عصفور طاير بتاريخ: 29 يناير 2006 تقديم بلاغ مشاركة بتاريخ: 29 يناير 2006 على اسم مصر التاريخ يقدر يقول ما شاء أنا مصر عندي أحب وأجمل الأشياء باحبها وهي مالكه الأرض شرق وغرب وباحبها وهي مرميه جريحة حرب باحبها بعنف وبرقة وعلى استحياء واكرهها وألعن أبوها بعشق زي الداء واسيبها واطفش في درب وتبقى هي ف درب وتلتفت تلقيني جنبها في الكرب والنبض ينفض عروقي بألف نغمة وضرب على اسم مصر مصر النسيم في الليالي وبياعين الفل ومرايه بهتانة ع القهوة .. أزورها .. واطل القى النديم طل من مطرح منا طليت والقاها برواز معلق عندنا في البيت فيه القمر مصطفى كامل حبيب الكل المصري باشا بشواربه اللي ما عرفوا الذل ومصر فوق في الفراندة واسمها جولييت ولما جيت بعد روميو بربع قرن بكيت ومسحت دموعي في كمي ومن ساعتها وعيت على اسم مصر مصر السما الفزدقي وعصافير معدية والقلة مملية ع الشباك .. مندية والجد قاعد مربع يقرا في الجرنال الكاتب المصري ذاته مندمج في مقال ومصر قدامه اكتر كلمة مقرية قريتها من قبل ما اكتب اسمي بإيديا ورسمتها في الخيال على أبدع الأشكال ونزلت أيام صبايا طفت كل مجال زي المنادي وفؤادي يرتجف بجلال على اسم مصر (صلاح جاهين) العشب طاطا للنسايم ونـــــــــــــــــــخ أخضر طري مالهش في الحســــــن أخ عصفور عبيـط انا .. غاوي بهجه وغـــــنا ح انزل هنا.. وانشالله يهبرني فـــــــــخ رابط هذا التعليق شارك المزيد من خيارات المشاركة
mo_gho بتاريخ: 29 يناير 2006 تقديم بلاغ مشاركة بتاريخ: 29 يناير 2006 حبيبتى من ضفايرها طل القمر وبين شفايفها ندى الورد بات ضحكتها بتهز الشجر والحجر وحنانها بيصحى الحياه فى النبات حبيبتى بتعلمنى احب الحياه والحب فى حياتى شمس وربيع والحب فى الدنيا دى طوق النجاه ولولاه يضيع قلبى المحب الوديع ياحلوه يابلدنا يانيل سلسبيل بحبك انت رفعنا راسنا لفوق لو الزمان ميل مايرهبنا ليل شوقنا فى عيونا يصحى شمس الشروق الحلوه قلب كبير يضم الولاد وزاد وزواده وبينهم سبيل وكلنا عشاق ترابها النبيل (سيد حجاب) حبيبتى من ضفايرها طل القمر وبين شفايفها ندى الورد بات ضحكتها بتهز الشجر والحجر وحنانها بيصحى الحياه فى النبات حبيبتى بتعلمنى احب الحياه والحب فى حياتى شمس وربيع والحب فى الدنيا دى طوق النجاه ولولاه يضيع قلبى المحب الوديع ياحلوه يابلدنا يانيل سلسبيل بحبك انت رفعنا راسنا لفوق لو الزمان ميل مايرهبنا ليل شوقنا فى عيونا يصحى شمس الشروق الحلوه قلب كبير يضم الولاد وزاد وزواده وبينهم سبيل وكلنا عشاق ترابها النبيل رابط هذا التعليق شارك المزيد من خيارات المشاركة
Recommended Posts
انشئ حساب جديد أو قم بتسجيل دخولك لتتمكن من إضافة تعليق جديد
يجب ان تكون عضوا لدينا لتتمكن من التعليق
انشئ حساب جديد
سجل حسابك الجديد لدينا في الموقع بمنتهي السهوله .
سجل حساب جديدتسجيل دخول
هل تمتلك حساب بالفعل؟ سجل دخولك من هنا.
سجل دخولك الان