نصيحة من مصري - على ال whatsapp

[عادل أبوزيد]

⁠⁠⁠ ناس كتير مش نازله يوم 11/11 ومعظمها دعوات علي الفيس من ناس هما شخصيات وهميه شخصيات نت فقط ف بلاش تنقاد وخلاص من شويه عيال صغيره علي النت خلينا متفقين ان البلد الاسعار عاليه ومشاكل و..و.. بعد ثوره 25 يناير البلد فضلت واقفه عشان كان في احتياطي نقدي جامد ف فضلت 5 سنين البلد بتحاول تقوم دلوقتي اقتصاديا مدمرين يعني يوم واحد مظاهرات مش هقولك ثوره او خراب خلاص اقتصاد وقع و بدل م الاكل غالي مش هتلاقي اكل اصلا وجهاز الشرطه بقاله 5 سنين واكتر استنفذ معظم قوته وقواته بين مصابين وشهدا وارهاب في شمال سينا ف مش شرط انه لو حصل ثوره تاني تلاقوا جهاز شرطه اصلا بعديها البلد دي الوحيده اللي باقيه مقدروش عليها قالوا يدمروها اقتصاديا اللي فرحان عمال يقول هنزل ثوره الجياع 11/11 ثوره جياع يعني ناس تنزل تسرق اي حاجه قدامها وتقتل وتكسر عشان تاكل فكر كويس وخلي مره عندك مسؤولية البلد بتمر بازمه جامده مش عاجبك الرئيس كلها سنه اتنين وفي انتخابات محدش هيقولك المره دي انزل او متنزلش او هتلاقي حد يمنعك بس المره ده مفيهاش هزار.. الاقتصاد علي حافه الضياع اصلا . فكر كويس اللعبه بدات من كام يوم ان امريكا بتحذز رعاياها من الوجود بكره في اماكن في مصر.... فكر كويس 2011 كانوا شغالين علي كل الدول العربية دلوقتي كله شغال عليك لوحدك لو الشرطه والجيش وقعوا... انت مش هتنزل من بيتك بلاش تكابر.. عايز تاخد راي حد.. اسال حد من اخواتك سوري او ليبي ويمني وعراقي قولوا انا نازل اعمل ثوره ايه رايك... وقولي قالك ايه بلدك هي بيتك افهم.. بيتك.. بيتك قايل للسقوط.. ياترممه وتستحمل فتره الترميم دي يا تهده خالص....... . يارب احمي مصر .. انشر حاليا وكل يوم حتي 11 / 11 علي كل مواقع التواصل حتي يعي جميع طبقات الشعب خطورة المخطط الأمريكي .

[alrabic]

نسأل الله ان يلم شمل المسلمين جميعاً

[هاني بدر]

5 hours ago, عادل أبوزيد said:

ناس كتير مش نازله يوم 11/11 ومعظمها دعوات علي الفيس

كلمة السر المتداوله بين المصريين في الوقت الحالي وحط الف خط تحت كلمة المصريين هى

الوقعه الجايه مالهاش قومه

والناس عارفه وفاهمه الجمله دي كويس جداً

 

 

 

[suma]

مساء الخير: 

 أعتقد أنه لا يوجد عاقل في المحروسة يفكر في ثورة ولا حتى تجمهر احتجاجي مرة أخرى ..لقد فعلوها قبلا وذاقوا ويلاتها وخسروا أحلاما كانت تراودهم سرقها من خطط لها.

  نحن أو اناعلى الأقل لم أسمع عنها إلا من مقدمي البرامج الذين يصرخون ليل نهار ويحذرون منها ......كان يكفي أن تتناول في مقال أو برنامج والشعب سيعرف لكنهم للأسف كثرة التناول تلك جعلت احتمال حدوثها وارد لدي العامة.

  لكني مطمئنة جدا والحمد الله إنه لن يحدث وإن نزل البعض رغم التحذير هذا فالشرطة والقوات المسلحة في انتظارة..وهنا لاعفو رئاسي ولا يحزنون.

  الأهم من كل هذا ،،ماحدث للدولار ..

ظللنا نطلب من الريس أن يغضب. طلبنا بصوت عال وبالتلميح والتصريح وهو يقابل كل هذا بإبتسامة وكفى إلا في حق الشهيد والثأر كان غضبا وكأنه البركان ذاته ؛ ذادت الأسعار نوعا ما وارتفع بجنون الدولار ونحن نهمس أغضب ياريس !!! وها هو يغضب بطريقته والتي هي لم نألفها من قبل..اجتماع ورا اجتماع مع مجموعته الإقتصادية ولقاءات مع مدير البنك المركزي أيام قليلة عدت على كل هذا ..وكان الغضب في صورة تلك القرارات الإقتصادية والتي ما إن أعلنت حتى أثرت على مفاصل الدولار فأخذ يهوي ..اليس هذا نوعا من الغضب...

قبل تلك القرارات أجبرت أن ادخل في نقاش مع (س) من الناس أولا لايشاهد أي قناة مصرية على اعتبار إنها تكذب ولا تقل الحقيقة ،لا يقرأ الصحف لنفس السبب النت وقنوات يعلم بكنهها الله وعلى رأسهم الجزيرة بالطبع مرجعه في معرفة الأخبار.  وهو المقيم خارج مصر يتحدث عن الدولار وحاله وعن النقود المصرية التي تطبع بدون غطاءلها في البنك وعن السيول وعن...و...ولم ينتهي النقاش إلا بعد تهديدي بألا ارد على هاتفه مرة أخرى اذا فتح هذا الكلام أمامي .وثاني يوم ينزل الدولار !! ومثل هذا ال.س.مصر بها الكثيرين على شاكلته .لكنهم أيضا لايريدون النزول حتى لا تزداد خرابا على حد قولهم.

فياليت  يرى هؤلاء العين الحمرا للدولة حتى إن انتصر عليه هواه ونزل يترمي في أحضان القضاء العسكري بدون نقاش .وعلى الناس الحنينه بتاعة المجلس ولا. الاعلام يبلعوا السنتهم ويسكتوا.

قبل ما افتح المحاورات من دقائق جاء الريموت على ابراهيم عيسى وهو يصرخ ويصرخ: لا توجد دولة كبيرة ولا صغيرة في العالم وأكد على كلمة العالم دي لا توجدمنها من تسجن كاتبا ولا قاصا ولا..لم اتحمل واغلقت هذا ال...

مسكينة يامصر إلي بيجرحك منك !!!!

 

                      سومه