رفقاً بالمرفق

[tarek_almeghallawy]

هي حالة من الحالات البسيطة التي تحدث غالباً للأطفال

وعلى قدر بساطتها تسبب ألم شديد للطفل..وتسبب العكننة والكدر في البيت

وممكن تعدي الليلة من غير نوم..في الغالب سببها جذب أو شد أو نخع يد الطفل بالعافية

يترك الطفل يده جانباً ويرفض استعمالها أو رفعها لأعلى وممكن عيط وصريخ وحاجات بتاعة عيال كده ويزداد بكاؤه من أقل لمسة

سببها إيه الحالة دي..رباط عامل زي الميدالية ماسك في النتوء الخارجي لعظمة العضد

فوق المرفق وينتهي الرباط بدائرة حول عنق عظمة الكعبرة(محدش يضحك اسمها كده)

لما نشد يد الطفل تتحرك العظمة لأسفل والرباط لأعلى ليضغط على راس العظمة الدائري

لو ملعبكة مش مهم...أحياناً تحدث الحالة نتيجة السقوط على الأرض

المهم ..نعمل إيه من الصعب أحياناً تشخيص الحالة أو التفريق بينها وبين الكسر

لكن التاريخ المرضي للحالة يكون هو الفيصل في كثير من الأحيان

علاجها ببساطة وضع المرفق في وضع زاوية قائمة ولف اليد للخارج وإمساك المرفق براحة اليد الأخرى مع وضع الإبهام على راس عظمة الكعبرة(قلنا ما حدش يضحك)

لو ما عرفتش وفي الغالب مش ها تعرف.كل اللي عليك تعمل علاقة لليد وتعلقها في الرقبة

أحيانا يحدث تعديل تلقائي بمجرد التعديل.ولو ما حصلش تتفضل تدفع خمسين ريال وتيجيلي

أعملها لك وفيه خصم خاص لأعضاء المحاورات..رجاء رفقاً بالمرفق

شيلوا ولادكم من وسطهم بلاش من ايديهم ولو لزم الأمر

بالراااااااحة خالص

وربنا يخليلكم ولادكم

[tarek_almeghallawy]

pulled elbow

ملحق

اسم الحالة المرفق المملوخ أو المجذوب أو المشدود

كيف تعرف إن كل شئ رجع لحاله؟

إذا حسيت طرقعة خفيفة...طك..أثناء الرد

ربما يستمر الطفل في رفض استعمال يده حتى بعد رجوع كل شئ لمكانه

مفيش مشكلة...مجرد خوف لا يلبث أن ينقشع

الحالة لا تشخص بالأشعة يظهر كل شئ طبيعي

الحالة لا تحتاج إلى أي علاج آخر لاتثبيت ولا جبس ولا دواء

يصبح الطفل سليم تماماً

على بساطة الحالة لا يستطيع كل طبيب التعامل معها

ربما تتكرر الحالة مرة أخرى لتكرر السبب

مفيش مشكلة نفس الطريقة في الرد

الحالة لا تترك أثراً مستقبلياً حتى لو تكررت

دمتم بالصحة والعافية

[لخبطه]

عمنا طارق شكرا على المعلومة القيمة .............. بصراحه أنا سنة أولى أب فبهرج ديما واشيل البنت من ايديها كدا وهيا لسه 9 شهور أو ارميها كدا على سرير او حاجه ومامتها بتصرخ وانا اضحك لكن من كلامك الظاهر ان دا خطير والمفروض تجنبه ............ خلينا نسرق استشارة مجانيه بقا :wub:

البنت لغايه دلوقتى مش بتقدر تتقلب أثناء النوم يعني مش تقدر تنام على جنب أو تغير نومها من البطن للظهر وكدا يعني على الجانب اللى تنام تفضل عليه لغايه ما حد يقلبها وهكذا فهل دا مؤشر لحاجه غلط ولا طبيعي ولا ايه وجزيتم خيراً

[tarek_almeghallawy]

الأخ العزيز لخبطة

أشكرك

بما إنك أب جديد يعني بتتعلم الأبوة في بنتك..ربنا يحفظها ويبارك فيها ويسعدك انت وزوجتك وتشفوها عروسة

في الغالب مع الطفل الأول يكون هناك قلق زائد من الأبوين لعدم وجود خبرة سابقة

كثيراً ما يشتكي الأبوين من أشياء يلحظونها يبالغون فيها وذلك لحرصهم على أن ينمو طفلهم نمواً طبيعياً

هناك علامات للنمو يقيم عليها الطفل تقيماً كلياً حركياً وعقلياً

توجد بعض الإختلافات . بعض الأطفال تتأخر في بعض العلامات ويكون ذلك في الحدود الطبيعية

لابد من فحص الطفل إكلينيكياً للتأكد بداية من صحة ملاحظة الأبوين

يقوم طبيب الأطفال بمتابعة علامات النمو واختبار الإنعكاسات العصبية والجهاز الحركي للطفل

المفروض أن يفحص الطفل دورياً

ويمكن عمل ذلك الفحص أثناء التطعيمات الدورية

...في الطفل الثاني إن شاء الله تكونوا أكثر خبرة وتوفروا فلوسكم

........ربنا يرزقكم بالذرية الصالحة

[Reham]

يااااااه...رجعتني ييجي خماشر سنه وراء

لما كنت في اولي كليه وكنت باخد تشريح

الترقوه فاكراها وكمان عظمة القص واللوح :wub:

ألا ليت الشباب يعود يوما :angry:

شكرا علي هذه المعلومة الثمينة فكرتني برده باللي كنا بنعمله في ابني الكبير أول ماشرف....داحن كنا بنعمل فيه عمايل :D

علي فكرة......شكلك مش قريبي ولا حاجة بس هي تشابه اسماء فقط...لان قريبي ده المفروض يقوللي ياطنط و المعلومات اللي بتقولها دي ماتطلعش منه

وعلشان كده......اتفضل قدامي من سكات ومن غير فضايح علي موضوع نعرف بعض اكتر :)

وبعد كده لازم تقوللي ياطنط :P

[لخبطه]

شكرا عمنا طارق على الرد السريع والإهتمام وجزيت خيراً ............. بس بردو حولتني لزميل لك يعني مش عايز ترحمني من الخمسين ريال في كل الظروف لازم ادفعها

[tarek_almeghallawy]

شكرا عمنا  طارق على الرد السريع والإهتمام  وجزيت  خيراً ............. بس بردو  حولتني لزميل لك  يعني مش عايز ترحمني من الخمسين ريال في كل الظروف  لازم ادفعها

<{POST_SNAPBACK}>

احنا أي خدمة

محتاجين طبيب أطفال محاوراتي

العزيز لخبطة أشكرك لانك أوحيت لي بفكرة أعرضها على الأستاذ عادل أبو زيد

وهي مشروع علاج المحاوراتيين والمحاوراتييات..صح كده..

كنوع من أنواع التكافل بين الأعضاء

وأعتقد أن الأعضاء من الأطباء لن يتوانوا عن المشاركة.

أنا علي استعداد للمشاركة في الرياض في حدود إمكانيات عملي

أو بالنصح والتوجيه المباشر

[tarek_almeghallawy]

طنط / ريهام

أنت لسه ما حرمتيش بعد العركة اللي جرجرتك ليها

أنا هنا مستخبي ومداري ومش عايز مشاكل

عايز آخد رايك في موضوع

فيه عضو جديد بس إيه جامد أوي مسك رشاش وضرب دفعة طلقات مرة واحدة

وبعدين رمى الرشاش في البحر ولا كأن أي حاجة حصلت

أنا بافكر يعني با أفكر إني أرد عليه

إيه رأيك أخزي الشيطان وبلاش مشاكل؟ ياريت أقدر!

عموماً بما إنك قديمة في المحاورات وواصلة ومسموعة في الإدارة

وبما إننا كنا قرايب..لوحصل والدنيا شعللت

تتصلي بالمطافي

ولو الإدارة زعلت تتوسطي ليا عندهم

ولا خليني هنا أحسن.

[Reham]

طنط / ريهام

أنت لسه ما حرمتيش بعد العركة اللي جرجرتك ليها

أنا هنا مستخبي ومداري ومش عايز مشاكل

عايز آخد رايك في موضوع

فيه عضو جديد بس إيه جامد أوي مسك رشاش وضرب دفعة طلقات مرة واحدة

وبعدين رمى الرشاش في البحر ولا كأن أي حاجة حصلت

أنا بافكر يعني با أفكر إني أرد عليه

إيه رأيك أخزي الشيطان وبلاش مشاكل؟ ياريت أقدر!

عموماً بما إنك قديمة في المحاورات وواصلة ومسموعة في الإدارة

وبما إننا كنا قرايب..لوحصل والدنيا شعللت

تتصلي بالمطافي

ولو الإدارة زعلت  تتوسطي ليا عندهم

ولا خليني هنا أحسن.

<{POST_SNAPBACK}>

انا بقي مش بخاف ومش بحرم ومش بستخبي من حد :blink: :blink:

احنا هنا كل واحد حر في منبرحر....مش كفاية بره.... يبقي بره وجوه:)

حلوة منبر حر دي (شوية بكش من نفسهم :o )

اما بالنسبة لاي شخص يضايق سيادتك فانا هقولك تعمل فيه ايه ورزقي ورزقك علي الله وأرض الله واسعة

اقولك تعمل فيه ايه بقي :angry2:

بق بطنه بقيق ومتخافش وتاوي الجته :huh:

اي خدمه بس انت أشر....أو قول جزززززززززززززر

مش هتلاقيني طبعا

هو انا هبله....