رأيي الشخصي في المصريين

[MZohairy]

وطني حبيبي الوطن الأكبر

يوم ورا يوم امجاده بتكتر

وانتصاراته مليا حياته

وطني بيكبر وبيتحضر

وطني وطني

[wagdi]

مش عارف ليه موضوع فكرته حلوة يتحول بقدرة قادر لمهاترات مالهاش لزمة...

إيه إلى دخل الخليجيين أو غيرهم...

يعني هو انتوا ماشفتوش المصريين لما ربنا بيديهم قرشين بيعملوا إيه...

طب بلاش...

هل لو المصريين أصبحوا قوة نووية عظمى حايطيحوا في الناس زي الأمريكان؟...

نسيب إحنا بقى الكلام عن المصريين...وعن إزاي ممكن يبقوا قوة عظمى...وعن إيه إلى ممكن يعملوه وقتها...

ونتكلم عن الأمريكان...

وعلى رأي المثل "......قاله يابني تعالى عالهايفة وإتصدر..."

[fayrouz]

على فكرة انا شفت فى منتديات مصرية كلام اكثر فجاجة مليون مرة من ده للخليجيين شتيمة صريحة

كان يوم بلاك يوم ما كتبت خليجيين

اية يا جماعه ؟

انا وضحت الكلمه كنت اقصد بيها اية والاستاذ زهيري فهم قصدي من اول مرة

ومسحتها بم انها سببت سوء فهم عند بعض الناس وبردو فيه اصرار علي تحويل الموضوع عليها

خلاص يا جماعه انا بعتذر لتاني مرة

وارجواكم لا تفتروا عليا بالكذب اني بعمل فتنه وحاقدة ع الخليجيين والكلام العجيب دة الي ابعد مايكون عني

ولو الكلمه دي زعلتكوا للدرجادي انا مستعدة ماحطش كلمه في المنتدى تاني وتطلبوا من المشرف يلغي الموضوع وخلاص

[shazly]

مسألة واحدة أخفق فيها المثقفون المصريون .... أنهم لم يصلوا إلى " عم بركات البواب" لم يبذلوا أى جهد لصياغة الحلم المصرى الذى يلتف حوله كل المصريين تما كما إلتفوا حول شعار " الجلاء التام أو الموت الزؤام" فى النصف الأول من القرن العشرين.

"عم بركات البواب " لا يعرف ما هو الإستبداد و ماذا يعنى له إنهاء الإستبداد.

خالص إحتراماتى سيدى الفاضل :blink:.

[مصرية الهوى]

ولا بلاك ولا حاجه يا حبيبتي ..

يا فيروز يا حبيبتي ..

أنا فهمت انتي بتقصدي ايه على طول ..

انك بتقصدي اغنياء ..

بس في الردود اللي بعدك .. فهمت انهم بيقصدوا حاجه تانية ..

لأنهم قالوا اذا اغتنينا مش هنبقى زي الخليجيين ..

والعبارة دي هي اللي خلتني اسأل ..

بعدين رجعت وسحبت كلامي لما فهمت المقصود ..

وزعلت جدا من نفسي عشانك انتي بس .. عشان موضوعك اخذ منحى اخر ..

يا ريت تكوني فهمتيني .. وانا آسفة جدا يا روحي ..

والموضوع مكنش من المفروض ابدا انه يتحول لكده ..

ومقولة ان الخليجيين اغنياء .. مستوى دخلنا على مستوى اقتصادنا ... أسعار الحاجات عندنا على مستوى دخل الفرد .. ودلوقتي العيشة بقت غالية اوي .. حتى في الخليج ..

[مصرية الهوى]

وخودي الأغنية دي .. هدية مني ليك ولكل المصريين الجدعان :blink:

law sa2altak enta masry

[عادل أبوزيد]

ما حدث فى هذا الموضوع عبارة عن نموذج كامل ل كيف تتشتت الموضوعات و العبئ الأكبر على المشرفين هو العودة بالموضوع لسياقه الأصلى.

ما سبق كان إستهلالا لابد منه

كان واضح جدا أن عبارة "خليجيين" ليست إلا عبارة عارضة فى الموضوع و لا تعنى إلا الثراء ببساطة شديدة كما أن حذفها ما كان يضير الموضوع شيئا.

كما أننا نقول أن محاورات المصريين معنية بالمصريين و شئون المصريين و هذا كثير جدا و ليتنا نستطيع أن نبذل جهدا ذا وزن فى هذا الشأن و ليس قلة تقدير لمن حولنا من الأقطار الأخرى.

الفاضلة فيروز فتحت موضوعا فى غاية الأهمية و هو بإختصار شديد

إذا كان نفس المصريين المغلوبين على أمرهم هنا فى فى مصر يحققون نجاحا كبيرا خارج الحدود فالسبب ببساطة هو معطيات النظام هنا فى مصر .

هذه كانت مقولة الفاضلة فيروز فى موضوعها " رأيى فى المصريين " و طلبت منها أن تتصفح موضوع بعنوان صياغة الحلم المصرى

الحلم المصرى الذى يمكن أن يتحقق بتغيير معطيات النظام فى مصر حتى ينطلق العملاق المصرى و يعطى كل ما عنده و يسطر قصة نجاح فى كل جوانب الحياة.

[الرافعي]

ما حدث فى هذا الموضوع  عبارة عن نموذج كامل  ل كيف تتشتت الموضوعات  و العبئ الأكبر على المشرفين هو العودة بالموضوع  لسياقه الأصلى.

ما سبق كان إستهلالا لابد منه

كان واضح جدا  أن عبارة "خليجيين"  ليست إلا عبارة عارضة فى الموضوع و لا تعنى إلا الثراء ببساطة شديدة كما أن حذفها ما كان يضير الموضوع شيئا.

كما أننا نقول  أن محاورات المصريين  معنية بالمصريين و شئون المصريين و هذا كثير جدا  و ليتنا نستطيع أن نبذل جهدا ذا وزن  فى هذا الشأن و ليس قلة تقدير لمن حولنا من الأقطار الأخرى.

<{POST_SNAPBACK}>

هذا منتدى لتبادل الرأي ووجهات النظر، وحتى لو اختلفت وجهات النظر أو حذر البعض من أن يأخذ الكلام منحىً آخر، فالمنحى الذي أخذه الموضوع هنا كان لتصحيح خطأ في التصور والاتفاق على عدم التعميم، فإن حدث وزادت التعليقات ، فلكل الحق في إبداء رأيه دون إخلال بالنظام أو التجني على أحد أو الخطأ في حقه ...

أما ما عدا ذلك .. فنحن لسنا في مدرســــــــــة

أرجوكم احترموا عقول الناس وحريتهم في التعبير، وللمرة (لا أدري الكم) أرجوكم اصبروا على الاختلاف

والرجاء التوجيه بلطف .. لا يوجد هنا مراهقون وراشدون مع احترامنا جميعاً للسن

حتى من تأثر وكتب كلاماً عاطفياً متأثراً ببعض مظاهر منافاة العدل في بعض البلدان، فيجب أن نعذره لتأثره بشيء أثر عليه .. وترك لديه أثراً سلبياً، فإن اختلفت معه في الرأي وأحببت أن أنصحه كأخ بعدم التعميم والزيادة، فلا يجب أبداً أن أرهبه فكرياً بسيف (الخروج عن الموضوع والتشتت) وأنه صغير لا يفهم أصول التحاور الناضج..

هناك كبار سناً كالأستاذ الأفوكاتو مثلاً رأيتهم يصبرون على صغار وصلوا إلى حد التجني عليهم، لكن أسروهم بخلقهم وصبرهم وهذا هو صبر الكبير على الصغير..

أرجو أن نوسع صدورنا ونتيح الفرصة للكل أن يقول ويتكلم حتى نستفيد ونرشد بعضنا

وشكراً لكم جميعاً

[ابو محمد العراقي]

السلام عليكم

في البدء انا عراقي من الجنوب ، اود طرح سؤال على المصريين المثقفين والجادين ... السؤال هو :

لماذا لا يوجد عند المصريين بشكل عام هوية خاصة يتمسكون بها للآخر .... لماذا نراهم مرة يتمسكون بهويتهم العربية عندما تستدعي المصلحة ذلك ،، ومرة بالهوية الاسلامية ،، ومرة بالهوية الفرعونية وهذا ما رأيناه في بطولة الامم الافريقية ،،، حيث مجدوا الفراعنة أي تمجيد وهذا يخالف الهوية الاسلامية بالضرورة ... ونجدهم تارة اخرى يجتهدون ان لايلفظوا بعض الاحرف العربية الصميمة محاكاة للغرب ويفتخرون بذلك لا بل يعتبرونها تحضرا .... وهكذا ،،، أين الهوية ؟؟؟ لماذا هذا التخبط ؟؟؟ ولماذا هذه المحاكاة العجيبة لامم لا تربطنا بها اي رابطة ؟؟؟

نحن في العراق ورغم الذي حدث حافظنا على هويتنا ،،، وخاصة نحن في الجنوب لم يستطع لا الامريكي والبريطاني ان يسلب هويتنا الخاصة رغم المكائد والمؤامرات التي كنتم عونا رئيسيا للاجنبي بها .

اعذروني .... ولكن يجب ان نضع النقاط فوق الحروف ... واخيرا ارجوا ان تتاملوا في سؤالي الاخير :

من الدولة المحتلة نحن ام انتم ؟؟؟ قبل الاجابة خذ وقتا للتأمل والتفكر ......

[ابو حلاوه]

لم اشارك في هذا الموضوع بسبب عنوانه . واجد ان فيه قدر كبير من الشمول المخل ... رأي من ؟ و في اي مصريين ؟؟

لكن المداخلة الاخيرة تبدو مع احترامي لكاتبها علي درجة كبيرة من السطحية لما تحمله من قوالب جاهزة و كمداخلة اولي و اخيره في هذا الموضوع فقط لتوضيح ما قد خفي علي كاتب المداخلة الاخيرة ..

اود طرح سؤال على المصريين المثقفين والجادين

يا سيدي الفاضل اتوسم في كل من شارك في هذا المنتدي قدر من الثقافة و الجدية .... و استخدامهم بهذا الشكل في مقدمة المداخلة يذكرني بالعاب مجلات الاطفال بعنوان للاذكياء فقط

لماذا لا يوجد عند المصريين بشكل عام هوية خاصة يتمسكون بها للآخر .... لماذا نراهم مرة يتمسكون بهويتهم العربية عندما تستدعي المصلحة ذلك ،، ومرة بالهوية الاسلامية ،، ومرة بالهوية الفرعونية وهذا ما رأيناه في بطولة الامم الافريقية ،،، حيث مجدوا الفراعنة أي تمجيد وهذا يخالف الهوية الاسلامية بالضرورة

طبعا تعريف الهوية يحتاج لما يزيد عن عدة سطور في مداخلة و لكن لا اري ما هو وجه التضاد في ذلك ربما في بعض التجارب السابقة بالذات في منطقة الهلال الخصيب مثلا تحول الانتماء العروبي لخصومة الهوية الاسلامية خاصة في الربع الاول من القرن الماضي و استمر الحال هكذا و لكن في المغرب العربي الامر اختلف تماما و الانتماء العروبي و الاسلامي يكادا ان يكونا مترادفان .... و في دولة كمصر حيث يمتد التاريخ متصلا لعدة الاف من السنين تتكون الهوية المصرية من عدة طبقات من الانتماء و لا يعني بذلك كما ذكرت ان الانتماء الفرعوني يخالف الهوية الاسلامية ..

ونجدهم تارة اخرى يجتهدون ان لايلفظوا بعض الاحرف العربية الصميمة محاكاة للغرب ويفتخرون بذلك لا بل يعتبرونها تحضرا .... وهكذا ،،، أين الهوية 

تقصد حضرتك اللهجة المصرية ... اليس كذلك اولا هناك عدة لهجات مصرية و ليس لهجة واحدة ثانيا موضوع محاكاة الغرب اللي تكررت في في مداخلاتك كثيرا يبدو لي بعيد تماما عن الحقيقة و اتصور انه استنتاج شخصي من حضرتك ... واقع ان الامر ان اللهجة المصرية الاكثر شيوعا الان هي امتداد للغة المصرية القديمة و التي اصبحت فيما بعد اللغة القبطية ... و مسألة ان هناك بعض الحروف التي لا تنطقها اللهجة المصرية يفسرها ببساطة عدم وجودها في اللغة المصرية القديمة بل ان النحو نفسه او الاصح syntax بما يعنيه ذلك بالانجليزية قريب جدا بين اللغة القبطية و اللهجة المصرية ......... و اتصور ان اللهجة العراقية نفسها تختلف احيانا في مفرادتها و تركيبها من اللغة العربية الفصحي و و هلم جر بالنسبة للهجات الاخري

.. يعني باختصار اللهجة المصرية امتداد لما هو قائم قبل ظهور اللغات الغربية و حضارتهم اصلا ... هل اتضحت الصورة

ولماذا هذه المحاكاة العجيبة لامم لا تربطنا بها اي رابطة ؟؟؟

تخبط تبدو كلمة غريبة شوية و مش فاهم اي محاكاة تتكلم عنها

نحن في العراق ورغم الذي حدث حافظنا على هويتنا ،،، وخاصة نحن في الجنوب لم يستطع لا الامريكي والبريطاني ان يسلب هويتنا الخاصة رغم المكائد والمؤامرات التي كنتم عونا رئيسيا للاجنبي بها .

الكثير من التعميم المخل ... المكائد و المؤمرات التي تتكلم عنها لا يعرف عنها الشعب المصري شيئا و لم و لن يوافق عليها و الخلط بين نظام ديكتاتوري يحكم بالحديد والنار و الظلم و بين الشعب خطا كبير و اعتقد انك تعرف تماما ماذا يعني ذلك لانه مرض يعرفه عالمنا العربي كله ... في اوطاننا النظام و الشعب ليسوا واحدا .

من الدولة المحتلة نحن ام انتم ؟؟؟ قبل الاجابة خذ وقتا للتأمل والتفكر

و اخيرا اري انك ما زالت في حلقة من حلقات الدائرة المفرغة في المقارنة بيننا و بينكم و اينا اجدع من التاني ؟؟ اولا تاكد تماما انني اتفهم تماما شعورك بالغضب و اتصور ان الكثير من العراقيين يشعرون به حاليا و لكن صدقني انك توجهه بالاتجاه الخاطئ و بالاسلوب الخاطئ و قبل الرد خذ وقتا للتأمل و التفكر

و بالمناسبة اتمني ان لا يتحول الموضوع لردود سطحية و تبادل للشتائم و المعيارات

[سيزيف]

امممممممم

و الله يا فيروز الموضوع بتاعك جه ع الجرح

بس منين اجيب ناس لمعناه الكلام يحكوه ؟

المصريين شعب من اعجب شعوب العالم

مصر بجوها و بارضها و بشعبها تركيبه فى منتهى الغرابه و الجمال و القبح !!!!

و الله مابتفلسف

بس هو ده شعورى

فينا اخلاق كويسه و تدين و تراحم

و عندنا برضه فساد و رشوه و كذب و قله ضمير

عندنا كرم و شهامه و جدعنه

و عندنا برضه عدم انتماء للوطن و لا مباللاه و انانيه

النهارده انا كنت ف اسكندريه

خرجت الشارع بعد مباراه مصر

مئات الشباب ف الشارع ماسكين اعلام و ملونين وشهم و بيهتفوا باسم مصر - على فكره الشباب دول ماكانوش حتى ف الاستاد لان الماتش بيتلعب ف القاهره

يعنى فيه شباب نفسه ينتمى و يفرح و بيدور على انتصارات حتى لو فى الكوره

بس نفس الشباب ده مش بيقابل مشاكل المجتمع و البلد بنفس القدر من الحماس

طب بذمتك مش دى غريبه ؟

البلد اللى تاريخها سبعه الاف سنه فرعونى على قبطى على اسلامى على رومانى على اغريقى على بطلمى على عربى على تركى000000000

كل التعدد و ثراء الثقافات ده0000

و معندناش انتماء حقيقى لبلدنا

و بلد زى الولايات المتحده تاريخها لا يتجاوز المائتين او الثلاثمائه سنه و تلاقى المواطن هناك عنده انتماء حتى لو لسه واخد الجنسيه من شهرين!!!

طبعا عشان نشرح و نحلل الحاله دى محتاجين وقت و مجهود خرافى و عشان نعالجها محتاجين معجزه

بس انا لسه عندى امل

ان عصر المعجزات00

لسه مانتهاش

:)

[MZohairy]

مالك داخل سخن علينا كده يابو محمد؟

ماكو مساء الخير؟

ماكو كيف حالكم؟

اذا كنت قلت كده في أول مداخله أمال حتعمل ايه في المداخله رقم 100 مثلا..... حتقبض علينا؟ :)

خليك حنين احنا مفروض اخواتك المسلمين والعرب مش كده؟

{لاَ يُكَلِّفُ اللّهُ نَفْساً إِلاَّ وُسْعَهَا لَهَا مَا كَسَبَتْ وَعَلَيْهَا مَا اكْتَسَبَتْ رَبَّنَا لاَ تُؤَاخِذْنَا إِن نَّسِينَا أَوْ أَخْطَأْنَا رَبَّنَا وَلاَ تَحْمِلْ عَلَيْنَا إِصْراً كَمَا حَمَلْتَهُ عَلَى الَّذِينَ مِن قَبْلِنَا رَبَّنَا وَلاَ تُحَمِّلْنَا مَا لاَ طَاقَةَ لَنَا بِهِ وَاعْفُ عَنَّا وَاغْفِرْ لَنَا وَارْحَمْنَا أَنتَ مَوْلاَنَا فَانصُرْنَا عَلَى الْقَوْمِ الْكَافِرِينَ }البقرة286

أهلا بيك

[عادل أبوزيد]

تم حذف عدد من المداخلات لخروجها عن الأصول و تم وقف عضوية أحد الأعضاء الذى إستخدم كلمة " زبالة " و " أبوك وأمك كمان"

[abofasad]

أستاذ عادل ابو زيد

برافو

ان ما فعلته يزيد من احترامنا لمحاوراتنا

هذه نقطة تضاف لصالحك

[MZohairy]

الميزه هنا ليست في الحذف والالغاء!

انما في سرعة الحذف والالغاء

نشكر عيوننا المحاوراتيه الساهره

[Amal]

النص الأتي منقول من منتدى كويتي

و هو تعليق لمواطنه كويتيه على اقتراح بمنع منح رخص القياده لغير الكويتين تقليلا للازدحام

في البدايه كنت اقول مثل الي تقوله وان لا يصح ومش منطقي انه انا املك رخصة لاني بنت البلد والوافد لا لانه فقط وافد..

ولكن الحقيقه بعد معاناتي اليومية من منزلي الى عملي في الاوقات العادية يعني بلليل مثلا (اخذ عشرين دقيقة بالضبط) في الصباح والمساء اوقات الذروة كما يقال ....اخذ في الصبح في الغالب ساعه و15 دقيقة واذا في اختناق وليس ازدحام من ساعه الى ساعتين...في المساء طبعا ما اقدر اوصفلك العادي ساعتين ولما يكون زحمة ساعتين ونص الى 3 حسب اي شارع تستخدمه...

فاذا كان هذا القانون بيقلل الازدحام اهلا وسهلا فيه وحتى لو كان عنصري....في النهاية هو في مصلحة البلد و"اهل البلد" وبعدين كل بلد حرة في قوانينها وهي الوحيده الي تقرر الانسب لها ...

استبعد مثل هذا القرار في الامارات...بس شخصيا لو هيقلل الازدحام ماعندي مانع

والوافد يقدر يستخدم المواصلات العامة الي هو متعود عليها في بلده في الغالب يعني مش هيتغير عليه شىء

<{POST_SNAPBACK}>

السلام عليكم ورحمة الله وبركاته

انا العضوه قمر الليالي في منتدى شئون مصرية واسمي الحقيقي امل وهو معروف في منتدى شئون وانا صاحبته المداخله اياها الذي ذكر الاخ انها من منتدى كويتي (انا اماراتيه)..

رابط المشاركه في منتدى شئون ..

الوافدون في الكويت شهادة جامعية لرخصة القيادة

والمداخله اياها رد على كلام زميل عزيز لي...رد على كلمة عنصرية اتهمها للكويتين لمحاولتهم حل مشكله في بلدهم ...

واتهام الخليجين بالعنصرية...لاصدارهم قوانين في صالح المواطن صاحب البلد قد تتعارض مع من يعيش على تلك الارض ولكن الاولويه لمن؟؟؟

الشعب المصري ينادي في كل مكان عن حقوق الشعب المصري في بلده وكيف هو مهضوم حقه ؟؟لماذا يطالب بحقه ويستنكره على الاخر؟؟؟

على العموم الاختلاف في الرأي لا يفسد للود قضيه...

في المره القادمه ارجو تحرى الدقه عند نقل مداخلات الاخرين للاخ الذي نقل مداخلتي وللاخ الي علق بعده على طول ياريت تنظر لرابط الموضوع الاصلي...

والسلام عليكم ورحمة الله وبركاته

امل

[المدهش]

اللى بنى مصر

اللى بنى مصر كان فى الاصل مزجنجى

فاقد ومصيع اوى كان عترة وحلنجى

حافظ كلام الشرف ولا عمره يعمل بيه

دايما فى حالة قرف زهقان ما تعرف ليه

يقفل عليه البيبان ويسب فى الحاكم

وان شاف خيال عسكرى

تلقاه يروح كاتم

وفخور بانه برم حشاش وبرشمجى

اللى بنى مصر كان فى الاصل مزجنجى

اللى بنى مصر كان فى الاصل مساطيلى

ويموت فى صنف الحريم حمام يا ملاطيلى

وشعاره عند العمل كروت اوام جلون

مبسوط وعامل دماغ علشان كده مونون

حلوة صلاة النبى واهو كله ع البركة

وآهى ماشية بالابركى وارقص وغنى لى

اللى بنى مصر كان فى الاصل مساطيلى

اللى بنى مصر كان فى الاصل بطاقية

تحت الطاقية فضا بغل بمخ حمار

وحمار مثقف يعنى مش منهم

لأ ده انت منهم وبالعشرة هتبقى حمار

أصل البعيد سفساط من صنف لكن

انى ارى اننى او ينبغى أن

ويموت ف شغل الخطب اسقاط وتورية

اللى بنى مصر كان فى الاصل بطاقية

اللى بنى مصر كان فى الاصل بمبوطى

نص كلامه هجص والباقى بلاموطى

شوف انسياله دهب شوف السجاير كنت

يقدر يألف كتب ف ازاى توقع بنت

يا اخواتى ع الجكسنة بسلامته عامل بوف

جوه المحاضرة انحنى يشوف لسوسو الكف

وسوس متحررة ترقص ولا مادونا

قطقوطة وصغننة وف اكلها نونه

لما امنا المدرسة يبقى اسمها سوسو

لازم يا ناس شعبنا تشيله وتبوسه

والله انا شاكك بقه ان البعيد لوطى

اللى بنى مصر كان فى الاصل بمبوطى.

شعر:محمد رفعت

[Lembic]

الله ينور عليكوا يا مصريين. بمناسبة الحكم على المصريين فأنا رأيى إنهم دخلوا فى مايشبه الغيبوبة لمدة طويلة وعلى فكرة هم لسه فيها, اللهم إن بعضهم بيخرج منها شوية وبعدين بيرجعلها طول ما هو فى مصر! الظاهر إن الماء أو الهواء فيه حاجة بتبنجهم - مش عارف!

أنا على فكرة مصرى إبن مصرى وكل جدودى مصريين لحد عمنا خوفو الله يكرمه بقى وشاربين من ماء النيل لما طلعت عينا كمان! الحكاية إن المشكلة الأساسية فى مصر مش هى الفقر! الفقر موجود بس مش هو السبب والله! يعنى مثال صغير: أنا كنت متوقع إن سوبرماركت زى هايبر ممكن يفشل عندنا! وأنا صراحة لما نزلت مصر بعد زيادة عن 15 سنة غياب عنها زهلت لما شفت سوبرماركت زيه عندنا وقلت دا أكيد حيقفل فى خلال أسابيع! بس بجد المصريين خيبوا توقعاتى لما شفت عدد السيارات اللى كانت واقفة حواليه قبل وأثناء رمضان! مالايقل عن 2000 سيارة وده على مدار 24 ساعة فى اليوم! وباقى السيارات كانت أكثر من اللى فى parking واقفة على الطريق لمسافات طويلة جدا! طيب ياجماعة الفلوس دي منين؟ يعنى أقل عائلة مكونة من 3 أفراد مش حتخرج بأقل من 500 جنيه فى المرة الواحدة! وطبعا كلها أشياء "سكلانس" وأى كلام! ولا الشقق والفيلات اللى فى 6 أكتوبر والقاهرة الجديدة وغيرها! بمئات الألاف! وتقسيط على 4 سنوات! دا فى أمريكا التقسيط على 30 سنة! وعلى فكرة الأسعار مش مختلفة قوى عن أمريكا! يعنى شقق ب400000 جنيه و أكثر! طيب منين!؟ كلهم يعنى بيشتغلوا فى الخبيج ولا فى أوروبا وأمريكا!؟ وطبعا ياويلك لو عرفوا إنك جاي من بره مصر والله يقللعوك هدومك وانت واقف!

اللى عندنا فى مصر يمكن إيجازه فى كلمة واحدة وهى "الجشع"! والله أنا مش ببالغ! كلما تعاملت مع شخص وجدت أنه جشع! أى حاجة تعملها لازم تدفع ثمنها الضعف أو أكثر ولازم يتنصب عليك حتى لو كان الموضوع مش مستاهل التعب بتاع النصب! يعنى كما لو كان المبدأ إما أن أنصب عليك فى قرش صاغ زيادة أو مش بايع وخليها مركونة جنبى شهور! والجشع تجده فى كل شيء المرور والأكل والملابس وكل كل شيء . المكر والغش أصبحوا الأساس وغير ذلك هو الشاذ! والله العظيم يا جماعة أنا لا أبالغ إطلاقا.

لو عاوز تركن مثلا فى مكان زى الزمالك, تجد كل الشوارع عليها ممنوع الوقوف! هاهاها طيب العربيات تركن فين؟ متخفش دقيقة واحدة وتلاقى عسكرى جايلك علشان يساعدك تركن وطبعا "تظرفه المعلوم" وعلى فكرة عسكرى المرور ده بيعمل مش أقل من 50 جنيه فى اليوم يعنى 1500 جنيه فى الشهر على الأقل + مرتبه !

الجشع ثم الجشع ثم الجشع هى مشكلة المصريين دلوقت!

وشكرا.