اللي مش عاجبه يمشي

[herohero]

On 9/25/2016 at 2:20 AM, أبو محمد said:

أستاذ وائل
أنا عاصرت 3 فترات
فترة كان المصرى - لكى يخرج من البلد - يحتاج إلى Exit Visa
وفترة كان البلد مفتوح على مصراعيه وكانت الدول الأخرى تفتح ذراعيها للمصريين
وها أنا أعيش فترة يجرى "التسويق" فيها للبلد على أنه "بلد طارد" .. ولا يرحب بلد آخر بهم

فى الفترة الأولى كان الشباب - وكنت أنا منهم - متذمرا غاضبا
فى أوائل الفترة الثانية هاجر كثير من الزملاء وبقى من لم يهاجر صابرا متحملا مسؤولية
(إزالة آثار العدوان)
وبعد ذلك خرج "الملايين" .. نعم "الملايين" من أبناء هذا البلد إلى كل حدب وصوب ومازالوا بالخارج
ولكن بدون هيصة وزمبليطة .. بدون شتيمة وقلة قيمة

الآن اتعجب وأسألك تفسيرا
كم عدد من يدفعون ثمن رحلات الموت ؟
ما مقدار هذا العدد مقارنة بحوالى 5.5 مليون لاجئ يدخلون مصر ويجدون عملا ويعيشون "داخل" البلد ؟
ويا للعجب .. يعمل عندهم مصريون
أشهد على ذلك الاسكندرانية الذين يسيرون فى شارع جمال عبد الناصر فى المندرة
بالقرب من حسنى "الكبابجى"
سيجدون محلات متنوعة .. فتحها سوريون .. ويعمل عندهم سوريون و "مصريون"

هذا يمثل لغزا أرجو أن تساعدنى على حله

كيف تكون مصر بلدا طاردا لأبنائه .. مستقبلا للاجئين الأغراب ليبدأوا من الصفر ؟
وتسير أمورهم على ما يرام .. فى هدوء .. بدون هيصة وزمبليطة .. بدون شتيمة وقلة قيمة ؟
1) تقرير للبنك الدولى يكشف: مصر بين أكثر 10 دول استقبالاً للاجئين
2) مصر الأولى فى معابر الهجرة غير الشرعية

ياريت حضرتك تضيف أيضا موضوع ان مصر فيها 2 بحر +1 نهر والاسماك فيها اسعارها مرتفعه 

واللحوم مرتفعة والدواجن اسعارها اغلى من الخليج وياريت كمان تضيف من ضمن الملاحظات ان السلع المستورده في مصر ارخص من الخليج 

ولما تلاقي تفسير لكل ده ،ياريت حضرتك تقول ليا هي المصانع بتقفل ليه في مصر ؟؟؟  وبتعاني من الحصول ع عمالة مدربة ؟؟؟ 

 

ولما تلاقي اجابات مقنعه لكل ده أكيد هتعرف ان السوريين طول عمرهم كده في الخليج وفي العالم كله تجار  واكيد انت عارف ان مفيش مصريين ناجحين ف التجارة لا ف الخليج ولا الغرب واكيد عارف ان العاملة المصرية غير مرغوب فيها 

طبعا اكيد العيب في الشعب ابن .... !!! 

ياريت بقى يا بشمهندس أبو محمد نخلص مرحلة ان الرئيس والحكومة زي الفل بس العيب في الشعب 

ياريت ندخل ع اللي بعده ولا لسه التوجيهات ماجتش 

[herohero]

On 9/25/2016 at 0:50 PM, Grandma said:

( اللي مش عاجبه يمشي ) جملة استعلائية سخيفة و مرفوضة 

أصل ( مصر ) مش العزبة اللي تركها و الد هؤلاء الاعلاميين 

مصر وطن لكل المصريين ومن حق كل مواطن يعيش فيها  ويتمتع بخيراتها واما  ما يعجبوش حاجة ينتقدها بمزاجه لانه عاوزها أحسن بلد

أما هؤلاء المساكين فلا يمكن أن يشمت فيهم أحد 

هم فريسة لتجار جشعين واحلام صوروها لهم عن ( بلاد برة ) غير حقيقية 

اللي قدر يجمع خمسين ألف جنيه تمن رحلته كان يقدر يعمل بيهم اي مشروع في بلده لولا الوعود والاحلام الكاذبة  اللي صورت لهولاء الغلابة انهم ممكن يردوا هذه الاموال أضعف مضاعفة 

ومش عاوزين ننسى تعاون بعض رجال الأمن ممن فقدوا ضمائرهم  مع تجار الموت الجشعين 

و الا فأين خفر السواحل ؟!!

هي المراكب دي بتتعبي وتسافر وتروح وتيجي و هي لابسة طاقية الاخفاء ؟!!

شىء لا يصدقه عقل . 

 

 

اه طاقية الاخفاء موجودة دلوقت في السوق

وبعدين بلاش حضرتك افشاء روح التشاؤم ده لان كده غلط 

واكيد حضرتك عارفه انها اصبحت تهمة الان 

[eslam elmasre]

كل الناس اللي تشفت في موت المصريين في رابعة هم نفس الناس اللي بيقولو على اللي ماتو في المركب احسن اهم غارو في داهية

مؤكد انهم فقدو  اخر ما يربطهم بالانسان وهو الانسانية و الرحمة

انا اؤيد الزميل وائل في قوله ان ال ٥٠ الف جنيه لا تقيم مشروع يدر مرتب شهري شبه ثابت يعادل ما يمكن ان يحصل عليه مقيم المشروع الا لو كان يتاجر في الممنوعات 

بالنسبة للاخوة السوريين الوافدين الى مصر فمن حمك معاشرتي لهم و تعاملي مع الكثير منهم فهم صنفان

صنف هرب بفلوسه ودول اللي عملو مشاريع في مصر وشغلو معاهم كثير من السوررين 

صنف تاني مش معدم اوي لكن معه ما يكفيه للخروج من سوريا يعني من يمثلون الطبقة المتوسطة وهم يمتلكون ما يسترهم في حياتهم وليس لديه استعداد للتضحية به تحت اي ظرف يمكن ان نقول عليه مستور الحال

اما المعدمين فليس لهم وجود في مصر بل مازالو متواجدين في سوريا سواء في بيوتهم او معسكرات اللاجئين في البلاد حول سوريا او داخل سوريا ذاتها

بالنسبة للصنف الاول فدول رجال اعمال او صغار رجال الاعمال فدول لم يتأثرو ماديا لان اعمالهم تدر ارباح سواء كانو في سوريا او غيرها من البلاد  ولا يعانون الا من الحنين للوطن وان  لا وطن الا سوريا

بالنسبة للصنف الثاني فدول عمال او كما يطلقون عليهم شغيلة او موظفين صغار في منشأتهم هؤلاء ليس لهم اي طموح سوى العيش عيشة كريمة الى ان يقضي الله امرا كان مفعولا والى ان يحين رجوعهم الى ارض الوطن فهناك ممتلكاتهم واراضيهم مازال منها ما هو موجود

الصنف ده هايخليني ارد على من يقول ان السوريين بيعملو في مصر وراضيين طب اشمعنى المصري ما يعملش زيهم

لو قلنا هايرضى يشتغل زيهم فاقول ان المرتبات في مصر بتكفي العيشة بالعافية ولا يمكن ان تنشأ شقة او ان تزوج شاب فقط بالكاد يعيش منها زي السوري اللي مكتفي بالحياة المستورة و ليس له اي طموح اخر فهو في رغد اذا قارناه بوضعه في سوريا 

هنا لابد من السفر او مساعدة الاباء واذا لم تتوافر مساعدة الاباء فليس هناك حل الا السفر

وبعدين الوضع في الارياف و الصعيد يحزن بجد

ممكن تلاقي بيت فيه خمسة في سن العمل واحد منهم هو اللي بيشتغل وبصرف على عشرين واحد في البيت طبعا غير الوضع في القاهرة و الاسكندريةاللي مفتوح نسبيا في سوق العمل