خير إن شاء الله ؟ مبارك يعتذر عن القمة الأفريقية

[se_ Elsyed]

الموضوع ده بيفكرني بالوعكات الصحية اللي بيتعرض لها الرؤساء والملوك والسلاطين العرب .. وتظل في طي الكتمان إلى أن نُفاجأ بإن الوعكة كانت حاجة خطيرة .. وإن الإعلام كان بينيمنا ..

طب مش إحنا برضوا بنبقى أهل المريض ومن حقنا نعرف ؟

ولا هما بيبقوا خايفين على شعورنا وما حدش بيقولنا عشان ما نزعلش ؟

  مبارك يعتذر عن عدم المشاركة في القمة الأفريقية بالخرطوم

الرئيس في رسالة للبشير: أسباب خارجة عن إرادتي.. منعتني من الحضور

أثق في أن حكمة الرئيس السوداني والقادة الأفارقة ستؤدي إلي نجاح الاجتماعات

أبوالغيط يلقي كلمة الرئيس .. في الجلسة الافتتاحية اليوم

الخرطوم - عواصم العالم - محمد اسماعيل ورضوي السيسي:

وجه الرئيس حسني مبارك رسالة إلي الرئيس السوداني عمر حسن البشير سلمها له أحمد أبوالغيط وزير الخارجية خلال استقبال الرئيس السوداني له الليلة الماضية بالخرطوم..تضمنت الرسالة اعتذار الرئيس مبارك عن عدم المشاركة في أعمال مؤتمر القمة الأفريقي السادس الذي يبدأ اليوم.. قال الرئيس مبارك إن أسباباً خارجة عن إرادته منعته من حضور هذه القمة المهمة. خاصة انها تعقد علي أرض السودان الشقيق. وأكد انه كان حريصاً علي المشاركة في أعمال هذه القمة..أضاف الرئيس مبارك انه بالرغم من عدم تمكنه من المشاركة في القمة الأفريقية إلا أنه يثق في أن حكمة الرئيس السوداني عمر البشير والقادة الأفارقة ستؤدي إلي نجاح اجتماعات القمة..قال أبوالغيط في تصريحات له عقب استقبال البشير له: إن الرئيس السوداني أعرب عن تفهمه لاعتذار الرئيس مبارك.

[khedr]

انتم ناسيين اللي حصله اخر مره في اديس بابا

وقالوا مبعوتين من الخرطوم

لما نزل المطار سنه 1995

عرفتم ايه الوعكه

دي وعكه....واقعه

تم تعديل 24 يناير 2006 بواسطة medeokhedr

[عصفور طاير]

يتردد في أوساط عليمة ببواطن الأمور أن سبب اعتذار السيد الرئيس محمد حسني مبارك عن القمة اللإفريقية هو لوعكة صحية أصابت الماكيير بتاعة.. أما هوه فزي ال...حصان بسم الله ما شاء الله.. لكنه لا يستطيع أن يغادر غرفة نومه قبل أن يمر عليه الماكيير يصبغ له شعره ويركب له طقم السنان ويعمل له الماسك بتاعه اللي بيغطي التجاعيد، مع بعض الرتوش البسيطة من الألوان الخفيفة اللي بتوضح الملامح بعد الماسك.. والسيد الرئيس بالطبع حريص كل الحرص على تقديم وجه مصر في كافة المحافل على أحسن ما يرام.. فأرجوكم صلوا من أجل ماكيير الرئيس حتى لا يحرمنا من طلعته البهية.

[عصفور طاير]

[move]صلوا من أجل ماكيير الرئيس[move]

تم تعديل 23 يناير 2006 بواسطة عصفور طاير

[لخبطه]

مش عارف عمنا سي السيد فاكر قمة بيروت ولا لا............ سمعت الرايس في حاور صحفي قبلها ( وكانت الجزيره أعلنت أنه مش مشارك في القمه ) سألته الصحفيه تردد إن سيادتك مش هتشارك في القمة دا صحيح ورد الراجل باستهزاء غريب وقالها لا طبعا انا رايح ومشارك فسالته ليه الكلام اللى بيتردد ان سيادتك مش هتشارك فرد (إسالوا قناة الجزيره ) وضحك ........... إلى يضحكنا أكتر بقا أنه فعلا ما شاركش وبعت عاطف عبيد وطلع هو اللى مش عارف إذا كان هيشارك ولا لا وطلعت الجزيره صح من يوم الواقعة دي مر عليها تقريبا سنتين وانا بسأل نفسي ياتري مين اللى بيقرر أن رئيسنا يحضر أو ما يحضرش في القمم................ يجعل كلامنا خفيف عليهم

[عصفور طاير]

من يوم الواقعة دي مر عليها تقريبا سنتين وانا بسأل نفسي ياتري مين اللى بيقرر أن رئيسنا يحضر أو ما يحضرش في القمم................ يجعل كلامنا خفيف عليهم

يا عم لخبطة.. مش عايزين لخبطة :wub:

[MZohairy]

يابني خليك في حالك ليه كده بس؟

مايحضر ولا يعتذر انت خسران ايه ولا حتكسب ايه؟

يابني مانتش قده

خليك في حالك عيالك عايزينك

واحنا كمان

معايا ياحمد؟

[Abofady]

الراجل لسة مجعوز من اللى حصل له فى اديس ابابا , والعيار اللى ما يصبش .. يدوش .... الراجل لم يعد له اى نشاط يذكر فى المحافل الدولية ، لم يعد له الا احنا .... لما جاب لنا الفقر.. لا وبيقولك انفلونزا الطيور وصلت الشرقية ، طب مش يروح يشوفها .......متروحوش انتم

[khedr]

والعيار اللى ما يصبش .. يدوش ....

<{POST_SNAPBACK}>

يعني هو دلوقتي....

مابيسمعش