كشري بصلصة الوطن

[ابو احمدين]

كشري بصلصة الوطن

أنا عاشق وليل ونهار

طبق كشرى بميةْ نار

وحبةْ دقة .. على ناصية

وعربية ساحبها حمار

شويةْ مش من زلعة

تكون قلعة

بتـتـشمس فى سطح الدار

وقرعةْ بوظة من (فاقوس)

وزير ميَّة وقلـّة وكوز

وغُرزة حلوة على ترعة

وتعميرة مع الولعة

اشد واغنى ع المزمار

ولا (البومة) تكون سامعة

ولا شايفة !!

هتسمع ايه .. وتفهم ليه ؟!

ما هي مسطولة زيِّـنا

وتايهة فْ بحر بلاوينا

ونسيِّت حتى أسامينا

دى نكبة معلمة فيـِّـنا

ونازلة فى بير مالوشِ قرار

أوامر أمَّها (الغولة)

جنيه عاجز وبيحسس

لا كان سكران ولا محَشش

وكان لازم يُخش النار

وانا عاشق وليل ونهار

أدق لها وأعمل زار

[khedr]

استاذنا:

شطتها زياده

[daktara]

هايل يابو الشراقوه يا ولد العم

انت فنان بجد

[Tafshan]

حلوة قوى يا ابو احمدين

مزاء الغيييير :wub: