ماحدش عنده نكت جديده ؟

[سيزيف]

ايه رايكم نجمع النكت فى الموضوع ده

وانا هبتدى بنكته

ليه الصعيدى بينام و هو لابس النضاره ؟

عشان يشوف الاحلام كويس

طب ليه مرات الصعيدى بتنام و هى لابسه الكونتاكت لانسيز ؟

ابدا

بتنسى تخلعها قبل ماتنام :P

بايخه

مش كده ؟

[khedr]

في احدي بلاد الدنيا..مش بلدنا

نزل الرئيس يتفقد احوال الشوارع

وجد شارع اسمه....(شارع الحمار)...

فهاج وماج وطلب تغيير الاسم

وتم تغييره طبعا الي .

.(شارع الرئيس)...(الحمار سابقا)

بكرر حتي لا......بلد غير بلدنا

[mo_gho]

ليه الصعيدي الصغير أذكي من الصعيدي الكبير .؟؟؟؟؟

لأنه مابقالوش كتير صعيدي

مع كامل احترامي للصعايدة اللي والله العظيم بحبهم جدا وبيطلع منهم عباقرة مصر كلها والله بس معلش بقى القافية تحكم mfb:

[White heart]

:D :sad: :blush:

# مرة شاب كان في الحرس الجمهوري وفي اثناء التحضير لوصول طائرة رئيس الجمهورية ، قال الضابط للشاب: " لما يوصل الرئيس تطلق واحد وعشرين طلقة من بندقيتك " .

فرد عليه الجندي : " طيب افرض يا فندم انى ضربته من اول طلقة لازم اكمل الباقي كمان ؟

# واحد بلدياتنا عمل 2 إيميل، واحد دوت كوم للشتاء وواحد نص كوم للصيف

# قرية اهلها اشتكوا ان الامام يلقي خطب طويلة جدا جدا في الصلاة فاشتكوا الي الاوقاف التي ارسلت لهم اماما جديدا ولكنه كرر نفس المشكلة فاعادوا الشكوى فارسلت لهم الاوقاف شيخا آخر وحذرته من الاطالة وصل الامام الجديد فدخل المسجد وصعد المنبر وحيّا المصلين وسأل : اتعرفون قصة سيدنا يوسف عليه السلام؟ فرد المصلون كلهم: نعم فنظر الامام الى المؤذن وقال: اقم الصلاة ولما فرغ من صلاته استوقف الناس وسألهم: اتعرفون قصة سيدنا موسى عليه السلام؟ فرد المصلون : نعم فقال لهم : ماتجوش الجمعة الجايـــة

# واحدة قالت لخطيبها تعالى نلعب استغميه، و لو لقتنى هاخليك تبوسنى، و لو ما لقتنيش ها تلاقينى ورا الباب.

# واحد اسمه فادى قاعد يتشمس على البحر، ففيه واحده جنبه عايزة تتعرف بيه بأى طريقه، فراحت قايلة:

انا محروقة من الشمس، فصاحبنا رد عليها و انا فادى من الأرض.

# واحد بلديتنا طلع فوق الكوبري وقال يابوي كل دي بلكونة.

# بيقولك مره دكتور عيون قاعد هو وخطيبته عالكورنيش فبيقولها شايفا يا حبيبتى الورده دى

قالتله اه ياحبيبى راح مبعدها شويه وقالها طب كده شايفاها.

# مريض بيحلم كل يوم بكتاكيت بتلعب ماتشات راح للدكتور وحكي للدكتور الحكاية وانه بيحلم بكتاكيت بتلعب ماتشات الدكتور قاله بس هاقللك خد القرصين دوله وانت هتنام مش هتحلم باى حاجه رد المريض قله لا يا عم دة النهاردة النهائى.

# مرة ولد صغير بيسأل امه: ماما هو انا جيت ازاى. فردت عليه: انا حطيت معلقة سكر تحت السجادة و قعدت عليها و بعد ساعة رفعت السجادة فلقيتك - راح الولد عمل نفس الحكاية، و بعد ساعه بيرفع السجادة راح لقى صرصار، فراح قايله: لولا انك ابنى كنت قتلتك.

# مرة واحد مسطول قبض مرتبة وقاعد بيقسم المرتب مية جنيه ايجار مية جنيه مصاريف وعشرين جنيه حشيش البوليس خبط علي الباب قطع العشرين جنيه بتاعت الحشيش.

[مصرية الهوى]

** بيقولك مرة نانسي وأليسا و هيفاء ، راكبين قطار ، قالت نانسي : أنا بدي اتجوز عقيد ،

قالت هيفاء: أنا بدي أتجوز لاعب مشهور

قالت أليسا : أنا بدي أتجوز صيني ..

سمعهم واحد كان قاعد جنبهم قام قالهم : معاكم العقيد اللاعب المشهور شونغ يونغ ..

** بيقولك فيه مسطول داخل البيت لقى مامته بتحترق ، قالها : ايه ده يا حاجة ، دنتي منورانا النهارده

** بيقولك فيه اتنين مساطيل ، واحد سأل التاني يعني ايه حساس ، قاله: sensitive

قال: طيب وحشاش ؟ .. رده عليه : حشاش أكيد shenshtive

** بيقولك واحد مسطول يقول لصاحبه : يااااه الدنيا دي كلها مآسي ؟؟

رد عليه صاحبه : الله .. هو انت بتلبس مقاس كم ؟

** واحدة بتقول لجوزها وهما نايمين بالليل قوم يابو حسين احسن فيه حرامية في البيت قالها لأ قومي انت لايكونوا ستات

** مرة واحد جاب لمامته دواء يخليها ترجع 20 سنة ورا فتاني يوم راح لها وقال : ايه الحلاوة دي ومين العيل الصغير ده ؟ .. قالت له : يانهاري أصل ابوك شرب الدوا كله ..

** واحده بتقول لجوزها الحق ماما جالها تسمم ، قالها : يمكن بلعت ريقها ولا حاجه ..

** واحد بيقول لامه الراجل ده يبوس اختي ليه ، قالت : أصله هيتجوزها ... قالها: أمال بابا هيتجوز الخدامة امتى ؟؟

** واحد فشار اوي جاله واحد صاحبه قعد يقوله امبارح جالي ابولهب وابو جهل وكنا بنتغدا مع بعض ، قاله ياعم انت هتشتغلني ، قاله: وهشتغلك ليه امبارح كنا على طربيزة وحده ، صحبه كان هيتجنن المهم نزل من عنده لقى ابن الراجل قاله: صحيح الكلام ده قاله : كلام ايه ياعمو ، قاله: ابوك امبارح جاله ابولهب وابوجهل وكانوا بيتغدوا مع بعض ، قاله: بصراحة ياعمو انا مش عارف بس انا امبارح لقيت موكب من كم ناقة كده وكان مكتوب عليهم ملاكي قريش ..

** بخيل راح عشان يتجوز ابو العروسة بيقولوا احنا عايزين مهر عشرتلاف جنيه ، البخيل قاله: ايه عشرتلاف ده انا معروض عليا بالفين وحامل كمان !!

** مرة واحد بخيل شقته ولعت ادى المطافي رنة !!

** مرة واحد بيسأل مراته انتي بتحبيني اد ايه ؟ قالتله : اد ماانت بتحبني ، قالها : وليه كده انا عملتلك حاجه لاسمح الله !!

:D :blink: :blink: :D