ضحايا وإصابات في تفجير في الكنيسة البطرسية

[tarek hassan]

نفوض الأمر لله في الإرهابيين المارقين ... الجمعة عند مسجد والأحد عند كنيسة ... أي إسلام هذا ؟ 

يبدو أن إعدام حبارة ....... والقبض على ابن مرسي أصابهم بالهياج العصبي 

لكن الوصول للكنيسة بهذا الشكل وكثرة الضحايا يؤكد أن هناك خطأ أمني فادح 

[tarek hassan]

يرجح  أن سيدة وراء الانفجار الذي حدث في جناح السيدات بالكنيسة 

لأن الشهداء نساء وأطفال 

روجينا رافت

سامية جمال

عايدة ميخاييل

وداد وهبة

سهير محروس

مادلين توفيق

ايمان يوسف معقوب

امانى سعد عزيز

أحب أقول للجماعة المسيحيين ضد الانقلاب وما شابة 

واللي متعاطفين مع مرسي وعصام العريان وعصابتهم واللي بيقولوا  انقلاب وظلم وحقه

دا عينة من اللي كان هيحصل كل يوم في دولتهم 

دم الناس في رقابكم 

[Grandma]

2 ساعات مضت, tarek hassan said:

يرجح  أن سيدة وراء الانفجار الذي حدث في جناح السيدات بالكنيسة 

لأن الشهداء نساء وأطفال 

الله يرحمهم جميعا ويرزقهم الجنة 

كان لابد من الانتباه و تأمين الكنائس و المنشآت الحيوية بعد تفجير كمين الهرم 

خصوصا شهر ديسمبر اللي بيحتفل فيه اخوتنا المسيحيين بأعيادهم ...

الحادث دا بيفكرني بحادث تفجير كنيسة القديسين في اسكندرية ليلة راس السنة في عهد حبيب العادلي 

 

[tarek hassan]

1 ساعه مضت, Grandma said:

الحادث دا بيفكرني بحادث تفجير كنيسة القديسين في اسكندرية ليلة راس السنة في عهد حبيب العادلي 

أيوه ..... كانوا بيقولوا إن الداخلية وراء هذه التفجيرات وإن حبيب العادل هو اللي فجر كنيسة القديسين 

لكن ذهب حبيب العادلي وبقيت التفجيرات البائسة وسلاح الضعفاء والمنتحرين شاهدة على كذبهم وفاضحة لتضليلهم 

اللهم انتقم من هؤلاء الخوارج الضالين المضلين

[أبو محمد]

قل : شارع الكنيسة والجامع
ولا تقل : شارع خليل حمادة
الكنيسـة : كنيسـة القديسين
الجامع : جامع شرق المدينة

[أبو محمد]

عفوا .. ومع احترامى للقائلين بالتقصير الأمنى
بالأمس - يعنى قبل الحادث - شاهدت لميس الحديدى وصحفية أخرى تتبنيان هذا الرأى
جاء الدور على صحفى آخر (إبراهيم الجارحى) للكلام
فقال سأتكلم نفس المدة اللى اتكلمتم فيها بس مش على التقصير الأمنى
لأن كلام كهذا يلزمه خبير أمنى .. وأنا لست خبيرا أمنيا
وهناك قاعدة تقول "كل جيد هناك الأجود منه"

يا سادة .. كيف نصدر أحكاما كهذه ونحن على مقاعدنا ؟
طيب سؤال : هل تعرفون كم عدد العمليات الإرهابية التى تم إحباطها ؟
أنا متأكد أن لا أحد من مصدرى الحكم بالتقصير يعرف

رفقا بالمجاريح .. من فضلكم (على رأى السيسى)

[خالد التهامى]

اللهم ارحم شهدائنا  واسكنهم فسيح جناتك

قتلوهم وهم يصلون 

اللهم نور على الظالمين الذين استباحوا دماء معصومه فى احدى بيوتك 

واجعل  ايدى رجالنا يصلون اليهم 

لاحول ولاقوة الا بالله

تم تعديل 12 ديسمبر 2016 بواسطة khalid altohamo

[tarek hassan]

اللهم ارحم شهدائنا الذين قتلوا غدرا وتقبلهم عندك في جنات النعيم 

ومش من بلدنا اللي باع الأمان 

ولا من ولادنا اللي اشتراه الشيطان 

براء منه كلنا 

براء منه مصرنا 

مش من بلدنا ياللي تهدر دمي 

مش من بلدنا ياللي تقتل أمي 

ولا تعرف مدى حبنا 

وقلوبنا على بعضنا 

[herohero]

On 12/11/2016 at 6:25 PM, tarek hassan said:

أيوه ..... كانوا بيقولوا إن الداخلية وراء هذه التفجيرات وإن حبيب العادل هو اللي فجر كنيسة القديسين 

لكن ذهب حبيب العادلي وبقيت التفجيرات البائسة وسلاح الضعفاء والمنتحرين شاهدة على كذبهم وفاضحة لتضليلهم 

اللهم انتقم من هؤلاء الخوارج الضالين المضلين

ذهب حبيب العادلي واختفي من المشهد ولكن الفكر هو نفسه الفكر 
اعلم ان الغالبية هنا غير مقتنعين بهذا الفكر وفي نفس الوقت مقتنعين بجو المؤامرات الدولية والكوكبية علينا في مصر 
لكن ان يكون هناك صراع بين أجهزة في الدولة فهو شئ خرافي بالنسبة لهم 
عموما ربنا يرحم الجميع 
ولكن كتفكير عملي ومنطقي ،الاخوان او من على شاكلتهم عملوا تفجير زي ده 
نفكر ايه النتيجه اللي هتعود عليهم ؟؟ هيخلوا الناس تزعل وتتضايق من النظام الحاكم !!!! هههههه كان الناس زعلت واشتكت لما السكر بقى من المحرمات وبيتقبض ع اللي معاه اكثر من 5 كيلو !!!
كانوا زعلوا لما الاسعار في مصر بقت تنافس دول الخليج 
ياساده ماحدث هو في اطار تجاذبات بين اجهزة في الدولة والاخوان او من ع شاكلتهم اضعف بكثيييييييييييير الا لو عاوزين نكبر فيهم ونعيش الناس ف الوهم 

وانا سعيد ان فيه ناس كثير بدات تفوق وبدات تزهق من حكايات ماقبل النوم 

وسعادتي زادت اكثر لما في خلال ساعات تم التوصل الى الجناه وتم الوصول لنتيجه DNA 
وسبحان الله ياراجل ياطيب كل المشتبه فيهم ببياناتهم كاملة !!!
 

ويجي حد يتهم ان فيه تقصير أمني؟؟؟ ياساده ده الارهابيين رايحين يفجروا نفسهم وسايبين البطاقات الشخصية واثبات الشخصية ع البوابة !!!

[Scorpion]

اقتباس

"فتّش عن الدوحة.. إخوان الشيطان يعترفون".. بالصور: مساعدو انتحارى العباسية: قيادات الإخوان بقطر كلفونا بتدمير الكنيسة واخترنا وقت القداس لإسقاط أكبر ضحايا.. والمتهمة علا: فطرت "محمود" بإيدى قبل الحادث

الرابط

لو الأعترافات اللي مكتوبة في المقالة دي حقيقية .. يعني جهة رسمية هي اللي أعلنتها و مش من خيال كاتب المقالة .. تبقي قضية فشك و كله فالصو .. و جابوا الناس دي علشان يشيلوا الليلة .. فقط لتهدئة الرأي العام ... 

و آدينا مستنيين ..

[tarek hassan]

3 ساعات مضت, Scorpion said:

الرابط

لو الأعترافات اللي مكتوبة في المقالة دي حقيقية .. يعني جهة رسمية هي اللي أعلنتها و مش من خيال كاتب المقالة .. تبقي قضية فشك و كله فالصو .. و جابوا الناس دي علشان يشيلوا الليلة .. فقط لتهدئة الرأي العام ... 

و آدينا مستنيين ..

القاتل الحقيقي ليس فردا وإنما هو منهج يفرز قتلة وإرهابيين  

المنهج اللي كل ما يطلع واحد يصححه يتسجن أو يتأذى 

[Scorpion]

 

اقتباس

من كل الصور دي الوحيدة اللي وقفت قدامها شوية و انا مش مستوعب ان ازاي الأم المكرسة او الراهبة دي علي مدار ال 4 صور اتحولت من "حالة انهيار" ل "حالة جبروت و تماسك" كدة في لحظة و هي في نفس الموقف و المكان و الوقت .... 
و بعدين استوعبت ان الأم المكرسة اللي في الصورة دي عبارة عن عينة او نموذج مصغر من الشعب المسيحي او بمعني أصح "الكنيسة".
احنا مع كل تجربة "بنقع" ....
بنقع .. بنتأثر...  بنتألم ...  بننهار..  بنحزن ..  بنعيط ..  بنحبط ...  بنكتئب ... 
بنسرح في احساس اننا لوحدنا و مضطهدين و اننا مكروهين و مظلومين ... و مش عارفين ناخد حقنا و لا حق اخواتنا ...  مسيطر علي تفكيرنا  انه يستحيل في بلد زي دي حد هينصفنا .. 
بعد كل انواع الإكتئاب و الإحباطات دي بنلاقي نفسنا بنمسح دموعنا و نرجع نتماسك و "نقوم"
نقوم اقوي و اصلب مما كنا قبل التجربة ..  بنقوم نواجه الدنيا اللي كنا مستخبيين منها لفترة و خايفين منها ..
بنقوم رغم اننا متأكدين و عارفين ان مش دة منتهي الأوجاع و لسه في وجع جاي و ان احنا لسة هنقع تاني
احنا ننهار لكن منتكسرش و لا نتهز .. 
احنا كنيسة مبنية علي "الصخر" مش "رمل" مهما اشتدت الرياح متهزناش ...
احنا كنيسة "مبتتكسرش".

"وَ عَلَى هذِهِ الصَّخْرَةِ أَبْني كَنِيسَتِي، وَأَبْوَابُ الْجَحِيمِ لَنْ تَقْوَى عَلَيْهَا." (متى 16: 18)

 

[herohero]

16 hours ago, tarek hassan said:

القاتل الحقيقي ليس فردا وإنما هو منهج يفرز قتلة وإرهابيين  

المنهج اللي كل ما يطلع واحد يصححه يتسجن أو يتأذى 

منهج 

الله ينور عليك هو فعلا منهج ومفيش فيه تجديد ولا تحديث 

واشك ان فيه رغبة في التجديد لان عزيزي الفاضل في رغبة واستفادة من هذا المنهج 
عزيزي فتش كده ودور من المستفيد من شق الصف الوطني ؟؟ من المستفيد من ان الشعب مايبقاش متآلف 
عزيزي الناس لو حبت بعض واتوحدت هتفكر ولو فكرت هتفهم وتكتشف حاجات كتير هتزعل الناس الكبيرة 
عشان كده سياسة فرق تسد سياسة مهمة ومطلوبة وناجحه جدااااااااا

[Scorpion]

2 ساعات مضت, herohero said:

عزيزي فتش كده ودور من المستفيد من شق الصف الوطني ؟؟ من المستفيد من ان الشعب مايبقاش متآلف 
 

و دي محتاجة تفتيش و لا تدوير ..الأخوان و اللي مش منهم بس بيحترمهم .... و بس ..

[herohero]

2 hours ago, Scorpion said:

و دي محتاجة تفتيش و لا تدوير ..الأخوان و اللي مش منهم بس بيحترمهم .... و بس ..

استاذي الفاضل طبعا احنا حواراتنا مبنية ع منطقية النقاش 
وعشان كده بنتناقش وبنفكر بعيدا عن القوالب الثابتة 
 

حضرتك حصل تفجير وعمل ارهابي في دور عبادة مسيحية يبقى الطبيعي والمنطقي ان من قام بهذا العمل هو الاخوان او المتشددين الاسلاميين !!!! ايه الجديد ؟؟

يعني لو محصلش تفجير للكنيسة هيكون في تاييد للاخوان المسلمين ؟؟ عزيزي النتيجه واحدة الاخوان المسلمين انتهوا 

 

فالمنطقي يتشالوا من الحسابات 

 

كنت اتوقع من حضرتك ان مثلا تقول ان اللي قاعد ف العربية بيتفرج ع اللي داخل واللي طالع وحسب التسجيل المذاع ان الشخص دخل من امام سيارة الشرطة المسئولة عن التامين بكل اريحيه وروقان ومفيش تفتيش والا 12 كيلو يدخلوا ازاي ؟؟

استاذي العزيز باكدها لك ان اللي عمل الحدث الاجرامي ده 
هو اللي زعل جدااااااااااااا  من توحد المصريين في 25 يناير  
 وفي اي مشهد في 30 يونيو 
خايف من تكرار هذه الوحدة 

 

 

تم تعديل 14 ديسمبر 2016 بواسطة herohero

[Scorpion]

منطقية النقاش !! ماشي ..
المنطقية بتقولك ان مش من مصلحة الحكومة ابدآ انها تخسر المسيحيين و تخليهم يتمردوا عليها  ..
المنطقية بتقولك ان الضرب شغال بعنف في المسيحيين علشان يوصلوا للنقطة دي.. نقطة الأحباط  التام و الغضب و التخلي عن دعم الحكومة و رئيسها .. 

 كمسيحي اقولك انا اللي بيحصل كل مرة بيعملوا مصيبة زي دي  ... العلاقة بيننا بتقوي اكتر ... و ما بيحصلش شرخ زي ما اللي بيحرك خرفان الأخوان عايز  ...
 يا مؤمن .اللي بتدافع عنهم مرة يلبسوها في الدولة و مرة يقولولك لأ  دول أقباط المهجر هما اللي بيفجروها ..مع ان الصورة واضحة تمامآ و مفهوم مين اللي عايز يعمل شرخ..  و اللي عمره من غير ما تزعل  حيحصل ... عارف ليه  ..
علشان أغلبية مسلمين مصر .. مسلمين بحق و حقيقي .. زي ما أغلبية المسيحيين فيها ..  مسيحيين بحق و حقيقي...

[tarek hassan]

7 ساعات مضت, herohero said:

عزيزي فتش كده ودور من المستفيد من شق الصف الوطني ؟؟ من المستفيد من ان الشعب مايبقاش متآلف 
عشان كده سياسة فرق تسد سياسة مهمة ومطلوبة وناجحه جدااااااااا

هو أنت تسأل هنا وتجاوب هناك .....

يا سلام على الأسلوب

دائما وأبدا هو نفس الأسلوب

ونفس الكذب
والغريبة مع كل تفجير في كنيسة ودون مبالاة بالمعترفين والمقبوض عليهم وصور الانتحاري لسه الكذب والتبلي شغال  
بالأمس كان حبيب العادلي من فجر واليوم السيسي 

دائما وأبدا عايزين حد تاني يتحاسب على جرائمهم 

فكر مرة وأنت بتنقل عن الكذابين الضالين الغدارين

 

 

[عادل أبوزيد]

مضطر أعقب  ....  مشاركات حضرتك  و نحن نذرف الدموع  تأخذ شكل ال "نأوزة"  أم أنك مش واخد بالك

ليتك تتكلم على بلاطة بلا لف و دوران نحن لسنا في فصل دراسي و أنت "تتنأوز" و تخفي رأسك تحت الدرج

ما يبدو لي أنك لم تعطي الحدث أي قدر من الجدية و الاهتمام  ...  براحتك..

لكن أكيد حضرتك بتفهم  و أكيد تعرف و لو بالخبرة الحياتية  ما يقال أمام الحزانى مثلنا

[tarek hassan]

11 ساعات مضت, عادل أبوزيد said:

مضطر أعقب  ....  مشاركات حضرتك  و نحن نذرف الدموع  تأخذ شكل ال "نأوزة"  أم أنك مش واخد بالك

ليتك تتكلم على بلاطة بلا لف و دوران نحن لسنا في فصل دراسي و أنت "تتنأوز" و تخفي رأسك تحت الدرج

ما يبدو لي أنك لم تعطي الحدث أي قدر من الجدية و الاهتمام  ...  براحتك..

لكن أكيد حضرتك بتفهم  و أكيد تعرف و لو بالخبرة الحياتية  ما يقال أمام الحزانى مثلنا

هو لا ينظر إلى الحدث ذاته إن كان إخوانيا أو ناقلا عنهم

فالإخوان ليس مهما عندهم الدماء ...ولا يعنيهم الأشلاء والشهداء

ما يهم هي نتيجة العملية

هل وقع الأٌقباط في السيسي وتخلوا عن تأييدهم له ؟

وهل وقعت الفتنة بينه وبينهم ولا لاء

الدنيا مخربتش ليه في مصر كما خطط لها وكما أريد ؟

إيه الهدوء ده .... ليه كده يا أقباط مصر

ليه خذلتمونا ؟

وداخل يشاور تضليلا في الاتجاه الخطأ ليبعد التهمة عنهم وعلهم ينجحوا في إلصاق التهمة كالعادة بغيرهم

هو دا المهم

دا حتى نسى وهو في المأتم ذاته إنه يقول البقاء لله ....!!!  

حاجه تلبخ من الاستعجال

[Scorpion]

8 ساعات مضت, tarek hassan said:

 

 

ما يهم هي نتيجة العملية

 

وهل وقعت الفتنة بينه وبينهم ولا لاء

 

 

 

عندما ينشد الشيخ في عزاء صديق له مسيحي شهيد سورة مريم ....  عندمت تذرف امهات المسلمين الدموع عند مرور توابيت أمهات مسيحيات ضحايا أرهاب قذر جبان خسيس .. فهذا هو الرد الواضح الجلي ..

لم و لن يفلحوا  أبدآ عزيزي طارق ... 
لم و لن نكون ابدآ الحلقة الضعيفة التي يولجون منها ..

ادرسوا تاريخها جيدآ و ستعلمون ان الفشل كان دائما من نصيب من حاول الولوج في هذا الدرب ....