همام في امستردام) ... اى كانت الوسيلة التى إتبعها للدخول أول مرة/ وليكن حتى بالحصول على "فيزا" سياحية لفترة محددة، وليكن 3 أشهر، ثم كسرها وبقى بالبلاد ... فاليوم الذي سيريد فيه "تقنين" وضعه -هذا اذا لم يتم توقيفه حتى قبلها!-  لا مفر من العودة الى موطنه الأصلي والبدء في إجراءات السفر كاملة من هناك !!! اذن وجهة النظر بإنشاء مراكز <<<شرعية>>> بالإتفاق مع حكومات تلك الدول التى معظم اللاجئين يتحدثون لغتها -أى انه عامل ايجابي- علاوة على قربهم من مواطن قدومهم الأصلية مقارنة ببعد المسافة في حالة اذا ما كانوا في أوروبا .. وتم رفض طلبهم باللجؤ ودعوتهم الى المغادرة والعودة الى مواطنهم ... ناهيك عن موقفهم عندما يتلقون هذا الرد السلبي وإمهالهم فترة محددة لمغادرة البلاد .... فبناء على تجارب الأوربيين في هذا الصدد التى هى ليست طيبة بالمرة ... لهذا فمن مصلحة الأوروبيين أيضاً ان يكون طالب اللجؤ في تلك المراكز بدول شمال أفريقيا، أو من دول إنطلاقهم ... بالتاكيد ستوفر عليهم الكثير من الأعباء المادية والمشاكل القانونية والأمنية ... في حالة اذا ما هرب اللاجي من مركز ايواءه، أو قام بالعمل بشكل غير قانوني (اسود) أو قام بإرتكاب جرائم جنائية .... او تكاليف إعادته .... الخ .... 
3- أمامنا الخريطة وموضح عليها نقاط إنطلاق المهاجرين الغير شرعيين، ثم راجع كل المصادر التى تناولت وتتناول تلك القضية على المستوى الرسمي، فستجد ان سابقة الإتفاق الذي قاموا بتوقيعه مع تركيا بشان مشكلة اللاجئين الغير شرعيين، كانت ناجحة تماماً، يأخذها القادة الاوروبيين كنموذج يُحتذى، ويُمكن تكراره شيئاً فشيئاً مع حكومات دول إنطلاق تلك الملايين الغير شرعية هنا وهناك ....

اقتباس

وليه عاوزين يعملوا معانا اتفاقات بخصوص المهاجرين ؟

1- لأننا أيضاً وببساطة دولة لدينا ساحل يمتد على مسافة 1050 كم من مدينة رفح في شرق مصر إلى السلوم في أقصى غرب مصر على الحدود الليبية على ساحل البحر الأبيض المتوسط ... علاوة على اننا قد صرنا على مدى الأعوام الأخيرة علاوة على "دولة إنطلاف" ... صرنا أيضاً  "دولة نفسها طاردة" ... الأوروبيين لم ينتظروا تلميح جنرالنا الرئيس الأخير الخاص بعدد الـــ 5.5 مليون لاجئ ببلدنا ... فنحن على خارطتهم (إحدى تحدياتهم) منذ أعوام.
2- لأننا دولة نامية .. وبحاجة نحن ايضاً الى المساعدة في ملف الهجرة الشرعية ... هناك دول متقدمة ومن داخل الإتحاد الاوروبي نفسه، عانت وتعاني من تلك القضية وطلبت المساعدة منه ... مثل اليونان وايطاليا.

 

يُــــــــــتـــــــــبــــــــــــع

[White heart]

اقتباس

على فكرة الشعب الليبى بيسب ويلعن فى الخطة الأوروبية (وبلاش المؤامرة عشان دى كلمة بتعمل هسهس)
وبيفكروا بعض على صفحات الفيس بوك بمخيمات اللاجئين الفلسطينيين فى لبنان وسوريا والأردن
(اللى تحولت إلى مدن ومش خيام زى بعض الناس ما هى فاهمة)

 

 

 

 

 

 

1- لو مشينا ورا كلامهم هانلاقي من كل شكل ونوع .. يعني مش نسخة واحدة زى ما بتقول ... يعني مثلاً هانلاقي اللي مسيطرة على تفكيره فكرة المؤامرة الكبرى أو الهسهس على حد تعبيرك بيكتب مثلاً:

اقتباس

لو هاجر 10 ملايين أفريقي الى أوروبا سيكون هؤلاء مخزون الجيش الذي تغزو به أوروبا كل شواطئ شمال أفريقيا وينهي "الاستعمار العربي " لشمال أفريقيا ويعود أوروبيا كما في الامبراطورية الرومانية.

ولو مش مسيطرة عليه فكرة المؤامرة او الهسهس هايكتب مثلاً:

اقتباس

لماذا على الساحل؟ بل يمكن لمجتمع الاتحاد الاوروبي تاجير مساحة ارض كبيرة على الحدود الجنوبية لليبيا يوجه اليها كل من يدخل ليبيا بغرض الهجرة الى اوروبا. هناك يتم النظر في قضاياهم كل على حدة و بتأني و في اثناء وجودهم يعتبرون اجانب على الارض الليبية في ضيافة الاتحاد الاوروبي و جنسياتهم تبقى الجنسيات الاصلية. في خلال وجودهم يمكن ان يستفيدوا من برامج تاهيلية تعلمهم لغات و تعدهم للعمل سواء في نفس هذا المكان او بعد عودتهم الى بلدانهم او بعد الموافقة عليهم و سفرهم لاوروبا. اعتقد ان هذا مشروع استراتيجي يعود بالكثير من الخير على الليبيين. و اعتقد ايضا ان لا مفر مستقبلا من شراكة مثل هذه بين ليبيا و اوروبا. و هذا رأي و يحتمل الصواب و الخطأ

2- مشكلة لاجئ المخيمات الفلسطينية في الدول الجارة مختلفة تمام الإختلاف .. وأرى فعلاً انه لا علاقة لها بموضوع حوارنا هنا ولا بتلك الفكرة "المجرية" بإنشاء مدينة "ترانزيت" بليبيا .. فساكني تلك المدينة (المقترحة):
أ- لن يكونوا من دولة واحدة ونزحوا معاً للبقاء في تلك المخيمات / المدن.
ب- من البداية تلك المخيمات أو المدن الفلسطينية كان مفهوم ضمنياً انها مدن إستطيانية بديلة بشكل مؤقت الى حين حل مشكلتهم يوماً، اى لم تكن تلك المخيمات او المدن (حلقة وصل) أو محطة "ترانزيت".
ج- لن يكونوا مسلحين، ولن ينفذوا عمليات عسكرية من أى نوع، سواء مع تلك في اوطانهم التى معها المشكلة، او مع بعض الجماعات أو ألأحزاب، فقسم يتبع فتح، والآخر حماس، وتالت يتبع "حرب الله" ... عمليات عسكرية مسلحة إنطلاقاً من آراضي الدولة المضيفة !!!

د- ساكني تلك المدينة لم يرحلوا من بلادهم الأصلية سواء هرباً من حروب أهلية أو سعياً الى مستوى معيشى اعلى وأفضل حتى يظلوا بالك المدن المقترحة، ليس من مصلحتهم البقاء في معسكر أو مدينة للاجئين على ساحل ليبيا .. اى انه في حالة رفض طلبه باللجؤ الشرعي، هو نفسه ومن تلقاء نفسه من سوف يرحل او يعود من حيث أتى .... بعكس المخيمات الفلسطينية ....

اقتباس

إدخلى حضرتك على الخبر ده .. بتاريخ أول أمس
"طريق البلقان".. دعوات لاتفاق هجرة مع مصر وإنشاء "مدينة اللاجئين" بليبيا
وبعد ما تخلصيه ، تجيبى "خبر الست ميركل" اللى طلع النهار ده
ميركل: الاتحاد الأوروبى بحاجة لاتفاقيات مع مصر وتونس بشأن المهاجرين
وبتتكلم عن اتفاقيات بشأن المهاجرين مع مصر وتونس (ما جابتش سيرة ليبيا !) على غرار الاتفاق مع تركيا

لقد اعدت قرأة مشاركتك تلك اكثر من مرة ... بما فيها فحوى الرابطين اللذان بالمناسبة مرتبطان ببعضهما ليس فقط من حيث الفكرة بل والمضمون ... والسبب هو انني توقعت انني ربما قد أجد في النهاية الإجابة على مسألة: "... طيب ممكن نفهم إيه الحكاية اليومين دول ..." ... ولم أجد!!!
فأنت قد طرحت بعض الأسئلة ... وها قد اجبتك عليها ... حتى وصلت الى تلك الفقرة .. وهنا فقط اتضح لي ما تود الإشارة اليه:
" ... ما جابتش سيرة ليبيا ..."
هو دة بقى اللي مطلوب نفهمه ؟ مؤامرة .. او هسهس ؟!؟!؟
طيب معلش بقى .... آسف اني أقولك انها بكل تأكيد جابت سيرتهم وبكل وضوح لا يحتمل اى لبس ... بص معايا كدة هنا من فضلك هى قالت ايه حرفياً في أبريل اللي فات:

اقتباس

Angela Merkel  already looking to replicate the Turkey deal with Europe’s “many other neighbors,” Merkel told reporters Monday. Libya "gives us particular worry," so Germany is seeking to help build a unity government in the war-torn state under Fayez Serraj even without it having parliamentary legitimacy or an army at its command, she said.

   “A lot of refugees from Africa are in Libya,” said Merkel. “

Naturally, it's not as easy to conduct negotiations there and to get some kind of burden-sharing as with Turkey".

خسارة ... كان نفسي أعرف انت عايزنا "نفهم" ايه بالظبط بعد اسئلتك وتلوينك بالأحمر لكلمتي "اللاجئين" و"المهاجرين" .. والرابطين .. اللي حتى ما قدرتش تطلع منهم بمعلومة ان المستشارة الألمانية سبق واتكلمت فعلاً عن ليبيا وانها على قايمة الدول المطلوب عقد إتفاق معها، على غرار الإتفاق مع تركيا!!!
يالله مش مهم .. المهم ان الزملاء المتفاعلين والمتابعين يفهموا بنفسهم انه "الهسهس" طلع برضه هنا "فشنك" !!!

اقتباس

(على فكرة الأغا ابتز الاتحاد الأوروبى فى تقريبا 6 مليار دولار عشان يحوش اللاجئين عنهم)

معلش ... صحح معلوماتك:

اقتباس

Key points from the agreement

Turkey EU membership: Both sides agreed to "re-energize" Turkey's bid to join the European bloc, with talks due by July.

Financial aid:

The EU is to speed up the allocation of 3bn Euro ($3.3 bn) in aid to Turkey to help migrants

Visa restrictions: Turkish nationals should have access to the Schengen passport-free zone by June. This will not apply to non-Schengen countries like Britain.

One-for-one: For each Syrian returned to Turkey, a Syrian migrant will be resettled in the EU. Priority will be given to those who have not tried to illegally enter the EU and the number is capped at 72,000.

Returns: All "irregular migrants" crossing from Turkey into Greece from 20 March will be sent back. Each arrival will be individually assessed by the Greek authorities.

1- مبلغ المساعدات لتركيا الذي نص عليه الإتفاق مقداره 3.3 بليون دولار (مش 6 مليار تقريباً!!!)

2- ما فيش حاجة اسمها دولة "تبتز" 28 دولة !!!
3- مافيش حاجة اسمها 28 دولة من -دول العالم الأول- يخضعوا للإبتزاز وكمان يكونوا هما اللي عايزين يروحوا يوقعوا نفس الإتفاقية (الإبتزاز) مع أكثر من 5 دول كمان !!!

4- أكبر دليل انهم مش خاضعين للإبتزاز، انه حتى الإتفاقية دي مهددة بالتوقف عن العمل بها ... لأن الـــ 28 دولة دول رافضين لحد النهاردة ولأسباب تتعلق بمطالبتهم للحكومة التركية بتعديل قوانين الإرهاب وغيرها من القوانين اللي طالها تشدد أكثر من بعد محاولاة الإنقلاب العسكري الأخيرة في تركيا، وما تبعها من إعلان حالة الطوارئ، رافضين منح الميزة التانية اللي بتنص عليها الإتفاقية، واللي كانت هاتتيح للمواطنين الأتراك إعتباراً من شهر يونيو الماضي التمتع بالتنقل وعبور حدود عدد 26 دولة من أصل الــ28 .. والتى تُسمى بمنطقة "شينغن" بدون تاشيرة دخول.

[herohero]

ياريت الشباب - وخاصة شباب الاطباء والمهندسين 

يتعلموا من محمد رمضان وانا من ناحيتي هحاول اتعلم منه واستفيد من قصة كفاحه واد ايه هو بيفيد البلد ،كفاية تشاؤم بقى واستمتعوا بالنماذج الناجحه

 

 

[Grandma]

5 ساعات مضت, herohero said:

ياريت الشباب - وخاصة شباب الاطباء والمهندسين 

يتعلموا من محمد رمضان وانا من ناحيتي هحاول اتعلم منه واستفيد من قصة كفاحه واد ايه هو بيفيد البلد ،كفاية تشاؤم بقى واستمتعوا بالنماذج الناجحه

 

 

 

طب و ماله محمد رمضان ؟

فنان و مبدع ومجتهد فعلا 

يمكن استغل ابداعه بطريقة غلط ودا يؤخذ عليه ... لكن زي ما سمعته بيحاول يصحح مساره 

مش عيب الانسان يغلط لكن العيب انه يستمر في الغلط وكل دا لا ينفي عنه صفة الابداع 

انا شايفة في محمد رمضان نفس موهبة أحمد زكي 

دا شاب مصري كان بيحلم  احلام كبيرة زي كل الشباب و في زمن قياسي  وباجتهاده حقق كل أحلامه 

مش لازم يعني يبقى مهندس او دكتور علشان يوصل لاحلامه ودي رسالة كويسة للشباب برضو 

انت مش لازم تبقى خريج كلية من كليات القمة اللي هتموتوا نفسكم عليها علشان توصل لاحلامك 

مش كدا ولا ايه ؟ 

 

 

[herohero]

13 hours ago, Grandma said:

 

طب و ماله محمد رمضان ؟

فنان و مبدع ومجتهد فعلا 

يمكن استغل ابداعه بطريقة غلط ودا يؤخذ عليه ... لكن زي ما سمعته بيحاول يصحح مساره 

مش عيب الانسان يغلط لكن العيب انه يستمر في الغلط وكل دا لا ينفي عنه صفة الابداع 

انا شايفة في محمد رمضان نفس موهبة أحمد زكي 

دا شاب مصري كان بيحلم  احلام كبيرة زي كل الشباب و في زمن قياسي  وباجتهاده حقق كل أحلامه 

مش لازم يعني يبقى مهندس او دكتور علشان يوصل لاحلامه ودي رسالة كويسة للشباب برضو 

انت مش لازم تبقى خريج كلية من كليات القمة اللي هتموتوا نفسكم عليها علشان توصل لاحلامك 

مش كدا ولا ايه ؟ 

 

 

استاذتي الفاضلة ، النموذج اللي حضرتك معجبة بيه وبتشبيه بأحمد ذكي وظلمتي الابداع وقولتي انه بيقدم ابداع 

حضرتك تقدري تمشي ف الشوارع وتشوفي تاثير ابداعه ع الشارع ايه 

شوفي الشباب او الاطفال بيقلدوا تصرفات محمد رمضان وقصة شعره 

مصر مش محتاجه مبدعين في الفن دلوقت احنا محتاجين ندي قدوة للشباب من شخصيات اضافت فعلا وحققت للبلد 

مش شايف ان واحد زي محمد رمضان بيقدم ابداع او شئ بيفيد البلد 

وعموما هي مسالة نسبية وموضوع فشخرته بالعربيات ده شئ شايفاه بيشجع الشباب !!!! 

هو ده الشباب اللي عاوزينه ينتج ويصنع ويشتغل ؟؟؟

عاوزة الشباب يقلدوا ابداع محمد رمضان ويمشوا عريانين الصدر !!! ويبقوا بلطجية ويمسكوا اسلحه بيضاء ؟؟؟

احمد زكي كان بيعمل كدة ؟؟ هو ده الفن والابداع اللي مصر محتاجاه ؟؟

 

عموما النماذج كثيرة وكل واحد حر 

ومحدش ريبط تحقيق الاحلام بالكلية ولكن بلدنا محتاجه الطبيب الصح والمهندس الصح والفني الصح 

مش شايف اننا محتاجين الممثل اللي بينشر البلطجة دلوقت لان والحمد لله البلطجية مفيش اكثر منهم

 

وبعتذر لو خرجت عن سياق الموضوع 

عموما مصر فيها من المتناقضات اللي يجنن والناس سعيده بكدة ومستمتعة بس ياريت محدش يشتكي من غلو اسعار ولا اي شئ لان احنا نستحق أكثر من كدة

[Grandma]

2 ساعات مضت, herohero said:

استاذتي الفاضلة ، النموذج اللي حضرتك معجبة بيه وبتشبيه بأحمد ذكي وظلمتي الابداع وقولتي انه بيقدم ابداع 

حضرتك تقدري تمشي ف الشوارع وتشوفي تاثير ابداعه ع الشارع ايه 

شوفي الشباب او الاطفال بيقلدوا تصرفات محمد رمضان وقصة شعره 

مصر مش محتاجه مبدعين في الفن دلوقت احنا محتاجين ندي قدوة للشباب من شخصيات اضافت فعلا وحققت للبلد 

مش شايف ان واحد زي محمد رمضان بيقدم ابداع او شئ بيفيد البلد 

وعموما هي مسالة نسبية وموضوع فشخرته بالعربيات ده شئ شايفاه بيشجع الشباب !!!! 

هو ده الشباب اللي عاوزينه ينتج ويصنع ويشتغل ؟؟؟

عاوزة الشباب يقلدوا ابداع محمد رمضان ويمشوا عريانين الصدر !!! ويبقوا بلطجية ويمسكوا اسلحه بيضاء ؟؟؟

احمد زكي كان بيعمل كدة ؟؟ هو ده الفن والابداع اللي مصر محتاجاه ؟؟

 

عموما النماذج كثيرة وكل واحد حر 

ومحدش ريبط تحقيق الاحلام بالكلية ولكن بلدنا محتاجه الطبيب الصح والمهندس الصح والفني الصح 

مش شايف اننا محتاجين الممثل اللي بينشر البلطجة دلوقت لان والحمد لله البلطجية مفيش اكثر منهم

 

وبعتذر لو خرجت عن سياق الموضوع 

عموما مصر فيها من المتناقضات اللي يجنن والناس سعيده بكدة ومستمتعة بس ياريت محدش يشتكي من غلو اسعار ولا اي شئ لان احنا نستحق أكثر من كدة

ماحدش يقدر ينكر موهبة محمد رمضان رغم اني غير راضية عن اللي بيقدمه ورغم اني ما شوفتش افلامه لكن تابعت له بعض المسلسلات في بدايته وتنبأت له بمستقبل فني عظيم 

الفن مراية للواقع ...أحمد  زكي كان بيعكس واقع مجتمعه و كذلك محمد رمضان ... ودا هو الفرق بين أفلامهم 

انا مش عاوزة الشباب يقلدوا محمد رمضان... اصلا محمد رمضان هو اللي بيقلد الواقع 

تعريف الدراما  الارسطي هو انه فن المحاكاة ...يعني محمد رمضان هو اللي بيحاكي الواقع مش العكس 

لكن احنا كمشاهدين بنطلب منه انه يحاول يرتقي بالواقع و يحاول يقدم رسالة  بحيث يكَرَه الشباب في البلطجة و الادمان وما الى ذلك من سلوكيات يرفضها المجتمع 

دايما مجتمعنا بينظر للفن  و الفنانين باستعلاء و كأن الفنانين هم المتسببين في بوظان الدنيا 

ماحدش عاوز يعترف ان مجتمعنا بايظ بالممثلين او منغيرهم ... و ان الممثل هو نتاج البيئة اللي نشأ فيها

الكل ثار على المخرج خالد يوسف ايام فيلمه ( حين ميسرة ) رغم ان الواقع كان أبشع 

الفيلم دا بالذات انا بعتبره  Documentary بس الناس مش عاوزة تشوف واقعها 

وعلشان نربط اللي بنقوله بموضوعنا ( رحلات الموت ) و ما يبقاش اللي بنتكلم فيه خارج عن السياق 

الشباب في مصر بيحاول الهروب من الواقع اللي حضرتك بتشوفه  في افلام محمد رمضان و افلام خالد يوسف لمجتمعات أفضل و أرقى مع انهم لو ارتقوا بنفسهم داخل مصر لحسنوا واقعهم . 

الشباب دا متاح له يسمع اغاني لشعبان عبد الرحيم و موسيقى لموزارت لكن هو اللي بيختار نوعية الفن اللي بيحبها ... هو اللي بينجح امثال شعبان على الفن الراقي .

يبقى احنا كدا نلوم الفن و لا المُتلقي ؟!!

[أبو محمد]

مع إن الحوار اللى بدأه الفاضل هيرو بمحمد رمضان وعربياته يعتبر خارج الموضوع
إلا أننى أود أن أضع له نهاية - غير إشرافية - بتسجيل رأيى
مدرسة المشاغبين والعيال كبرت وأغنية "وانا ويايا باعيش" لمدحت صالح وشريف منير
أخطر بكتير من نموذج محمد رمضان .. مع كامل تقديرى لموهبته كممثل
من هنا بدأت عملية تدمير المجتمع من الداخل .... بكل نعومة
ونكمل فى موضوع جديد لو حبيتوا

[herohero]

16 hours ago, أبو محمد said:

مع إن الحوار اللى بدأه الفاضل هيرو بمحمد رمضان وعربياته يعتبر خارج الموضوع
إلا أننى أود أن أضع له نهاية - غير إشرافية - بتسجيل رأيى
مدرسة المشاغبين والعيال كبرت وأغنية "وانا ويايا باعيش" لمدحت صالح وشريف منير
أخطر بكتير من نموذج محمد رمضان .. مع كامل تقديرى لموهبته كممثل
من هنا بدأت عملية تدمير المجتمع من الداخل .... بكل نعومة
ونكمل فى موضوع جديد لو حبيتوا

أنا بعتذر عن الخروج عن السياق 

بس بصراحه انا نفسي حسيت بغصة ،، ان بلدنا بتشجع النماذج ده 

ونفس الغصة بشعر بها لما بشوف برنامج مصر تستطيع 

يعني عندنا نماذج ممتازة للاسف مش عاوزين نستعين بيها ونموذج محمد رمضان هو اللي الاعلام عاوز يشجعه رغم انه بيقدم نموذج سئ للفن

وهو باللي بيعمله بيشجع الشباب ع السعي للثراء بدون مجهود ولا علم ولادراسه 

 

واسف ع خروجي عن السياق