15 جنيه بدل العنوسة في مصر!

[المدهش]

طبعا كلنا عارفين إن عدد العوانس في مصر من البنات والشباب يزيد عن سبعة ملايين شاب وفتاة تجاوزوا سن الزواج المعهود وهو بالمناسبة قد ارتفع هو الآخر عن أيام زمان فأصبح 35 سنة للبنت و40 للرجل..ووزارة الشؤون الاجتماعية في مصرنا الحبيبة كتر خيرها بتصرف معونة أو إعانة أو معاش أو بدل عنوسة سميها زي ما تسميها قدرها 15 جنيها وأقول تاني خمسة عشر جنيهاً لا غير وإيه بشرط أن يزيد سن الفتاة عن 35 سنة وتظل عذراء طوال فترة قبض بدل العنوسة وتخضع لكشف طبي دوري للتأكد من عذريتها ..طب والنبي ده كلام يرضي ربنا ولا يرضي أي حد في الدنيا ..ردوا عليهم يا ناس وتعالوا نحارب معاً هذا القانون المهين..

[se_ Elsyed]

لو الموضوع ده بصحيح .. هايبقى حاجة ده زي ما كان بيحصل زمان قوي .. وهو إن الطالب من دول يُعفى من المصاريف المدرسية إذا جاب شهادة فقر ... كان إسمها كده ...

ويعني عشان 15 ملطوش يقوم يهينوا البنت ويمرمطوها

فعلاً تمخض الأسد فولد صرصاراً

[White heart]

إذا صح هذا الخبر فاللوم كل اللوم لا يقع على عاتق وزارة الشئون الإجتماعية، بل على عاتق من تقبل أن تعرض نفسها الى مثل هذه الإهانة، و بكل تأكيد المجتمع بأكمله يقع على عاتقه أيضا جزء من اللوم لمضاعفته بشكل غير مباشر أحيانا و مباشر أحيانا أخرى فى المساعدة على تضخم الشعور بالنقص أو الوضع غير سوى لدى تلك المسكينة التى لم يحالفها الحظ، أو لم توفق فى العثور على الشخص المناسب لسبب أو لآخر ....

كم من الأمور الروتينيه فى نظمنا ( الغير إلزاميه ) و المهينة لكرامة المواطن أحيانا، و التى تصيبه بالإحباط و التعجيز أحيانا أخرى ... و لكن فى النهاية يرجع الإختيار فى خوض تلك الأمور من عدمها الى صاحب الشأن.